الله ولي الصابرين
احترت والله اكتب واللا لأ .. بالرغم من اني نصحت د.الاسنان زميلي اللي بتعالج عنده انه -عشان عصبي اوي النهاردة ساعة الكشف وكان فيه عنف في استعمال الالات معايا- يهدي اعصابه .. لولا انه زميلي كان حيبقي لييا تصرف تاني .. علي الاقل حمشي من عنده ومش حرجع له تاني .. بس ده زميلي وانا عارفاه من فترة ابن ناس ومهذب ومتزن .. عليه ضغوط زي كل الناس .. بس الزمن بقي وحش بجد .. اوحش من فترة فاتت .. لدرجة اني وانا في القصر ..معرفش ايه اللي خلاني ادعي اني مكملش في بقية الزمن ده .. حتي محمد صديقي اللدود قال لي مهما حصل مش عايزك تفقدي ضحكتك .. بجد مش قادرة .. الضغوط كتيرة اوي .. واللي حصل حوالينا ومحدش دريان وبيسقف ويهلل .. مش عايزة اقول ان كل اللي بيسقف ويهلل بكرة يبكي بدل الدموع دم .. بس بقول محدش بيتعلم من ممالك ودول انهارت علي مر التاريخ .. واذا محدش قاري في التاريخ وتتابع الامم .. محدش خد باله من سيناريوهات بتتكرر بحذافيرها كل فترة ؟ ... فكرت عند احمد وانا في عيادة الاسنان وهو بيكتب لي الروشتة وبينقل لي فيلم عن الاورال هايجين علي فلاشةازاي الواحد يقدر يعمل سيطرة علي الضغوط .. نصحته بجد لوجه الله انه يشرب يانسون او نعناع .. بس اليانسون افضل .. افتكر معايا انه بيحب التيليو من زمان وكان بيهديه .. دعي لي بالخير اني فكرته وقال لي انه حيهرب مع مراته علي اي حتة في العيد .. قلت له يا تقفل التليفزيون يا تتفرج فيه علي افلام كارتون .. كلمني عن بلانت ايرث اللي عنده وبيحبها وقعد يفتكر ايامه في استراليا .. ممكن يبقي مكان كويس للهروب بس بعد فترة لما اعصابك تهدي بتزهق وتيجي جري تبوس تراب مصر ..ممارسة الرياضة بتهدي برضة .. انا اكلي محسوب ومعظمه مش بيشد الاعصاب .. قال لي انه ساعات بياكول فاست فوود .. وده مش صح .. انا بطلته من زمان وكانت دي من احسن الخطوات اللي خدتها في حياتي .. فاضل الصلاة وقراية او الاستماع للقران .. والدعاء بجد من القلب .. والصبر .. بجد ساعات لما بفكر في اللي حصل لي وبفكر في الايام اللي احنا عايشينها .. وببص علي الاطفال في الشارع مع اهلهم واقول في سري يا تري يا ولاد ربنا كاتب لكوا ايه ؟ .. طب احنا ربنا كتب علينا الحزن والتحسر - وده مش قليل لان الاغلبية فرحانة وبتهلل . .. "زي ما قال ربنا .. وتري الناس سكاري وما هم بسكاري ولكن بطش ربك شديد .. يا رب تكون الاية صح لاني مش فاكراها كويس .. بس بجد بحس ان اللي بيهلل ويفرح في الظروف دي مغيب او غير واعي او قرر يحط دماغه في التلاجة - وصدق فينا قول سيدنا محمد : ولكنكم كغثاء السيل .. بفتكرك كل يوم يا رسول الله .. كتاب الله وسنتي في زمن الفتنة والاختلاف .. وبفتكر دايما كلمتك .. طوبي للغرباء .. وحاسسة اني ممكن ادخل جنتك يا رب برحمتك وعفوك وبصبري علي الشدائد والبلاء والابتلاء .. وبدعي ليكي يا مصر من كل قلبي .. استودعتك مصر يا اله السموات والارض الذي لا تضيع عنده الودائع ابدا .. بحق اسمك الاعظم تحميها وتحفظها ..حصنتك يا مصر بذي العزة والجبروت ..واعتصمت برب الملكوت ..واتكلت علي الحي الدايم الذي لا يموت .. يحفظك يا رب يا مصر من كل شر .. ويصبرنا ويعيننا علي زمننا هذا .. يا رب بحق بركة يوم الجمعة تزيد خشيتك في قلوبنا وتقوي ايماننا وترزقنا الثبات علي الصراط المستقيم في زمن عجيب اتكتب علينا نعيش فيه ..
posted by reham @ 2:16 AM
47 Comments:
انا اتحط عليا الويك اند ده
هو انتي اللى مألفه مرزوق وتفيده ؟
مش عارف ليه بعد ما قريت البوست ده حاسس من كلامك انك مش مبسوطه خالص واقل تصرف بيعصبك وبتبتدي الافكار السوده تجيلك
.ولا دكتور الاسنان كسر درسك
This comment has been removed by the author.
على فكره النصايح اللى فى البوست اللى فات جامده جدااا انا مقريتهاش كلها بس كل يوم باخد منها حاجه جديده
هحكيلك على اخر موقف اصلى مش هينفع افضل ساكت كده احسن اطق
امبارح يا ستى عديت على صحبى بدرى روحنا الجيم عشان اخلص بدرى واطلع على الشغل بدرى عشان اشوف واحده زميلتى كده شاكك اني بحبها المهم شكلى لعبت حاجه فى الجيم دهرى واجعني اوي ياما تقلت وزن مش عارف المهم مخدتش بالى الا بليل روحت الشغل يا ستى وعمال ادعي ربنا انها تكون نزلت بريك عشان اشوفها عايز اكلمها مش عارف القصه كبيره شويه وبقالها فتره انا مش عايز اكلمها ادام حد من الناس اللى معايا فى الشغل عشان دول ناس ولاد جزمه وهيتكلموا عليها وانا مش عايز حد يجيب سيرتها عالم بارده اوي عشان كده لما بتجيلى فرص اني اكلمها مش بكلمها معرفش بقي هيا بتفتكرني منفضلها ولا ايه المهم اول ما وصلت قولت ادخل الحمام وابص بصه كده على الروم بتاعت البريك يمكن تكون قاعده روحت ملقتهاش دخلت الحمام سمعت باب الحمام الحريمي فتح روحت شربت بق ميه وخرجت جرى اشوف مين اللى خرج لاقيتها هيا ومعاها واحده باين سوبر فايزر بتاعتها ماسكها من ايديها وخارجه بره روحت لاقيت زمايلى ابتدوا يجيوا وقفنا قريب منهم عشان اسمع بيقولوا ايه واصحابى انا عمالين يهزرو مش سامع منهم حاجه بس باين كده فى مشكله المهم زمايلى اتزحلقوا واحد ورا التاني اللى هيدخل الحمام واللى هيصلى لاقيت السوبر فايزر خلصت كلام ومسكتها من ايديها وواخداها وماشيه انا اتوترت ناديت عليها انا اصلا معرفتي بالبنت دي مش جامده بصيتلها باستغراب كده وشاورت بايدي بسلم عليها كنت عايز اقولها فى ايه هيا ردت السلام بس وشها متغير قلقت انا كده طلعت فوق طلعت انا وراهم اسلم على الشيفت وزمايلى اللى فوق وبالمره اشوفها فين دلوقت لاقيتهم نزلوا تاني والسينيور بتاعهم نازل معاهم قولت بس يبقى فى مصيبه عندها فى الشغل نزلت تاني وراهم وفضلت واقف بعيد اتفرج قعدوا كتير انا اعصابى بازت الشفت بتاعي هيدخل انا اتنرفزت اوي مش هعرف اشتغل طلعوا فوق طلعت وراهم وقفوا شويه وبعدين لاقيتها نازلها بتعيط
