خاريستو ولي
هو باين عليها سنة .. مش حتجيبيها لبر يا ٢٠١١ .. انا عموما قبل ما اقول اي حاجة عن موضوع النهاردة .. احب اقول اني كنت ححط صورة عقد لولي مربوط في بعضه .. عشان لما يفك كل اللولي حيكور ورا بعضه .. حاجة زي الدومينو ايفيكت .. بس بصراحة لسه شايفة تقرير من قناة الفطيرة طبعا جه في وقته .. انا جيت اتغدي قامت بطني قلبت وقعدت ارجع .. ولسه بفتح التليفزيون وبحاول اهدي بطني شوية .. لاقيت ما يثير الغثيان .. دومينو ايفيكت حيبتدي من اليونان - يا قلبي فعلا والله معندهم غير شوية اثار متهدمة وشوية زتون كالاماتا - حتقع وتليها ايطاليا وبعدين فرنسا .. قامت فرنسا من كام يوم قالت انها حتطبق سياسية التقشف .. ايطاليا مش سامعة لها حس .. فيه مظاهرات مناهضة للنظام المالي وبيقولوا انتوا خليتونا مستهلكين بس عشان تزودوا ثراوتكم - وه يعني انتوا معرفتوش اللا النهاردة ؟؟- ما علينا .. اكتر حاجة خليتني ما اقعدش علي بعضي يفط اوكوباي طوكيو .. ومظاهرات في جنوب شرق اسيا عشان جشع الشركات والبنوك .. ده غير تقرير عن اوكوباي شيكاجو في امريكا .. يعني ما شاء الله عندنا الخريف العربي واوروبا وامريكا وجنوب شرق اسيا واستراليا كمان -عشان محدش يوقل لي ده فيه قارة لسه مجالهاش الوبا-عندهم الانهيار الاقتصادي اللي برضة جاي ناحيتنا .. او احنا فيه باين واحنا مش عارفين .. المهم فتحت اليوم الساقع اون لاين لاقيت بيقول ان مصر داخلة علي مجاعة .. قمت قفلت .. كده حلو اوي النهاردة .. مش عايزة اشوف اخبار اكتر من كده .. بس اهم حاجة سمعتها من فترة قليلة ان القذافي بيقول انه له يد في مظاهرات امريكا واوروبا.. فهل يا تري يا هل تري ماذا تخبئ لنا الايام ؟
posted by reham @ 5:41 AM
17 Comments:
ربنا يطمن قلبك يا شيخه تسدقى انا مكانش ليا دعوه بالاقتصاد ولا القرف ده كله يكش الدنيا تولع .
دلوقت الدنيا اسودت فى وشى هيا باين عليها ايام سوده .
القذافى ده اصلا مسخره مش بعيد لو اديتي علاج غلط لعيان يقولك انا كنت قاصد انك تعملى كده .
المهم ابقى اتكلمي شويه انتى عن الازمه دي طالما قريتي فيها كتير
This comment has been removed by the author.
بقولك يا ريهام هو مفيش اى معرض كتاب قريب اصلى شكلى كده همشى فى السكه البطاله . يمكن ربنا ينفخ فى صورتى واعرف اخلص كتاب فى حياتي قبل ما اموت
This comment has been removed by the author.
انتى عارفه اليومين دول حاجات كتير كنت دعيت ربنا بيها بتتحقق ادام عيني الفتره دي بتفكرني بيكي وانتى فى الاول لما كنتى عماله تدعي ربنا يوصلك للى عيزاه . بس انا شاكك ان اللى بيحصلى دلوقت هو ده فعلا اللى انا عايزه واللى هيسعدني ولا هطلع غلطان فى الاخر وحتى لو اللى عايزه حصل هبقى سعيد ولا لاء
This comment has been removed by the author.
الحل عشان ترتيب المخ هو المشى !!! احلى حكمه سمعتها بقالى كتير اويبس انا مبعملش حاجه فى حياتي غير المشى تصورى لما واحد زيي انا يتعب من المشى اكيد المسافه اللى بمشيها مش بسيطه بس كمان اللبس الكلاسيك بيشد الواحد وبيخليه يتعب بسرعه مش زي لما ابقى لابس كوتش . بس انتي تقصدي المشى السريع ولا التمشيه والفرجه على المحلات
This comment has been removed by the author.
متعرفيش الزفت ده كل ما اكتب تعليق يكتبه مرتين ليه .
زهقت من كتر المسح
متعرفيش الزفت ده كل ما اكتب تعليق يكتبه مرتين ليه .
زهقت من كتر المسح
انهارده اجازه من الشغل التاني عشان كده لسه قاعد هنا . الظاهر كده شغلتين مش كفايه عشان يهدوني روحت اشتركت فى الجيم مبسدق الاقى اى ساعتين فاضين اروح فيهم الجيم مبقتش بهتم اشوف انا تعبان ولا مش تعبان المهم افرغ شويه الطاقه اللى عندي دي بس مشكلتى ان الطاقه دي مش جسديه بس معنويه بحاول اثبت نفسى فى البنك عندي الايام دي قدره استيعابيه قويه بس يا خساره المحصله قليله مفيش معلومات كفايه بستقبلها مبقتش عارف اشغل دماغي عشان كده عايز اتجهه شويه للقرايه بس انا كل ما اقرا البوستات القديمه بتاعتك واحس انك قريتي كتب كتيير جداااااااا بقول انا لسه هابدا وبيجيلى احباط ولا عارف ابتدي منين انا دلوقت فاضى عندي معاد مع الدكتور انهارده الساعه 12 عقبال عندك هركب التقويم انهارده شوفتى اللى حصل الكتور قالى ابعت رساله على الموبايل بالمواعيد اللى بتفضى فيها بعتهاله وبرضو اختارلى معاد انا مش فاضى فيه طبقت يوم الجمعه والسبت فى الشغل عشان افضيله معاد وبعد ما روحتله دكتور التقويم درسه وجعه ومقدرش يكمل التقويم قالى قوم انت وانا هقعد مكانك اصله بيجي بالطلب اتنين دكاتره مع بعض والدكتور بتاع السنان كشف عليه انا طبعا استغليت الفرصه وهات يا تقطيم فيه امال فين مبدا الاهتمام بالاسنان والكلام ده وكان بيقولى اى اهمال وانت عامل التقويم هنوقف كل حاجه المهم شرحلى ازاى درسه وصل للعصب واقتنعت بصراحه . المهم انا هنزل دلوقت اتمشى فى وسط البلد شويه اتفرج على المحلات ولو عرفت اعاكس مزز مفيش مشكله وبعدين اطلع على الجيم ياله بايووووووو
This comment has been removed by the author.
انتى فين !!!!!!
باينها ماتت ولا ايه
معلش سوري الاسبوع ده انشغلت جدا .. حرد علي اسئلتك يا محمود قريب جدا .. سوري مرة تانية اني اتأخرت
what took u so long?
الاسبوع بس كان مليان اوي وكنت مجهدة جدا .. فبرجع من برة بنام ومش بدخول اونلاين خالص .. الروتين بتاعي اتلخبط بس شوية فمكونتش ببص علي اي حاجة في النت .. متشكرة علي اهتمامك يا محمود ..ححاول اظبط حالي وادخل تاني علي البلوج ، يمكن يومين تلاتة كده وتلاقيني رجعت تاني ان شاء الله
Post a Comment
<< Home