a friend sent me this

Men and Similarities

What is the similarity between a shrimp and a man?
You can enjoy all but the head

What is the similarity between a dolphin and a man?
They are both said to be intelligent, but no one can prove this.

What is the similarity between a microwave oven and a man?
They both get hot in 15 seconds

Why can't a man be both good-looking and intelligent?
Because that would make him a woman.

Why is a man's brain the size of a peanut?
Because it is swollen.

Why are batteries better than men?
Batteries have at least one positive end.

Why does it take one million sperm to fertilize one egg?
Because sperm are male and they refuse to ask directions.

Why are men like the letter Q?
Because it is a big fat zero with a small protrusion.

Why do fewer women get married these days?
Because they would rather have bacon in the fridge, than a pig in the
living room.

Why is the male intelligence worth more than the female?
It is rarer.

Why do men prefer to marry virgins?
They cannot handle the criticism.

What do you call an attractive intelligent and sensitive man?
A rumor.

Why don't men go through menopause?
They never left puberty.
---------------------------------------
this friend is a doctor living in china

عدى يا ليلة ..شعارنا فى الايام دى

شهر سبعة مرسى انك حتمشى ومش حترجع تانى
بصراحة انا دخلت فى اولك وخرجت منك
ومش عاوزة اشوف خلقتك تانى لو سمحت
--------------------------------------
دى شبه لهجتى فى المكتب
وحشنى المكتب والله نفسى اصورلوكوا اللون اللى دهنوا بيه المكتب
تيريكيواز
واللا بترولى ..حد يدهن المكتب كده وهو فى الطوارئ؟ مالو اللون الابيض واللا الروز الهادى واللا
اللبنى الهادى واللا الفزدقى الفاتح قوى ؟
بس اقول ايه
دهنوه كده بين يوم وليلة واتحطيت فى الامر الواقع
---------------------------------------
بقالى كتير مش بدخل المطبخ
لسه جايه منه صبنت شوية
حلو السرحان وانت بتصبن ..بتوصل لحلول ساعات وانت بتصبن
أو وانت فى الحمام بتقرا الجرنان او اى كتاب
وبتوصل لحلول كمان وانت نايم
---------------------------------------
طالما عندى ميول للطبخ الايام دى
اكيد مخى مشغول
لسه عاملة مكرونة بالبشاميل
فكرتنى بصحابى التلاينة
ايما وجابرييل ..يا ترى راحوا فين ؟
كمراسلين صحفيين اكيد بيسافروا كتير
وميكى ..لازم اكلمها عشان نخرج شوية
والعيانة بتاعتى بتاعة كانسر كولون مش عارفة هى فى روما واللا هنا ؟ مكلمتنيش السنة دى
فيه عيانين هافين علييا الايام دى
وانا لما يهف علييا عيان بشوفه
-----------------------------------------
أحمد زميلى تخصص جلدية
والله مرسى على الكلمة الحلوة
فكرتنى بالشاى مع عماد فى المكتب الساعة تلاتة الفجر
كنت دايما بتعزمنى على الشاى يا عم
ماشى حاجى فى يوم العيادة الخارجية ازوركم
بس بلاش شاى
مشيها لمون
المكتب مضلم من غيرك -
this really made my day
بس مش قوى
عماد حمد الله على السلامة وعقبال ما نشوف البامبينو
-------------------------------
اخر اخبار اللقاء على الهوا مع المذيع
يا حبايبى الفقرى فقرى ولو علاقوا على معرفش ايه فانوس
قلت للمذيع انا اتكلم مفيش مشاكل وبعرف فرنش
وفى نفس الوقت بشتغل اورام
لأ مش عاوزك ..انتى تلميذتى
جبتلوه واحدة بدالى
ياللا بالتوفيق
الحلقة حتتذاع على الهوا ..امتى لسه مش عارفة
عقبالى لما اطلع على الهوا انا كمان
مسير البوتاجاز ييجى يصور عندنا فى الطوارئ وكده
حطلعلوكوا فى البوتاجاز ساعتها ان شاء الله
وكمان حعمل حديث فى طبيبك الخاص
بس لما ارجع كده عندوكوا باذن الله
واسيبنى شوية من التعليم الذى لا يوكيل بالبتنجان
--------------------------------
اخر اخبارى ايه ؟
خلاص قررت ابقى عواطلى وابطل تدوير على شغل
ده مش تخاذل والله
ده تسليم بالأمر الواقع
عواطلى لحد ما تفرج
مش عواطلى قوى بس مرتبى مش بيكمل 200 جنية فى الشهر
يعنى برضة عواطلى واستحق الصدقة
ده بالنسبة للشغل
بالنسبة للأحوال العاطفية الله يحرقها
قررت أشوف العريس اللى جايبينه لييا
انا شفته مرة الصراحة
ومدانيش اى انطباع
عشان اخرس جميع الالسنة
حشوفه تانى
وانا مغمض العين
مسدود الانف والاذن والحنجرة
والله معى
------------------------------------------
ألف مبروك للفريق العراقى على كاس اسيا
بالرغم من انى مشفتش الماتش
عشان كنت غارزة فى حاجة كده
كده الجدعنة
فكرتونى بالجدعنة بتاعت السنة اللى فاتت
لما اترشح فيلم الجنة الان للاوسكار
-----------------------------------------
ER today
فكرتنى بحاجات كتير
1-the moment of letting go ,of anything that you hold on to strongly
coz you are not qualified enough to do it ,best management in order not
to add more harm to the situation ...getting on the roof and just let it go
2-the showy doctors , that make me laugh but not out loud..what impresses me
most is how they manage the case , specially post operative
مش نعمل العملية ونخلع ؟!!!!
3-coldplay , i miss his voice a lot ..they have made us listen to his best hit at the end
4-i have forgotten all about hyperosmolar coma , i usually see DKA
they made me check on it , thanks ..this reminds me of the year of internship when we learned best ER from ER tv shows ..this is true i swear
5-the misinterpretation of someone's deeds
6-besides coldplay , i remembered Kean
this reminds me of my baby brother
------------------------------------
وانا رايحة للمحامى النهارده
على ستة اكتوبر
كنت بعضعض فى ضوافرى
am i nervous like that ?
------------------------------
شريط محمد نور قرب ينزل ..واحاشك قوى اغنية جميلة
بس مش احلى من اغنية فيلم الشبح
الفيلم جميل ..احمد عز موهبة لازم تستثمر اكتر من كده
الولد عنده امكانيات عالية جدا
اكيد نجمه حيعلى قوى فى يوم من الايام
-----------------------------
بعترف أهوه
ايوه انا رحت كركر
ولما خرجت بصيت لقيت السينما مليانة على اخرها
وفكرت انى ممكن اكتب قصص افلام احلى من ده
مش عارفة ده كلام صح ماشى مع امكانياتى فى الكتابة
واللا ده برضة نتيجت دماغى اللى ساحت من الشمس؟
-----------------------------
بقالى كام يوم بندغ لبان
وبقى بيبقى مفتوح كمان
بلا اتيكيت لا زفت
اللبان بيطلع اندورفينز
محتاجالهم قوى الايام دى

today

ca passe comme ca , pas un jour parfait mais ca marche>>j'avais fait ma presentation sur l'harcelement moral et comment reagir dans cette situation ...aujourd'hui a ete tres chaud , un chaud effreyant..c'etait horrible,jusqu'a maintenant la temperature est tres elevee..j'avais pris un cafe pour ne pas perdre ma concentration durant la discussion..mais mes idees ont ete perdues et lancees au ciel...grace a dieu que cette exposee a passe tranquillement sans me blesser -dans les nottes!

