اخر ايام الصيف:على شط النيل
انا كنت فاكرة ان على كوبرى الجامعة بس الناس بتبوس بعضاتارى الفرنش بيتعمله براكتيس كمان فى اللانشات اللى ماشية فى النيل بتتمخطر
انا جت علييا بالضحك لما لقيت البوسة طولت والناس اللى بيتفرجوا متنحة
كانوا مستنيين ايه ؟
ده بيفكرنى على كوبرى 6 اكتوبر لما العربية اللى قوداااااااام قوى ضربت واحد
والكوبرى بقى طبعا ماشى تاتا تاتا
ولما قربنا من اللى مرمى سايح فى دمه فى الارض
ما شاء الله -حمير واقفة بتبص عليه وهو فى كوما وبينزف من راسه
الله يخرب بيت الحمير
الراجل مفيش اوكسوجين فى مخه وبينزف وعاملين دايرة حواليه
نزلت اشوف الموقف المنيل ده
سألت سؤال واحد :حد طلب الاسعاف ؟
كل التيران اللى معاها موبايلات ردوا : لأ
جدعان ..وبيجرى فى عروقكم خرا مش ميه ساقعة
يا بغال منك ليه من على الموبايل 123 أطلبه وقول مكان الحدثة وحالة العيان ..مثلا مش فايق ..مش بيتنفس كويس
والنمرة دى ببلاش على الموبايل يعنى حتى لو الكارت خلصان ممكن تتصل
ومن اى ميناتل كمان كده ترفع السماعة وتطلب 123 حترد
الراجل شيلناه وجرينا على العجوزة ..سلمته ومشيت
هما بقى يشيلوا الليلة هناك فى المستشفى
كفاية التظبيطة بتاعته فى الاسعاف نفسها ..جوا العربية يعنى
ده مثال بسيط لأى بروبلم مانجمنت لمجموعة من التيران البرية
posted by reham @ 8:18 AM
22 Comments:
انتى دكتورة فى مستشفى أيه ؟
اكيد مستشفى الشرطة
الله يكون فى عون العيان اللى هايوقع تحت ايدك
طب بزمتك انتى قلتى للناس اللى واقفه حد طلب الاسعاف يا تور منك له
ولا ده كان فى سرك
عموما احنا كده شعب نحب الفرجة نتفرج على اى حاجة والسلام ونتنح لحد ما ييجى اى عسكرى ويهش الناس زى المعيز
تحيا جمهورية مصر العربية
يا بدراوى انا مليش فى المستشفى دى اللى انت جبت سيرتها وطبعا للتيران دول مقولتش ليهم يا تور منك ليه انا مش ناقصة أحصل العيان..وبعدين العيان اللى يقع تحت ايدى يا بخته يا سعده يا هناه
الناس مستنية اي فرصة .. بوسة، حادثة، فضيحة، خناقة، واحد ميت، واحد عندة 50سنة و ماشي ف التحرير عريان و بيعيط، واحدة تكلم نفسها قدام وزارة العدل، الفوازير و فلوسها... اي حاجة المهم ينسوا شوية موضوع الزيت و السمن و الاكل و المدرسة و العيال و الشغل، و رمضان و العيد، و المواصلات، و المرتب و التعين و الجواز
يعني
و اهو كله مسكنات اسبرين يعني
الأزمة انهم بيرجعوا تاني
بقى بزمتك كده العيان اللى بيوقع تحت ايدك ياسعده ياهناه
ده انا حتى اعرف ان الجراحين دول مفتريين قوى معندهمش رحمة واسهل حاجة عندهم ضربة المشرط
هو الكلام ده صحيح ؟
mr.
