iwan, you rock !
امبارح كان عجيب قوى ..روحت بيت تيتا الله يرحمها اتفرج عليه ..المكان اتغير طبعا بعد التغييرات البسيطة فيه ..شكله زغلل فى عينايا وقلت ده ينفع عيادة تمام ..وانا بقفل الشقة قلت لنفسى ان خلاص اللى كنت بحلم بيه من كام سنة من ساعة ما اتخرجت كله اتغير زى الدنيا كلها ..من اول 2001 بعد ما خلصت الامتياز وكله اتغير ..انا عاوزة عيادة بجد ؟ واكتب على اليافطة د.ريهام حسن دبلوم جراحة أورام وجراحة الثدى ؟..يعنى ..مش ده اللى عاوزاه ..العيادة دلوقتى بقت من الاحلام اللى مش عاوزة اعملها ..انا بحب شغل المستشفيات اكتر وشغل الطوارئ ولازم اكمل فى الهيصة دى واكيد حتدى على المدى البعيد ..زى ما قلت لنفسى ان خلاص جوازى من زميلى راح لحاله ..العيادة برضة طز فيها ..لما احب اجرج فى الدنيا بقى ابقى افتحها اذا جالى مزاج يعنى قودام كده ...مش عارفة امتى الصراحة ..قريت لتيتا الفتحة ومشيت ..معرفش افتكرت عمتى رحت مكلماها فى اسكندرية ..لسه غارزة فى تجديد الشقة اللى البحر كالها ..كده مرواح اسكندرية تانى مش مضمون يا عمتى بقى الصيفية دى ..ما علينا ..عمتى دى أول مرة فى حياتى اشوفها مطنشانى خالص ومركزة قوى فى التليفزيون لما جت مينى سيريس لدكتور زيفاجو على حلقتين ..انا برضة بحب القصة دى قوى قوى ..ملهاش حل ..جميلة ورومانسية ..لازم اقراها ..هى لكاتب اسمه بوريس باسترناك ..اكيد هى اون لاين ..المهم روحت البيت وحملت ألبوم ايوان الجديد ..تحفة والله اجمل ألبوم سمعته فى الصيف ده ..هو ايوان اصلا انا بموت فيه ..الاغانى اللبنانى اصلا عسل والكتب السورى تخليك يغمى عليك من اساسه ..اوعدنا يا رب اننى ازور بلاد الشام مرة فى حياتى ..المنطقة دى فيها حاجة عجيبة ..انا قربت منها من ناحية العريش لما جبت خوخ سيناوى وانا بوصل عيان ..طول السكة بسمع فيروز والمسعف والسواق اللى معايا كانوا مرعوبين ..والمسعف نزل فى نص السكة وسابنى اكمل مع السواق لحد ما اوصل العيان اللى معايا ..كنت خايفة الصراحة بس القرب من منطقة بلاد الشام دى خليتنى فى موود تانى ..راحة نفسية عجيبة واحساس بالسعادة عجيب ..حسيت انى منتعشة كده وتركيزى عالى بالرغم من طول الرحلة والعيان اللى فطس منى كام مرة على الطريق..نفسى اشوفها على الطبيعة بجد البلاد دى ..ربنا يوعدنى بس ..المهم ايوان ده وانا بسمعله ارجع لييا ولسه بفتح كتاب الاجنحة المتكسرة لجبران خليل جبران ..ومع اول جملتين فى الكتاب وانا بسمع الاغنية ..لقيت نفسى بعيط الصراحة ..ايه الكتب اللى تخللى الواحد يغمى عليه دى ؟
posted by reham @ 1:00 AM
6 Comments:
هيا ايه الكتب اللى تخلى الواحد يغمى عليه دى ؟
هيا فيها بنج ولا أيه ؟
وليه العيادة بقت من الاحلام اللى مش عاوزة تعمليها
وايه علاقة العيادة بجوازك من زميلك اللى راح لحالة
وايه حكاية العيان اللى كنتى بتوصليه ؟ هو كان تايه ولا أيه ؟ وايه اللى نزل المسعف فى نص السكة ؟ هو انتوا كنتوا ناقلين مخدرات فى عربية الاسعاف ولا أيه ؟ اما مسعف جبان بصحيح
وايه علاقة الحالة النفسية بالخوخ السيناوى ؟ وايه علاقة فيروز بالعيان اللى كان تايه ده ؟ ولا علاقة المسعف بالمخدرات اللى فى العربية ؟ وايه علاقة اليافطة اللى عليها أسمك بعمتك اللى فى اسكندرية ؟ وايه علاقة جراحة الثدى بجبران خليل جبران ؟
هو فيه ايه ؟
كلامك المرة دى مليان شجن
بتفكرنى بواحد وكيل نيابة صحبى لما رحنا التحقيق فى النيابة الادارية ..كل اسئلتك بتدور حوالين الجريمة ..زيه بالظبط..وفى الاخر طلع واحد ابن حرام كاتب اسمى على اساس انى انا اللى كشفت على عيانة النسا مع انى اصلا مش دكتورة نسا ..فكرتنى بالزى مضى يا بدراوى
ااااااااه
نيابة إدارية
ده انتى ليكى سوابق مع النيابة اهه
هو الذى مضى ده بقاله كام سنه
محسسانى انك طلعتى معاش خلاص
lol
انا بقالى 3 سنين فى معجنة ..ده كان فى 2005 وحياتك
معجنة برضه يا دكتوره
انتى قلتيلى منين بجد ؟
louis vuitton, nike free, ugg boots, ralph lauren pas cher, kate spade outlet, louis vuitton, louis vuitton outlet, ray ban sunglasses, louis vuitton, louboutin outlet, longchamp outlet, tory burch outlet, uggs on sale, ray ban sunglasses, louis vuitton outlet, nike air max, cheap oakley sunglasses, nike outlet, longchamp, polo ralph lauren outlet, prada handbags, nike free, nike roshe run, ray ban sunglasses, longchamp pas cher, tiffany and co, tiffany jewelry, air jordan pas cher, gucci outlet, louboutin pas cher, replica watches, jordan shoes, michael kors, oakley sunglasses, sac longchamp, polo ralph lauren outlet, nike air max, louboutin, oakley sunglasses, oakley sunglasses, longchamp outlet, oakley sunglasses, air max, burberry, ugg boots, replica watches, christian louboutin outlet, chanel handbags, prada outlet, louboutin shoes
Post a Comment
<< Home