davidoff

أقصى معلوماتى عن دافى دوف انه سجاير
لقيت منه كيس بن فى السوبر ماركت
وبصيت على بقية الاستاند
لقيت انواع قهوة تجنن
وانواع شوكولاته تجنن اكتر
ربنا يسامحكم
حاطين بن دافى دوف وجمبيه شوكولاته لندت بلاك ..بس طلعت بالبندق مش باللوز
طبعا لا جبت لا ده ولا ده
الميزانية لا تسمح خالص
البن بحاجة واربعين والشوكولاته قرب العشرين جنيه
قررت انى اتفرج عليهم بس
بس احلى فنجال قهوة شربته الصيف ده
كان فنجال خدته على قهوة بلدى فى راس التين فى ألكس
قهوة فى موقف الميكروباسات الاسكندرانى اللى لونها اخضر وشبه المينى اتوبيس دى
الولد عملها بضمير قوى لدرجة كنت حطلب فنجال تانى بس كان ورايا لسه
اروح مكتبة الاسكندرية مش طالبة عطلة يعنى
حشوف محلات قهوة تانية عشان عاوزة اشرب قهوة تعدل الدماغ
وتصحصحنى وتفوقنى وتدينى نشاط
مش زى اللى بشربها دلوقتى بتعمللى وجع فى معدتى

خروف

البريزنتيشان خلاص على الابواب
مش كله أون لاين فقررت اروح القصر عند المكتبات اجيب حاجة سيمبل كده
اطلع منها شوية معلومات او حتى فلو تشارت
دخلت جوه عند المكتبات بعد ما الراجل على البوابة مغلسش علييا عشان هو عارفنى
7 سنين طب ..حيتوه عننى ..وكمان سنة نايب زاير..اكيد الراجل فاكرنى اكتر من عياله بقى
قمت دخلت عند مكتبة كده الراجل رحب بييا فاكرنى برضه بالرغم انى اتنكرت بنضارة الشمس
بس برضة شكلى مفئوس..ما علينا
قعدت اقلب فى الكتب وبتاع لحد ما رسيت على كتاب من نورث اميريكا نوتس فيه عرض كويس
الى حد ما للمعلومات اللى عاوزة اتكلم عنها
قلتله-عشان استغليته شوية يعنى-هو مفيش حاجة بلدى؟
قاللى مفيش عندى جوه اللا الاسترالى
تنحت شوية كده وبعدين اتفتحت فى الضحك
اصلى اتخيلت ان عنده جوه خروف استرالى بياكول ورق الكتب
وانا بقوله بلدى وبتاع ..بتعامل مع الراجل ده بقالى سنين
يعنى....... عمللى شوية تخفيض اهبل
وانا ماشية من عنده افتكرت اول يوم عيد كبير السنة اللى فاتت لما كنت فى المعادى فى مشوار ضرورى
للماستر وشفت عربية سوزوكى ماسك الراجل اللى فيها مكروفون
وعمال يزعق: خطف خروف من اول المعادى
لونه بنى
عمر 6 شهور -على من يجده الاتصال برقم...
فقت من السرحان على فرجتى على مبانى الكلية
غريبة ان الكلية كانت شبه فاضية النهارده
والشوارع الى حد ما هادية
ومزاج البنت اللى على الكيس فى سعودى كان رايق على غير العادة
وعملت بشاميل كويس المرة دى
بس برضة لسه التليفون مش بيبطل رن

and long for you

i guess this time i have to start 'de novo'
baby steps again
prudence maintenant , c'est pas applicable
je jetterai moi-meme au milieu de la mer
j'avais appris a nager
et c'est le moment de l'application dans la vie
est-ce que je vais rester pour longtemps sur la cote
en contemplant la nuit qui tombera brusquement?
je le sais bien que parfois je dois passer par le courant
pour avoir la puissance de completer
mais, j'avais donne a Dieu des promis
le plus important d'entre eux , c'est de ne pas
ecraser l'ame ou maltraiter n'importe quel patient
dans ma vie comme un docteur
c'est difficile,je sais que je passerai dans des situations graves
ou je devrai choisir entre le blanc et le noire
je laisserai le gris
et je choisirai le blanc

s club juniors

puppy love-the song

suzanne vega

caramel-the song

a cat

مش عارفة ايه مزاج القطط تنام وتتدلع على كتب المذاكرة بالذات
امبارح جبت ييجى مليون كتاب طب عشان نطلع معادلة لسوايل الجسم كده
ما علينا ...قعدة بدعبس فى الكتب والجداول والبتاع وعندى صداع من كترة التليفونات اللى برد
عليها بقالى تلات تيام متواصل لما قربت أحولل
وعمالة أفكر طالما مش عارفة وزن العيانة طب اظبت السوايل بكام لتر وبتاع وقد ايه الكترولايتس
قام لولو القط بتاعى جه نط على الكتب ونام عليها
لما شفت الصورة دى قلت كل القطط كده بالشكل ده
------------------
انا الايام بتاعتى الايام دى شكلها غريب ومش متظبطة خالص
وبستقبل تليفونات زيادة عن المعدل الطبيعى ..بجد تعبت اتكلمت فى الموبايل بس حوالى 5 ساعات
سواء استقبال أو انا اللى بتصل
دوشة كده ولخبطة عند ناس وعند عيانين مع تدوير على شغل مع انترفيو على الفون
عقبال الانترفيو اون لاين
وناس بتكلمنى على حاجات كتيرة وهيصة
بس الكلمات المشتركة فى التليفونات دى هى
عيادة مستشفى عملية ولادة نزيف بلح دم طبيخ كتب طوارئ
وفى النص يا حد يزعق يا حد بيهزر يا حد بيكلمنى وهو سايق يا حد بيوصفلى كيكة البرتقان
يا حد بيركن عشان ياخود جلسة علاج طبيعى يا حد بيشخط
يا حد رغاى وخلاص
انا بفضل اسمع طالما عايزين يتكلموا
وساعات بنام وانا بسمعهم
أصل حد بيفضفض وخلاص
فأنا بفصل... بنام
طالما انا بالنسبة للطرف الاخر فى المكالمة دى عبارة عن ودن وخلاص
بس لو فيه حاجة مهمة لازم اقولها بصحى من نومى كده واتشطف واقول اللازم
--------------------------------
التليفون بيطاردنى ومش عاوز يبطل رن
بيرن حتى دلوقتى والساعة داخلة على 12 بالليل

a movie

when i saw the trailer on onetv , i told myself this movie
hmmm, i can watch it if i have nothing else to do
it has just ended on one tv ,it is nice , a bit funny ..
funny haha not funny like bizarre or something .
when the part came in the movie when the nice girl meets lots of guys in order
to pick the so called in fairy tales 'the prince charming',it was so true
these meetings happen in real life
i laughed at this part coz somehow they remind me of 'my meetings' and my friends'
i will not open the door to these funny-bizarre- memories
i want to stress on the point that
in the whole movie , this girl felt somehow connected to someone...
though this someone is still' invisible' to her ,she only felt his presence around
she knows she will meet him'soon'
but 'soon' does is equal, when translated into time,few days?few months? a year?
i loved this part of the feeling of being connected to some soul out there
they met at the end of the movie and they both felt happy and secured
they have found their land
heart needs home , and they have found it

حتة من قصة

بسم الله القوى العلى
القاهر فوق عباده وهو الحكيم الخبير

أمازونتى الجميلة الجليلة
اشمخى برأسك حتى عنان السماء ولا تغفلى عن ان ربك القوى لا يحب الضعفاء املئى صدرك بسر الحياة وتيقنى انك فى حضرة الله الذى سواك حرة وان هذة الحرية هى امانته التى حملتها بعد ان ابت السماوات والارض والجبال ان يحملنها واشفقن منها وقولى لمن يعترض الطريق لا ولا ولا
جهول دعى من لا يعترف بالنعمة وينكرها, مجوف ملؤه الهواء من يريد ان يضع الاغلال فى ايدى واعناق الاخرين , انه يرهبك بكلمة الطلاق وتشتت الاولاد وهدم البيت لكن لو انك تظاهرت-مجرد تظاهر فقط-فأنا اعرف انك وانا معك لا نحب من ذلك شيئا -لو انك أظهرت عدم المبالاة لتراجع

