وردتين
وردتين صحاب...جنب بعض من فترة..جدرهم واحد بس ليه فرعين ..فرع شمال وفرع يمين..الاصل واحد و الجدر واحد والمكان تحت الشجرة العالية..الوردة اليمين ملهاش حلم..عايشة كل يوم زى ما بييجى طالما بيتقضى يبقى خلاص..مش بتحلم..تسمية خنوع تسمية خضوع سميه زى ما تسميه..الوردة الشمال بتبص يمين وشمال وفوق وتحت..كونت حلم فى دماغها: يا سلام لو أطير لفوق فى السما يا سلام لو احس بنور الشمس على وشى ؟ يا سلام لو حسيت بملمس الارض؟..الوردة الشمال حلمها مخليها تتحرك..بتشد جدرها بتشده جامد..مش عارفة تقطع نفسها من جدرها..يأست بعد محاولات كتيرة ولما خلاص حتستسلم زى صاحبتها الوردة اليمين..جه ولد صغير قطفها..بيضحك بصوت جميل وبيطوح الوردة لفوق و لفوق و لفوق..الوردة تضحك وتفتح اكتر وتنور فى السما..تضحك وتضحك..سعا
دة ملهاش حد و لا ليها حدود..الولد زهق..رماها على الارض..الوردة بصت لنفسها وشافت الحقيقة..مخلوعة من جدرها ووحيدة..تعبانة وهزلانة..مفيش ميه واكل..ابتدت تدبل وحتة حتة تقع منها ..ورقها اصفر..زحفت على الارض لحد ما وصلت لصحبتها..بصت لها بعيون هزيلة..رفعت ايدها ليها..الوردة اليمين مدت ايدها ليها وبتبص لها بحنية..مش وقت عتاب ولا لوم ليها..هى حلمت وجريت واتمتعت بس زى كل حاجة فى الدنيا..لما تشوف حلمك حقيقى قصاد عينك وتعيشه لازم تدفع تمنه..الدنيا كده..التمن كان مش لطيف..الوردة الشمال ماتت فى حضن اختها..يا ترى انت حتبقى انهى وردة فيهم ؟
Labels: مع جزيل الشكر للفيلم الكرتون وردة اللى اتعرض فى المركز الفرنسى
posted by reham @ 2:32 PM
2 Comments:
شكراً لحضرتك وللزهرة(الشمال ) وللمركز الثقافى الفرنسى ...
وأعتقد أن الزهرة الشمال تمثل قلةمن البشر الحقيقيين الذين لديهم الصبر والعزيمة والإصرار على تغيير الواقع عندما يكون مريراًمهما طال الزمن ومهما تعثرت الخطوات ، لذلك فإن هؤلاء مهما كانت الظلمات من حولهم فإنهم يحلمون " بالنور " ...وقد كانت زهرتك الشمال على حق فيما حلمت به وتمنته ؛ لأنها كانت - على المدى البعيد مثل كافة الكائنات والمخلوقات - سوف تموت سواءُ أغادرت مكانها أم لم تغادره
ولكنها حلمت وتحقق حلمها ؛ فلا فارق بعد ذلك ، إن ماتت وسط بستان أم فى صحراء قاحلة ؛ فالمهم هو أنها قد حققت حلمها.
أما الزهرة الاخرى (اليمين ) فإنها سوف تموت ولكن دون أن يكون لها حلم عاشت وماتت من أجله .
تحية احترام وتقدير لموقف الزهرة ( الشمال )
وكما يقول الشاعر : وحياة أمد فيها التوفى ...لا توازى فى المجد بضع ثوان
نبيل
ايه الكلام ده كله ؟ بس كلام جامد وفى الجون..انا دايما بقول ان اللى بيدرسوا اقتصاد دماغهم جامدة..مرسى على التحليل والكلام الجميل..بتمنالك دوام الصحة والعافية وان ميكونش البروفيسور بتاعك لسه معللى ضغطك
Post a Comment
<< Home