انا عاوزة الربع بتاعى
النهاردة رحت النقابة عشان ادفع اللى متأخر على اخويا لحسن يسحبوا تصريح العمل كدكتور طالما فى سنين متأخرة..ال يعنى كل حياة الدكاترة ايزى فا عاوزين يسحبوا الليسنس ..كنت عند موظفة الله يحرقها قعدت تطفح بالسم الهارى سندوتش طعمي و ماسكاه بكلينكس و بتكله قطمة قطمة (براحتك يا روح امك) ال يعنى بنت ذوات و انا شايفة زورها من ادام المكتب..يا مدام لو سمحتى عاوزة ادفع ..الشارع طافح مجارى و انا راكنة فى الممنوع ...سوانى يا دكترة مفيش صبر؟ فين الشاى ابو لبن بتاعى يا محمد ؟..أصبر عشان شاى بلبن ؟ يا جزمة قديمة خلصى(ده طبعا فى سرى)..جه الشاى ابو زفت و ابتدت تشربه..فاضية انا لامها ..المهم بعد اطلاق كام كلمة على كام تريقة منى عليها بطريقة غير مباشرة فتحت الدفتر عشان أدفع ..المهم دفعت و الولية كمان علقت منى ربع جنيه كده ..كبرت فى دماغى بقى و انا دماغى لما تتربس بتربس..قولتلها انا فاضلى ربع جنيه..الدكتور اللى قابلى اللى قالوكوا جذورى من تركيا و عايش فى الفيوم و الحوامدية( و نعم) مدفعش الربع جنية بتعوضيه منى؟ انا عاوزة دمغة بربع بدل الربع..قامت الفكة ظهرت فجأة و اخدت الربع و قلت لها اسيوه بمزاجى مش تخديه كده..لما حكيت لامى قالتلى انا كنت حسيب الربع..قلتلها انا متنزلتش عن حقى و مش حشجع على السرقة زى ما خدت حقها اخد حقى انا كمان زى ما اخدت العشرة ساغ الباقى فى السوبر ماركت فى صورة 2 تشيكلتس...انا كده عدانى العيب و اللا ايه ؟
posted by reham @ 5:33 AM
2 Comments:
ana kont zayek keda fe mawdoo3 el faka
but now I give away my right to have my "change" back instead of having my nerves fired up !!
Standard typical egyptian governomental employee philosophy: I cannot be in charge of anything and I'm practically worthless , I might as well screw up the next guy/girl coming to my office!
omla law ro7tee el morroor te3melee eh ???!!!!!! ranked my worst place on earth
والله يا مؤمن أنا زيك بالظبط
بحرج أقول الباقي بتاعي فين ؟
على أساس إني لازم أظهر بشكل الإنسان الراقي اللي بيتنازل للناس عن التفاهات
بس التفاهات مش بتتنازل ليه بعد كده :)
Post a Comment
<< Home