a must see ,sicko the movie

هدوء

معنديش بلكونة عشان افطر فيها
صحيت الصبح مليش مزاج افتح الشباك بدل الهوا السخن بتاع الفرن اللى احنا فيه يدخل
اسبوع عنيف مليان تدوير على شغل
على خناقات ملهاش لازمة على حالة وفاة على خروج حد تبعنا من المستشفى
على نجاح فى الثانوية العامة
على حلويات شامى وتين شوكى ومحشى بتنجان عملوا امساك عنيف
على تشخيص انسداد فى شرايين الرجلين-مزمن..الحمد لله دلوقتى ماشى على علاج
على جرايد الاسبوع اللى متقرتش
على مكالمات تليفون طويلة وقصيرة
على سفر وحر وانقطاع الكهربا ونمل..نمل كتير قوى
على ساعة بتكتك جامد فى السكن لدرجة انى حسيت انها صوت رجلين راجل
خليتنى صاحية طول الليل مع قصة شدتنى ومش مصدقة انها اتكتبت من اكتر من عشرين سنة
مع وشى اللى اسمروالقوضة بتاعتى اللى محتاجة معجزة عشان تترتب
على تحضير طرد لاخويا ..مع تزويغات من زميلتى اللى ضربتنى فى ضهرى
بااااااااااااااااااااااااااااس كفاية...... شوية هدوء بقى
تحميل اغانى كتير معظمها سلو وتشغيل السماعات بصوت واطى
وقوف فى الحمام اللى عامل زى الساونا قودام المراية
تفكير..مجرد تفكير فى محاولة الفطار يوم فى مكان هادى محدش يبقى معايا ولا حد يعرفنى
الخروج من التهييسة دى على فنجال قهوة بعدية شاى
بطنى جاعت اكلت مسقعة وفلفل اخضر وخيار..بطنى اتنفخت مع احساس شديد بالرغبة فى الترجيع
تفكير فى البريزنتيشان
نشر الغسيل مع تصبين اطباق الفطار اللى اصلا فطار على غدا
تدوير فى التى فى على حاجة تتشاف
يعقبه قفل كل الاجهزة تماما وتحويل الشقة الى مكان ضلمة
فتح المراوح على الهادى
تغميض العنين على الكنبة فى محاولة لايجاد الهدوء ولو بالايحاء
مخى بيلف فى دواير
لولو القط بتاعى بينط على حرف الكنبة ..خضنى
طنشته وغمضت عنييا
هو كمان غمض عينيه وصوت القر بتاعه بقى عالى فى الهدوء المصطنع اللى بيكسره صوت عربية فى الشارع
على صوت هبدة كورة على السلم وصوت رجلين طالعة ونازلة
مش حنزل اعمل حاجة النهارده
حدخل انااااااااااااااااااام

bronzage

اه كان عندى من زمان الحاجات دى
les perles pour bronzage
ده ايام البال الرايق والدلع والهيصة
هو الصراحة من اول ما ابتديت التدوير على لقمة العيش
وشد الحزام والشغل بنظام الشوكك
وانا بقيت واقعية ومش بخبى وشى تحت ميك اب
بس ساعات بروش واحط عشان مزاجى طالب كده
وساعات بحطه عشان فيه ايام كتير ببقى شبه العفريت
من ضمن الحاجات اللى عندى كور ماكياج تدينى لون برونزى
هو روج اه جو ..جميل لونه جدا
بس دلوقتى الشمس مش مديانى فرصة لأى حاجة
هريانى والله
يعنى دراعى اللى ناحية الشباك بقى اسود خلاص
ووشى اتهرى
يعنى مثلا النهارده كنت جوه العربية لابسة الايس كاب
وحاطة نضارة الشمس
ولابسة بكم طويل
ومغطية قفايا
وبرضة بصيت لوشى فى المراية لما جيت
لقيتنى اسمريت عن الاسبوع اللى فات
ده كده واغسطس لسه ما جاش

الشبح -الفيلم

لحد دلوقتى اجدع فيلم شفته هو عمر وسلمى
لذيذ ولايت وفيه كوميديا وتخرج من الفيلم منعنش ورايق
مش مجهد للتفكير عشان الفكرة بسيطة
بس برضة انا شايفة الاعلانات بتاعة الافلام بتتغير بسرعة
يعنى ميلحقش بوستر يتحط اللا لما يتشال ويتحط واحد مكانه
وانا بستنى يا اما الاعلان عن الفيلم عشان اعرف ميته ايه
يا اما صفحات النقد فى اى جرنان
بصراحة الريتم بقى عالى قوى فى الافلام الصيف ده
ومفيش اجنبى..موسم بقى
هما مقسمين السوق والفترة اللى قبل رمضان يعنى الشهر ده واغسطس كمان
بس انا دماغى بتتلوح مع الاعلانات بتاعة الافلام عشان انا بحب السينما جدا
ومش بلحق اقرى اى موفى كريتيك
بدخل الصراحة عميانى وعلى حسب الاعلان او الممثل او الاغنية اللى بتلم الفيلم شوية
شكل خليج نعمة لذيذ بس مش عارفة حينزل امتى
جيت من السفر النهارده قلت اكيد الشبح بتاع احمد عز نزل
جبت جرنان الاربع البايت ملقتش الفيلم نزل
قعدت اقلب فى القنوات وثبتت على ميلودى عشان اقرا شوية الجرنان
لقيتهم جايبين اغنية الشبح
افتكرت من اللقطات فيلم جوست رايدر
هو مش زيه اكيد ..بس وجه الخير والشر اللى اتكلمت عليه الاغنية
فكرتنى بجوست رايدر ..بالاضافة الى اسم الفيلم نفسه
القصة اكيد متظبطة عشان يبقى فيلم اكشن لذيذ
هو حيتدخل عشان احمد عز ان شاء الله -انا عارفاكو
كلمات الاغنية شدتنى للفيلم يا عيال شكلى حروحه معاكو بس نظبت التايم
اللى بيشدنى للاغنية العزف -ده فى الاول
عشان كده معظم حفلات عزف شهرزاد بالفرقة الروسى بحاول احضرها
عشان العزف والنغمة
لما سمعت عزف الاغنية بتاعة احمد سعد -سألت نفسى
موجودة على يو تيوب على فكرة
عجبنى العزف واتشديت للنغمة
ركزت فى الكلام
لقيته حلو جدا ..ادانى فلاش باك لفيلم جوست رايدر...لازم تشوفوه الفيلم ده لنيكولاس كيدج
جامد بجد ..فيلم جميل
المهم الاغنية بتقول
سألت نفسى كتير
مرستشى يوم على بر
انا اللى فييا الخير
واللا اللى فييا الشر؟
مليان عيوب واللا
خالى من الذنوب واللا
واللا ايه ؟
واللا انا جوايا ومش دارى
الاتنين فى بعض
و500 حاجة
وملهمش دعوة ببعض
-------------------------------------
انا ساعات بحس فعلا انى انا مش انا
وبحس ان حد تانى هو اللى بيتصرف مش انا
صراع كده ابن كلب بين اللى انا عاوزاه واللى قدامى بيحصل على الواقع
يعنى ساعات بطلع الوحش اللى جوايا
وساعات بخللى الغزال يسرح وسط الناس ويدلعهم
بس فجأة بقلب
طالما الهارمونى اللى ممكن تبقى حوالايا
حصل لها جابوردى
بتحول على طول الى كائن خرافى ..تنين بقى امنا الغولة اللى تحسبه
لحد الوضع ما يتعدل
والدخان اللى بيطلع مننى مش على الفاضى الحمد لله
بتحرك عشان اغير الوضع اللى مش عاجبنى وبلاقى اللى معايا-بقية التيران يعنى
بيتنحرروا هما كمان ويهزوا طولهم ويتنيلوا يقوموا من البطشة عشان يشتغلوا
انا مليانة عيوب وعندى ذنوب
وجوايه الخير والشر
عشان انا بنى ادم
بس الخير مسيطر من جوايا على اى حاجة
وبحبس الشر
عشان انا لو بقيت شريرة حبقى فظيعة تدمير على طول
وبيجيلى فرص للشر والانتقام
وبعرف ازاى انتقم واكول عدوى ازاى
اللى بيمنعنى من التدمير
تفكيرى فى الدرو باك
وخوفى من ربنا من اثر الدروباك
فبطلب من ربنا الانتقام
وبيستجيب عشان هو عارفنى
بس انتقام ربنا ايه بقى
اللى هو ..والدروباك بقى بيبقى ميه ميه
مليون مرة احسن من الانتقام اللى انا ممكن اتكتك ليه
مش من اسمائه المنتقم ؟
يبقى لازم اسمه يتحقق على الارض

green apple

حموت على تفاح اخضر
شكلى لما حبقى حامل حفطس جوزى من الوحم
عاوزة كريز عاوزة رنجة عاوزة ملوحة وفسيخ
جبنة بيضة من غير ملح ..كومبوت فواكة برية
حعوك جامد ..الله يقويه أو يرحمه بقى اذا كان لسه عايش فى الدنيا دى
أوعدنا يا رب بنص كيلو تفاح اخضر
يا رب المرتب يتنفخ فى صورته

justin

justin -lovestoned
you tube

baby steps..still in the mud !

