حاسس انى عاوز ألطم
بقالى فترة قلقانة من اول الشهر كده خصوصا ان مفيش ولا ايميل جاى يقول اى حاجة عن البروبوزال بتاعى..حتة بروبوزال عن السرطان ومفيش حد بيتكلم ولا بيبعت ايميل..تقولش انى قلتله بروبوزال للجواز وبعتله صورتى؟..لو كنت عملت كده كان عنده حق ما يردش..لكن ما يردش على بروبوزال للسرطان؟ وقلتله لو عاوز اى بروبوزال تانى انا تحت امرك نغير الخطة..محطش منطق..انا حاسسة انى واقفة متجمدة فى عز التلج فى انتظار الاتوبيس أو جونو ..مش جونو برضة واللا مين ؟..يا خوفى جونو ده يطلع البروفيسور اليابانى..انا بكشف راسى وبدعى أهوه
ملحوظة : عندى رغبة متوحشة انى اكول جاتوه شوكولاتة من الصنف الغالى ومعمول بضمير = متغرق فى الشوكولاته..بالرغم من ان الاسهال موجود بس ياللا
posted by reham @ 7:09 AM
4 Comments:
This comment has been removed by the author.
اسمه جودو يا شابة ههههههه
عندى نفس الرغبة المتوحشة بس الدايت الله يحرقه بجاز
مع السلامو عليكووووو ازيك يا دكنور رومة . انا نفسى اقرا مدونة ليكى مرة من غير ما يكون فيها سيرة الإسهال و الميجرانيل (و اللى عرفت انه جدول هاه؟؟؟) و اللهى يا ستى انا فرحت جدا لما سمعت النهرضة ان الوزير بتاعكوا قرر زيادة مرنبات الدكاترة و الكوادر الطبية المصاحبة ... سؤال هوا لولو حبيب هارتك ده مش هتجوزيه بقى ولا ايه ....اصل انا خايف عليكى لا فى مرة يقوم عليكوا ياكولكوااا . من لنجاح لنجاح يا دكنور
coffee break : احلى حاجة فى الدنيا الشوكولاتة
xfiledman: لولو لسه بيكون نفسه عشان كدة راكن الجواز للخطة ال500 الجاية..بالنسبة للمرتب حشوف القبض الشهر ده نظامة ايه وربنا يستر
Post a Comment
<< Home