أقاويل زمايلى فى الشغل عن الحب والجواز والرومانسية

يا شيخة بلا نيلة تعالى يا حسين حول لنا القناة بعيد عن اغانى الحب- وانا مالى؟ كنا بنفطر فى رمضان والتى فى جاب اغانى حب انا مالى يا معقد؟-
ممكن اعزمك على كوباية حمص الشام على الكورنيش-واحد جعان-
تيجى نزوغ من النبتشية ونروح ديسكو؟-واحد شايف نفسه
انا ممكن ارتبط بيكى بس انا مسافر امريكا-كان نفسى اردحله
يقطع الجواز على سنين امه-واحد واقعى
نظرات وتنهدات-واحد اهبل
والله يا دكتورة انا نفسى اتقدم-لأ اتأخر احسن
ممكن اعزمك على العشا- الله يمسيه بالخير ألفونسو
من الاخر احنا حنخرج مع بعض-واحد سورى كان جاى يتمرن فى العمليات واى بنت بيحاول معاها دعيت عليهقام اتزحلق على بلاط المستشفى حتة زحليقة فطست على روحى من الضحك وكلنا كبنات قلنا لبعض و طفشناه بلا رجعة
انا مش بحب مراتى وبفكر اخونها-ازمة منتصف العمر
انا اتجوزت وولى العهد جاى كمان-واحد مجتهد
فى الاول كان فيه حب كتير دلوقتى روتين وميكانيكا-واحد ميكانيكى
انا بحب مراتى وبناتى بس حموت على الولد-لا تعليق
نفسى خطبتى تخاف عليه وتغير عليه ده صبرى فى العمليات بيغير علييا اكتر منها دى ايه؟ حتة تلج-انتيمى فى الشغل وطبعا انا سكت لان شكله كان ناوى يسيب وساب فعلا
بحلف بالطلاق يا دكتورة لازم تيجى فرح ابنى-حاضر
التخان مش بيجيبوا ولاد-كل التخان جابوا ولاد زى القمر ومنهم اللى جاب توأم
ريهام انتى ناقصلك شنب وحاجة تانية وتبقى راجل-انت شايف ايه؟
اوصلكم بقى..نظرات كل شوية فى المراية-واحد كان بيدور على اى كائن عنده كور وخلاص
والله انا مش عارف كنت حسكن ازاى لولا بابا مش ملاحق على الشغل وبجيب القرش والله بالعافية -واحد بدعيله اوى
عشان اغطى التكاليف اعمل ايه؟ اسرق؟-لا تعليق
مفيش احسن من الزوجة الصالحة-مش فاكرة مين
والله انا اتجوزته صدفة وسبحان الله-امينة مع نظرات حب لجوزها
جبت يوسف مع تخميسة فى وشى-هوانا حجيب عيال لوحدى؟
طب بصى اتخطبى بس وبعدين فركشى نفسى اشوف دبلة فى ايدك-معايا فى السكن
انا لو ابنى كبير شوية كنت جوزتهولك -مش محتاجة يا سيدى عندى لولو بربيه
احسن حاجة اعمل اللى انا عاوزه وهى مش داريانة-واحد بصباص وعينه زايغة ومراته زى القمر
الجواز اساسى لييا عشان اسافر-كذا واحد سافر مع مراته
انا اخطب؟-خطب واتجوزبعدها ب6اشهر وطلع شهر العسل فى تركيا وغلسنا عليه بالتليفون
ايه النور ده؟ والله منورة المكتب-واحد عاوز يغير معاد نباتشية او يزوغ منها اويشيلهالى
اذا كنت مش متجوز كنت اتجوزتك والله-شكرا يا سيدى مرة تانية
نفس الدكتور جايبلى زميله فى السكن:والله الواد ده كويس-مليش نفس
انتى ممكن تتجوزى واحد متجوز قبل كده وطلق وعنده عيل؟ سؤال من السكرتير بتاعى
تعرفى واحدة كويسة اتجوزها ؟مش فاكرة مين اصلهم كتير
بنتى حتطلق -احسن يا سيدى بقالهم كذا سنة فى خناقات مستمرة
انا عشان اتجوزها لازم مش أقل من 150 الف يعنى الميراث كله احه فعلا-زميلى قالها واحنا بنحسب مع بعض فواتير العيانين مع فواتير السيراميك والبانيو والكومبينيشن
حتخدى دعوة يعنى حتخدى دعوة-نفس زميلى اللى قلتله متعملش حسابى فى الفرح بتاعك عشان نوفر شوية عليك
بكره الفضيحة حتقريها فى الجرنان بس والله انا معملتش حاجة هى اللى ...-هاجر خلاص
ريهام مفيش اصلا حاجة من ناحيتى ليكى الاحساس مجاش وعمره مكان جه -طب ممكن نحاول ننجح الخطوبة؟بقولك الاحساس مجاش ولا حتى فى المستقبل حييجى -دحنا نعرف بعض من ايام الكلية وبقينا عيلة واحدة وكنت بحضر نفسى للخطوبة ..عياط..انا فرحت وجبت كل حاجة..ليه بتعمل كده؟ بصى انا دايما شايفك اختى ..مقدرش
انت متغير فى ايه ..عياط طبعا مستمر..عاوزة اعرف ايه اللى حصل وقلب الدنيا كده مرة واحدة؟ مش عاوز ارتبط خالص
هو انت فيك ايه ؟جالك حاجة من اى عيان؟ ..لأ انا بقولك معنديش اى احساس نحيتك وكمان مجاش اصلا الاحساس من اساسه...حسيت بضربة سكينة فى قلبى (اكيد دى كانت ذبحة صدرية)وكلمت انتيمتى جنب الورد الابيض فى الرعاية وانا منهارة والعيان اللى ورا الستارة سمع كل الكلام-مشروع حب وخطوبة فاشل
انا حتجوز واحدة غنية تصرف علييا وكفاية انى دكتور-لا تعليق
تتجوزينى ونعيش فى البلد فى الارياف بس تلبسى عباية وتعيشى مع اهلى وتبطلى شغل-لا اهلى ولا زمالك مكانش ينعز
ده واد خ..ل-واحد زميلى بيدينى رأيه فى زميل تانى كا ن بيفكر يتقدم
دى حاجة تجرف(تقرف) -الشعار الجديد عندنا فى الخامس مع اى مواضيع تفشل مع العلم ان كل اللى فى الخامس مواضعهم فشلت-بنفكر نحتل الرابع