انا نزلت جبت حاجات البيبى اللى جاى
مش بتاعى ..حجيبه ازاى يعنى وانا لسه لوحدى؟ انا مش هرمافرودايت
اسعار بزازات العيل لبافتات العيل للباسات العيل نيله قوى
وكمان ايه انا بدور على القطن المصرى مش حاجة مستوردة
اصل البيه حيشرف على اغسطس ان شاء الله
لازم ألبسه قطن طرى ..وانا بموت فى القطن المصرى أطال الله تيلته وبقائه
جبت حاجات من معرض كده اكتشفته بالصدفة
لأ يا خفة ..مش اللى فى المهندسين
ده اتعمل عندنا فى النادى
طالما مفيش تصييف خالص-انا بقالى كده بدون اجازة صيف من وانا فى سنة خامسة كلية لحد دلوقتى
يبقى أصيف على الفيسين
ومش عايزة أشوف أم خلقة اى نيلة منكم عشان وحياة ربنا حنزل فيكو عض
مش طالبة نكد على البيسين كمان ..كفاية النكد بتاع يوم الجمعه عند الشجرة
بصوا بقى ..انا لسه رجلييا غارزة فى الطينة
بدور على شغل يدفعلى اكتر من ال208 ملطوش دول
عشان انا قربت أطلع من هدومى خلاص
غارزة غارزة يعنى
ومش لاقية لسه
واللى لقيته ضيعته منى واحدة معتبرة نفسها ألا ايه صاحبتى
والله اللى اعرفه ان الصديق هو اللى يقف معايا وقت الشدة
مش تضربنى فى ضهرى كده عينى عينك
مش طالبة معايا أصناف الناس دى
وادينى لسه بدور وربنا يجيبلى حاجة كويسة ان شاء الله
ويا رب النحس يتفك
عشان اذا متفكش فى القاهرة
حفكه باذن الله وقوته فى مكان تانى

+chocolate+coffee

i love cats

أحبائى جوليا

أحبائي..
استمعتُ إلى رسالتِكم، وفيها العِزُ والإيمان
فأنتم مثلما قلتم رجالَ الله في الميدان
ووعدٌ صادقٌ أنتم
وأنتم نَصرنُا الآتي
وأنتم من جبالِ الشمس
عاتيةٌ على العاتي

أحبائي..
بكم يتحررُ الأسرى، بكم تَتَحررُ الأرضُ
بقبضتِكم بغَضْبَتِكم يُصانُ البيتُ والعِرضُ
بناةُ حضارةٍ أنتم، وأنتم نهضةُ القيمِ
وأنتم خالدونَ كما خلودُ الأَرزِِ في القممِ
وأنتم مجدُ أمتنا، وأنتم أنتم القادة
وتاجُ رؤوسِنا أنتم، وأنتم أنتم السادة

أحبائي..
أُقَبِلُ نُبلَ أقدامٍ بها يَتَشَرفُ الشرفُ،
بعزةِ أرضنا انغرسَت، فلا تكْبو وترتجفُ،
بكم سنُغيِّرُ الدنيا، ويسمعُ صوتَنا القدرُ،
بكم نبني الغَدَ الأحلى،
بكم نمضي وننتصرُ

عقبال كل خميس

مصر كلها كانت فى الشارع امبارح
افراح وخطوبات
فى البر وفى البحر
وفوق الكبارى كمان
حضرت زفتين فرح لفرحين مختلفين
وزفة لخطوبة
وكان فى العربية اللى جمبى حوالى الساعة 1 ونص بالليل عروسة برضة
وفى المركب الصغير اللى كانت جمبنا..واللا بايناها اتوبيس نهرى
كانت فيه عروسة برضة حتى المعازيم حاولوا يتشعبطوا فى المركب الكبير اللى كننا عليه
الف مبروك للعروستين اللى كانوا معانا على الباخرة فى الدور اللى تحتنا
كننا أون دك وصاحبى الجديد اللى عنده 6 سنين عممال يسألنى اسئلة عن غرق السفن
والدى جيه شغل تايتانيك...مش طالبة حبيب قلبى
الحمد لله أول مرة اشوف يوم خميس لذيذ
مش مليان حوادث زى ايام النبتشيات

missing my baby brother

فى النور يا حبيبى

أنساك؟ لا يا حبيبى
طول ما انت حبيبى انا مش حنساك
عمرى اللى فات ...معاك
وذكريات..... وياك
وياك ...انا عشت حياتى فى النور يا حياتى
وهواك كان هو هوايا
كان كل منايا تيجى عينى عليك
انا أقرب حد ليك

ارحم عينايا

بمناسبة وجع عنين روح أمه
ومرقعته فى الشغل لدرجة تودى فى ستين داهية
والله بدعى عليك ومش حتكسب يا زفت الطين انت
بأهديك يا نيلة الاغنية دى
أرحم عينايا
-قال راقد فى البيت 7 ايام ومش بيروح الشغل لدرجة الخسارة فى الفلوس
ولا همه
وبسأله عيان بايه ؟ فاكراه مغص كلوى واللا اتحجز فى المستشفى البعيد
جابلى قطرة كورتيزون سريع المفعول للعينين
راقد فى السرير اسبوع عشان عينيه محمرة شوية
وبياخودلها قطرة كورتيزون
يا أخى ...اوى

sealed with a kiss

حتى لو معشتش قصة حب
حلو انك بعد يوم طويل تسمع قصة حب ناجحة
انا اتعشمت كده
بقالنا كتير بنتكلم عن الجريمة وعواقبها
والقصص الروسى ومين قرا الجريمة والعقاب
وانا أهوه بقرا الايام دى جريمة قتل كاتباها مارى هيجنز كلارك
ولسه شايفة امبارح
48 hrs on mbc4
يعنى عدانى العيب أهو
قام البروفيسور كمكافأة للكلاس
جاب شريط كاسيت متسجل عليه قصة حب بين اتنين
كننا بنسمعه وبصراحة الكلام اللى بيتقال فى الحدوتة بين الراجل والست فى التعارف والخروجات مع بعض
كان مخللينى مبسوطة وحسيت انى كنت طايرة فى سقف الكلاس
والشريط كله عن الحب بينهم ..لدرجة ان الشريط نور من كترة الاحاسيس والمشاعر
والحب دلدق من الشريط
وحياتهم عبارة عن بوس فى بوس
قلت اخيرا البروفيسور جايب لنا موضوع لايت
قام من ضمن الاحداث الراجل بعت للست تلغراف وفى اخره بوسة
بس التلغراف عبارة عن كدبة انه عيان
قلت اه ه ه ه مبدهاش طالما الكدب دخل وحماتها اتدخلت فى الموضوع يبقى النص الحلو الاولانى من الشريط عدى
والنص التانى الصراحة كنت مكشرة فيه
وانتهى ان الست قتلت الراجل
---------------------------
رجعننا تانى لتحليل الجريمة
أقوله فى التحليل ايه ؟ اسباب ودوافع ؟
اقول له ازاى حصلت الجريمة بسبب الكره ؟
واللا اجيب سيرة سر الحما الباتع ؟
هو ليه بيحب الجرايم كده وتحليلها ؟ وبيقعد يكلمنا عن المحكمة والقاضى والاحكام وقصة الجريمة والعقاب ؟
هو قاللنا ليه
طلع خريج حقوق
بالرغم من محايلتنا ليه انه كفاية بقى جرايم وبتاع
طلب مننا تحليل مكتوب لوجه نظرنا فى الجريمة ودوافعها واسبابها
كان نفسى اسأله هى الست قتلته بمسدس عيار كام
اصل فى الطب الشرعى اللى درسناه كنت بموت فى المسدسات
قام على بختى دخلت لجنة شفوى واحدة بس
وكانت عبارة عن طبق اااااد كده مليان طلقات مستعملة وحية
وخراطيش وبلى فضى صغير ..اللى هييا الشوتس
قام الدكتور قاللى خدى 10 من اللى فى الطبق
وكلمينى عن واحدة واحدة ..طبعا كلهم مختلفين عن بعض
وقعدنا ندعبس مع بعض على كل رصاصة ونوعها ومسدسها
وبتعمل ايه فى البنى ادم وافحصه ازاى كدكتور
واشرح الجثة ازاى بعد الموت
استويت فى الامتحان ده
الراجل اقترح علييا اشتغل فى الطب الشرعى لما اخلص البكالوريوس
بس محبتش..واشتغلت فى حاجة قبلها
الطوارئ والجراحة
اديت لنفسى مقلب يعنى

