Breaking the code ..

انا بكتب اللي باكلوه كل يوم .. الاسبوعين اللي فاتوا ما نزلتش اللا كيلو اللا ربع .. الاسبوعين دول مش عارفة ايه نظامي .. قررت اني اكول وجبة واحدة في اليوم معظمها بروتين وخضروات فقط والقليل جدا من النشويات .. من امبارح السبت واول مرة من فترة طويلة اوي احس بجوع شديد جدا ورغبة قوية في الشوكولاتة .. من فترة كبيرة ما حسيتش كده يمكن من ٣ شهور واللا حاجة .. تغيرات نفسية تغيرات فسيولوجية سميها زي ما تسميها ، بس المهم اني بوظت الدايت خالص وقطعت الوعد اللي بيني وبين نفسي بالالتزام علشان خاطر صحتي .. مهو اصل اللي باكلوه بط بط بيطلع علييا وز وز فقررت الالتزام بالدايت .. كسرت القاعدة من امبارح .. كل شوية حاجة فيها ملح وبعدها حاجة فيها سكر او العكس .. عملت شوية شغل في البيت كوسيلة لحرق السعرات اللي اخدتها وعلي الله كمان اسبوع ألاقي فيه فايدة .. كسرت القاعدة بحاجات غلط جدا
1- processed meat , I should not eat processed meat
2-ice cream
3-blue cheese
4-cup cake
5- mango
الحمد لله الكميات طبعا مش زي زمان ، يعني قطمة من هنا علي قطمة من هناك .. سناكس يعني ، بس في الاخر دي سعرات .. وكده انا مش ملتزمة .. والنهاردة اخدت معلقة دانيت كراميل وقطمة من بيتزا وقطمة من كاب كيك وقطمة من شوكولاته وواحدة بوبس ايس كريم نستله ، واحدة بس مش العلبة يعني .. ومعلقة مسقعة .. وكل ده خروج عن النص .. وكده لما ارجع تاني للدايت بكرة ، حيطلع علييا ده كله بجوع شديد .. كسر القاعدة مش حلو علشاني