باليه النيل
لييا علاقة و لا مؤاخذة خاصة بالنيل من أول مين اطول نهر فى العالم و اللى حتى الان مش عارفة و الله هو نهر النيل و اللا المسيسبى بس اكيد هو المسيسبى فى ظل عالم احادى القطبية..انتهاء باختيارى مكان سبيشيال قلت عليه هوه ده لما اتخطب ابقى اجى هنا معاه يمكن ربنا يفتح عليه و يقوللى كلام حب و اذا اتهور شوية ابقى ارميه فى النيل ..و لكن نظرا لانى مفيش حاجة تيل ناو قلت اعدى كده على المكان اللى لقيتوه بقى وكر لا مؤاخذة..طبعا مشيت بس مكنتش زعلانة هوه ايه اصلا اللى متغيرش؟..لسه شايلة جواية ذكريات حلوة للنيل ..و ربنا بيزودلى الذكريات الجميلة للنيل يعنى لما اتعزمت فى فرح كان فى مركب راسية على النيل-اقتصادى و رومانسى و الاكل مش بطال و الله فكرة احسن من الاوتيل-و انا ببص من الشباك من خلال الازاز -عشان زهقت من شكل العروسة:ايه ده؟عروسة المولد؟-الدى جيه الله يكرمه شغل اغنية سلو بعزف بيانو و طلعت اغنية اليسا خلينى اعيش ..و مع شوية دخان الوان فكرنى باخر اعتداء لاسرائيل على رام الله و اللى جابتة الجزيرة على الهوا من كان يوم..كان جو جميل و لقيتنى سبت فكرة:"الويز ذا ميد اند نفر ذا برايد"تترمى فى النيل و افتكرت فيلم ماى بست فريند ودينج لما جوليا قامت رقصت و هى بتضحك فى اخر الفيلم و كانت ناوية "تو لت جو"..ابتسمت و كنت مبسوطة..مرة تانية كنت بتمشى على كوبرى قصر النيل و بصيت للنيل :هى ليه ميته دى مش بتندلق من على الكرة الارضية و هى بتلف؟و افتكرت قوانين الفيزيا و ابتسمت..مرة و انا فى سنة خامسة شفت اعلان :باليه+عزف بيانو فى الاوبرا لعمر خيرت فى استعراض جديد اسمه باليه النيل..لبست شيك و رحت ..عمرى ما حنسى الجمال و الروعة و الاحساس التحفة اللى جالى و انا هناك ..كان من اجمل الحاجات اللى شفتها فى حياتى ..بغض النظر انى شفته 5 مرات فى الاوبرا ..مش قادرة انساه ..زى ما انا مش قادرة انسى الفيلم عن اينشتاين و لا عن الكوانتم و لاعن دوومز داى..و الباقى فى الذكريات الحلو بقى بخليه و الباقى برميه فى النيل ..بس لما بحب اغسل بغسل على البحر ..اسكندرية بالذات مش اى حتة..مع شوية لف فى خالد بن الوليد على سابا باشا..و مع اول قطمة فول على شوية جمبرى على برارس بانسى كلة و يا سلام بقى لو شوية شاى بنعناع على البحر قرب العصر و الشمس بتلم الشنطة عشان ماشية و يا سلام لو احمد اخويا ما نامش منى فى السكة عشان انا كمان بنام الصراحة و كنا اخر مرة حنخبط على الصحراوى ...بتبقى اجازة فلة..بس دلوقتى مفيش باليه و لا فى النيل .. ..
posted by reham @ 2:49 AM
2 Comments:
i admire your love affair with food and beverages:), the nile is a good place to unwind and figure out how fast life takes you without noticing the beautifull things in life.
catch you later ..
wallahi ya mo2men ana lamma tele3t men el awa2l 3ala el madrasa beta3ti fee sanaweya 3amma , edouni hedeya 3ebara 3an ketabein:1- l'apocalyse, nazel movie be2sm apocalypto 2- ketab tani esmo :gourmet, ya3ni el akl wel tabeikh we keda ..and with the new year's resolutions, i decided to be not only an amateur in cooking , la2, a pro :)
Post a Comment
<< Home