يا عينى على الدلع

وقال طول الماتش الزمالك حياخود الكاس وبتاع ...هع
ادى احنا خدناه
وخدناه قوى كمان..أينعم كنت حطلع من هدومى فى كام شوطة
وكنت ساعات بصرخ وبزعق وبشتم
بس الكاس أهوه ..ول يا ول
الاهلى ...يا رافع معنوياتى ...يا كايدهم كلهم وحابس دمهم
يا شعلة النار
يا فارس يا مغوار
بحبك نفسى أقولهالك واعيدها كتيير
وخايف لو اعيدهالك تقول ده كتيير
حبيبى خلاص بيحلالى أقولها حتى فى خيالى
اقولها مرة ده انا قلبى مخبى كتير
-----------------------------------------------
النهارده برضه بدور على وورك جديد
معملتش حاجة ...ملقيتش حاجة
وقعدت أعيط
عودون أحمد لل208 ملطوش
رجعت اتخمدت ودمعتى تشهد عليها مخدتى
قومت من النوم..فنجال قهوة قبل الماتش
سندوتشات جبنة رومى ولانشو لزوم القعدة
عيطت شوية كمان وانا بقلب فى الجرنان لسه
الشوط الاول جه حسيت ان الماتش جاى يكمل على بقية أنفاسى
الشوط التانى بقى...عسل عسل عسل
اخدنا الكاس واخيرا عرفت ابتسم النهارده
والنبى يا أهلى اكسب على طول
عشان بجد انت مش بس الانجازاللى هنا
بس كمان انت بقيت
better than chocolate that elevates my mood
نادى الاهلى ...شكرا..تستحق الكاس عن جدارة وعقبال كل سنة