بقولها فى ايه قالت مفيش حاجه ونزلت نزلت جرى وراها بقولها مالك لاقيت السينيور ابن الكلب جاى وراها بيقولى فى ايه قولتله لاقيتها بتعيط طبطب على كتفى وقالها تعالى انا كان ممكن اتصرف معاه بس انا قلقان انها تحرجني انا اصلا مش متاكد من شعورها ناحيتي ممكن لو اتدخلت فى الموضوع اتلسع قلم على افايا وتقولى انت مالك طب ساعتها اقولها ايه بس معتقدش اصلا نظراتها بتقول كلام تاني خالص اول مره تحصل ومدخلش الشفت فى معادي استاذنت من السوبر فايزر بتاعي قالى اقعد ربعايا كده تحت وتعالى تكون روقت شويه نزلت الحمام وهاتك تخبيط فى الرخام وفى الحيطه قولت اخد بق ميه مستحملتش بخيته جامد تاني كويس ان محدش شافني كان ممكن يتخض المهم قعدت شويه لحد ما هديت كده قولت اطلع الشفت بقى هيا اصلا مش باينه ادامي طلعت فوق لاقيت سوبر فايزر عندنا بيقولى انت كنت تحت بتعمل ايه ؟ سكت قالى جيب من الاخر كنت تحت تعبان ولا بتاكل ؟..باكل !! قالى انا شايفك واقف تحت ومفيش حاجه يعني .. قولت فى سرى طب اقول لامه ايه ده قولتله انا جاي من البيت واكل اصل انا لما بخرج من الشغل ده على ده بروح جعان اوي وبطلب بريك عشان اكل .دخلت وقعدت ومفيش خمس دقايق لاقيتها جايه تاخد الشطنه بتاعتها ومروحه طب اعمل ايه بقى طلبت انزل الحمام السوبر قالى انت فى مشكله عندك قولتله انا عايز انزل الحمام دلوقت قالى مش عايز تتكلم يعني قولتله عايز انزل الحمام قالى انزل نزلت لاقيتها نازله على السلم بس لاقيت حد كده من الزمله الرخمين قولت مش هكلمها دلوقت طلعت ادام الباب جت هيا معديه من ادامي بس كان معاها تلفون ناديتلها بس مش عارف صوتي كان واطي ليه مردتش عليا هيا مش عارف سمعت ونفضت ولا كانت مركزه فى التلفون وكان فى حد واقف بيتفرج عليا قولت ماشى اسيبها تخلص التلفون على ما اجيب حاجه من السوبر ماركت هيا اصلا بتمشى بطئ روحت اجيب جيلى كولا احسن ريقى نشف ملقتش قولت احسن برضو انا مليش نفس اكل حاجه مشيت وراها بس قولت مش هوريها نفسى الا لما تقفل الزفت اللى بتتكلم فيه لاقيتها فى ثانيه قفلت التلفون وانا كنت واقف ورا عربيه كده ولسه هاروح اكلمها لاقيتها ركبت اتوبيس يا نهار اسود معرفتش افكر مش هلحقها كده قولت بنت الجزمه دي مش قالتلى ان اخوها بيجي ياخدها من عند ماك قبل كده كنت مراقبها لاقيتها بتستني كتير على ما بتركب معرفش حاجات كتير جت فى دماغي والباص بيتحرك قولت طب ما اروح اركب معاها دا فاضى ويولع الشغل بس ملحقتش دمي اتحرق وقعدت اخبط برجلى فى الارض الناس بقت ماشيه تتفرج عليا وشى كان احمر اتنرفزت من نفسى انا اكتر لو كنت خدت القرار بسرعه وجريت على الباص ركبت واللى يحصل يحصل كنت استريحت رجعت الشغل لاقيت واحد صاحبى ماسك كوبايه شاي خدتها منه وقفت معاه وراني صوره البنت اللى هيخطبها قولتله اشتمهالك يعني ولا ايه لاقيت السوبر فايزر اللى انا قايله اني رايح الحمام نازل وشافني وانا ماسك الشاى وبهزر مع صحبى هههههههههه نو كومنت بقى
فاكره لما قولتلك اني رايح اركب تقويم الاسبوع اللى فات الدكتور اداني معاد عبيط كده اضطريت اطبق فى الشغل وقعدت تلت ساعات بين الشفتين نمتهم فى الشغل واتبهدلت فى اليوم ده وهيست كتير فى الشغل وكانت هيتعملى جزا بس ربنا ستر المهم فضلت من صلاه الجمعه لحد السبت الساعه 10 بليل روحت للدكتور لطعني بره وبعتلى واحد نسكافيه ماشى ميرسى يا سيدي بس انا مش قادر استحمل اقعد تاني بس البنت السكرتيره عسل اوي خلاص هستحمل عشانها دي جابتلى النسكافيه بنفسها تسلم ايديكي يا قمر لاقيت تلت بنات طالعين والدور عليا قولتله انت كنت بتعملهم كلهم تقويم ضحك وقالى اقعد وقعد يلمح بالكلام انه تعبان وبتاع قولت وبعدين بقى هو ناوي يكروتني ولا ايه قولت اعمل عبيط اما نشوف اخرتها دكتور السنان واقف بيتفرج كويس اهو حد اعرفه موجود لاقيت دكتور التقويم ركبلى الرنجز بتاعت التقويم على الدروس اللى ورا وقالى قوم قومت راح قعد مكاني وقالى انا اللى هكشف مش انت دحكت قولتله مالك قالى درسى عاوز حشو جذور دحكت واتريقت عليه شويه بس بلطافه المهم خدت معاد تاني يوم بس كان عندي شغل الصبح لما رجعت نمت ومحستش بالدنيا راح المعاد قومت من النوم على الساعه 1.30 كنت عايز ازعق بس انا مقولتش لحد يصحيني اصلا عشان ازعقله مهو مكانش حد فى البيت وانا كنت عايز انام المهم بلعتها ونمت تاني . الاسبوع ده زنقني فى معاد اللى هو انهارده بليل هضطر اغيب من الشغل بقى بس انا كده هبقى زودتها اوي معاهم اصل انا بقالى فتره عمال اعك فى الشغل بسبب المودام دي واتاخرت كزا مره فى الشغل التاني وعذروني هحاول اجيبلهم شهاده من الدكتور .
متعمليش فيا خدمه يا رووو وتديني اربعتاشر شهاده مرضيه كده مضروبه اهيص بيهم لاخر السنه (-^)
This comment has been removed by the author.
ههههههههههمعلش طولت عليكي بس نسيت اكملك باقى القصه انا سبت الشغل اللى فى ايدي قبل ما انسى احسن انا اجدع واحد ينسى .