l'histoire d'un chariot , c'est l'histoire de la vie

على نغمات اغنية حكايات لعمرو دياب
اكتب هذا البوست الحربى
اخدت من امبارح كمية شمس على قفايا
وبقالى كتير فى مقالب حراميه من زمايلى
بيطفشوا اى حد ممكن يتقدملى
وكمان -مش ده بس
بيقولوا لأ ريهام لأ.. ريهام تخينة ..يا اخى ..واللا بلاش
كل واحدة فيها العبر وانا ساكتة على الاقل عيبى فى الشكل
اما انتوا والله انا سكت عليكوا عشان بس كننا فى المؤتمر
لكن مسير الاحوال تتغير عشان الحاجة الوحيدة الثابتة فى الكون ده هى التغيير
بمناسبة التغيير ..انا لسه مغيره هدومى من شوية
لسه راجعة من بره ..اكدت حجز رحلة النيل وربنا يستر
وظبت شوية حاجات فى البريزنتيشان بعد ما قعدت فى المكتبة ورافعة رجلى على الترابيزة فيها
انا صورت المكتبة من جوه بس كان نفسى اصور رجلييا وهى على الترابيزة فى وش الكمبيوتر
معلش المرة اللى جاية بقى
العربية عملتها فييا..المرش مش بيدور ..طبعا كنت بغنى حلاوتها ام حسن
عشان افتكرت متقال فى الوقت ده
عشان العربية مدارتش فى الشارع
وكنت جنب اعلان حجازى متقال اللى بيقول بص على الحلاوة
عنده حق ..العربية بيحلالها تعملها فييا فى اوقات عجيبة
طبعا ما سافرتش المرة دى
وامبارح كل مشاويرى شعبطة
والنهارده موتو رجل
علييا حاجات كتير
رحت قدمت اشتغل مدرسة علوم فى مدرستى القديمة
وقابلت المديرة وعملت انترفيو بالفرنساوى مبدأيا
وكان اول سؤال بزعيق
ايييييييييييييه اللى خلاكى تدرسى طب ؟
حسيت كأنها بتلومنى ..لأ ارجوكى لا تلومنى
كفاية اللى انا فيه
طبعا كان سبب المقابلة دى فى المدرسة ...قصدى نزولى من دكتور الى مدرس علوم
ان المديرة اللى عملتلى البحر طحينة بالنسبة للشغل جت وقت الاكشن بجد وفلسعت
وصحابى كتر خيرهم ضيعوا سواء بنية مبيتة
crime premedite
او بهبل مستحكم
فرصة شغل لييا فى مكان كويس جدا
فالصيف ده شكله كده حتنتهى فيه حواديت خنيقة بقالها كتير
انا استحملت الهطل ده زمان
دلوقتى اوسخ حاجة بتعملوها فييا هى انكم تعشمونى بحاجة
وبعدين ملاقيش اللا خازوق
والله الدنيا دوارة ده اللى انا اعرفه
وانتوا كده ناويين على خسارتى
ينعل ابوها دى معرفة لما تكونوا بتضيعوا علييا باب رزق
ما علينا ..ادينى بدعبس لوحدى
المهم قلت انزل موتورجل اجيب حاجات الطرد بتاعة اخويا
اتمشيت طبعا فى الحر ده لحد ما عينى اتأورت برضة وشفت النجوم فى عز الضهر
من ضمن الاماكن اللى دخلتها سعود عشان اجيب لستة حاجات عشان البيت
سحبت شاريو من بره ..كانت فى الشمس فا ايدى اتلسوعت بس برضة جريتها بالزق قودامى
دخلت جوه وانا عماله افكر فى تاريخ الفراعنة ويا ترى هو الهرم لسه من العجايب واللا اتشال من اللستة الجديدة ؟
وفكرت فى الشاريو الفرعونية بتاعة الحروب
وبصيت للى قودامى دى اللى بزوقها بطراطيف صوابعى
وقلت ده التطور الطبيعى
ببص حوالييا لقيت امهات حطين عيالها فى الشاريو ..تطبيق فرعونى قديم زى كلمات مام امبو كده
قمت جيت لازم اطلع الدور التانى عشان اجيب صابون غسالة
سبت الشاريو اللى كانت لسه فاضية فى الدور الارضى على جنب وطلعت جبت الحاجة
وانا نازلة لقيت بنت 10 -12 سنة كده بتسحب عربيتى
قلتلها يا ماما دى بتاعتى انا كنت فوق بجيب صابون..كنت شايلاه على صدرى زى البيبى..كيس تقيل بقى
قامت طلعتلى امها من تحت الارض بتقوللى لأ احنا جايبنها من بره..مع العلم انى شايفاها
حلاوتك ياختى ..بتعلميها الكدب من دلوقتى ؟اشربيها الشاريو دى
محبتش اتكلم مع ناس بتكدب عشان شاريو
وقلت بلاش خناقة النهارده ... امشيها شاريو سوبر ماركت
بدل شاريو حربى بتاع الفراعنة

يا الله يا اله السموات والارض

ربى انى اعوذ بك من الهم والحزن
واعوذ بك من العجز والكسل
واعوذ بك من غلبة الدين وقهر الرجال
اللهم انى اعوذ بك من الفقر الا اليك
ومن الذل الا لك ...ومن الخوف الا منك
واعوذ بك ان اقول زورا او اغشى فجورا
او اكون بك مغرورا واعوذ بك من شماتة الاعداء وعضال الداء
وخيبة الرجاء اللهم انى اعوذ بك
من شر الخلق
وهم الرزق
وسوء الخلق
يا ارحم الراحمين و يا رب العالمين

مسجد الحسين

طالما عملت كل اللى اقدر عليه
وبحاول اقدم على شغل هنا وهنا لتحسين ظروفى
وطالما معنديش واسطة لا فى الشغل ولا الجواز
بس برضة حاسسة انى عملت اللى علييا ولسه بحاول احسن من نفسى عشان اكيد
انا عندى اخطاء لازم تتصلح
وطالما فى عالمنا المادى انا عملت اللى اقدر عليه
يبقى خلاص
لازم ساعتها طالما عملت اللى علييا بما يرضى الله
لازم ألجأ ساعتها للعالم الروحى
لازم ألجأ لله
واصلى عند بيت من بيوته عشان ارتاح
رحت الحسين الجمعه اللى فات وصليت الجمعه
ناس كتير قوى ..كل واحد رافع ايده لله بيطلب حاجة
اللى جمبى عمالة تطلب من ربنا انه يشفى ابنها -ربنا يشفيه
انا مقدرتش ادعى على اى حد من اللى اذانى
دعيت ربنا انه يصلح الحال
ويفك دايرة النحس اللى محوطانى
ويسهل علييا ظروفى
انا كنت حسيت انى ابتديت اضعف وشفت الضعف فييا وحش
اتارينى مش انا بس اللى كده كل اللى كانوا معايا فى الجامع ضعفا بشكل او باخر
الضعف ده انسانى ...تركيبة جوانا
عشان كده لما حسيت انى طاقتى بتقل وبحس بالضعف ..لجأت لله
رحت الجامع ..صلاة الجماعة بتدى قوة
وكونى شفت ناس برضة ضعفا بيلجأوا لله زييى
حسستنى انى مش لوحدى ..الاحساس ده كفاية لييا
وادينى بعمل زى ما قريت فى كتب الدين
ان مهما الوقت كان فيه شدة لازم استمر فى العمل
يمكن الحال يتحسن قودام واقول ساعتها الحمد لله انى مضيعتش وقتى فى الايام اللى كان فيها شدة وعياط
فعلا الشغل وبناء النفس فى الشدة ووقت الضعف لازم استمر اعمله
عشان حستفيد من الشغل ده ساعة ما الحال يتحسن
واذا الحال فضل شوية كده مزنق
اهو الشغل احسن دوا
عشان متفكرش
الشغل بينسى وبيلهى
عشان التفكير ممكن يعمل حاجات وحشة
يبقى النسيان بالشغل احسن