خطوة عزيزة البلوج نور والله ..أحب أوضح نقطة ان الاسبرين حتى ده كمان حيغلى ..الغربة اضل من الاغتراب واللا ايه يا جدعان ؟
بدراوى صديقى اللدود: انت جيت تحت ايدى قبل كده ؟
والله يادكتورة معتقدش انى جيت تحت ايدك قبل كده ولاتحت ايد أي من الدكاترة الافاضل
وإن كنت شوفت مرة دكتور جراح وهوه بيشرح واحد صاحبى ـ قصدى بيعمله عملية ـ بصراحة عندكم اعصاب قاتل محترف وبتقطعوا فى أجسام البشر بدم بارد
وكله فى خدمة البشرية
اى خدمة يا باشا
لأ احنا بس بنبقى مركزين شوية واحنا بنشتغل ..لو شفت جسم الانسان من جوه حتحبه والله ..تلاقيك كنت بتبص على صاحبك وهو بيتخيط فى ايده واللا حاجة ..مشفتش انت جوه العمليات بيحصل ايه بجد..بدراوى انت من عيلة النيل بدراوى واللا حاجة؟ أصلى شاكة فيك الصراحه
اسم بدراوى ده مش اسم عيلة ولا حاجة ولا ليا علاقة بالنيل بدراوى ولا الدكتور حسام بدراوى ولا اى شخص جده اسمه بدراوى السم ليه حكاية واصل تانى
انا راجل غلبان واصلا صعيدى ابا عن جد ومتغرب فى بلاد الله لحد ما بلدنا تحن علينا
عموما انا شوفت عمليتين مش عملية واحدة واحدة كانت جراحة الدكتور فتح بطن الواد قدامى فى اقل من ثانية كان فاتح جرح اكتر من 30 سم والتانية جراحة فى رجل واحد علشان يشيلوا المسامير والشرايح منها والدكتور رئيس قسم العظام فى مستشفى جامعى كان بينشر فى عضم الواد ولا اجدع نجار
انا بحب عمليات البطن ..العظام مش بحبها بس بيشتغلوها فى القوضة اللى جمبنا ..وبعدين الصعايدة هما اصل البلد وعموما اللى اصله صعيدى مشفتش منه حاجة وحشة ..أوعى تكسر القاعدة يا بدراوى
انا مبحبش اكسر اى حاجة لا القاعدة ولا حتى اشارة المرور
عموما الصعايدة ميبعملوش حاجة وحشة غير مع اللى بيحاول يأذيهم بس غير كده هما فعلا طيبين
طيب بزمتك مش انا طيب
انا طيب؟ سؤال عجيب يا بدراوى عشان انت اصلا شكلك شرير وعمال تسألنى كتير زى المحقق صاحبى بتاع عيانة النسا
انا شرير يا ريهام
برضه كده
بعد ده كله وتقولى عليا شرير
ده انا بحرم نفسى من العشى علشان تستعشى
هههههههههههههههههههههه
ماليش دعوة بصاحبك ده بتاع النيابة وبعدين انا اصلا نص الاسئلة الى بسألهالك مش بتجاوبى عليها وكده ممكن اخد موقف قانونى مش فى صالحك
الا مين ده اللى قدم فيكى الشكوى بتاعة النسا دى ؟
اكيد واحد بيعزك قوى واحتمال يكون دكتور من المنافسين
انا ربنا رازقنى بشوية ناس كده بيعزونى زى عنيهم الهى تتقلع
طبعا الى بيعزوكى دول دكاترة زومل يعنى
معلش اصل المثل بيقول ما عدوك الا ابن كارك
سمعتى المثل ده
شكلك بتقعد قصاد التليفزيون كتير يا بدراوى ..انا قلت لك قبل كده اخرج اتفسح فى الويك اند دنتا فى دبى يا ابنى
ده انتى اللى بتتفرجى على التلفيزيون كتير الظاهر علشان الفكرة اللى واخداها عن دبى
دبى اللى فى التليفيزيون للسياح بس
وبعدين انا بخرج مع اصحابى بس بنزهق مفيش اماكن جديدة لأن اخرنا نروح مول تجارى ولا نقعد على كافيه
الجديد بقى ان الواحد يروح ديسكو ولا يصاحبله بنت حلوه يقضى معاها يومين ويعيش حياته وساعتها يعرف يخرج ويتفسح بجد وانا الكلام ده مليش فيه الصراحة مبشربوش
مش بقولك صعيدى انتى مش مصدقانى
