kissing point

the end is near and we have to draw the final curtain
2007 is saying bye bye , will take its train with no return
2008 is coming rapidly,kissing us all 'hello'
يا رب كل حاجة نفسنا فيها تيجى فى السنة الجديدة
الفين وسبعة والله انا حصللى فيكى حاجات حلوة وحاجات وحشة
وبتمنى من الله ولا يكتر على الله ان الفين وتمنية تبقى كلها خير ووش السعد
مش حقعدأفتكر ايه اللى راح وايه اللى جه
ولا ايه اللى كان ممكن اعمله وكان نفسى اعمله
ولا ايه اللى راح ووجعلى قلبى
ولا ايه اللى كان ممكن يجى اذا كنت عملت كده
عشان انا كنت كل خطوة بدعى فيها ربنا
وعارفة انه بيوجهنى صح ..عشان حاجات حلوة على المدى البعيد
أهم حاجة عرفتها السنة دى
انى لما بقيت لوحدى خاااااااالص
وبعيد عن اهلى وعشيرتى
وبعيد عن بلد بيتذكر فيها اسم الله
بصيت حوالييا
لقيتنى لوحدى بجد
لوحدى انا وربنا
واتكسفت انى ألاقى نفسى عريانة قصاده
فحفظته وتوكلت عليه
ودى مش حاجة سهلة
دى حاجة صعبة جدا
هنا فى مصر فيه حاجات بتقربنى من ربنا
لكن بره
كان الاختبار الحقيقى
امتحان بجد ..امتحان صعب كمان
ده تانى امتحان صعب ربنا حطنى فيه
الاولانى هو عارفه ومش حقوله عشان ده بينى وبينه
لكن التانى هو اللى عشته من كام اسبوع
كان صعب
بس اتمنى من ربنا انه يكون راضى عنى
لأنى حاسة انى راجعة وربنا غافرلى ذنوبى
احساس جميل بالراحة انى عملت اللى علييا
من ناحية ربنا ومن ناحية نفسى وناحية الناس والمجتمع اللى عشت فيه فترة
الامتحان بجد هو لما تبقى لوحدك خالص بدون أى مؤثرات خارجية
بتبقى صادق مع نفسك
وبتبص جواك وبتعرف انت مين بجد
وطالما انك بتذكر اسم الله
فنوره حيخللى كل حاجة تلين فى ايدك باذن الله
ده كان أهم حاجة اتعلمتها السنة دى
ويا ريت بقى اللى لازق فى التليفزيون يبعد عن الشاشة شوية بدل ما يتشفط
ويبتدى يمسك كتاب يقراه
ويغسل مخه كده بمسحوق غسيل نضيف
عشان يشيل الجلخ والغباوة اللى عششت فى النافوخ نتيجة الهطل ويتهد كده ويمسك كتاب يفيده فى حياته ودنيته وكلمة خذ الكتاب بقوة تتحقق السنة دى باذن الله
عشان احنا ما بقيناش بنقرا خالص..وبقينا لازقين فى التليفزيون..حد يشد الكوبس والنبى