am not happy

am so unhappy , things are not working right for me, it is not for a while , it has been like that for ages, as if am cursed or something ,i have to be away for a while , do not know for how long , i may return if things will go better, i hope they will and am sick of waiting for something that will never come

من الربط فى الساقية للربط تحت يافطة

انا لسه برضة حمار

يوميات طرقة عمليات

أعرفكوا بنفسى..اسمى طرقة..وبيدلعونى ويسمونى كوريدور..كوريدور اسم فرنساوى..أصلى فى الاصل فرنساوية..مبنية بايدين فرنساويين..ولما خلصت سلموا المفتاح للناس اللى حتشيل الشغل من بعديهم ..بفتكر كلمة اتقالت وهما بيسلموا المفتاح: ابقوا ورونا الشطارة بقى فى ادارتكم للطرقة...وأهوه من ساعتها وانا على حالى ..لا بلاطة زادت ولا بلاطة نقصت..يشيلوا بيبان يحطوا بيبان..أنا زى ما انا..ثابتة زى ابو الهول ..يا ما هرست دكاترة ودكاترة هرسونى..الايام دى كل الاجيال جديدة اللى بتيجى العمليات..زى ما بيقولوا ان كل غربال جديد ليه شدة..كل الدكاترة الجراحة الجداد عاوزين يسبتوا انهم مجدع..بيهدروا طاقتهم على الفاضى..ولما ييجى وقت الجد بيكونوا فطسوا خلاص..وهى الجراحة ايه اللا اتخاذ قرارسليم فى الوقت المناسب بالظبط؟..امبارح سمعت كلمتين بين اتنين دكاترة جراحة واحدة ست وواحد راجل..كانوا عندى فى الطرقة..خرجوا بعد ما قلعوا الجاونات وبيقلعوا الماسكات فى الطرقة..ايه كل القلع ده ؟..
الدكتور للدكتورة: ايه اللى فى خلقتك ده ؟ بيتادين؟
الدكتورة: بيتادين ؟فين ده ؟
الدكتور: على خدك
الدكتورة: مفيش بيتادين على وشى ..هو انا عقمت وشى واللا ايه ؟
الدكتور: طب امسحيه
الدكتورة: ما انا مسحته...اهههههه يا ابنى دى خد
ودى الحمرا من صهد العملية اللى كنا غارزين فيها...
وبكدة نقدر نعرف ان الدكتورة دى زميلها معندوش نظر ..

يا رب

فى انتظار الفرج مع تسأول: هو ليه كل مواضيعى مش بتمشى ؟ وليه لما خلاص حدوق العسل يتشال من قودام وشى البلاص؟

تانى يوم فى الطوارئ

الطوارئ مكنتش بفارقها خالص...كل ايامى هناك حتى لما بقيت فى الادارة كنت بارضة مسكاها..دلوقتى كل حاجة اتغيرت..التمريض ظألط بطريقة عجيبة لكن لما قعدت شوية فى الطوارئ فى انتظار حالات اليوم الواحد-واللى مجاش منهم اللا البواسير-لاحظت ان معدل هبوط العيانين والحوادث علينا قل جدا-احسن والله-بس طبعا بركاتى لما بتحل على المكان بتجيب فى ديلها حاجات-أهو ارتشاح رئوى على نزيف فى المخ على توقف فى القبل-طبعا راح التمريض باسنى وقاللى اقعدى فى قوضة مدير الطوارئ وانا اقول طب أبص بصة وهما راسهم والف سيف لأ ..كان نفسى اشوف حالة بترجع دم عشان الطقم يكمل..بقالى كام يوم بفكر فيها ..الكوابيس راحت خلاص لما نقلت على الجراحة العامة..امبارح بعد طبعا ما ختمت الكارت-ختمتك يا بيه-يبقى الواد واقف ويسيبنى اختم الكارت فى المكنة بنفسى..طب انا ايش عرفنى انى ختمته صح؟ ادينا بنلعب..نزلت بعدها الطوارئ طبعا عشان اليوم الواحد لازق فيها هى والرعاية..ليه كل عيان بطنه بتوجعه بيحب يمسك ايدى ويتكى قوى؟..طبعا فافصت من ايد العيان وشفت النبض وجسيت باطنة..طوبة بس غالبا مش التهاب..لسه حطلب سونار أو مقطعية وشوية تحاليل لقيت الاسعاف هوب شاله على مكان تانى..طبعا ده أثار تسأولات فى دماغى على حالات الاكيوت ابدومن..فكرت فى كذا احتمال بس كان لازم مقطعية وفحص الشرج-تانى يا دكتور؟-مشى العيان وسرحنا شوية فى تسجيل الدكتوراه وافتكرت دكتور اليابان بقى الله يرحمها..قلتلهم انا نزلته من ماستر لدبلومة ومعنديش استعداد اكمل فى رسالة عقيمة بغرض الحصول على الدكتوراة وانا عندى 47 سنة ..مش طالبة معايا حرقة دم انا عندى قدرة على الاحتمال..وهو الدكتور الكويس ايه اللا انه بيكمل قراية؟ هو لازم دكتوراة؟..فكروا فى كلامى وببعض المنطقية الكلام معقول وموزون خصوصا اللى خلصوا الدكتوراة بعد كفاح سنوى لمدة 7 سنين..مش والنبى كان وهم ؟..حبل رابط الواحد على مفيش..الرك على التشخيص الصح والتدخل الصح فى الوقت الصح والعيان بعد العملية يبقى فلة...غير الطوارئ والعمليات-اللى كننا مستنيين اى حالة تيجى وعلى راى زميلى..احنا النهاردة عاملين زى اللى بيصطادوا سمك..احنا واللى يطلع لنا..طيب..كان عندى اسهال طول اليوم..لما رجعت بالمترو لقيت نفسى مجهدة كدة ومفياش نفس..وانا على السلم افتكرت انى طول اليوم مشربتش ميه وانا عندى اسهال

