the all or non law

معلش بقى انا حقول بوقين هنا يمكن اقراهم مرة تانية بعد كام شهر كده ويمكن اشيلهم ..لحسن انا قربت ألطم ..او امسك دراع حد اكله او يمكن انزل ميدان التحليل انظم المرور-يا جماعة اللى بيدور على البرفيكشان مش موجودة حضراتكم..يعنى مش ممكن يكون كل حاجة فى الدنيا تكون محسوبة بالورقة والقلم..الى انتمتى : يا بنتى مش لازم انزل الشارع عشان اروح المدرسة بس وبعدين الجامعة بس وبعدين الشغل بس..الهطل ده هو اللى جايب العيا اللى انتى فيه..اوعى تخللى جهاز المناعة يضرب من الضغط العصبى مش قلتى حتتعلمى يوجا ؟ وماله انا بقولك تعالى ننزل الميه فى يوم الستات بتطلعيلى القطط الفاطسة طب تعالى نروح سينما مش عاوزة طب تعالى نسرح بعربية بطاطا مش عاوزة..ايه اللى مخليكى تبقى كده ؟متفكى شوية من القرف اليومى ..بصى فى الفسيولوجى بس قانون اول اور نان ..يعنى مش لازم كل حاجة تبقى برفكت وبالمسطرة مفيش اصلا مسطرة فى الكون فى مسائل رياضية جامدة يعنى هى اللى ماسكة النظام ده كله ..انتى مش فاكرة محاضرة المركز الفرنسى واللا ايه ؟مش ورونا الكون مبنى على كيرفات ودوائر ؟انتى مسطولة واللا حاجة ؟ماهى كل حاجة دواير مرة فوق ومرة تحت وربنا خالق النور والضلمة الصبح والليل الست والدكر لا مؤاخذة(الدكر ده سيم بيننا ) يعنى لازم نتقبل الفشل فى حياتنا يا ماما عمرى ما شفت حد ناجح على طول شوية فوق شوية تحت وتعملى توازن كده على كل الحبال مرة تشدى وبالجزمة(زى مثلا سيبان الشغل بكرة بس بلاش ضرب بوس بس)ومرة تسيبى الحبل على السايب كده شوية...وبعدين اهم حاجة ان الريزالتنت (المحصلة)بتاعة فترات اللى فوق واللى تحت تكون خطوة للامام يعنى خط مستقيم ..فاكرة محصلة القوى فى الميكانيكا ؟ هو كده ..وبعدين اول اور نان لو ده ممكن يتطبق علينا زى ما بيتطبق على الفسيولوجى ازاى ؟ يعنى بالبلدى بشيل الشروة كلها الحلو والوحش ..بيزنز دييل فيير انف ..صح؟ لان البرفكشن مش موجودة ..بس الحلو مع الوحش زى الليل والنهار لازم وجودهم عشان ميحصلش الابوكاليبس وتنهار الدنيا او تنهارى انتى ..مش طالبة والنبى ..سيبى الشغل وتعالى نفتح عيادة نفتح محل نفتح مكتبة ان شا الله نفتح بطبيخة حتى ..بس لازم تحسى بالسنس اوف اتشيفمنت ..وبالنسبة للشغل اللى انتى فية دول ناس ولا مؤاخذة ..افتحى فى ملكك يا بنتى ونتوكل على الله ولازم تعرفى ان ربنا هو اللى بيدينا اللقمة مش بنى ادم..فاكرة حدوتة النملة؟ افكرك..نملة كانت عايشة فى جحر زى اللى معمول قصاد القوضة بتاعتنا كده -سورى-قوضتى انا -انتى عندك اسهال فى القوضة بتاعتك مطرح العيال العجيبة اللى بتيجى-..قامت النملة دى كل يوم بتتوكل على الله وبتنزل تسترزق (فاكرة بتاع البطاطا اللى قودام باب الكلية من ورا عند الكوبرى اللى بيينا وبين الفرنساوى؟ مش مرة قولتلك ده دكتور ولقى ان مشروع البطاطا مربح اكتر وقعدنا نضحك عشان هو اصلا مش دكتور..يا بنتى ده متوكل على الله فعشان كده مبسوط..على الله البلدية متشيلوش من قرنا عليه )..والنملة عايشة حياتها يوميا لا بتخزن ولا حاجة (بلاش تخزين حاجات الفرح وقولنا ميت مرة نستعمل امها بقى)وعايشة ومبسوطة باللى ربنا بيديها بس بتشتغل مش صايعة..المهم النملة دى جه واحد ابن كلب مؤذى (زى التعلب المكار اللى عندى واستاذ نعامة اللى عند حضرتك )(هو احنا عايشين ازاى مع دول؟ )(طب والله العظيم مرة كنت بزور بنت عمتى لقيتها جايبة لحفيدتها قصص اطفال عن التعلب المكار وحدوتة البسلة وحدوتة الملك ابو بدلة قريتهم على الواقف وقعدت اضحك ..دى قصص اطفال ؟ مظنش اصلها موجودة فى حياتنا دلوقتى ) وراح حابسها فى علبة قزاز وحطلها حتة سكر تمر الايام والشهور وحتة السكر مش بيتاكل منها الا القليل اوى اوى يا دوبك عشان النملة متدخلش فى ارست(يقطع الطب وسنينه)..عشان النملة متموتش يا ماما متموتش عشان كلمة ارست بتدرسك معلش انا اسفة ...قام مطلعها من العلبة وسألها هو انتى ليه مش بتاكلى زى الاول ايام ما كنتى فى الشارع ؟ قالتله عشان انا كان رزقى على الله فكنت عارفة ان الله مش حينسانى اما انت يا بنى ادم ممكن تنسانى عشان كده انا ستارتد اكونومايزينج..فهمتيها يا لولو ؟بطللى عياط بقى ومتبقيش معلش يعنى خرعة..مش حتكلم بقى عن السترس مانجمنت عشان ده مهم ولازم نطبع كام ورقة من على النت ونقراهم مع شاى ولمون او شاى بالنعناع او ممكن نقراهم وارجع انا من كترة عياطك