دناوة نفس
مالو الفول ؟ هاه واللا هى فراغة عين؟...بهرب من اكل المستشفى وقلت يوم الجمعة اطبخ حاجة عدلة ..جبت كيس مكرونة سباجتى -لزوم الدناوة- وبعد ما طبخته ..جاييا باكول لقيت سنانى بتقرقش حاجة ناشفة..لقيت حتة ازازة فى المكرونة يا منز..حتة ازازة ممكن تقطع اجدعها حتة فى جسمك..وللعلم كيس المكرونة من الصنف الغالى...حسبى الله ونعم الوكيل..كشفت راسى ودعيت عليكوا بالايطالى
Labels: pasta
posted by reham @ 10:09 AM
4 Comments:
لا خلاص مادام دعيتي عليهم بالإيطالي دي تبقى أكيد دعوة مستجابة !
يللا كل قزازة و احنا طيبين ، هما بس بيحاولو يدربو الشعب على إنه يقزقز الزلط في المستقبل ، بس على طريقة راسبوتين بقى
;)
ألا هما ممكن يغلو الزلط بعد كدا ولا ايه ؟
أول مره أدخل المدونه واتضايقت قوى انى دخلت فى اللحظه الحساسه دى وانتى بتكتشفى ازازه مع المكرونه....حمد الله على سلامتك واحمدى ربنا انها جيت على قد الأزاز ومكنش فى حاجه تلعب النفس....احم احم سورى....انما انا حاولت أعرف انتى بتشتغلى ايه بالظبط لقيتك بتقولى مستشفى وادارة اعمال والمهنه فى البروفايل فنون....هو ايه الحكايه هو انتى كل دول مع بعض؟ خلاط يعنى؟....عموما تحياتى لمدونتك اللذيذه الجميله ونتمنى نبقى نشوفك عندنا ونسمع رأيك فى اللى بيتقال.....سلام
rain drops :والله يا باشا كل حاجة ممكن تحصل فى الدنيا دى..ربنا يطلعنا منها على خير ..اللهم امين
mohamed: بص يا باشمهندس انا دكتورة بشرية..اتخصصت جراحة أورام لفترة ..وبعدين نقلت على الجراحة العامة والطوارئ-حوادث يعنى- وعشان درست ادارة ومارستها لفترة اترشحت انى اكون مدير طوارئ للمستشفى اللى انا فيها..بس رفضت لاسبابى الخاصة..شكلى حرجع جراحة الاورام بس بعد فترة كده ان شاء الله..تحياتى ليك وشرفت المدونة..دى خطوة عزيزة
Post a Comment
<< Home