فى المعجنة بتاعت الايام

أسبوع مش عارفة أوصف شكل امه بايه..مش عارفة أقول ايه واللا اعيد ايه..ابتدى بتليفون بتحديد معاد امتحان..مذاكرتش عشان انا مش عارفة طبيعة الامتحان ايه..ده الاسبوع التانى لييا فى المستشفى القديمة..حالة من التوهان وعدم الاتزان..مش عارفة راسى من رجلى..كله بيجرى حوالين بعضة فى هرجلة..مفيش حل اللا انى احدد اتجاهى بتاعى انا بس وامشى فيه..حبعد عن الاورام شوية عشان خلاص مش قادرة..حروح ارض الجراحة العامة والطوارئ-يا قلبى لا تحزن...اتصال من اسامة عشان اروح شرم انقل عيان انستابل من هناك لمصر بالاسعاف مش بالطيارة كمان..تبعه بمكالمة تانية من شرم برضة بنتناقش فيها عن نقل عيان اتعرض للغرق وتانى اتعرض لازمة قلبية وتالت عنده سكر مدهولة وكلى وكبد وقلب مطرقعين..دخلت امتحان كمان فى المستشفى عن الانعاش القلبى الرئوى..يا جدعان ما انا اشتغلت حوادث وعناية فترة طويلة فى التكليف..لأ لازم تاخديها لحسن فيه جزا 50 يوم..احه..ماشى ..طبعا الدورة بعد الشغل..العيال بيستظرفوا قوى ومسمينها البريود..لذاذ قوى مش كده؟ حفرقع من الانبساط..طبعا بنقعد نفقر فى الدورة..بنام على روحى ..مش عاوزة اشوف جثث على سراير..نفسى اعمل حاجة للعيان عشان يخف..ماى أيم اذ ذا كيور..من ساعت ما رجعت والعيانين جابولى اكتئاب..بفرح لما تجيلى واحدة ست عندها ورم حميد فى صدرها..بمسك نفسى من العياط مع العيان اللى بيعيط فى العيادة-عشان عامل توصيلة القولون على الجلد ومكسوف لحسن ريحة تطلع وبيحط كلونيا وبينضف نفسه وهو عمال يعتذر وان ماسكة نفسى من العياط..لو طبطبطت عليه يمكن اعيط ومش لازم كده لازم ابقى دكر شوية..بيصبح علييا فى القسم وبيدعيلى قبل ما ياخود الكيماوى..نفسى أقوله يدعى على اللى بالى بالك -..او اللى بتجيلى وأفحص صدرها وألاقى سرطان قد كده وبقالها شهر واللا اكتر بتتعالج غلط..نفسى ومنى عينى أقعد شوية فى الطوارئ..ملعبى القديم..بس انا عارفة نفسى لما بحب..لو دخلت فى دوامة الطوارئ تانى مش حطلع منها..خلينا نركز شوية فى شوية جراحة عامة وعيانين يخفوا ان شاء الله..أدينى من بكرة ان شاء الله حنزل جراحة عامة لحد لما ربنا يفرجها..البروفيسور اليابانى يا خسارة قاللى انى اترفضت من التسجيل معاه عشان مليش مكان..قدموا قبلى 4 وانا اخر زفتة..وقعت من قعر القفة وطبعا ده خبر خللى يومى واسبوعى اسود والله..عياط وصداع وكوابيس بالهبل..ناس بتموت وبعمل حادثة بالعربية وبدبح قطة..النيلة دى..جاللى الخبر اصلا قبل ما انزل امتحن فى المركز الفرنسى..والله عقبال ما ركزت فى الورقة اللى قصادى كان فات وقت كتير من الامتحان..كنت ماسكة نفسى من العياط على بختى بالعافية..بشرب يانسون بالهبل عشان اهدى نفسى...أدى الاسبوع ده..صداع وتوهان فى المستشفى وامتحانين..واحد فرنساوى والتانى عن الاسعافات ورفض من التسجيل والقوضة اللى تقريبا خلصت...ايييييييييه دنيا..ما د
ايم اللا وجه الله..اه عندى عزا بكرة عشان السعادة كلها تكمل..وبدعى على نفسى انى اموت

