اخوانى الطلبة
حبايبى الطلبة ..والله انا لسه بستغرب ازاى بتجيوا الدرجات دى ؟ ومن فين وازاى وليه ؟..اتفرجت على شوية منكم النهاردة الصبح قبل ما انزل المخروبة ..التليفزيون كان منور ..مكونتش متوقعة ان تلاتة منكم يقولوا حيدخلوا طب..شكلوكوا متفائلين وبتتكلموا بكل ثقة..ومتفتحين للحياة ومقبلين على دراسة الطب كده بكل امل..انا نفسى فى حاجة واحدة..الشريط اللى متسجل عليه انكوا تدخلوا الطب تحتفظوا بيه..وبعد 7 ونص سنين من دلوقتى يعمل معاكوا التليفزيون لقاء تانى ويا ريت على الهوا عشان الانطباعات والاهات تبان بجد بدون مونتاج..نفسى اسمع رأيكوا فى دراسة الطب ايميدياتلى بعد الدراسة وبعد انتها الامتياز- واثنائه عشان بيبان فيه الحقيقة العارية-..ويا ريت يا ريت كمان قوى يتسجل معاكوا مع أول احتكاك واقعى بأرض الواقع اللى هى توزيعة النيابات والذى منه وما يتبعها من مرتب عرة لا يحوق ولا يلوء..وكل التسجيلات دى تحتفظوا بيها فور ريفرانس..يا حبايبى انتوا بيتصرف عليكوا دلوقتى..ومحدش يقوللى ان الطب حيوكل..ومحدش يقوللى الطب رسالة سامية..عشان حرد عليه واعرفة مين شامية دى ..اخر انذار صديقى الطالب: بلاش كلية الطب احيات النبى يا شيخ..هذا وبالله التوفيق..اللهم قد بلغت اللهم فأشهد
posted by reham @ 11:01 AM
4 Comments:
الى رومة اللى اسمحيلى اقول انك بقيتى انتى اللى حبيبت هارتى و اللهى مش عارف كناعامالنا ايه فى تافساويتنا وانتى و اللهى مش عارفة انا بقالى اد ايه عمال افتح و مستنى تكتبى حاجةز يا ريت يكون عندك وقت و بنكونى بتقرى الكلام اللى بيتكتب ده كله ............. على رأى اللى قال"بلد بتاعة شهادات صحيح" اسمحيلى اقوللك يا رومة ... و اللهى انا ارتحت لحضرتك جدا و يا رب تتقبلينى اخ صغنتوت عشان كان نفسى يبقالى اخت مخربشة و شرباتاتاية كده .... يا ريت ما تغيبيش علينا بكتاباتك ..... ( بالزمة فى حد يسيب اليابان و ييجى مصر جاتكوا البلا ماليتوا البلد.just kidding.
السلام عليكم
انتى عندك حق يا دكتوره للاسف
جه اليوم اللى الناس تخاف تدخل طب مش عشان صعب
عشان ما يستاهلش
يخرب بيت كده
بس هو يعنى اللى رجله جت فى الحكايه ما ينفعش يخلع باى طريقه؟
xfiledman: والله انت بتنور البلوج ..وبالنسبة لليابان انا بحاول أهوه بس البروفيسور يرود..ادعيلى انه يفتح الايميل ويرد
هنداوى : والله المصيبة انك بتحب الطب ومش حتقدر تحود عنه ولو حودت شوية ايدك حتكلك ..فحتلف وترجع تانى ..هية دايرة مقفولة يا ابنى وشكلها كده مش حنطلع منها
اخى الطالب لاتدخل الكليه التى سهرت الليل عشانها الكليه فيها خازوق جااااااامد ههههههههههه
حسبى الله ونعم الوكيل كان مالو الدبلون
Post a Comment
<< Home