هذا انا ادم
لطالما اتجننت و فكرت فى فارس الاحلام الوردية او حتى احلام الداى دريم اللى بتطرى على الواحد و هو مزنوق فى اشارة او الولد بتاع الميكروباس يكون زنقه عشان قاعد على حجره فى ميكروباس مليان و لطالما شفت فيلم احمد و منى و عيطت فيه ايام الهبل فى ثانوى و لطالما شفت صحابى بيتجوزوا و يد وحسوا بعد كده مش بروبلم المهم نتجوز يا ريهام -كتير قعدت فى البلكونة اشرب شاى بنعناع و ابص للقط بتاعى و هو بينونو عشان انا مطنشاه شوية و معملتلوش البيضة البرشت بتاعته و هو جعان-بيبص للشاى و مش عارف ان صاحبة الشاى مخها سارح فى ملكوت الله الواسع تتسأل:هو يا ربى كل الناس الكتير دول اللى فى المترو وبشوفهم كل يوم و لسه انابدور على ادم واحد ليه بس البسوورد بتاعته معايا انا بس و لسه مش لقياه؟ فقت من التساؤلات و السرحان على رنة الموبايل : -الووه-ايوه دكتورة ريهام؟-ايوه-بونجور دوكتوور-بونجور؟؟؟-وى-وى!!!!!-انا ادم -ادم ؟
و اصابنى الذهول مثل الذى يصيبنى لما عربية طايشة تطرطش عليه ميه فى يوم شديد البرودة ...ادم مين؟اااااااه ادم بتاع سفارة بوركينا فاسو ,ازيك يا ادم؟ كلوا سنة انت طيب...و بعد السلامات و عزومات المراكبية كان بيعيد عليه الصراحة كتر خيره,انت بقيت مصرى واللا ايه يا ادم؟و.. قفلت السكة ....و سرحت للمرة التانية- شكلى فاضية النهاردة ...و سرحت و دعبست فى اغوار نفسى البشرية مررت بذ كريات و حكاوى و مجلات ميكى و ماجد و جرايد عادة و صفرة اللى لقيناها فى قوضة مقفولة فى المستشفى و اللى موضوعاتها يضحك من هطلها الولدان ..و جرنان الدستور و مجلة العربى و الناشيونال جيوجرافيك و التايم و نيوزويك..لحد لما جت صورة الفونسو ..ياااه هو انت لسه موجود ؟مش انا عملتلك دليت ؟...يحكى ان الفونسو كان ملحق سكافى لدولة افريكية شكيكة الصراحة ,و مرة اتعزم فى مؤتمر تبى برضه مش عارفة ازاى قام وقع فى غرامى انا بسأل بس ازاى؟ كان راجل بيلعب فى دور التمانين و لسه بيعرف يحب؟ سؤال طالما داهمنى و انا بتفرج على الماتش بيننا و بين نفس دولته و كان يوم جمعة فى فبراير نفس يوم غرق العبارة...بس كسبناهم..قبل البطولة كنت اديت لالفونسو بوكس فى وشه و عملت دليت لمعرفة لم تولد و لن تولد و برغم توسلاته و بكائه-كل ده فى التليفون -كان كل ردى انت جبت نمرتى من فين يابا؟...ألفونسو مهما حصلى انت مش فرصتى و انت بصراحة عمرك عمرك محتقوللى :هذا انا ادم ..حيث اننى ما زلت ابحث عنه و اتمنى من الله و لا يكتر على الله انى ألاقيه فى الدنيا دى قبل مفطس
posted by reham @ 3:04 AM
2 Comments:
بطلى شرب شاي بقه ...
I won’t give you the type of advices your “mum” and “aunt” give you on social gatherings, fate this and destiny that .. Mr. Right will pop up in your life when you least expect him..
and btw, the idea of marriage .. highly overated, just ask around :)
ماشى حبطل شاى و اشرب قهوة...انا و الله عارفة ان الجواز مالى البلد بس انا مستنية الراجل المناسب و حييجى و قته ان شاء الله ..احسن حاجة انك مقلتليش البسى كويس و حطى ماك اب because am more like a tom boy and when i put some make up i look adorable ya3ni mesh aii 7ad , bass i like to be more like myself and not to be showy ,kefaya aslan nasaye7 el nass el zareifa ma3ana , ento ka welad ma3to2ein men 7agat keteir wallahi :)
Post a Comment
<< Home