بعد اليوم الرخم ده فى الشغل قبل ما اروح كده بساعتين جوعت جامد قعدت احلم بقي لو اروح الاقى امي عامله رز ورلحمه وطبيخ وملوخيه ياااه دا تبقى كده عملت الصح معايا انا اصلا مش معايا فلوس اشترى اكل انهارده بصراحه مش انهارده بس لحد اخر الشهر العمله مزنقه اوي لاقيت اخويا بيتصل بيا وانا فى الشغل بيقولى الناس بتشتكي النت فصل عشان الفاتوره هما دفعوا الفلوس بس لسه البت جارتي مدفعتش دي اتاخرت اوي ولما كلمتها قالت هتجيبها امبارح ومجابتش دنا هطين عيشتها لما اروح انا اصلا جهازي بايز وموصل للناس كده جدعنه ماشى حسب التسعيره اربعين جنيه فى الشهر حتى فى واحد جارنا عمل حركه بايخه معايا فى شهر كده بقوله فى ناس طلعت والفلوس كده هتتقسم علينا وهتدفع خمسه جنيه زياده انا طبعا مكنتش بقسمها بالظبط كنت بجاى على نفسى وبدفع انا اكتر بقول هما ملهمش ذنب بس لاقيته بيقولى لا يبقى انا هخرج الشهر ده قولتله براحتك بس بصراحه اتنرفزت اوي ..مسكت نفسى بالعافيه عنه اصل المعامله بينا مش اللى هيا معرفه من بعيد لبعيد المهم هو الايام دي عايز يدخل بس بسعر قليل بس بعينه لو جالى حتى يبوس ايدي مش هيدخل الا باربعين الروتر كله اصلا مفيهوش غير اتنين وانا حتى مش معاهم واخدين السرعه كلها ولاد الا ايهوانا دفعت الشهر ده 65 مع اني مش مستفيد وكل ده بسبب جارتنا الشهر اللى فات مدفعتوش وانا صابر عليها وقولت هتدفع الشهرين مع بعض جاى بكلمها بتقولى لا انا الشهر ده مش معاكوا قولت يا بنت الجزمه فى سرى كنت ناوي ادفعها على الشهر القديم 30 بس بس كده هدفعها 40 المهم روحت البيت عمال احلم بالرز واللحمه يا رب بلاش تكون عامله بطاطس زي كل يوم احسن انا قربت ازرع من جنابى لاقيت ابويا قاعد قولتله امي عامله اكل قالى اه بضرب
عيني كده لاقيت فى حله قولت اشته قالى عامله بطاطس ...ههههههههههههه ضحكت فى سرى بس الشهاده لله المره دي البطاطس مطبوخه مش محمره قولت مش مشكله شغال انا اصلا جعان ومش هفكر انا باكل ايه طب هيا فين امي دي عند جارتنا اللى فوق فى مشكله بينها وبين ابنها قالى نادي عليها قولت بلاش احسن جارتنا دي بتعزتني وبتجيبني فى المشاكل دي عشان انصح الواد ابنها اصله فى ثانوي انا جاي تعبان وعايز اكل وانام المهم هو نادالها نزلت طبعا بدل ما تسخن الاكل حرقته بتسيب الحاجه تغلى على النار روح انا منزلها حطت الاكل وقعدت بقى جنب ابويا هههههههههههه انا بصيت كده ودحكت عارف انا السيناريو اللى هيحصل وهيا مكبدتش الخبر لاقيتها ابتدت لاقيت اخويا بيقولى ايديك على 65 جنيه عشان ادفع النت اتاريه هو لم من فلوس دروسه على فلوس من امي وراح دفع قولتله اول الشهر دي كانت المقدمه عشان امي تدخل فى الحوار ههههه الدنيا هتولع دلوقت هيا وابويا عملوا دويتو عليا يا خايب يا نايب البت دحكت عليك انا قولتلك م ن الاول دول ميدخلوش قولتلها طيب انا هتصرف معاها انها تسكت مستحيل قعدت تلت وتعجن ودخلت ابويا فى الحوار هيا تسخن وهو يسخن طيب يامي خلاص انا عايز اكل بعدين انا هكلمها مش عايزه تبطل ياستى يعني اطلع اجيبها من شعرها واقولها مدفعتيش الفلوس ليه احنا الساعه 2 بليل انا هنفخهالك بعدين برضو مفيش فايده ونرفزتني اوي بصراحه ميه عشان كنت قايلها تسخنلى ميه عشان اغسل وشى قالت طيب الميه بتسخن وانا حعان وعايز اكل مش عارف من الرغي فى لقمه جيت اكلها وقعت تاني فى الطبق عمال اعافر معاها وامي قالت كلمه نرفتني اوي خلتني رزعت اللقمه بعد ما سدقت جبتها وحلفت اني مش هاكل وقمت ادخل اغسل ايدي لاقيت طبق جرجير فى وشى شوته برجلى ابويا زعقلي خبطت الكوبس بتاع النور عشان انور لاقيت الكوبس دخل لجوه هههههههههههه مستنتش ابص مش عارف ليه ساعتها افتكرت الواد ريديك لما كان بيكلم كيرا المزه بتاعته وبيقولها ديد يو نوت لسن؟ وراح خبط النور برضو وهو متنرفز انا اصلا بموووت فى شخصيه رديدك المهم راحت كل الاحلام دخلت اوضتى وحاولت انام كنت عايز اغسلى وشى ورجلى وايدي وكنت عايز اغسل اسناني كان نفسى اكمل اكل كنت جعان مش مشكله كويس اني لحقت لقمتين حتى علاج الشعر معرفتش احطه ودهرى كان واجعني اوي من الجيم كنت ناوي احط مرهم يممكن يتظبت بس خلاص بقى لازم ازعل بضمير طالما زعلت يبقى اكمل زعلى عشان مبقاش فاشل في كل حاجه كده.. حتى الزعل يعني !!مش هعرف ازعله
This comment has been removed by the author.
عمال اغني دلوقت "حبيتها يوخرب بيتها" وادحك هههههههه بايني اتلحست
والله يابنتى لا بيا ولا عليا خارج من البنك فى يوم ورايح الشغل التاني عشان الحق انام شويه برضو ملحقتش المهم اول ما الشفت ابتدي قولت اريح دماغي شويه على المكتب بس مش عارف البنات اللى ورايا عمالين يرغوا عاوزين ينكشوني عشان اتكلم معاهم وانا منفض قولت مبدهاش هما اصلا مش بطالين اتعدلتهم وقعدت اسمع كلامهم اى كلام وخلاص مش لاقى حاجه كويسه فى اللى بيقولوها عشان ادخل فى الحوار معاهم المهم قعدت وبعدين جالى اوردر باخد الاوردر عادي لاقى فى بت فى البارتيشن اللى ادامي يخربيت عنيكي ايه ده كانت بتاخد اوردر هيا كمان بس مش باصه على الشاشه اللى ادامهم .. ايه ده دي باصه عليا انا قولت اشته البدله عامله شغل كان الكلام ده مع بدايه شغلى فى البنك قولت بركاتك يا ستى البدله المهم عملت عبيط وفضلت باصصلها هيا ودت عنيها بعيد فضلت انا كمان متنح هيا كل ما تبص تلاقيني باصصلها فى الاول فكرتي عنها انه بنت اموره وخلاص بس لاحظت انها مهتمه بيا بنظراها بس مش اكتر بتبص عليا بطريقه مش طبيعيه مكنتش مبسوط اوي بس عادي يعني اهي بنت والسلام هو انا يعني براد بيت بتبص على ايه دي قولت عادي يمكن انا حاطط جيل على شعرى وعايزه تعرف نوعه ايه المهم دى كانت اول معرفتني بيها يمكن الكلام ده من تلت اربع شهور ونسيت بقى كزا يوم او يوم اسبوع عدي وبعدين لاقيتها تاني فى وشى وبرضو عماله تخطف نظرات كده ..ابتدت تلفت نظرى .. البت بصراحه اموره اوي ..فك.. انا بقالى تلتت شهور فى المكان ده ازاى مخدتش بالى منها ازاى اول مره اشوفها يبقى من كام يوم هو انا بدخل الشغل وانا مغمض ولا ايه طب ما تقوم تكلمها يابنى طيب اشته هقولها ايه دي مش لاقى كلام انا اصلا راجع من الشغل الاولاني ده تعبان نام نام ياعم طيب هغفل شويه وابقوا صحوني دي كانت بدايه معرفتني بالحجه دي بعد كده يعني ساعات لو جت على بالى وانا داخل الشغل بحاول ابص عليها واشوفها قبل ماادخل عادي يعني من باب الرخامه عدت الايام بقيت كل ما اخد اجازه افكر فيها واقعد احللها طيب دنا كنت مش واخد بالى فى مره وببص فجاءه لاقيتها باصه عليا طب ليه بس دي بتعمل الطرحه بتاعتها بطريقه جامده اول بصه بصهالى فى اول يوم شوفتها مش قادر انساها عنيها كانت حلوه اوي يا بنت الجامده بس استايلها مش عاجبني اوي دي بتفكرني بامي هيا ناقصه نكد دخل علينا شهر رمضان كنت انا فى شفت المسائى بتاع السحور وهيا طبعا الصبح عشان هيا واحده نسوان والبنات بيشتغلوا بالنهار بس عشان احوال البلد المطينه مش عارف انا ايه ده هو عشان احنا رجاله يبقى نشيل الطين فوق دماغنا .. مبلاقيش مواصلات انا وبليل بمشى من المهندسين للجيزه على رجلى هو انا ناقص مش كفايه شغلانه الصبح ومهما شربت ميه ولا بيبسى بقوم الصبح عطشان واحنا فى رمضان يا ربي مش مشكله انت برنس يا حوده وميهمكش من الحاجات البسيطه دي عدي نص رمضان بقيت فى النص التاني من رمضان فى شفت بتوين بروح على الساعه 3 العصر كده كويس الفتره اللى فاتت مكنتش باجي ال يعني كده بتقل عليها لما اجي اشوفها بقى لسه مهتمه ولا صرفت نظر يوم والتاني بقيت لما بشوفها بيحصلى تغيرات مذهله ولساني بيتشل وقلبى بيدق ايه الهطل ده انت مبتحبهاش اصلا يا ابن ال ... امال ايه ده .. برضو مش مقتنع اني بحبها يا جماعه مش هيا دي ..انا عايز بت استايلها اجمد من كده شويه البت شيرى عادل عجباني اوي كنت بكلم بنت زمان على النت كانت شبه شيرى عادل كنت بموووت فيها بس للاسف افتكرتني برسم عليها وكده مش مشكله ارخم حاجه مديقاني فى البنت اللى فى الشغل دي ...
