شاى احمد ..و اللا كيك مونجينى

اه بحب الكيك اللى معمول بضمير و خصوصا لو كيك بالزبيب..مالها الذاكرة مش مظبتة كده ؟ انزل اروح محل مونجينى اقوم ادخل سعودى ؟ و دخلت جوه المحل كمان و صحيت من الدهولة دى انى امام مكان الشاى ..تنحت عنده كتير و يتهيئلى انى كنت بكلم نفسى : اجيب ده و اللا ده ؟...الراجل اللى جنبى شد ايد ابنه و بعد..ايه العبيط ده ؟ مخى فيه مليوووووووووووون حاجة....ما بين شغل البيت و التصبين و الغسيل و اكل القط و تدميس الفول ( بس اتلسع)..و فى نفس الوقت ماما عايزة حاجات و بابا كمان ..و كمان طالبة ان احمد عايز افلام سى دى...الحل عشان ترتيب المخ هو المشى...فارجلية وديتنى عند سعودى و بالذات عند الشاى...مجبتش قهوة الصراحة عشان مفيش احسن من قهوة عبد المعبود...جبت شاى اسمه شاى احمد و كمان اشتريت مج جديد عليه عنب عشان نهارنا يبقى عنب...بشرب من الشاى ده من امبارح لما طلعلى كرش و شكلى يا امما حرجع يا اما حتسمم..وال انا كنت عاوزة اطبخ ملوخية كمان....هو انا جبت ملوخية مونتانا اه بس معملتوش الصراحة مش طالبة نفخة...كنت حجيب بلوبيف بس حسيت انى حرجع..كنت حجرب لبن الصويا ايه لبن الصويا ده؟ كنت حرجع برضه..قمت كلت تونة حاف بالشوكة..اقوم ارجع بقى