يوم العربية المشهود
امبارح العربية فرقعت فى الشارع و سمعت صوت طاسة العجلة دبت فى نص الطريق بالظبط زى اسماعين ياسين فى عفريتة هانم و طبعا العربية وقفت و نزلنا نشوف فيه ايه ..اتارى ان عمود الكردان اتكسر و مدلدل من العربية لا مؤاخذة..و لمن لا يعرف ما هو هذا العمود فانه المسئول عن نقل الحركة من الموتور للعجل الخلفى ..لميينا المسامير من الشارع و اللورى اللى ورايا عمال يزمر طب انا امشى ازاى و الحركة مش بتنقل و مطلوب زق العربية يعنى؟.. عدى البيه بعد ما زقيت العربية و كمان ركن ادامى و قعد يزمر .. قولتله اهه عدى و اركن الشارع وسعتهولك اهه اركن بالعرش بائه و الا فرشح فى الشارع باللورى العجيب ده..كان ناقل بيض كمان..الهى كل البيض يتكسر..وادينا اهه حننزل للميكانيكى و ربنا يستر مش طالبة مصاريف خالص انا و الله مش ملحقة ارفع راسى ..بابا قاللى حجيبلكم عربية يتكلم عنها الشارع كله..و قد صدقت نبؤته
posted by reham @ 10:46 PM
3 Comments:
مدلدل من العربية لا مؤاخذة"
ده لفظ يطلع من واحدة خريجه مدارس فرانساوي؟
"اركن بالعرش بائه و الا فرشح فى الشارع باللورى العجيب ده
ما تشتمية بالام احسن؟
I'm joking :))
tell daddy to fix you car or better, buy you a new one :))
check the phrase at the bottom of my blog that summarize it all :)))!!!!!!!
Take care, Doc.
lol
ههههههههههههههههههههههههههههههههههههههههههههههههههههههههه
صحيح !
أمال أولاد مدارس الحكومة زيي يقولوا إيه
:)
حلوة حكاية العربية دي
Post a Comment
<< Home