بدون عنوان

البوست ده بحاول اكتبه بقالى كتير ومكنتش عارفة أسميه ايه بالظبط..قلت اخليه من غير عنوان وحتى مش حختار موضوع اتكلم فيه..أصل دماغى عاملة زى البالوظة أو طبق الجيلى مش عارفة امسكه..العملية بهوت خاااالص..وقتى ضايع فى المواصلات ..ما بين سفر ورجوع القاهرة مرة تانية مع مشاوير.كنت والله بصحتى على الاربع اللى فات دلوقتى بعد اسبوع حشترى فيتامينات عشان بفيص خلاص..طبعا لممل تصطبح على الصبح على بحر اسكندرية يوم السبت مثلا مش زى النهاردة لما تصطبح على واحد باطنه بايظة وبرضة اتعمله عملية..انا والله مش مركزة وطبعا عندى انهيار فى المقاومة والدليل بار الشوكولاته الكبير الملقح جمبى وعمالة أكول فى كالوريز زى الحمار..انا بحاول افتكر يوم الحد والاتنين فاتوا فى ايه مش فاكرة وقعوا من الاسبوع بتاعى ..كننا السبت وبعدين بقينا التلات..فى المركز الفرنسى كسب فيلم أرواح تائهة..بتاع العبارة اللى غرقت فى الفين وستة..ريهام صاحبته حتسافر تنافس بيه فى مونبولييه فى فرنسا على حساب المركز على ما أظن..عقبالنا يا رب لمما تنقذنا