من احلى واروع القصص

عمالة اسمع عليها بقالى كتير - زى ما بسمع عن قصة ربع جرام برضة -روحت ديوان يوم الاربع اللى فات ده ولقيتها فى وشى وكمان فيه بووك ساين - بس طلع تانى يوم اللى هو الخميس اللى هو يوم النبتشية بتاعت الطوارئ اللى مفيش حد بيشيله مكانى ساعت الزنقة-..المهم خدت القصة معايا فى الشيفت وكالعادة بقراها ما بين كل عيان والتانى ..او كل اشعة والتانية او كل تحليل والتانى..قعدت عليها مقدرتش اسيبها من ايدى اللا لما خلصتها ولما حتى وصلت البيت مقدرتش انام اللا لما اخلص على باقيتها..تحفة بمعنى الكلمة..انا اول مرة اقرا للكاتب ده بس شكلى حجيب مجموعته كلها..اسلوبه بسيط وبيشدك انك تكمل..مفيش تفاصيل كتير تزهقك وتتوهك فى القصة..بالعكس ده خيط متواصل من الافكار المترابطة اللى تخليك متسيبش الكتاب من ايدك..وانا مسيبتوش اللا لما خلصتها كلها