تصالح مع اللى فات

انت فاكر لما كلمتنى قبل العزا بتتأكد اذا كنت جاية واللا لأ
وخليت السكرتير بتاعك يكلمنى على معاد العزا ومين من زمايلنا حيبقى موجود عشان نقف مع صاحبنا فى موت اخوه
فاكر انت قلتللى ايه ؟
مكلمتنيش عشان العزا من اساسه كلمتنى عشان تقوللى ان خطوبتك الخميس اللى جى
تفتكر انا لسه بفكر فى اللى فات ؟
انت كده تبقى واهم ولسه مفهمتش الدنيا
ولسه برضه مفهمتنيش ..واللا فاكر نفسك بالخطوبة والجواز انت كده عملت انجاز؟
واللا اياكش فاكر انى ممكن اعيط تانى فى التليفون
بتحب تسمع صوت عياطى فى التليفون للدرجة دى ؟ فاكر انى لسه متعشمة فى امك ؟
انت فاكر الدنيا خدت منى وبتديلك ملو ايديها
انت عارف انا عارفة انى بودنى دى حسمع منك فى يوم من الايام ندمك على انك سبتنى
وحتقول ولا ضفر منك يا ريهام
انا متأكدة ..دى مش اول مرة ..انا عارفاك
بتعزمنى كمان على فرحك ؟ ححضره ..ايوه حاجى و اشوفك فى الكوشة واباركلك كمان
اكيد عروستك حتبقى حلوة انا عارفة ذوقك
واكيد حتبقى عكسى تماما فى كل حاجة
بس انا متأكدة انى لسه حتيجى الايام لييا بالسعادة والعوض من عند ربنا
ربنا اللى كان دايما بينى وبينك وعمرى ما انتهكت حرمته
ربنا اللى اديتله وعد انى اذا اتجوزتك حسعدك على قد ما اقدر واحافظلك على مالك وعيادتك
انت قطعت كل ده وخليتنى ازعل وعيطت
بس ده من كام سنة فاتت ؟ مش من كتير قوى ؟
انت زى ما انت متغيرتش ..بس انا حصل فييا تغيير
انا اتصالحت مع نفسى خلاص وبطلت اجلدها وبطلت احسسها بالذنب
انا كنت بحس بالذنب بروحى بس
بس انت حتحس بالذنب بجسمك وروحك وحتحس بالخسارة على كل المستويات
عارف ليه ؟ مش عشان سبتنى
انت حتى لو رجعت مش حنتجوز عشان جوازنا مكتوب عليه الفشل عشان انا اتغيرت وعنييا فتحت وشايفاك شيطان قصادى
عارف ليه حتحس بالخسارة ؟ عشان الاحساس ده حيبقى جى من جواك
عشان انت مش بيملى عينك اللا التراب
كويس انى احضر فرحك قبل ما اسافر
كويس كمان ان العروسة مش انا

كلاوديا

اسباب رفض اماكن شغل ليكى ايه يا ريهام ؟
انا كنت عارفة السبب الرئيسى انه معنديش واسطة بس بقاوح
----------------------------------------
ريهام سبب الرفض انك
over qualified
رد الفعل : احه..بقالى 5 سنين متخرجة وعايزننى مخلصش دراسة فى حاجات وابقى كواليفايد ؟ امال انتوا عاوزين ايه ؟
زميلى بيرد علييا : عاوزين واحد لا اسمع لا ارى لا اتكلم
------------------------------------------
انا عارفة ان ممكن عشان انا اوفر ويت ومش بريزنتابل اوى ممكن اترفض عادى ما هو الشغل والجواز اسباب الرفض فيهم واحد بس انا عشمى فى ربنا كبير وادينى بصبر وبحاول احسن من نفسى دنا حتى بفكر اعمل جاسترك باى باس زى مارادونا
زميلتى بترد :سبب رفضهم ليكى انك محجبة
رد فعلى :احه ..منتى كمان محجبة ..خدوكى ليه ؟
عشان معايا واسطة
--------------------------------------------
الراجل يا ريهام بيقوللى انه رفضك عشان انتى محجبة ..ما انا كمان محجبة ...هو شايفنى ايه قدامه بالبكينى ؟
لأ
deux pieces
--------------------------------------------
انا:يا بنتى انا عارفة ان التخن عامل منيل يخليهم يرفضونى
صاحبتى :يا ريهام ما الحال من بعضه ما انا كمان تخينة ولابسة ترحة
هو شايفنى ايه قصاده ؟ كلاوديا شيفر ؟
الله يمسيها بالخير بقى
------------------------------------------------
بحاول وحفضل احاول لحد ما احاول
معلش متيأسيش
شكلى حسرح بعربية بطاطا
لأ بلاش ..تين شوكى ارحم فى الحر ده

you bring out the devil in me

-"i don't know aurora what to say , but you always bring out the devil in me "
this line always makes me laugh a lot while watching this movie terms of endearment -"i thought it will be a releif...ohhh..there is nothing harder"
this line makes me cry ,when she has lost her daughter ,who died from breast cancer
اللهم احفظنا ..بس امبارح برضة كننا بنتكلم عن سبب الجريمة وايه الدافع ؟
تمام ان الانسان فيه الخير والشر وليك انك تختار تبقى كده او كده
يعنى شرير او انسان كويس
يعنى تبقى شيطان او ملاك
عارفين ايه اللى ممكن يخللى انسان يرتكب جريمة بجد ؟
عارفين ايه ممكن يخللى الملاك يتحول الى شيطان ؟
الغضب
اللى بيتكون جواك سواء بسبب شخص او مجتمع او مشكلات انت عايش فيها
but the question here , who isn't under pressure ?
------------------------------
it is always a matter of choice
استر يا رب

المندهشون

حجزت فى النادى رحلة فى النيل على مركب قام الراجل قاللى اسمك مش مكتوب -امال الوصل ده اعمل عليه ايه ؟ملوخية
النادى فتح باب عرض افلام جديدة ومفيدة لتنمية الاجيال القادمة-سوف يتم عرض فيلم كتكوت يوم السبت الساعة 8 بالليل مع اطيب الامنيات بسهرة لذيذة
الناس بتشترى دلوقتى ارانب كتير من السوق-هو البتنجان بقى بكام دلوقتى ؟
اعلانات مهرجان القراءة للجميع فى كل حتة فى القاهرة زى اعلانات اتصالات كده اللى مغرقة ألكس-طب فين الكتب الجديدة اللى اتطبعت ؟
رحلة النيل اللى حجزتها..حضرتك احنا غيرنا المركبة الاولانية بواحدة تانية عشان فيها اصلاحات وربنا يستر-لاتعليق
عمتى ممكن اجى معاكى ألكس اشم الهوا بدل مرمى نفسى تحت اى عربية كارو؟..كان على عينى كان على عينى بس سقف الشقة بيقع ...يا عمتى ...كان على عينى بس حيبقى عندى عمال بيرمموا ...يا عمتى حبقى طول اليوم فى الشارع او المكتبة او على القهوة..كان على عينى..ماشى يا عمتى برضة حطب عليكى
النادى والمكتبة أرضهم طرحت عيال صغيرة-ببص باستغراب للعيال دول
انتشار العيال الصغيرة فى الشوارع وكله مأجر عجل بلا استثناء-بقول ربنا يستر على الحوادث
بتاع الكريز مصر على 12 للكيلو وانا بقالى فترة بجيب من عنده الكيلو ب10-بجيب نص كيلو بس عشان الميزانية
وبفكر مش ال5 جنيه دى كنت اجيب بيها قصة واللا كتاب
لومض قوضة النوم فرقعوا لوحدهم كلهم مرة واحدة -لا تعليق
بقالى كذا يوم انا اللى بصبن-لا تعليق وحطة جزمة قديمة فى بوقى وساكتة
ازاى صاحبك بول يا هشام ؟ عامل ايه ؟انا شفته من 10 سنين كده... لسه فى لندن ؟....ده كان من 24 سنة يا ريهام-لا تعليق مع اندهاشة شديدة انى شفت بول من 24 سنة وان الزمن جرى بسرعة جدا..يا لهوى

