مش النخلة قصدى اللى جمبها

اه انا بحب البلح وبكله خصوصا فى أوقات معينه يا فاضحنى
وان شاء الله تكلوه كلكوا ساعة ولادتكم
وايام ما بعد الولادة وفى ايام تانية برضة
فى الصورة دى انا كان قصدى التين الشوكى
هو مش باين قوى بس أهو طلع والناس ابتدت تسرح بيه
طبعا انا بتمنى من كل قلبى لشوية ناس صوحابنا لوذاذ كده وولاد كلب مؤذيين
انهم يتهدوا بقى أو التين الشوكى بدل ما ياكلوه
يلزق فى حتة كده مش ولا بود ومتطلعش خالص اللا بعملية تجميل
ويا ريت مكانها يفضل
raw area
وتحتاج
full thickness skin graft
بسكينة عمليات تلمة ..على الصاحى كمان
وبعد كل ده يحصل
hyperacute rejection
ما علينا الطيب احسن
يلزق التين الشوكى فى حتة مش ولا بود بس ممكن تتلقط الشوك بالملقاط
كده حلو؟ المهم يغوروا عن خلقتى شوية
يا رب نفسى أشوف ناس جوداد شكلهم حلو
ده انا مرة فتحت الناشيونال جيوجرافيك
والله شفت تعلب ابيض بتاع الجليد له نظرة شبه نظرات الزفت اللى انتوا عارفينه
مش من حقى ادعى عليه ؟
ما علينا ..الحقوا كلوا التين الشوكى وسيبوكوا من الدرة شوية
قبل ما ييجى 23 يوليه
يوم احتلال السوق بأحسن فاكهة فى الدنيا
وحتمسح الباقى مسح
وحيكون لها
market share
اااااااااااااااد كده
على 23 يوليو سوف تتوج الملكة
المانجة حتنزل بكل تقلها فى السوق ..وحتحتله
كل واحد ياخودله ساتر