اسمها ال ايه اسمها اميره ..خخخخخخ ايه الاسم ده يعني ياربى يوم ما اقع اقع فى واحده اسمها اميره ليه مقعش فى واحده اسمها ليندا ولا باكينام ولا ياسمينه اسم من الاسامي اللى يشرح دي .
This comment has been removed by the author.
الموضوع اتطور اوي معايا مش عارف ليه ببقى جعان اوي فى الشغل الاولاني مش قادر اشتغل خلاص بستحمل لحد المغرب بالعافيه طبعا بفطر فى الشغل التاني بيجبولنا وجبات من كتناكي مليش نفس اكل طب ليه دنتا كنت هتموت الصبح مش عارف والله طيب روح بدل الكانزيا دي بعصير ميكس طيب اشته هدفع فرق جنيه مش مشكله فى داهيه بس افطر برضو بجيبه ومش بقدر اشرب نصه حتي فضلت على كده لحد اخر رمضان كل يوم اشرب ميه واخد الوجبه معايا بجوع على الساعه 9 كده جه العيد مشوفتهاش معرفش اجزت ولا ايه بعد العيد رجعت المواعيد زي الاول بقيت انا بشوف هيا فين واقعد فى البارتيشن اللى ادامها بس سبحان الله بقعد زي الاخرس عمال ابص عليها بس ببقى شغال الصبح كويس واول ما اعرف اني رايح الشغل التاني داخل فى المجال المغناطيسي بتاعها بيركبني سته وستين عفريت وبطني بتقلب وبحس ان الضغط علي عندي ليه كل ده امال لو مقتنع ان دي هيا اللى انا مستنيها من زومان كنت موت بقى ولاايه بقيت اقعد ادامها وزي ما اكون قاعد على جمره نار هيا طبعا مش حاسه بحاجه انا مش قادر اقعد واقف على طول وعمال افرك طيب يابني اتهد واقعد دنتا منفوخ فى الشغل بتاع الصبح رجلك وجعاك اصلا ومش قادر تقف طب كلمها ... مش قادر ... اتصل بصحبى الانتيخ واقوله انا قاعد ادامها لا مش عايز اكلم حد لحد ما شفتها بيخلص وتمشى لما قولت لصحبى بهدلني وشتمني قاعد ادامها ومش عارف تكلمها يا خيبتك صحبى ده بقى ليه قصه برضو تقريبا ابتدت فى نفس ذات الوقت بتاعي بس هو فى فرع البنك اللى فى سمارت فيلدج فى بت عنده بيقول انها جامده بس هيا فى قاعه وهو فى قاعه بيقولى انا مش لاقى حجه عشان اروح القاعه بتاعتهم بس ابن اللذينه عرف يجيب طريقه يكلمها بيها كان فرح اخته قريب وجاب شوكلاته ووزعها على الفرع كله عشان يديها ويتكلم معاها هههههه اصله يعرف صاحبتها وهو ليه كلام مع صحبتها فرح اخته اللى كان اشته اوي كان فى دار المدرعات عزمني قولتله اشته رجعت من البنك ميت فى اليوم ده نمت شويه وروحتله... اول ما دخلت القاعات لاقيت فرح جامد جدا كله فساتين قصيره ههههههههههه ايه الهنا ده روحت واقف فيه ....طب صاحبك يابني ...قليل من الصياعه لا يضر شويه واروحله بس ميصحش اسيب الناس الحلوه دي المهم قولت لا دا مهما كان ابو زمل الانتيخ دخلتله شويه وطلعت ابص على الفرح لاقيتهم مشيو قولت مبدهاش خدت واحد معايا من الناس اللى جوه اعرفه ولفينا القاعات قاعه قاعه لحد ما جبت قرارهم ههههههه وقفنا اتفرجنا شويه على الفساتين وبعدين رجعنا... كان يوم تحفه ...المهم عشان مطولش صاحبنا ده كان بيقولى البت اللى عايز يكلمها دي متاكد انها معجبه بيه.. انا مسدقه .. كل يوم تجيلى فرصه اكلمها وبرضو مكلمهاش واكلمه اقوله يا وائل حمسني اديني زقه يقوم شاتمني اقفل فى وشه كل يوم سبت فى الاجازه بتاعتنا بنتقابل وكل واحد يحكي اخر التطورات للتاني لحد ما وصلنا لنهايه رحتله هو بعت صاحبت البت ليها تقولها البؤين اللى عايز يقولهم انه معجب وعايز يرتبط بيها قالتله لا بعد مشاوارات مع صاحبتها قالتله لو عايز تحاول انت كلمها لما راح كلمها البت صاحبتها البارده احرجته قالتلته مش انا قولتلك ردها بس الواد بصراحه طلع جامد قالهامش انتي قولتلى لو عايز تتاكد كلمها تاني واديني بكلمها انا اتكسفتلها بصراحه هههههه..المهم الحجه اللى عليها العين كان ردها النهائى انه مش مرتاحه ..يعني ايه ... يعنى لا .. مجنونه مش كده ما علينا.. دا بقى مخليني قلقان من الحجه بتااعي احسن تحرجني بقى ادام الناس ولا حتي ادام نفسى عشان كده متردد على شويه لخبطه مني على احراج على شلل مش قادر اقف ادامها واكلمها اعصابى بتسيب خالص .. وكمان عندنا الولاد زمايلى انا عقارب وانا مش عايز حد يتكلم عليها نوهائى عشان مش هستحمل وهعمل مشاكل مش وقتها دلوقت . كفايه كده انهارده ابقى اكمل وقت تاني بقى معلش دوشتك معايا انا عارف اني طولت اوي ورخمت اوي
معلش رجعت تاني ههههههههه اكيد زهقتي .. طولى بالك عليا يا رومه كنت هقولك نوت رفيعه كده ..مخبيش عليكي لما شوفتها بتعيط كده مكنتش عايز ابوسها بصراحه .. كنت عايز احضنها حضن كبيرر بس كنت عايز اسالها الاول .. يا ترى انتي حاطه ريكسونا ولا ايه ههههههههه اصل انتي عارفه بقى الناس مبقتش زي الاول وانا بقرف اوي وطول النهار اعلانات فى التلفزيون عن الناس اللى اول مابترفع دراعها بنلاقى مصابين كتير حوليهم ههههههههههه ياله بايو
This comment has been removed by the author.
انا لسه محتار والله هو انا بحبها ولا مبحبهاش هيا كشكل عجباني حلوه بس انا اصلا مبحبش البنات الحلوه مش معقوله طول الوقت هفضل شايف بت حلوه ادامي مش هستحمل .
زي الحاجه المسكره اللى من كتر السكر بتخرق فى الزور كشخصيه انا لسه مش عارف بس فى اغلب الظن على افضل افتراض ان شخصيتها حلوه معتقدش هتبقى زي شخصيتك كده انتى كشخصيه عجباني جدااا .. مش مجامله طبعا ..يمكن ده اللى مخليني متررد اكلمها او حتى اوضحلها اني معجب مش عايز لما اقرب منها اوهما بحاجه ولما اكتشف ان مش هيا دي اللى بدور عليها تتجرح انا مبحبش اجرح حد وهيا شكلها رقيقه اصلا بس كمان صوتها مش عاجبني ايوه صوتها وحش وبقولها بالفم المليان كلمتها قبل كده على تلفون الشغل مسدقتش ان هيا دي كدبت نفسى والله قولت يمكن فى اتنين بنفس الاسم - دنا بيكلمني بنات لما بسمع صوتهم بس فى التلفون من اول مكالمه بحبهم هههههههههههه والله الواحد يتجوزهم علشان صوتهم بس .. اه اينعم الصوت بيخدع والمفروض الواحد مش يامن لواحده فى التلفون بس اصلا صوتهم ملوش حل وبعدين اسلوبهم راقى جدااا مش بنات مايعه وبعدين بنتكلم فى حدودو الشغل مش مسخره وبرضو مش معقول كل البنات اللى صوتهم حلو دول وحشين طيب انا اعمل ايه منا برضو نفسى اللى ارتبط بيها يكون صوتها جامد هو يا كده يا كده انا قلقان برضو مع كل ده اني حتى لو ارتبط بالبنت دي انى بعد كده لو اتعرضت لواحده فيها الصفات اللى انا عايزها وحصل اتفاق بينا اني اخون دي او حتى اتجوز عليها مش عايز انا الكلام ده يحصل عشان كده عمال اقلب الموضوع دلوقت من كل النواحي يمكن هيا بتسال دلوقت انا ليه لما جت فرص اني اكلمها مكلمتهاش .. انا نفسى محتار جداااا مش عارف اذا كانت هيا دي ولا مش هيا اللى هرتبط بيها بقيت حياتي مش عايز اوهمها بحاجه وبعدين اخلى بيها لسه بفكر برضو .......