عاوز ابوس ..اشمعنى انا كل شويه ضرب ضرب

فاكرين فيلم نص ساعة جواز؟والله الفيلم ده فظيع
افتكرته امبارح لما عادل امام فضل يقول كده
عاوز ابوس نفسى ابوس كل شويه ضرب ضرب
عاوز ابوس
ده كا ن بيقولها وهو قايم بدور كومبارس
مشهورة برضه ليه كلمة البت دى باين عليها هبلة
المهم انا افتكرته ليه امبارح ؟
رحت امبارح المستشفى القديمة وكشفت وبتاع
المهم قابلت فى الطرقة الصحفى ده بيدور على ايه مش عارفة ومش مهتمية اعرف
قاللى حترجعى امتى بقى عشان اعرف اكتب مواضيع
قلتله ان شاء الله كمان شوية ..هو كان بياخود منى اسلوبى فى الكلام ويكتبه واللا ايه ؟
هوكذا مرة يعرض علييا حديث صحفى وانا اقوله مليش نفس
شكلى كده لما حرجع تانى يمكن يبقى لييا نفس والله اعلم
طبعا بعد ما خلصت فى المستشفى راسى اتأورت من الشمس
رحت البيت شوية وكلت المعتاد زبادى مع كريز
ونزلت جبت تونة وجبنة وبيبسى ماكس وكولا زيرو وكاكاو طعمه عجيب كده
كنت حجيب شاى كمان بس قلت لما اخلص اللى عندى الاول
طبعا بعد الزبادى والكريز الطفاسة حكمت
قمت كلت شوية تونة ..بطنى باظت واليوم لسه طويل
اتقلبت نمت زى الحمار وصحيت طبعا بشر عرق من الجو الظريف ده
خدت دش وشربت كولا زيرو ...ده عشان معنديش وقت اعمل قهوة
نزلت جرى اجدد اشتراك المكتبة وجددت معاد كتب عندى
ورحت جارية على المركز الفرنسى وانا شمه ريحة جوز هند فى مناخيرى
بتهف علييا الايام دى كل انواع الاكزوتيك فروتس الصراحة
التوت ..الكريز..اناناس..جوز هند ..وفى كمبوت فواكه عجيبة كده عند سعود يمكن اتهور وانزل اجيبه بس
الميزانية مخرومة خرم ااااااااد كده ولا خرم الاوزون يمكن اوسع
من شوية جبت كل شنطى ولميت القرشنات منها
ما كملوش 10 جنية والله..الصراحة هما 7 جنية ونص
اصل امبارح تجديد كارنية المكتبة قشطنى
والست فضلت تقول أوف وبتاع وانا عمالة اطلع لها جنية ونص جنية وبتاع
حتى فى سعود عملت كده برضة بس اللى قالت اووف المرة دى كانت اللى ورايا
عاملة نفسها هانم ومتضايقة يا حرام انى بطلع الجنيهات والخمسينات قرش وبتاع
قامت بتاعة الخزنة بعدييا قفلت الحساب بتاعها وقالت للست اللى ورايا المكنة التانية
قلتلها احسن
ما اننا مش فى اخر الشهر بس شنطتى اتفضحت امبارح
المهم فى المركز الفرنسى كان علييا ربع جنيه دين للراجل بتاع الكافيتريا
خلصت الدين الحمد لله ..مهما كان الدين بتحس ان حاجة على قفاك كده
كننا فى البريك وقعدنا نتكلم عن الافلام والكتب ومين كان عاوز يدرس طب
ومين عاوز يتجوز ومين بيفكر فى هرموناته البايظة
خلصنا الكلام بس فيه بنت يمكن 21 سنة واللا حاجة معانا كننا بنتكلم عن الجواز
وشكلها كده فى قصة حب وبتاع فقلنا ان الرجالة اتغيروا والستات كمان
هى فاكرة ان حبيبها حيطلع زى بباها طيب وحنين وبيساعد فى البيت
قلتلها اننا حضرنا مرة ندوة فى الساقية ناقشنا فيها ايه اكتر اسباب الفشل الزوجى
طلع انانية الراجل وحبه لنفسه اوى
المهم كشرت وشكلها مصدقنيش..قلتلها ولا تزعللى نفسك يمكن يكون حظك حلو بس اختارى كويس
وصالحتها واحنا خارجين ..شكلها مقبلة على الحياة وانا بقوللها خليكى واقعية يا بنتى
المهم اتطمنت انها مش مكتأبة ..غريبة ان الناس عاوزة تسمع كلام مش من الواقع اللى احنا فيه
شكلى كده حتكلم مع الناس زى ما بتكلم مع العيانين واهلهم
كله تمام والعيان زى الفل وحيقوم بالسلامة وحيبقى كويس
وهو فى الرعاية ويمكن يكون دخل فى أرست ويمكن يكونوا كمان بيلفوا عليه الملاية
ما علينا ..قال بعد كل ده العيلة مجتمعة عند عمتى على العشا
قلت ماشى طلعت على عمتى وانا متضايقة من نفسى
عشان كل ما البروفيسور يسألنى رأيك ايه ؟ نعاقب اللى بيعمل جريمة واللا لأ ؟ نحط المجرمين فى القفص واللا نموتهم ؟
أرد عليه بكلمة واحدة
je ne sais pas
لحد لما كان حيشد شعره
يعنى شكلى بنام فى المحاضرة ومش عارفة اجمع افكار ومثبتنى بموضوع بريزنتيشان زى البتاع
وواكلة تونة على الغدا من غير لمون واللى قاعد جمبى بيشرب ينسون وخايفة اوقعه عليه
وما شربتش قهوة
وبفكر ابعت سؤال للمكتبة عشان هما قايلين : عندك مشكلة ؟ عاوزنا نحلهالك ؟ اكتبلنا من غير متحط اسمك
كنت بفكر اكتبلهم :عاوزين شغل عدل مش بأقل من ألف جنيه وعرسان عدلين
كل ده وعايزنى ارد على سؤال فلسفى ؟ يا عم بقى
المهم طلعت على عمتى ..طلعت على بتها مش عليها مع انى ساعات بكون عاوزة اطلع عليها ابططها بس الطيب احسن
اصلها زعلانة على بختى وبتفكرنى بالوكسة وانا بقولها بكرة الايام تعدى -بس بكون ساعتها عايزة اعضها
المهم عند عمتى شفت كمية عيال صغيرة وناس اول مرة اشوفها
واصوات كلام بالعربى والانجليزى
والعيال الصغيرة اللى بسلم عليهم معرفش دول مين
حسيت انى دخلت فى حضانة كده وعيال تبوسنى وعيال تسلم علييا وهى مكسوفة
وواحد يبوسنى وهو ملحوس طبيخ والتانى ايده مطرحها محشى والتالت صلصة
وبنت صغيرة سلمت علييا ريحتها كريم بتاع عيانين
المهم الصورة العامة ان العيال كلهم باسونى
لدرجة كنت بسلم على ابن عمتى كنت حبوسه وهو كبير كده
والله ان ما كان متجوز كنت اتجوزته ..معلش يا عمتى
المهم العيال دول ولاد مين مهتمتش الصراحة بس عرفت من البوس بتاعهم ان الاكل محشى وفراخ ومكرونة فرن
قلت مفيش داعى كلت ايس كريم شوكولاته وخدت شاى
العيال بقى هرونى كلام على جنينة الحيوانات ...سألتهم هى لسه فيها حيوانات ؟ انا اتقللى انهم ماتوا
قام هشام ضحك قوى وقاللى اتحكالى قصة مأساوية عن موت ظرافتين فى الجنينة
والعيال بقى
auntie , i have put my hands on an alligator
i was on the back of a pony today , was faster than a horse
dad wanted me to jump on a lion !
يا لهوى ؟ ...قام هشام رد وقاللى انه شبل صغير والتمساح كان صغير
قعدت اقول دول فين الحاجات دى ؟ اصلى نفسى جدا اشيل شبل بيبى واشوف تمساح صغير
قلتله يا هشام كنتوا فى جنينة الحيوانات اللى هنا فى مصر ؟ قاللى ايوه
كان الكلام بالانجليزى والعربى بس
من كتر الانجليزى اللى فى البيت ..كلمت عمتى بيه قامت زغرتللى فضحكت قوى
هوب قام الموبايل رن
قمت دخلت فى قوضة نومها واتكلمت ..كانت مكالمة مع صاحبتى بتحاول تبرر ليه الشغل الجديد مش موافق علييا
مبررات هبلة وهطلة مدخلتش علييا
كنت عمالة العب فى البارفانات وانا بكلمها ..قوضة عمتى مليانة مرايات كتير ..ليه يعنى ؟ وبارفانات كتير برضه
ما علينا ...المهم لسه بدور على شغل عشان ده طار ..كتر خيركم يا صوحابى ..مش جى من ريحتكم حاجة
ربنا كريم وادينى لسه بعافر اهوه
المكالمة خلصت ..خرجت بره الاوضة العيال باسونى تانى عشان مشيين
افتكرت ساعتها عادل امام لما كان عاوز يبوس
العيال شكلهم لذيذ خصوصا انهم معندهمش سنان من قودام وده انا استغربت جدا منه
عشان كلهم معندهمش سنان قودام حسيت كأنهم خدوا بوكس فى وشهم كلهم بلا استثناء
رجعت البيت وانا بفكر يا ترى انهى علاقتى بصاحبتى دى اللى ضيعت علييا فرصة شغل كويسة واللا لأ؟
مش لاقية اجابة ..بس قلت الزمن كفيل انه يضيعنى من ايدها