ديسكو وتصاحبلى بنت ؟ يا حلاوتك ..احنا بقينا بناخود الخرا بتاع البلاد التانية ونقلدهم زى البقر..اسمحلى بقى امتناعك عن الحاجات دى مش تقليد صعيدى ..ده واحد بيتقى الله فى نفسه وصحته والبنت اللى ناوى يتهبب معاها ..انا عارفة ان الحاجات دى على عينك يا تاجر واللى ما يشترى يتفرج ..الكنترول بقى للبنى ادم بيجى من جواه عشان بصراحة اللى معروض دلوقتى بقى اكتر من الطلب حسب السياسة المتبعة لتطبيق منظومة السوق الحر فى ظل تطبيق نظرية العرض والطلب..ومحدش يسألنى فى الكلام ده عشان انا مش فاهمة منه ولا حاجة ..تحياتى وبرفعلك قبعة ..استمر فى اللى انت بتعمله وانت كده مش دقة قديمة ولا صعيدى
لاحول ولاقوة الا بالله
هوه لاكده نافع ولا كده نافع
ما قولتلك انتى بتشوفى دبى دى فى التلفزيون بس
لكن فى الواقع محدش يعرفها غير الى عاش فيها
دى قطعة من جهنم
فيها فلوس صحيح . فيها احترام للبشر أيا كانوا وحقوقهم فعلا . فيها تحضر ورقى حقيقى
لكن فيها أبليس شخصيا اعوز بالله
ده انا لو أحكيلك يا ريهام على اللى بيحصل معايا وبشوفه فى الشوارع كنتى رقعتى بالصوت الحيانى
اللى اقدر اقولهولك ان الشاب اللى بيلتزم ويخليه فى حاله وفى شغله بس هنا ربنا هايكتبله الجنه ان شاء الله علشان استحمل ده كله
رجعونى مصر بدل ما اخربلكم الدنيا هنا
أرقع بالصوت الحيانى ؟ ده انت اتعودت علييا قوى يا بدراوى ..احنا بالصلاة على النبى عاوزين نوصل لدبى وانت تقوللى تنزل مصر؟ ..وماله انزل مصر وبدل ما تسمى نفسك بدراوى أقلبه شبراوى واسرح بعربية فول بس أوعى تنافسنى يا بدراوى ..أوعى تزعل من كلامى انت صديقى اللدود أعمل فيه اللى انا عاوزاه ..مش بقولك اللى يقع تحت ايدى يا سعده يا هناه
لو عاوزة تيجى دبى قوليلى
بس تدفعى كام ؟هههههههههههه
louis vuitton, nike free, ugg boots, ralph lauren pas cher, kate spade outlet, louis vuitton, louis vuitton outlet, ray ban sunglasses, louis vuitton, louboutin outlet, longchamp outlet, tory burch outlet, uggs on sale, ray ban sunglasses, louis vuitton outlet, nike air max, cheap oakley sunglasses, nike outlet, longchamp, polo ralph lauren outlet, prada handbags, nike free, nike roshe run, ray ban sunglasses, longchamp pas cher, tiffany and co, tiffany jewelry, air jordan pas cher, gucci outlet, louboutin pas cher, replica watches, jordan shoes, michael kors, oakley sunglasses, sac longchamp, polo ralph lauren outlet, nike air max, louboutin, oakley sunglasses, oakley sunglasses, longchamp outlet, oakley sunglasses, air max, burberry, ugg boots, replica watches, christian louboutin outlet, chanel handbags, prada outlet, louboutin shoes
moncler, moncler, thomas sabo, ugg pas cher, moncler outlet, moncler, canada goose uk, louis vuitton, marc jacobs, doudoune canada goose, canada goose, links of london, pandora charms, hollister, louis vuitton, pandora jewelry, toms shoes, moncler, coach outlet, ugg,ugg australia,ugg italia, bottes ugg, louis vuitton, moncler, replica watches, moncler, louis vuitton, pandora jewelry, juicy couture outlet, juicy couture outlet, montre pas cher, canada goose outlet, ugg boots uk, karen millen, canada goose outlet, canada goose, supra shoes, swarovski, sac louis vuitton pas cher, pandora charms, ugg,uggs,uggs canada, wedding dresses, swarovski crystal, canada goose, moncler, canada goose
Post a Comment
<< Home