This comment has been removed by the author.
مليش مزاج اشتغل انهارده عايز اقعد ارتب دماغي شويه مش كان احسن لو بنتكلم على ميل عشان تقوليلى رايك فى الحوارات دي كلها ما علينا انا هحاول اصلح الجهاز بتاعي الشهر الجاى انشاء الله ..فى اخبار حلوه كده ان المرتب بتاعي هينقص 200جنيه الشهر الجاى ههههههههه انا مبسوط مش عارف اعبر عن انبساطي ده ازاى .. اللى غايظني بقى وفاقع مرارتى اني همووت واتكلم انجلش فليونت مش عارف انا افهم اللى ادامي بيقول ايه بس اتكلم زيه استحاله مش عارف اعمل ايه فى نفسى .. روحت لشيوخ كتير عشان يقروا عليا وفى دجال على اول شارعنا كل يوم بعدي عليه اخد حجاب هههههههههه مفيش فايده حاليا شغال على سيلف استادي بس المواضيع العاتفيه دي معطلاني شويه بس هيروح مني فين يانا يالانجلش نبقى نتكلم فى الموضوع ده لما افوق شويه من التوهان ده .. الاسبوع اللى فات ده اللى مكنتيش بتدخلى فيه كنت بتابع حلقات مرزوق وتفيده هههههه عسل اوي تفيده البلتجيه مشلفطه الواد يا عيني والنبى البنات دول مفتريين فى حاجات معقله معايا اوي بتاعت " عربيه ايه دي تفيده شبه الحمار اه حمار حتى لايق عليها هههههه" بجد يا رومه احلى حاجه قريتهالك ايفر لما بتقولى ما تعمل هو انا هيهمني راحت مامتك قالتلك وهرمي ميكي ... لا كله الا ده .. وهرمي الكتب لا خلاص مش قادره اسمع ههههههههههههههههه بجد البوست ده مش هنساه طول حياتي هو تقريبا نفس اسلوب بطوط وميكي والقصص دي
انا اصلا بموووت فيهم بس عمرى ما قريتلهم حاجه وعد مني اول الشهر لازم اشتريلهم شويه حاجات اقرا فيهم والبركه فيكي بقى تدليني على طريقهم .. اصلا انا مش عارف الميزانيه بتاعت اول الشهر دي هتكفى ايه ولا ايه ... لا وفى ناس بتقولى انت عبيط مش عارف تمسك قرش .. امسكه منين ده ؟- هو انا ملاحق على الطلبات بتاعت البيت ولا بتاعت اخواتي ولا احتياجاتي انا ولا لو حصل وكلم المزه اللى طلعتلى فى البخت دي اكيد المصاريف هتزيد لازم طبعا ابقى الواد الجامد الجنتل وكوع يا ابو حنفى هات من اللى على قلبك والله ما فى حاجه ... فاكرين تحت القبه شيخ انا شاحت من ابويا الشهر ده 50 خلصت اول امبارح مش عارف هكمل بيقت الشهر ازاى هيا هانت خلاص باقى اسبوع ... الايام دي بقيت بحترم اغاني بهاء سلطان وبموووت فى الجريني .. الجريني ده بقى زا وان بالنسبه ليا من ساعه ما سمعتله يا خسارتك فى الليالى لسه بسمعها تل ناو انتى اكيد بقى بتسمعى للناس القديمه باين عليكي متكدبيش !!!
هههههههههههه انا عارف اصلا انتى اول ما تفتحي البلوج وتشوفى كميه الالكومنتات دي هتخضتي ويمكن يغمي عليكي .. اى نو انتى مش هتقرى الكلام ده كله بس كان لازم افك شويه مش مشكله تقولى رخم .. اه رخم فى مانع انا حر اكتب فى اى مكان يعجبني- دا بلوج الحكومه
This comment has been removed by the author.
انا نفسى دلوقت اروح اتفرج على فيلم-- زا جيرل نكست دور --الفيلم ده فيه قصه حب بتشدني كل ما ما اتفرج عليه ساعات بحس انى محطوط فى نفس الزروف اللى الواد ماثيو عايش فيها بس هيا اتعدلت واحلوت معاه ولاقاها وانا لحد دلوقت تايه --
اى نو شكلك مشغوله اوي انا خدت غطسه كده فى كتاباتك القديمه بصراحه احلى بكتير من دلوقت بالزات لما بتحكي مواقف... بس مستغرب ايه كميه الامتحانات دي وبعدين انتى فى طب ومش سايبه مواد التجاره ولا الاقتصاد في حالها ونازله قرايه فى قصص وكتب وروايات وكمان بتروحي ندوات وكل شويه المركز الفرنسى والساقيه ايه يا طنط كل ده بتعملى كل ده امتي دا غير الجرايد ياخرابى دنا لما بقرا مقاله فى جرنان بقول انا تعبت اوي لازم اخد راحه اليومين الجايين مش هقرا حاجه تاني ههههههههه. ولا المذيع اللى كلمك بليل وقالك ندوه وكومان بالفرنساوي طب ما ترسى على حل هو انتى بتتكلمي انجليزي ولا فرنساوي والمصيبه ان الالماني شكله عجبها ما تتكلمي الماني بالمره .. واي نوت ... بس اعتقد انك احلى اسلوب بتكتبى بيه هو العربى وليكي مقاله برضو بالانجلش عجبتني اوي كنتى حاجه باين كريم ونسيتي تشيليه وقولى هو ايه اللى هيحصل يعني وكل شويه تقفى ادام المرايه وتغمزي لنفسك ههههههههههه يا واد انت يا جامد ... بس افهم من الغمزه دي ان محدش بيعاكسك فى الشارع يعني عشان كده بتعاكسى نفسك ولا ايه..... كفايه كده انهارده انا رايح اعاكس ... اه على فكره كلمت البت اللى عجباني دي .. بعد المشكله اللى حصتلتها غابت يومين افتكرتها اترفدت قولت اشته عشان اعرف اشتغل هههههههه ... بس رجعت تاني . الحمد لله انهارده اتصل بيها ارخم عليها شويه .. على فكره هيا متعرفش ان انا اللى بكلمها ... اصلا صوتها وحش فى التلفون .. مش عارف على الحقيقه زي التلفون ولا ايه اصلي متكلمتش معاها كتير وصوت امها واطي ببقى ناقص الزق وداني فى بئها علشان اسمعها ... عمال استفزها فى المكالمه البت هاديه خالص انا مش عارف دا تقل ولا ايه هيا تقيله كده مع كله ولا ايه بس من خلاص شكلها اعتقد ان البت دي غلبانه ولو حد عاكسها مش هتعرف تصده فى الكلام خاصه لو حد معرفه .. لو حد من الشارع معتقدش انها هترد عليه اصلا.. كده وصلنا لحاجتين اولا اموره ثانيا صوتها وحش يارب بقى تطلع بلتجيه انا بحب البنات البلتجيه وشخصيتها قويه شويه بدل السهتنه اللى هيا فيها دي انا قلقان تطلع عبيته... اخ لو تطلع شرانيه زيك كده يا رومه وياسلام بقى لو مثقفه وتستفزني تخليني اتثقف اكتر عشان اكسر منخيرها هههههههههه اصل ميصحش الجو بوتاعي يكون دماغه اعلى من دوماغي ... سو باد
This comment has been removed by the author.
