عاوز لوجو ؟....التنين طبعا
رحت تحت الشجرة المفضلة على الكراسى المفضلة هنااااك جنب الكافيتريا...الناس كلها اتغيرت اللا وشوشناجه الولد يا خد الطلبات كله طلب مهدئات فى صورة اعشاب انا خدت ايس تى باللمون
مع الطلبات جاب استمارات : حضراتكم عاوزين لوجو جديد للمكان ..ممكن تملوا الاقتراحات ؟
حااااااااضر انت تؤمر...انا كتبت التنين ...عاوزين تعرفوا ليه ؟ حقول اهوه
قبل منزل الصراحة جالى تليفون لذيذ اوى من واحدة صاحبتى ..كانت منهارة فى التليفون -ودى شوطة ماشية فيينا الايام دى -ربنا يعدى الفترة دى على خير-كل الهم ده عشان برضه الشغل والرسالة -برضه؟
ملحقتش اتكلم معاها عشان البنت دخلت قوضتها وقفلت على نفسها الباب وسابت التليفون لمامتها
المهم باختصار ...هى دخلت الكهف وحطت التنين على الباب
كانت هناك محا ولة لتخريجها من الحالة المتكررة دى-قام التنين ده طلعلنا الصراحة ...قلنا مبدهاش نمشى من بيتها دلوقتى بدل ميحصل حاجة تانية كفاية التنين اللى بخ فيينا ده
كان التنين اون -و-اوف من فترة كده ..بياخد اجازات يعنى ...بس دلوقتى بقى التنين 24 كل 7 ايام
يا بنتى ادى للتنين اجازة...لأ...طب يروح شوية...توء توء...ماشى انا تحت الشجرة هناك بقى
بعد شوية : طب تعالى ..معنديش مانع تجيبى التنين معاكى...لأ...طب انفخى التنين فى دخان اى سجاير ..لفترة وبعدين بطلى ...توء توء...اوكيه انا هنااااااك تحت الشجرة
حنعدى عليكى تجيبى التنين وتنزلى ...لأ...حنطلعلك ...توء توء...ماشى احنا رايحين عند الشجرة اللى هناااااك منتى عارفاها
حنجيب هدوم جديدة..لأ...طب تعالى نضرب شعرنا احمر ..توء توء...قومى اعملي لنا كاروت كيك -التنين ظهر قمنا جرينا
التنين ده مش كائن خرافى انا لقياه فى الحياة دلوقتى...اللوجو لمكان الشجرة لازم يبقى التنين
المشكلة دلوقتى مش فى التنين ..المشكلة فى الاقامة قى الكهف اللى طولت المرة دى ...عشان كده بجد انا حغيركم واشوف غيركم ..انتوا لو شفتوا التنين بتاعى كل التنانين الصغيرة حتجرى تستخبى..ما علينا...حتيجوا الاسبوع الجاى عند الشجرة؟
ايميلات بقى وموبايلات
posted by reham @ 12:00 PM
3 Comments:
أنا التنين بتاعي بمبي و رابط فيونكة زرقة حوالين رقابته :)
ربنا يستر والله !
الكلية كلها تنانين
my dear lovely and ONLY reader , how is ur day ?
here you are commenting to me making me feel am still doing my "one and only man show "
على ايامى -عشان انا اكبر منك شوية مش كتير- مكوناش ايام البكالوريوس تنانين ..لأ انا شفت ديناصورات وكائنات تانية طفشانة من الجزراسيك بارك وطيور الظلام والفيل ابو زلومة كل حاجة شفتها ..دخلت الشفوى بقى مش حقولك واللا حالات الكلينيكل ...يا خرابى
what are the causes of acute paraplegia , ya3ni fel flacid state ya waladi , heya dee el cases elli beteigy fel ER , and u will be asked this in the case analysis question ....7amout washouf wara2eit el batna wel gera7a el sana dee..tell me ba2a when will be ur exams 3ashan agii ta7t el mat7af , mashi ? fein el pdf ????
Awesome Dragons and mythical pictures
My whole family Totally admire Dragons
Post a Comment
<< Home