تقرير الزناتى فير

لسه القوضة مخلصتش..حتخلص علييا والله
مش لاقيا كتبى ولا اخر ورق طبعته من على النت
مازال لولو حاسس باغتراب..يتهيألى ان لو الشقة اترتبت مش حيعرفها
عاوزة اعمل شعرى
عاوزة اكول حاجة ..بس مش عارفة احددها
قلت لحد دلوقتى- من ساعة ما رجعت المستشفى بنت القديمة -كلمة عاوزة اعيط مرتين فى العيادة وكلمة رجعت بس اكتأبت لسامى -اللى برضة لسه فى قوضة 4 اللى جمبنا فى العمليات-لمما سألنى عاملة ايه وبعدين قاللى معلش ولولا انه كان متعقم كان طبطب علييا وقعدنا نعيط احنا الجوز
من امتى بتوع المعمل بيحسوا بالالفة من ناحيتى ؟ سؤال يتردد
بقالى ييجى مليون سنة مرحتش سينما
عندى امتحان طلعلى من تحت الارض..هو يا جدعان مكتوب على وشى انى دكتور ممكن يمتحن فى اى وقت ؟
عاوزة اكول ايس كريم من عند ماك بس امبارح كانت الدنيا هيصة وزحمة ..حفلة عيد ميلاد جحش صغير
مقرتش اى حاجة جديدة لحد دلوقتى
اكتشافى اغنية صابر الرباعى التحفة ضاقت بيك
عندى كذا بدلة عمليات بس مش لاقية اى نص راكب على النص التانى ..يعنى مثلا انا محضرة دلوقتى نص البدلة الزيتى الفوقانى والكحلى التحتانى ...وعجبى
عاوزة اجيب سابوه طبى من عند شل ..مش عارفة ده عاوزله ميزانية لوحده واللا ايه نظامه؟
كتب اتأخرت قوى علييا فى المكتبة-من الدهولة-وطبعا علييا فلوس قد كده ..مش دافع..طيب مفيش استعارة..مفيش تفاهم
مش عارفة اشوف صحاب جداد اتعرفت عليهم فى الاقصر واسوان ..بيننا الاول كانت مكالمات وبعدين ميسدات ..يا خوفى
اسأل عن الامتحان عن ايه..يقولولى يا خويا مش عارفين ..ادخلى وخلاص
اخيرا الدين بتاع بتاع الجرايد لييا اتسدد ناقص خمسين قرش بفكر اسيبهمله عشان روحى طلعت امبارح عيطت لما بقالى فترة بشوف بنات مش متجوزين من سن 27 الى 38 وعندهم كورسات كيماوى بعد ما شيلنا الثدى ولا حول ولا قوة اللا بالله
بدعى والله من قلبى ربنا على المفترى وابن الحرام ..














































































































ا ..