معلش لما قريت الكومنت اللى فوق ده مفهمتش منه حاجه ههههه اصلي مش براجع على الكلام وبعدين بكتب وامسح هتلاقى كلام غلط بس اعتقد هتفتهميه وهتلاقى حاجات ملهاش علاقه ببعض دي متتعبيش نفسك فيها دماغى ورمت اليومين دول من الزفت الانجليزي كده فل اوي انا اخد اجازه الشهر ده ومقراش حاجه انجلش تاني لحد ما تركيزي يرجعلى المصيبه بقى اكون بهيس كده فى الشغل ومش باخد بالى.... اول الشهر قرب والقبض قرب وهنا بقى بيج ايبك . الملحمه الكبرى عايز اصرف فلوس بالعبيت مش عارف الفلوس بقرسني وهيا معايا ولاايه بصرفهم اول الشهر واقعد اشحت اخر الشهر ..فى حتت بدله عجباني هموت واجيبها وعايز اصلح الكمبيوتر غير سداد الفلوس اللى شحتها الشهر ده والواد اخويا الصغير وعدته اجيبله هديه والله مش عارف اجيبله ايه ده وبعدين كله كوم ومجلات ميكي كوم لازم اجيب حاجه لميكي او بطوط مش هقدر استني الشهر الجاي الرجل المستحيل مش شداني اوي -- مش ناويه تغيرى البوست ده -- عدد الكومنتات بقى كتير اوي هنا .. الناس تقول عليا ايه دلوقت .. والله بفكر امسح كل الكومنتس اللى كتبتها دي وكان شيئا لم يكن.. وبعدين عايز استشيرك فى حاجه كده منتى برضو تعتبرى دكتوره ههههههه .. التوتر ..بجد مش عارف اعمل ايه انا بحس ان اى حد بيكلمني من الناس العاديه .. اللى مش واخد منهم موقف ولا عندى ليهم اى انطباع ..بحس انى عايز ازعقلهم بحس انى فى مره هصرخ فى وشهم ..اما الناس اللى مبحبهمش بقى ..هههه نو كومنت بحس اني هعمل فيهم الفنش .. الفنش بتاع المصارعه لو بتتفرجي عليها .. انا مبتفرجش عليها لا سمح الله مبحبهاش اصلا لا هيا ولا الكوره بس كنت زمان متابعها دلوقت بحب اتكلم مع ناس معينه بس مش عارف اعمل ايه فى النرفزه دي اصلا امي ليها الفضل الكبير فى الكلام ده كله كل ما اروح البيت الاقى نكد مزمن مستفزه اوي ومبقتش طايق ابويا ياربنا مش عارف اعمل ايه .. اصلا اول ما برجع البيت ببقى جاى تعبان جدااا عايز اترمي على الارض مش على السرير وانام بس مش هينفع بلبس الخروج اجي اغير بقى ملاقيش اللبس اللى كنت لابسه بتاع البيت الف البيت كله عشان الاقيه مش عارف امي بتخبيه فيه .. دي تقريبا بتختبر قوه ملاحظتي ولا الاكل ده موال لوحده .. غير انها بتعمل اكل مش بحبه كمان بتبقى نايمه وانا مش مكسل اوي اعمل اكل وببقى مش عايز اصحيها بقول اكيد تعبانه طول اليوم مش هاجي انا كمان ارخم عليها بس انا لو مكلتش فى ظرف اربع ايام على الحال وهنقرض ..عايز ابقى ريلاكس شويه دنا بقيت اكرهه حتى اطلع رحلات مش فاكر اخر مره طلعت رحله امتي ولا عارف اتنيل اخرج وموضوع الميزانيه ده بيخليني افكر الف مره قبل ما اجي اروح رحله هصرف كام طيب ما انفض احسن واوفر الفلوس لحاجه تانيه افيد -- عارفه دلوقت بفكر فى ايه -- ههههههههه ايه يا رومه --- ايوه هيا الساقيه والندوات اللى مش هفهم منها حاجه دي بس وحيات ابوكي تكون حاجه ببلاش ياما رخيصه -- شوفيلى حاجه كده تشدني احسن انا فى الخروجات اللى اول مره اعملها دي ببقى كسلان اوي ولا مؤخذه رجلى تقيله --- مش عارف والله حاسس اني لو قعدت هنا لتاني يوم مش هبطل كتابه معلش مصدعك معايا بس بطلت ادخل شات اصلا العالم اللى فيه مستفزين اوي ياما بيتكلموا عن الحب بسزاجه وهطل ياما شتيمه. قرفت منهم .. صحيح هو انتى بتلعبى اى جيمز ولا مفيش وقت للكلام ده ...
This comment has been removed by the author.
مش ملاحظه حاجه غريبه الراجل الموحاضر اللى ساب الناس كلها وبيسالك بيقولك اللى ماضين 25 واللى موجودين 19 بتاع الشخض اللزج فى اليوم اللزج ده .. وكان قبل كده استاذ العربى باين ساب الناس كلها وقالك انتى عايزه تتجوزي او تحبى تتجوزي مش فاكر اوي ...الكلام ده مش سايب عندك اى استفهام ؟
.. هو بصراحه سايب عندي انا ..
This comment has been removed by the author.
راحت اشتكتني للمدير بتاعي
الضغط النفسى فى الشغل بقى رخم اوي . الحمد لله انى مركز فى الشغل ومش بغلط كتير مع قله النوم والاقلام اللى عماله تنزل على افايا كل شويه من اصحابى ومن الحجه اللى جيت اكلمها سيحتلى وقالت بيعاكسني. بنت العبيته معرفتش تفرق بين المعاكسه والحب
This comment has been removed by the author.
صباح الفل يا رومه
ههههههه مع انى اتكدرت امبارح لما عديت على المحل ولاقيت البدله مش معروضه ... اكيد اتباعت .. بس فرحت اوي لماقبضت حسيت ان روحي رجعتلى هههه ... اول حاجه عملتها روحت جبت كومتريكس بتاع البرد احسن شكلى داخل على دور محترم .. وجرى على بتاع الجرايد جبت شويه قصص لميكي ههههههه ... اصحابى قعدوا يضحكوا عليا .. حتى الراجل بتاع الجرايد بصلى بصه كده يارب يكون نيته سليمه
هههههههههههههههههههه وانت بتقول فيها ؟ انا لسه بشتري مجلة ميكي وباخود نفس الابتسامة برضة . وزيادة عليها ان البياع بيعرض علييا بقية مجلات الاطفال المعروضة .. وبجيب مجلدات ميكي لسه من اللي نازلة جديد ، حلوة بجد .. والشتا داخل وحنحتاجها سواء علي الكنبة او تحت اللحاف .. انا برضة داخل علييا دور برد وربنا يستر .. انا اتخضيت اصلا لما لاقيت كل الكومنتات دي كلها ، حقراها وابقي ارد عليك بس اخلص اللي في ايدي .. ياللا سلام
اه انا اللي مألفة تفيدة ومرزوق .. بس مخلصتهاش مع ان فيه ناس هنا اونلاين كتير كانوا بيتابعوها .. حلوة ؟
This comment has been removed by the author.
البدله اللى كنت حاطط عيني عليها ومستني اول الشهر عشان اجيبها طارت ...مش لاقيها معروضه باينها اتباعت دخلت المحل اسال عليها دى مهما كان برضو كان فى مشروع ارتباط بينا ..حتى الراجل صاحب المحل خد باله مني فى مره كنت واقف بتفرج عليها وقالى تعالى وانا زوغت منه ..دخلت لاقيت الراجل جوه قالى تعالى بس شكله مش فاكرني .. طلعنا الدور اللى فوق بتاع البدل قولتله اللى كانت معروضه تحت من يومين قالى دور دورت مش لاقى ... انا تايهه وسط البدل .. المهم لاقيت الالوان التانيه منها قولتله دي بس على رمادي قالى هيا دي الواناتها بس قولتله بس متقولش كده الله يهديك ركز بس كده وانت تفتكر كان فى لون رمادي انا جاى اشتري البدله دي بعينها وعارفها ...راح حلف ان دي الالوان اللى عندها ..يانهارك اسود بتحلف كدب .. دنا بقالى شهر كل يوم باجي اتفرج عليها وامشى الا بقى لو الازاز بيغير لون البدله... المهم متفقناش .. قولتله طيب بعدين اعدي عليك انا وواحد صحبى .. مشيت متكدر اوي كنت حاطط طقم معين فى دماغي بالبدله دي بس خساره .. كل حاجه حلوه ببقى عايزها مش بتتحقق .. دلوقت معايا الفلوس اهي ومش عارف اشترى .. وقت لما ببقى محتاجها مش بلاقيها وبلاقى حاجات حلوه كتير ببقى هموت عليها ..
