مجرد تنضيف
تم بحمد الله و توفيقه الانتهاء من ترتيب المكتبة سواء فى القوضة اليمين او الشمال و طبعا تم رمى كتب طب بالكيلو غير مأسوف عليها و تم كسر زير وراهم...كانوا كابسين على نفسى يا ساتر.. و نظرت فوق الدولاب :"يا لهوى" حيث انه قد هوى علييا كومة كتب فيها بق مفتوح بتاعة اسنان تبع اخويا يعنى..قمت من تحت الكومة و انا ما زلت اسمع تهديدات ماما : و الله اذا ما لميتى المكتبة لانا عاملة و مسوية..طب ما تعمل هو انا حيهمنى.."و كمان حرمى ميكى "..كله الا ده .."و رجل المستحيل"..لأ مش قادرة اسمع كفاية!..المهم اليوم انتهى على لم اللازم و رمى اللى مش مهم ..بس وقعت فى ايدى شوية كتب تجنن..افتكر انى كنت اشتريتها من عند اكشاك الكتب القديمة فى السيدة زينب و دى لما اشتريتهم كانوا صفقة و ربنا هو اللى خلانى اروح اليوم ده بالذات حيث اننى كنت راجعة من جامعة عين شمس و ركبت سى تى ايه غلط و قلت انزل السيدة اهو اقرالى الفتحة او اشرب شاى على القهوة و دى هواية جديدة لييا بنميها..قامت الكتب دى لقيتها كلها امامى ..و طبعا كان الجيب دفيان فدفعت 36 جنيه فيهم ..هم 15 كتاب ,مجموعة الاطفال بتاعة شارلى براون عن كل شئ فى الكون ,واللى ظهرت لييا انها مهمة لييا برضه نظرا لانشغالى بالطب لدرجة انى نسيت باقية الحاجات التانية فى الدنيا ما عدا الجزيرة طبعا اللى هاريانى اخبار على رأس الساعة..الكتب جميلة و لذيذة و يا اما حقراهم لأولادى فى المستقبل ان شاء الله يا اما حجيب بطانية و اقعد اقراهم لوحدى جنب الدفاية
posted by reham @ 5:13 AM
2 Comments:
One of my perfect moments is one i have a good converstaion with a friend on "el ahwa", sipping mint tea and smoking all the tar and tobacco from an apple shisha ..
I don't know why i'm telling you this, but you just painted me this picture with your whole "i'm a tom boy" notion..
about the books, I'm not very fond of them, i tend to read chapters or what interests me, no big deal .. ragel el mosta7eel ba2a wel kalam el gamed dah, e3feeny :)
enjoy your winter by the heater! and hey, i like cleaning up "organizing" too, that's odd :)
i guess am developping a new friend down here :)
Post a Comment
<< Home