نزول السوق
الايام اللى فاتت كنت بقعد لوحدى عشان ظروف كده فى البيت بتخللينى ساعات اجى فى البيت بعد الشغل ملاقيش حد اللا لولو ..أوكله أى بتاع وادور على اكلى انا كمان..أول الاسبوع اللى فات جبت تيك أواى من محل محترم- مع انى مقاطعة الاكل ده عشان حاجات كتير-اه والله كان محترم..البرجر مش لحمة أولا حسيت انى باكول لحمة فار..اللحمة الرخيصة قوى اللى صنفها وحش وتشك فى اصلها- مش بنت عيلة يعنى-بس طعمها كان ضايع فى التوابل والمايونيز والمخلل والبيبسى..طبعا أكلت عشان جعانة بس حلفت انى ما حجيب زفت تانى من برة..مش ناقص كمان ناكول فيران..بقى طعم الاكل ملوش طعم بجد..حاسسة انى عاوزة أكول حاجة كويسة بس مش عارفة ايه..هفتنى نفسى الامارة بالسوء انى اطفح تفاح اخضر وتين شوكى وكوز درة وكريز..الكريز مش متوفر فى السوق واذا لقيته الكيلو الحمضان بعشرين جنية..الدرة كالوريز زيادة فى الولعة دى..التين الشوكى الواحدة بخمسين ومش مسكرة- جينيتكس برضة واللا ايه ؟-يعنى تاكول لجل الامساك وخلاص..التفاح الاخضر بعزه جدا ..الكيلو بعشرين برضة..قلت طب هات نص قاللى مفيش انصاص..كيلوات بس..قلتلة لأ..قاللى انا ببيع بالواحدة كمان..الواحدة ب4 جنية..روحت ماشيةوانا بسأل نفسى انى كنت بجيب هناك التفاحة قد كدة بتمنين ين وباكولها على تلات ايام وكمان لو سبتها برة التلاجة لا بتبوظ ولا بتسود ولا حاجة خالص وطعمها كويس..كدة راحت الحاجات اللى نفسى فيها..معلش بقى الصيف اللى جاى ان شاء الله..بتمنى ان الصيف الجاى تكون الظروف احسن..دخلت السوبر ماركت عشان نفسى اللى امارة بالسوء برضة نفسها فى عصير..دخلت لقيتها فاضية مفيش غيرى لدرجة انى خفت..واحد من اللى بيشتغلوا بيقول لزميله والله دايخ أكيد فيه حاجة فى الاكل..كملت جوة برضة..بدور على عصير ملقيتش اللا جوافة وزايد خمسين قرش..وعلب الجبنة اتسخطت للنص-اه والله-والاسعار ولعت جامد ..طلعت سيكشن الصابون لقيت شامبو اتسخط وازازتة بقت عاملة ريجيم جامد ومتعوجة ..قال يعنى عشان شعرى يبقى كموج البحر..بيصغروا حجم العبوة والسعر زايد كمان ..فكرت يا ترى علبة الكشرى حتتسخط يبقى شكلها ايه ؟ قرطاس كونو ؟..شئ عجيب ان السوبر ماركتس بتبقى فاضية اللى مكونتش بعرف امشى فيها زمان من الزحمة..شفت أمم متجمعة النهاردة فى ميدان الجلاء..افتكرتها حادثة..بنقرب كده لقيت عربيات وتوكوسة مستنيين بنزين 80 بيتفرغ..أروح اجيب عيش بلدى طوابير برضة ونيلة..أتصل باليابان واسيب رسالة على الانسر ماشين-أصله بيتقل علييا اصلى ناقصة-ألاقى رسالة تتبعتلى انى كسبت فى اللوتارى..ايه النصب ده ؟
Labels: بحب الجبنة
posted by reham @ 9:09 AM
2 Comments:
كريز و تين شوكى و تفاح اخضر ؟؟؟؟؟؟بصراحة انا حاسس ان فى سيرة قرد فى جبلاية جايا فى السكة..... فى اغنية اسمها soledad لwestlife و بالنسبة ل لولو فا يا ستى انا عندى عروسة له و يا رب تسمعيهااسمها لوسيندا كمان يعنى هيهيص و يا ستى احنا شاريين و عايزينه بشنطة هدومه .......
و دى حاجة كيوت جدا ما بتطلعش الا للحبايب بيتهيألى انك ما سمعتيش عنها قبل كده اخبطى دى http://www.youtube.com/watch?v=p8LNcoIfUvU&feature=related enjoy it .XFILEDMAN
بالعكس البيبى ده وهو بيغنى كانت رنة الموبايل بتاع مدير الطوارئ القديم
Post a Comment
<< Home