فوكيرة فى اثناء انتظار أول عيان

بغض النظر على الغسالة اللى شغلتها على بدلة العمليات بس عشان امبارح حصل استهبال والمقص خبط فييا وكمان فوطة بطن وقعت علييا...وبغض النظر عن الاشكال العجب-يا رب ارحمنى -..والله بعصر علييا لمونة وانا رايحة كل يوم...نفسى ألاقى حاجة حلوة بس تخللينى احب اجى كل يوم..رضا بيقوللى اللمة الحلوة هى بس اللى مصبراه..معرفتش أقول ايه..يمكن الدم الجديد اللى فى القسم يخليينا مبسوطين ولو شوية..وانا قاعدة فى العيادة النهاردة بحسبن عليهم ..الممرضة استأذن انها تقفل علييا الباب لحد ما توقف العيانين طابور..قعدت أبص فى ورقة بيضة قصادى كانت مغرية انى اكتب عليها..وكتبت ده ..بس للذكرى:
من الممكن ان تشعر بالقوة فى خلال فترة من عمرك..هذة القوة محتمل انها تكون حقيقية أو خداع ..يتضح ذلك مع أول اختبار "شديد" لك..الشدة هنا فى اختبار قوتك تنبع من انها تأتى من حيث لا تحتسب..مقولة(اللى يحسب الحسابات فى الهنا يبات)لا تنفع حينئذ..يأتى الاختبار بقوة..ريح هادرة تعصف بكيانك كله وتهزك من الاعماق..تشكك فى كل شئ..قوتك سلطتك مكانتك علمك علاقاتك ..ويبقى ايمانك فقط ..اذا كان قويا !
تفقد قوتك فى لحظة ولكن ايمانك يأبى الا ان يشهر سيفه فى وجه الخداع الذى كان يحيط بك منذ فترة..خذاع المكانة والسلطة والعائلة وشلة الاصحاب..وتبقى حقيقة واحدة يجب ان تسلم بها: انك واقفا فى هذا الموقف وحك تماما..
تبدأ شلة الذئاب فى نهش لحمك..يقطعون منه قطعة قطعة..يتلذذون بامتصاصا أدميتك حتى اخر قطرة..راغبين بقوة ان يسلبوك اياها حتى تتحول عيونك الصافية الى مثل عيونهم المذعورة الخائفة النهمة بغير شبع..
يستمر النهش بكافة الاشكال ...فى اموالك فى علمك فى اسلوبك فى حياتك..حتى ادق خصوصياتك..لا يتهاونون عن عمل اى شئ وكل شئ...ستار الخديعة الذى كان يغلفهم سقط من امام عينيك وانت فى وسط هذا الاختبار الصعب الذى أتاك من حيث لا تحتسب...
أصبح أمامك اختيارين:اما المواجهة أو الانسحاب..ولكنك ضعيفاصابك الهزال من هذا الاختبار الصعب..انهم لا يشعرون بهذا الاختبار الذى تمر به ولكنهم يرون فقط علاماته عليك...يستنشقون رائحة ضعفك..فتغمرهم نشوة الرغبة فى الانقضاض عليك واكلك حيا ..وتبدأ انت فى سؤال نفسك : هل ما افنيت عمرى فيه راح هباء؟
توسلاتك ترفعها الى السماء..انهم الان ما زالوا مستمرين فى اكل لحمك حيا و لا يستحرمون..السماء فقط هى الملاذ الوحيد و لكنك ما زلت على الارض..الاختبار لطمك بشدة وجعلك تقع وجعل كل القصور التى بنيتها من حولك-والتى كنت تعتقد انها الحماية-تقع دفعة واحدة..حبات رمال متهاونة تسقطها أقل قوة..العودة الى الارض جعلك تنظر الى الحقيقة..فانك من تراب ..هذا التراب الذى خلقت منه وسوف تعود اليه
وجهك الذى ارتطم بالارض جعلك تفيق من غيبوبتك..جعلك ترى الالة الكبيرة والتى كنت انت ترسا صغيرا فيها..نعم وجودك يجعلها تدور..ولكنك انت لست الاساس..انت قطعة ممكن استبدالها فى أى وقت..ولكن لكى نجعلك تعمل لساعات طوال معصوب العينين كان يجب خداعك "ان العمل سيتوقف اذا تركت المكان"..اين تلك المقولة الان وها هى عبارات التهديد والوعيد والسخرية تملأ المكان عن اخره وتصم الاذان ؟هل هذة هى الخطيئة التى ارتكبتها فى حق نفسك..انك تفانيت فى مكان عملك ؟
وحدك..ما زلت وحدك تواجه تبعات اختيارك..ولكن الاختبار ما زال يعصف بك ..بدأت بعد فترة فى استرداد بعضا من قوتك...بدأت تجمع شتات نفسك..تحاملت على نفسك واسندت يديك على الارض..رفعت رأسك لترى الطريق...ركزت بصرك على الشئ الوحيد ذو الاولوية القصوى فى حياتك..عقدت العزم على الدفاع..أمدتك السماء بطاقة من عند الله ..هدية حتى تستطيع الصمود
استندت على يديك وقدميك..خائف من ان تقوم على اثنتين ولا تقدر..ايمانك فقط يأتى اليك مهرولا يرفع قامتك من هذا الوضع الى الوضع الادمى..انك لم تفقد ادميتك بعد..انك لم تفقد ادميتك بعد

حجر شيشة يا معلم

علاوة تشجيعية 4 جنية بعد أخدانى الدبلون...غطونى وصوتوا..والله ال4 جنية دى تمن حجر شيشة تفاح على القهوة اللى فى مصدق..بفكر أنزل أسأل القهوة أم صراصير اللى جمبى الحجر بكام..أنا مش حيكفينى قصاد ربنا انى اخود حقى من البنى ادمين بقطع حتت لحمة من جسمهم زى ما عمل تاجر فينيسيا..الاحساس العام: خراااا وكمان حموت على شوكولاته