بتاع الاسانسير
كنت عاوزة شوية ورق للرسالة عشان اطبعه,استرخصت و رحت اطبعه فى مكتبة المستشفى ..الصراحة انا زوغت من المحاضرة عشان مش طالبة معايا ان ضغطى يعلى ..المهم رحت المكتبة و اسامة زميلى هو اللى دفعلى-جدع يا أوس_و كمان عازمنى على غدا فلاحى يرم العضم زى ما بيقول-الله يسترك يا اسامة-لسه فيه ناس طيبين-بالرغم انه قاللى انهم ماشيين الله ينور فى خصخصة كل شئ و لا حول ولا قوة الا بك يا الله-حتى المستشفيات يا أوس؟..ايوه يا بنتى بلاش نوم فى العسل بقى يا ريهام..انا مش عارفة حاعمل ايه لما الدور ييجى علينا يا اسامة؟..ولا يهمك ربك يدبرها..خرجت بعد ما اتفقنا على معاد الغدا و مشيت فى هول المستشفى..شكلها اتغير و حبى ليها كمان اتغير ..روحها و ريحتها مش هييا..الناس اللى فيها كمان اتغيروا..حبايبنا كلهم سابوكى يا مستشفى اخرهم واحد اتصل بييا من السعودية بيقوللى كل المستشفى هنا يا ريهام تعالى بقى معانا عشان نرجع ايام النبتشيات و الهيصة و الضحك و احلى نتايج للعيانيين..مش قادرة اسيب مصر ..مش قادرة ..هنا فيه حاجة بحبها مش عارفة ايه؟..كل الاهل و الصحاب بعدوا ..ايوه كل واحد ماشى بيبص تحت رجليه..ايوه انا عارفة ان الطوفان جاى ..بس انا بحب هنا..انا عايشة هنا..انا عارفة انى ممكن اعمل فلوس بره..بس مش حاعرف اعيش اللا هنا و ربنا يرزقنى بالحلال و يرضينى ..انا حستنى ..انتوا مش فاهمين..لما سمعت الاغنية بتاعة حسين الجسمى فى اخر فيلم الرهينة ..انا عيطت و الله عيطت ..ايوه انا بحب مصر و مهما بعدت عنك حارجعلك ..حبقى هنا و هناك ..انتى هنا فيكى كل اللى اعرفهم و كان فيكى اول دقة قلب و فيكى ناس طيبة ..ايوه اللى بيوقفنى الناس الطيبة و اللى محتاجة ..انا كمان محتاجة ..بس اعمل ايه؟ مفيش حل اللا انى ابقى بين هنا و هناك ..بس حابقى متصلة بيكى على طول -انا ناوية على كدة ان شاء الله...ايوه انا عيطت لما قريت جملة "احنا غلابة اوى " فى قصة البلدة الاخرى لابراهيم عبد المجيد..ايوه عيطت عشان كلنا تعبانين ..ايوه انا دكتور بس انا من فئة"غلابة اوى"..قالهالى بتاع الاسانسير اللى ركبته جوه المستشفى "كده؟ كده برضه تسبينا ؟سبتينا ليه يا دكتورة؟ارجعى بقى"..معرفتش ارد عليه ..طب حاقول ايه لو رديت؟...ايوه احاسيسى هنا ..انا لما سبتكوا محدش حس بالعياط اللى انا عيطته..انا زى ماكون بتسلخ من جلدى لما سبتكوا ..بس بردوا انا لسه بحبكوا و الله و نسيت القرف اللى فات ..بس لحد امتى حستنى حياتى لما تبتدى؟ لازم ابص شوية لنفسى..عشان كده معلش سامحونى انا حبقى انانية شوية ..بس اوعدكوا مش حتأخر عليكوا و حأرجع ..ان شاء الله
posted by reham @ 10:07 AM
3 Comments:
Reham,
بلدى الى اخاف عليها هيا البلد الى اعيش فيها مواطن كريم و حر ليا فيها حقوق و واجبات
most of the egyptian youth have left the country to work in the gulf, logic because they want to marry and have a "DECENT" paycheck. The others who did have this chance are sitting on "القهوة"
لو حد قالى خد بندقية و دافع عن بلدك اقوله ايه؟
ادافع عن الهنا الى انا فيه؟ و لا عن شوية حرامية و افاقين و مستهترين بادامية و كرامة المصريين؟
get real and don't get wattery infront of songs and movies
N.B: I HATED "el rahina", the movie sucks in many ways I can't even begin to list what's wrong with it.
dah kan ta2 7anak bass , am in the immigration process ya waladi :)
dah kan ta2 7anak bass ya waladi :) , el rahina zay el atran , ya khosaret el money
Post a Comment
<< Home