marche simple

نزلت السوق ...حلو ؟
لا مش حلو
ليه؟
عشان من كل صنف فيه مليون شركة و عرض
و من كل شركة فيه بروموشين
و من كل بروموشين فيه منافسة
وكل منافسة وراها شركة عايزة تربى زبون
والزبون أهطل بريالة
لازم يتعكم البضاعة و لو فيها خازوء
طب نعمل للزبون ايه؟
نزغلل عنيه
و نفهمه انه الزبون العبيط اللى لو مش حيشترى من ده
و يعيش هنا
و يركب دى
و يلبس الاستايل ده
وكمان ايه
ما يقراش اللا الكتب دى
و يشرب الحاجات دى
و يتكلم فى الاجهزة دى
اذا ما عملش كل كده
يبقى مش من مستاوايا
و مش متمدن
و مش متحضر لأ متحجر و جى من ورا الجاموسة
عزيزى المشترى المخدوع
دى ساقية يا با و هما بيدوروها بمزاجهم
والتور اللى رابطينه فيها عشان يدورها
هو حضرتك و حضرتى طبعا
و بنقول فى الاخر الوقت بيجرى
و مفيش بركة
هو كده فعلا عشان احنا مشغولين و عايزين اكتر
انا برضو عايزة اكتر بس مش باشتراكى
فى المهزلة الشرائية دى
بعمل الاول انفينتورى-جرد بالبلدى
للبيت و الكب بورد
و اشوف ايه اللى ناقص
و بشوف البروموشين
وعروض الاسعار
و ميزانيتى
و بنزل متوجهه لهدف
انى اجيب بس اللى عاوزاه
والهطل اللى بشوفه فى الشارع
دماغى بقى
بس بتفرج على الناس اللى بتشترى
و هى مغمضة
و بفتكر على طول
the herd theory !