الابتسامة
عارفين الابتسامة ؟...قصدى فاكرينها ؟...كتير بنزل الشارع بقالى فترة مشفتش حد مبتسم..انا نفسى بقى عندى 111..بس بحاول افوك شوية اهوه مع البلوج اللى مستحملنى..بص يا بلوج انت صاحبى العزيز..مرة ابوسك ومرة اديك بالجزمة..استحمل يا عم
بدور فى الوشوش على ابتسامة اصلا مش بالاقى ..وبحاول اتعامل بلطف-بحاول وحفضل احاول حاضر-مع البياعين فى المحلات والسوبر ماركت..يا اما يعاملنى البياع بهطل او يقرفنى مثلا وانا بكلمه يهرش فى حتة مش ولابد تدل على مدى نتانة اهله...او يكلمنى باسلوب زبالة:عندك فوق..كأنى مرات أبوه كده واللا حاجة..المهم الابتسامة واللطف برميهوم على جنب وبعلى حسى او بكلم المدير النباتشى على طول..يقوموا يتلموا..وساعات بعد مقرفهم برضوا مش بيغيروا اسلوبهم فبسيب البضاعة واشوفلى مكان تانى ...يعنى الابتسامة معملتش مفعول
ابص تانى لوش الناس وانا ماشية-اصل الوش ده اجمل حاجة فى الانسان-ببقى مبسوطة انى بشوف ناس بصحتها عشان لما عينى تتعود انى اشوف ناس راقدة على طول -الصراحة بكتئب-..يعنى على الاقل ابتسموا فى الشارع عشان خاطرى ..كفاية نعمة الصحة تخليكوا سوعاداه
المهم دلوقتى الوحيد بجد المبتسم فى الشارع هو اللى بيكون شكله كده هربان من السرايا..طب والله مش بهزر-بصوا بجد فى الشارع حتلاقوا اللى بيبتسم شكله مش طبيعى وهدومه مبهدلة ووسخة..والله بخاف منهم من ساعة الراجل اللى كان ناحية جيت سنتر اللى عند الكلية ما فجأة قلع ملط ورمى نفسه جوه برميل زفت وطلع منه سلبوته وبينقط زفت وكله اسود..والله شفته وخفت من النوعية دى..عشان كده مش بحب اتخصص سيكايترى
بالنسبة لى ..سر التعامل فى الطوارئ انك تبتسم لأسرة العيان والعيان نفسه بس فى الوقت المناسب...لحسن تلاقى نفسك واخد بوكس فى وشك منهم خصوصا لو العيان بيموت
بدور فى الوشوش على ابتسامة اصلا مش بالاقى ..وبحاول اتعامل بلطف-بحاول وحفضل احاول حاضر-مع البياعين فى المحلات والسوبر ماركت..يا اما يعاملنى البياع بهطل او يقرفنى مثلا وانا بكلمه يهرش فى حتة مش ولابد تدل على مدى نتانة اهله...او يكلمنى باسلوب زبالة:عندك فوق..كأنى مرات أبوه كده واللا حاجة..المهم الابتسامة واللطف برميهوم على جنب وبعلى حسى او بكلم المدير النباتشى على طول..يقوموا يتلموا..وساعات بعد مقرفهم برضوا مش بيغيروا اسلوبهم فبسيب البضاعة واشوفلى مكان تانى ...يعنى الابتسامة معملتش مفعول
ابص تانى لوش الناس وانا ماشية-اصل الوش ده اجمل حاجة فى الانسان-ببقى مبسوطة انى بشوف ناس بصحتها عشان لما عينى تتعود انى اشوف ناس راقدة على طول -الصراحة بكتئب-..يعنى على الاقل ابتسموا فى الشارع عشان خاطرى ..كفاية نعمة الصحة تخليكوا سوعاداه
المهم دلوقتى الوحيد بجد المبتسم فى الشارع هو اللى بيكون شكله كده هربان من السرايا..طب والله مش بهزر-بصوا بجد فى الشارع حتلاقوا اللى بيبتسم شكله مش طبيعى وهدومه مبهدلة ووسخة..والله بخاف منهم من ساعة الراجل اللى كان ناحية جيت سنتر اللى عند الكلية ما فجأة قلع ملط ورمى نفسه جوه برميل زفت وطلع منه سلبوته وبينقط زفت وكله اسود..والله شفته وخفت من النوعية دى..عشان كده مش بحب اتخصص سيكايترى
بالنسبة لى ..سر التعامل فى الطوارئ انك تبتسم لأسرة العيان والعيان نفسه بس فى الوقت المناسب...لحسن تلاقى نفسك واخد بوكس فى وشك منهم خصوصا لو العيان بيموت
posted by reham @ 5:41 AM
2 Comments:
والله انتي عملتي حاجة صعبة.... خلتيني اضحك
على كلمة سلبوته علاشان بقالي كتير مسمعتهاش
و على البوكس و انا بتخيلوا لابس في وش واحد بيضحك
you welcome :)
Post a Comment
<< Home