يوليه..انت جيت ؟ يا أهلا

انا اتختم علييا زى الولد ده ..فى اول يوم من يوليه:
-معاد مع مديرة أعمال جديدة ..يا مسهل
-واحد بيعاكسنى فى الموبايل ...صوتك حلو وانتى بتقولى ألوو..يا حلاوتك
-واحد صاحبنا ملتزمش بوعده لييا ..عادى جدا مش أول مرة.... بس حبيت اجرب المرة دى ..جسيت النبض بس
-موضوع بحثى والبريزنتيشان بتاعى عن... السترس فى الوورك...هو برضه السؤال ده ورايا ورايا؟
-كل الاسانسيرات اتعطلت أول يوليو..ايه الموضوع؟ وكل المكاتب فجأة بقت فى الادوار العلييا..يا عينى يا رجلييا
-ناس أنهوا عقدهم وجم مصر..تعالوا اقعدوا جمبى
-مكالمة تليفون...ريهام استمرى فى المحاولة ومتيأسيش..بحث عن شغل نضيف شوية
-ممكن ورق مختصر للاطفال بدور على حاجة ...ما هو اصل ..يعنى ...طب خلاص ...ولاد كلب مش بيساعدوا ولعلموكوا اللى عنده علم ومش بيقوله للتانيين ربنا بياخود منه العلم ده
----------------------------
باختصار
شهر يوليو انا لابسالك بدلة الغطس وحنزل اصطاد شوية
وحسيب نفسى للتيار
بس وحياة اللى فات
واللى بكتبه أهوه ذكريات
حستمر برضة فى الضرب بالجزمة
بس بطريقتى