دكتورة بس برضة واحدة نسوان
غريبة العيانين جدا..كل حتة تروحها تلاقى الرياكشن بتاعهم مختلف..يعنى وانا بشتغل فى الطوارئ-قوطوعت-تلاقيهم بمسكوا فيك كأنك النجدة ...مفهوم عجيب..اروح العمليات عشان عندنا لستة العيان شكله متغير بعد ما لبس الجاون وانا شكلى برضة متغير مع لبس العمليات والعيان يقفش فى ايدك ويتحايل عليك انه ميحسش بالألم مع انه شايف حقنة البنج قودامه..العيادة بقم الستات مش مكسوفين والرجالة بيتكسفوا منى..شئ عجيب..النهاردة بقى أول يوم أروح قوضة الغيار-قوطوعت هى كمان-العيانين يشوفوا واحدة ست مش بيستغربوا..انا اللى كنت مدهوشة من رد الفعل..راجل بيمسك ايدى قال ايه فك الغرز بيوجعه وانا بكون بشتغل بشويش خالص..تانى يدلع علييا يمكن أشبوك معاه واللا حاجة -نأبك على شونة يا ولدى- التالت جاى جرى نفسه ان انت اللى تشتغله فى العمليات..واحد كمان يتصرف زى البنات ..كمان واحد يفضل يبربشلك بحنية وانت بتبص على الجرح بتاعه وبتغير ببتادين ومبتسم قوى فى وشك ونفسه ومنى عينه انه يقوم يبوسك..مش عرفان للجميل لأ دى من دناوة عينه..والتمريض كابس على نفسك : ياللا يا دكتور ورانا عيال ايه البطء ده ؟ احنا بناكول موزة ؟..حاجة عجيبة مش فارق مع العيانين العلاج بتاعك ولا اهتمامهم بالجرح ..لأ فارق معاهم اللى فى القوضة دكر واللا موززة..ملحوظة : انا مش موززة يا عيان منك ليه
posted by reham @ 2:58 PM
6 Comments:
طول عمرى باكرة المستشفيات .. وريحتها
العيانين بتوعك عايانين بقلبهم ولا أية .. !!؟
اهم يا ستى بيسلوكى ... بس انتى اديهم فوق دماغهم و لا تأخذك بهم شفقة ... ربنا معاكى يا دكتور يا رب ... ايع اخبار اسكندرية و القهوة صحيح ؟
اهم يا ستى بيسلوكى ... بس انتى اديهم فوق دماغهم و لا تأخذك بهم شفقة ... ربنا معاكى يا دكتور يا رب ... ايه اخبار اسكندرية و القهوة صحيح ؟
شفتى ايع اللى انا كتبتها دى ... قلبت صعيدى
و لو أي حد محتاج دكاترة بشنبات احنا برضو تحت الخدمة
khaled:انا كمان بكره ريحة العجيبة عموما..العيانين بقى دماغهم كده
hend:ايع؟ بتتكلمى لغات يت بنتى ؟ صعيدى كمان ؟ ده انا فطست على أوحى ملضحك..اسكندرية دايما عروسة
rain-drops: عندى نبتشية خميس وجمعة ..تحب تاخودهم ؟ سايباهوملك بقلب صافى والله
Post a Comment
<< Home