مجرد محادثة

أهو كلام بنقوله فى المحادثة
حدف بينا الكلام على المشاكل
بدل ما نزود كمية الكلمات اللى عندنا
قامت المواجع اتقلبت علينا
من ضمن الجروب واحدة روسية
قامت قالت كلام عن حياتها
و حدف الكلام على جوازها
قامت قالت انها متجوزة مصرى
من سنة
سنة واحدة بس
وبعدين...
وشها احمر
و شفايفها ارتعشت
و شفنا دموع جايية فى عنيها
استأذنت من البروفيسور
و خرجت بره تعيط فى الكوريدور
يعنى حتى جواز الاجانب عامل كده
عامل كده يعنى لدرجة العياط
و مدة الجواز سنة يا دوب
ايه الناس دى؟
ما تتهدوا بقى
مسير البتاع يتقطع فى يوم من الايام
فى حادثة و اللا خناقة و اللا ورم واللا كمان يتكسر
يعنى مش شوية تيستوستيرون يعنى اللى مديكوا الميزة
اللى يديكوا الميزة بجد
حسن المعاملة
يا معاملة كويسة
يا تسريح باحسان
كتكم الوجع
و الهى تتشال البالونتين فى عملية ورم قريب
قادر يا كريم
و تكون على يدى فى قوضة العمليات
عشان لما ما يكونش فيه هرمونات
اللا الاستروجين
تعرفوا ان الله حق
واللى مش مصدقنى
يفتح أى كتاب عن الهرمونات و لخبطتها
و يقرا
بلا قرف
لا عاوز يحسن معاملته
و لا عاوز يطلقها
الهى ربنا يرميك فى ضيقة زى ما انت مبهدلها كده
مش كفاية ظروف بلدها؟