ايه اكتر حاجة بت تابعها فى رمضان ؟ وبصراحة لو سمحت

اعلان كوكاكولا كريم عبد العزيز
واعلانات الموبايل "نتكلم بالليل احسن.."وطبعا مسلسل قصة الامس
ليه بقى ؟ عشان اللى كاتبها محمد جلال عبد القوى والمخرجة انعام محمد على
وطبعا دولة ناس ممتازة
وطبعا الهام طلعت فى دور الست اللى متهنية ومش شايلة بلاوى الدنيا
انا بلوم الصراحة على حلقة النهاردة..عشان موضوع الزوجة التانية..يعنى جوزها كان بيقوللها كفاية الكويت مش قادر..وعشان قالتله لأ كمل هناك الراجل بدل ما يعوك قام اتجوز..وبعدين طلق الولية..يعنى خلاص بح..تقوم هى لما تعرف..مع العلم انه كان مهننها على الاخر ومش حارمها من حاجة بل بالعكس كان شايل فوق طاقته..والراجل كويس ولما مقدرش على الوحدة اتجوز هناك عرفى وبعدين طلق يعنى احسن ما يعوك..تقوم هى تدشدش الشقة ..يعنى عموما ما شاء الله على الصحة..بس بصراحة مفيش جوز زى ده دلوقتى..أومال لو مجوعها ومشحططها وواخد منها عيالها غير انه بيهبدها علقة كل يوم ومجرجرها فى المحاكم كانت عملت ايه ؟..انا من مكانى هذا بقولها يا زهرة فاوتى وانسى اللى حصل وارجعى بيتك يا بنت الحلال