This comment has been removed by the author.
انا واحد من الناس اللى متابعه مزنوق وتفيده ريلى لطيفه بس مش عارف الاسم عاملى ازعاج ليه بيتهايئلى لو سرحان ونفسيه كان احلى .. انا بحب سرحان ونفسيه اوي ..ابقى كمليها .. من كام يوم كده كنت راكب الميني باص كان رايق قعدت جنب الشباك اصلى باخد الخط من اوله .. شويه شويه ابتدي يتزحم فى وسط الزحمه دي عند الجامعه كده ادام باب هندزه لاقيت بنوته صغنوته ومعاها بالطو ابيض بتعارف وسط الزحمه وطلعت الباص .. انا بصيتلها كده وابتسمت جيتي على طول فى بالى يا رومه .. وفجاءه لاقيت ست كده مليانه طلعت وراها وبتقول للبت ادخلى جوه .. اصلا مفيش مكان البنت بتقولها اروح فين المهم زنقتها .. انا كنت ناوي اقوم واقعد البنت عشان خاطرك بس يا رومه بس الست اللى دخلت دي قلبت الموقف الست واقفه ادامي الكرسى بتاعي ولو قمت عشان اقعد البنت هاتقول انت هتقعدها عشان اموره وبتاع ويفتكروني بعاكسها قولت خليني زي منا .. بتوع طب دول مش لاقين حظهم .. مش كلهم بصراحه -دا موقف --
يوم السبت اللى فات اجازه الصبح من البنك صاحي بقى براحتي لاقيت الباب مردود .. قولت يبقى الواد اخويا واقف بره .. قومت قعدت على الكنبه اللى انا اصلا نايم عليها السرير بيوجعلى دهرى اوي الكنبه ناشفه - احلي - المهم قاعد كده لاقيت اطه طالعه من تحت الكنبه -انا شعرى وقف - ايه ده .. انتي مين ... ولا عبرتني لا وداخله على الاوضه التانيه .. استني هنا يا حجه .هيا وكاله من غير بواب .. مش ساله فيا برضو جريت وراها وخرجتها بره .. بس لاقيتها مش خايفه مني ولا حاجه .. غريبه مش زي بقيت الاطط اللى فى الشارع .. احنا عندنا العيال بيجروا ورا الاطط فى الشارع .. عاملينلهم رعب ابقى اكمل موضوع الاطه ده بعدين مش فايقله بصراحه
This comment has been removed by the author.
مخنوق اوي بصراحه امبارح فى الشغل واحد صحبى اوي كان قاعد فى اخر القاعه وانا قاعد فى الاول سمع ناس بتتكلم على الحوار اللى حصل بيني وبين الاخت دي .. مش عارف انا اتنرفزت ليه مع اني مكنتش مدايق منها خالص ايه يعني اشتكتني للمدير وكنت هسيب الشغل .. كان عادي بالنسبالى .. هيا اللى بتسيح لنفسها انا راجل مش هيفرق معايا انما هيا اللى سمعتها بازت .. عبيته فعلا . بس ان الاقى الناس كلها عرفت اني كلمتها فى التلفون والناس مركباني الغلط بجد ابتديت احس انها استغلتني .. زي ما تكون بتجر رجلى عشان تعمل اللى بتعمله دلوقت ..دي اللى كانت بتشوفني انا قاعد فين وعنيها متترفعش من على المكان اللى انا فيه وكل ما ابص عليها الاقيها بصالى ..فى مره استاذنت بدرى من الشغل انا كنت عايز اكلمها فى اليوم ده حتى بس معرفتش انزل بريك الا بعدها بكتير يجي ساعه الا تلت لما نزلت لاقيتها قاعده فى اوضه البريك وفى ناس كتير بس هيا مش بتكلم عامله بتتكلم فى التلفون واول ما نزلت دخلت الحمام خدت بق ميه وخرجت لاقيتها قفلت التلفون وخرجت قعدت بره الروم على الباب بالظبط طيب ماشى انا لاقيت ناس كتير مرضتش اكلمها عشان محدش يتكلم عليها مش اكتر خرجت بره المبني وقفت على جنب لاقيتها خرجت ورايا وماشيه بالراحه عشان اكلمها ومشيت فى شارع غير اللى بتمشى فيه شارع هادي كده نفضتلها .. بس السؤال اللى هنا هيا مستاذنه بدرى عشان تستني طيب مهي كانت ممكن تفضل فى الشغل طالما هيا مش هتمشى بدرى وبعدين اول ما نزلت انا راحت مشيت .. دا موقف موقف تاني كنت بجيب اكل وراجع .. فى شارع جامعه الدول ... كانت واقفه مع اصحابها والمفروض بتركب من الناحيه دي من الشارع المهم انا قولت هروح اقعد على الكراسى اللى فى جامعه الدول دي واتفرج .لاقيتها زحلقت صحباتها ووقفت لوحدها .. وبعدها لاقتني قاعد على الكراسى .. راحت معديه الشارع عشان تعدي من جنبى المهم انا قولت مش هكدب خبر وهيا معديه ناديت عليها عملت عبيطه مردتش من اول مره فاكره انتي فيلم ظرف طارق لما احمد حلمي وقع التلفون ولما نور ندت عليه عمل عبيط وبعدين قالها ايه فى ايه . نفس الحوار ده المهم سلمت عليها وازيك قولتلها كنا اتكلمنا قبل كده حصل تاتش بينا وانا افتكرتك زعلانه حتى شوفنا بعض كزا مره مسلمناش على بعض قالت لا ابدا مفيش حاجه طيب المهم خلصنا كلام .. طيب انتي مروحه قالت اه اخويا هايجي ياخدني من عند ماك .. طيب يا ستي فرصه سعيده .. بعدها تاني يوم انا كنت اجازه ولما رجعت قعدت قريب منها بس مخدتش بالها لما خدت بالها فضلت باصه يجي تلت دقايق .. سلمت عليا بعنيها .. بصراحه بصه جامده اوي البت اموره اصلا .. بعد ده كله جت فى الاخر بتقول بيعاكسني ووقفني مرتين فى الشارع على المره دي وماشيه تسيحلى فى المكان .. وانا اللى مكنتش عايز اكلمها ادام حد عشان مش عايز حد يتكلم ربع كلمه عليها .. طلعت انا اللى خبؤ ..الموقف بتاعي ده تكرار لموقف مع واحد صحبى بس هو حب بنت فى البنك معاه فى الفرع وكانت هتموت وتكلمه برضو باختلاف المواقف بس النهايه كانت كانت واحده ياما هيا ياما حد تاني راح اشتكاه للمدير .. لما قعد معايا يحكيلى قالى كلمه ..قال يعني انا لما اروح اكلم واحده واقولها انا عايز ارتبط بيكي مش بعاكس يعني ولا بقولها انتى جامده ولا مزه يقوم جزائه انها تشتكيه للمدير وهو اصلا لسه تدريب فى البنك وشكوه زي دي ممكن تضيع مستقبله تخلى المدير لو بيفكر يعينه يصرف نظر .. امال لو مش معجبه بيه وباين على وش امها وبشهاده الناس كلها اللى فى البنك ونفس الحوار معايا بس انا فى الشغل التاني مش البنك والمشكله ان هيا اللى بتسلم عليا ولا مكالمه التلفون ياربي الحمد لله اني مهزرتش والمكالمه كانت ميرى . رسمي ميه فى الميه ولا فيها غلطه كان زمان منظرى بقى وحش اوي
This comment has been removed by the author.
