يمكن تقراها فى يوم من الايام
سألتنى والله لوحدها يا ترى يا ريهام حتربى ابنك ازاى ؟..بصيت للسقف وقلت لها مش حاجى عليه..بس تربيتهم صعبةسؤال صعب والله ...هو اللى حختاره ليه انى حسيبه يظهر الشخصية اللى ربنا خلقه بيها عشان دى بتبقى احلى حاجة
ولازم زى ما بدلع الزرعة الصغيرة فى البلكونة وبدلع القط بتاعى لازم ادلعه
مفيش مانع بردو من استعمال العنف الكوميدى مع تهويش بأسلحة فتاكة اللى كلنا اتربينا عليها
مش حخنقه بس حنبقى صحاب اكيد لازم كده عشان انا حجيبه على كبر فلازم ابقى صاحبته عشان اعلمه حاجات كتيرة
واوقفه على رجليه ويبقى راجل ويواجه الدنيا كده بجدعنه
وعندى ليه كمان حاجات هو لوحده حيدعبس فيها ...بس لازم اخليه يحب يقرا ويفهم ويبقى ليه اسلوبه الخاص
واخللى الحلو اللى فيه يظهر اكتر من الشر ولازم يتحكم فى نرفزته عشان دى اكيد حياخدها منى
هى حاجة مش سهلة
Labels: صاحبتى قربت تجيب حابوكشة
posted by reham @ 4:30 AM
3 Comments:
أنا ناوي لما ييجي حابوكشة
إني قدر الإمكان أوفره كل اللي يخليه متزن
بس عمري ما حفرض عليه حاجة
عايزه هو اللي يختار كل حاجة في حياته :
يبقى سلفي يبقى إخوان يبقى شيعي أو ملحد حتى هو حر
أهم شئ يكون هو مقتنع فعلا باللي بيعمله
مش حقوله قوم ذاكر , حقوله إنه لازم يهتم بيها بس عمري ما حأديله أمر إنه يقوم يذاكر
حخليه يتعمل كل حاجة هو بيحبها
أكيد حناقشه لو لقيت شئ مش عاجبني
بس هو لازم في النهاية يتعلم إنه راجل و مسئول عن إختياراته
من الأخر
ميطلعش زي أبوه عنده 23 سنة و مخترش ولا حاجة في حياته زي ما هو عايز إلا خطيبته
حابوكشة برضه لازم تكون حياته متفصلة بشكل يخليها مش باين إنها متفصلة
مثلا: مش لازم يحس إن الواحد معاه فلوس كتير عشان ميطلع بلا طموح لكن برضه لازم تتوفر له الفلوس
ومش لازم يبقى البيت فيه كل وسائل الراحه، لازم الميه والكهربا يقطعوا ولازم يحس بشوية برد في الشتا وشوية حر في الصيف ولازم يكون في مشاكل مع الجيران ولازم يركب مترو ويتبهدل في المواصلات وبرضه لازم كل ده يكون أندر كونترول برضه وإلا هيتحول من مواطن سوي إلي مواطن من سكان العشوائيات
برضه لازم الواحد يطهقه في عيشته شوية عشان يلاقي مبرر يطلع من البيت وياعلم اللف في الشوارعويدور على واحده بنت حلال يحبها ويتجوزها عشان يجيب حبوكشه جديد!
شكرا يا ريهام
dear 7aboksha ,millions of ideas are in the world , picking up anything has its consequences..we will raise u well, we will guide but we will not oblige..the choice is urs
Post a Comment
<< Home