تفيدة و مرزوق -حلقة استثنائية
تفيدةعمالة بتلف و تدور فى القوضة لما السجادة اتهرت..بتلف وهى ماسكة ورقة وقلم:ألطم على وشى ؟..مفيش ولا شهر كدة يعدى عدل؟..مش عارفة أكمل الشهر..أعمل ايه ؟أعمل ايه؟..فجأة تطرأ على رأسها فكرة وان دلت فانها تدل على حسن تصرف المصرى فى النكبات..وقفت امام المراية ورفعت البلوزة ..شدت الحزام على الاخر وهى تصيح الصيحة المصرية الأصيلة..يا لهوتى ى ى ى ى ى ى ى ى ى .
فى تلك الاثناء وكالعادة..يخرج مرزوق من الحمام وهو ماسك الجورنان فى ايد والكوز فى الايد التانية..يا دى النيلة يا تفيدة!انا ساكن بعدك ب3 شوارع وبرضة سامع صوتك!ثم يجرى على الموبايل بلهفةو يغلقه..كده احسن..أتفوه!..يكمل قراية الجرايد ..يقف بعد قرأته لعدة ايام للجرائد امام المراية هو الاخر..يتأمل سيقانه وجزمتة :والنبى مش كانت جزمتى دى تجيبلى شهرة انا كمان؟ناس ليها الشهرة وناس ليها تفيد...وقبل ان يكمل الكلمة..تباغته جزمة حريمى ماركة تفيدة اللديدة من شباك حجرته..قافل موبايلك ليه يا جزمة؟
posted by reham @ 9:05 AM
2 Comments:
ايه داااااا هما اتجوزو امتى دول يادكتور
انتى بتاكلى الحلقات ولا ايه
والله لسه متجوزوش ..لسه مفيش شقة ولا فلوس..ربنا يبعت
Post a Comment
<< Home