صحبى اللى كان قاعد مع الناس ورا بيسمع كلامهم لما جه يكلمني قالى هيا بتتنك على الناس مش عارف هو حس كده ليه من كلام الناس اللى كانو بيتكلموا عليا بس هو لو الموضوع كده انا ممكن اديتها كلمتين اخليها تعيط انا اتكلمت على اللى حصل هتبقى هيا الخسرانه وهيا فعلا خسرانه فى جميع الاحوال ... انا حاسس ان اتجرحت من كلام الناس ده ومفيش دكر فيهم اصلا يقدر يجي يتكلم معايا .. بالزات عندنا فى الشغل ما بيسدقوا يستلموا حد ويمسكوه تريقه بس ا نا اصلا اول ما جيت الشغل قفشت فى كام واحد اللى هما ارخم ناس هنا وظبتهم .. حتى كان حصل ان السوبر فايزر بتاعي علي صوته عليا كنت واقف مع واحد صحبى وكده وفى دوشه فى المكان وقالى اقعد مرضتش ارد عليه فى وقتها قولت اعمل بالاصول لما خدت بريك قولتله لو انا غلطت وعليت صوتي وعملت دوشه مع انه مش انا لوحدي كان ممكن تكلمني على الداخلي تقولى اقعد ولا وطي صوتك وبعدين دا فى راجل غريب جايلى تقوم تزعقلى ادامه كده .. لاقيته بيرد عليا مش مثلا ماشى يا حوده ولا يطيب خاترى بكلمتين لا بيقولى انت محترمتنيش من الاول يبقى انا ارد باى شكل .. انا وشى احمر كنت هنفجر فى وشه مسكته ظبت امه وعليت صوتي عليه والموضوع كبر وكان هيوصل للمدير العام بس سوبر فايزر تاني عاقل جه ولم الحوار طبعا محدش غلطته هو الغلط كله كان عليا انا مش معقوله يعني هو بجلاله ادره يغلط المهم الحوار مات بس ظبته بصراحه اول مره اعجب نفسى .. المهم ده علاقته ايه بالحوار دلوقت البنت دي بشوفها بتسلم عليه كتير باينها صاحبت مراته .. لاقيته فى مره واقف تحت وانا رايح بدرى نده عليا روحت كلمته قالى ايه الحوار ومش ايه الحوار وحب يعيش الدور عليا بيقولى دي قريبتى انا مكنتش لسه زعلت منها حتى بعد ما اشتكتني المهم فهمته ومقولتلوش على اللى هيا كانت بتعمله عشان منظرها برضو قالى المفروض انك لما تحب تكلم بنت فى خطوات واحد اتنين تلاته قولتله ايه بقى قالى كزا كزا كزا قولتله طب منا عملت كده سالت عليها فى الاول وبعدين كلمتها ومكلمتهاش ادام حد وحكيت اللى يخلي منظرها كويس ومنظرى انا كمان من غير ما اكدب الحمد لله المجمل يعني مش تفاصيل قالى طيب انا هشوف الحوار ده قولتله انا ناوي اكلمها تاني عشان افهمها بالظبط اللى حصل عشان شكلها زعلت من حاجه معينه هيا اللى خلتها تتصرف كده .. انا متوقع والله اعلم ان اللى زعلها انى كنت قاعد وسط ناس وبنضحك وباين حد من الناس كان باصص عليها .. بصراحه كلهم هههههه اصلها اموره .. جايز افتكرتني عامل رهان بقى وبنضحك عليها وكده فكانت مكشره انا كنت ببصلها وادحك كنت عايز اقولها اضحكي يابنتى انتى منكده هنا وفى المكالمه والله ده كان قصدي من ضحكي واصلا الناس بتقول كلام مضحك هيا افتكرتني باين اني بضحك عليها وبتريق عليها وحاكي للناس دي كل اللى بيحصل بينا .. بس كل يوم بلاقى الموضوع انتشر بين الناس وكبر من لاشئ .. ابتديت اتعصب منها انا بقيت افكر اني احرق دمها بكلمتين رخمين كده وافكرها باللى كانت بتعمله ولا هيا ناسيه الكلام وبعدين كل ما اروح البيت وافتح التلفزيون الاقى برنامج بيتكلم عن التسامح دا كان امبارح واول امبارح برنامج بيتكلم عن ان المراءه ساعات بتتصرف بحماقه لا مؤخذه يا رومه ههههههههه .. بس دي حقيقه .. دا غير النكد وعن تجربه دنا امي مطلعه عيني بدل ما تساعدني وتشجعني عشان اقدر استمر فى الشغلتين ..برجع البيت ملاقيش اكل او الاقى اكل مش بحبه .. واقعد ادور على لبس البيت اللى كنت لابسه .. دي شكلها بتختبر صبرى وقوه تحملى وهما تلت اربع ساعات عمي اللى بنامهم دا طبعا غير بقى حوارات اخواتي مبتزاكرش لاخوك الصغير واخوك كزا وتقلب الدنيا فوق دماغي.. اكيد مش امي بس اللى نكد
(-^)
This comment has been removed by the author.
بالنسبه لمجلات ميكي بصراحه مجبتنيش اوي ... اسلوبك انتي احلى (-^)
اللهجه المصريه احلى فى اى حاجه دنا بعد ما بقيت اتابعك بقيت اتنرفز لما بشوف كلمه هذا او هذه او كلام عربى .. ماله المصرى مهو زي الفل اهو واكيد مرزوق وتفيده محقق مبيعات عاليه .. ولا ايه يا رومه .. هههههه احسن تفتكريني بنق عليكي ..دلوقت مبقاش ليا نفس اقرى حاجه ولا حتى اتابع الانجلش زي الاول .. من فتره كنت معتبر الايام دي اسعد ايام حياتي .. دلوقت بقيت مخنوق بس اشته انا هشترى بورده قريب انشاء الله خلال الاسبوع ده او الجاى بالكتير .. كل سنه وانتي طيبه يا رومه .. متكتريش بقي لحمه بطلى طفاسه ..مقولتيش بقى بتعملى ايه فى العيد.. شغل برضو ؟
This comment has been removed by the author.
وبعدين فيكي ,انتى مش ناويه تكتبى حاجه تانيه ولا ايه .. احسن البوست ده اشتكي مني خلاص ... كفايه كومنتات لحد كده احسن والله احلف اعمل مدونه ليا لوحدي ولا الحوجه
-بالنسبة للتمشية عشان ارتب افكاري يا محمود بيبقي علي حسب الموود .. يعني ممكن اتمشي بس او فعلا اتمشي واتفرج علي المحلات اخود افكار او كروت المحلات او اشتري حاجة محتاجاها علي حسب الميزانية
- بالنسبة للقراية ، it is never too late to start reading
انا ابتديت اقرا من زمان اوي من ايام المدرسة تقريبا وحبيت القراية جدا من ساعتها .. فقريت حاجات كتير .. كتب او مجلات او قصص .. وبعدين ممكن تلاقي نفسك مزنوق في المواصلات فتقرا بدل ما اقعد ابص علي اللي رايح واللي جاي .. او المترو اللي بياخود ٤٥ دقيقة عقبال ما اروح الشغل او عند دكتور السنان .. يعني تقدر تقول اني بحاول اوفر وقت للقراية .. وساعات النبتشية بتبقي شوية فاضية ومش بعرف اعمل ايه فبقعد اقرا .. وبعدين اتعودت اقرا وجمبي تليفزيون او دوشة او في الشارع .. فدي ميزة عشان فعلا انا كنت بذاكر او اقرا في الشيفت بتاعي .. يعني حتي الوقت لازم يبقي فيه ادارة بجد .. عشان خسارة انه يضيع .. وبعدين جت فترة المرض الطويلة فبقي عندي وقت اكتر اني اقعد اقرا او اتفرج علي افلام ما شوفتهاش .. بس عشان كنت ببقي تعبانة اوي فكنت بقرا حاجات بسيطة زي مقالات او روايات قصيرة او اغلب الوقت بتفرج علي افلام او التليفزيون مسلسل كويس مثلا او توك شو محترم .. يعني المهم تحاول تلاقي وقت تقرا فيه وابتدي اقرا في الحاجات اللي انت مهتم بيها .. ان شاالله في كتب الاطفال او الطبيخ .. اي قراية صدقني مفيدة .. يعني لولا اني كنت بقرا شوية في افكار الطبيخ او بتفرج علي برامج الطبيخ لولا اني عرفت كام طريقة للطبيخ ببساطة .. حتي في اليابان يوم الاجازة قبل ما انضف البيت واجيب مشتريات من السوبر ماركت بعد ما اجرد التلاجة - عشان كانوا بيعملوا ديسكاونت في الويك اند- كنت بقعد اتفرج علي الطبيخ الاسيوي وطرقه المختلفة .. بجد القراية حتفرق معاك كتير اوي
يا ابني انا فضيت نفسي مخصوص عشان اقرا كل الكومنتات دي كلها .. خليتني افلفص من الضحك والله العظيم .. انت لازم تكتب في مدونة عن الكلام ده كله .. بجد اسلوبك كوميدي جدا والله العظيم
:D
Post a Comment
<< Home