الشخص اللزج فى اليوم الحر

قهوة الصباح للأسف فارت على النار نظرا لانشغالى بلبس هدومى على السريع ..فلقد بت ليلة ليلاء نظرا للحر ودماغى اللى عمالة تودى وتجيب وعمالة أضرب أخماس فى اسداس عشان الدبلومة كده ثبتتنى فى الحيطة وانا بفلفص..ناس طالبة منى حاجات بالهبل يا رب ما أنسى اللى عاوزينه ..بتعمد انى استعمل الذاكرة بدلا من السير بورقة فى يدى زى العبيطة كده بكتب فيها ديوتيز بتاعت اليوم بس شكلى حعمل كده نظرا للالزهيمر الذى يسرى كما النار فى الهشيم فى ذروة مرور الايام على السريع لدرجة انى بقعد أفكر احنا النهاردة ايه ؟..أل الدبلومة حنذاكرلها من مراجع ..لأ حضرتك انا مقدمة على دبلون مش ماستر ..حتذاكرى من مراجع ..راجل سماوى انا سميته كده خلاص ..شخص لزج وعرقان على طول حاجة تقرف وكمان منافق ..شوفوا الجمال والحلاوة ؟ يعنى لا فيه ورق والمحاضر بتاع امبارح مجاش ..الحلاوة بقى أكتر انه ساب كل الناس ومسكنى انا قاللى ان عددنا 24 يمكن واللا 25 بس اللى موجود 19 بس اللى ماضى ال25 ..ازاى يا دكتورة ؟ الجو حر وخانقة وهو جاى يسألنى انا روحت بصاله بقرف وقلتله مليش دعوة انا باللى بتقوله وسيبته يكمل كلامه ومشيت ..انا ناقصة هطل وبتاع فى الحر ده ؟..المكان اللى احنا فيه قديم قوى ..اللى جامبى قالتلى فاكرة أيام الجامعة الامريكية ..اتحسرت عليها وافتكرت الكلاب ساندوتش ..المكان حاطين تمثال شكله وحش وعامل بوز زبالة يعنى ..لما شفته قعدت أضحك ..حصوره بكرة ان شاء الله بس على الله يكون لسه هناك وميكونش سيماوى شاله ..شخص لزج لزج يعنى ..طلعنا منها على خير يا رب