أغانى

اول واحد وسيم تحبه البنات حوالييا
انا كنت وما زلت بحب محمد فؤاد
عمرو دياب اغانيه فيها حاجات تانية
لما بسمعها بفتكر حاجات كتير جدا
من اول بنت خالتى
لحد ايام الكلية
واغانيه اللى كننا بنسمعها فى الشيفت بتاع بالليل
عند بتاع السندوتشات اللى قودام مستشفى الجراحة والطوارئ اللى على الكورنيش
بدل ما نسمع اغنية سابنى وراح ..مش كفاية اللى لسه ميتين فى الشيفت
كان عمرو بيفرفشنا بقية النبتشية مع كوباية النسكافية
وكان برضه بيتسمع فى الجنينة اياها اللى قودام مستشفى الجراحة والطوارئ
برضة اللى على الكورنيش فاكرينها طبعا خصوصا ايام انف واذن
والله وحشتنى الجنينة دى
كانوا بيخلونا كدكاترة ندخلها ساعات ببلاش
انا كنت بتنفس فيها ..ومنساش الام اللى جت شايلة ابنها على كتفها وقعدت جنبى
وبتتنفس هى كمان عشان ابنها تعبان جدا وبتحلفنى انه ممكن يعيش وهو عنده خراج فى المخ اللهم احفظنا
طمنتها ..بس انا اعصابى اتشدت وقمت مشيت
المهم عمرو دياب برضة مسبناش فى شيفتات المستشفى التانية اللى على الكورنيش برضة
اللى بشتغل فيها بعد التخرج
ولا سابنا ايام رحلة بورسعيد الاجبارية..وهى عاملة ايه دلوقت؟ بتهرب شرابات ..فاكرين؟
ولا سابنى ايام طلعات الاسعاف..بس بتوع الاسعاف كانوا بيسماعونى شعبوللا دايما خصوصا فى الطلعات اللى بعد الساعة 2 الفجر كده
شريطة الجديد نزل خلاص..هادى بس فيه كام اغنية لذيذة
الليلة دى-تنفع فى الافراح
وفهمت عنيك -تنفع تتسمع مع مج نسكافيه فى المكان اياه فى النادى
النادى بقى هيصة وزحمة قوى الايام دى والناس احتلت مكاننا المعتاد
بس ححاول اقابلكوا على الفيسين

جوه ناحية الصاغة

عند القهوة

a movie

cute movie , i love it
sometimes it is shown on mbc 2
usually late at night
it is nice ,romantic,funny
but not considered a light movie ,nooooo
it gives a meaning to what is really a relationship that is going to last

the prince of tides

when i was only 21 or 22 yrs old , i was amazed by barbra streisand's movie
the mirror has 2 faces
it was romantic and funny , i liked it
so i asked the video rental shopkeeper , have you other movies for this singer ?
he gave me the prince of tides , i remember that we all sat around the tv
watching without any word said
this movie was a bit hard , it digs in the soul of a lady , a sister to the main actor
the analysis of her soul and her dreams and her acts was hard on me
coz , at the age of 22 , i know nothing about the psychoanalysis
so , i searched the author
and by surprise i found the novel in a public library
i took it and read it
the part when the whole family was raped was horrible
the story itself is about soul healing for the sister and the brother
-------------------------------------
one of the movies seen on the sofa

chocolate heart

the real heart is more or less like this one
but this one is made of chocolate
there is a new song i heard lately on m.hits
called : somebody call my name habibi
by melissa and dr.alban
mixture of arabic and foreign music
made me remember 2nd year medschool when we studied anatomy of the heart
مش عارفة ليه
كننا ساعتها فى الدرس فى فيللا متأجرة فى المهندسين على ما اظن
والدكتور قاللى امسكى القلب ده وممكن تفتحيه بالمشرط
كان جميل قوى لدرجة انى قعدت على الفوتى الكبير
وفضلت اقلب فيه ومستخسرة افتحه بالمشرط
جميل بطريقة عجيبة
بس فتحناه برضه فى الاخر عشان نشوفه من جوه
كان عندنا امتحان تشريح تانى يوم
ولازم اعرف حتى القلب من جوه شكله ايه وشكل الكاسبس وبتاع خصوصا المايترال
هيصه كبيرة
وتانى يو م بقى الامتحان بيكون على 8 الصبح
فى الدور الارضى من المشرحة
بتحس انك نازل القبر اه والله
والريحة بتاعت الفورمالين بقى مقلوكوش
تبقى انت محتاس فى عنيك اللى بتحرقك من الفورمالين
ومناخيرك اللى سابت
ومحتاس برضه على السبيسيمين اللى على الترابيزة
كل ترابيزة بتاخد 3 دقايق-5 على ما اظن
هم 10 ترابيزات حتى فى ماجستير الجراحة برضة عشرة
مش عارفة ايه حكاية الترابيزات دى
ساعات حتى العينات بتبقى عبارة عن حتة شغتة كده متعرفش دى ايه
فبقلع الجوانتى واحسس لا مؤاخذة
واقرا الاسئلة بسرعة
اصل حتة الشغتة دى لوحدها من غير بقية الجتة
فبعرفها كده بالويم وساعات الاسئلة بتبقى هطلة لدرجة ان حتى لو مفيش اللا ترابيزة فاضية ممكن تعرفالعينة اللى عليها العين والنيننى
ساعات مش بعرف الشريان من الوريد او العصب خصوصا لو الجتة متهربدة قوى وملعوب فيها على الاخر ودايبة دوب
فبشوف بقى ساعتها بالاحساس بايدى
اللى علمنى كده شغل العمليات خصوصا لما بنفتح البطن والدنيا بتبقى ضلمة جوه والاستاذ بتاعى يقوللى مدى ايدك يا ريهام شوفى الليفر عامل ايه او يقوللى ده ارترى والا وريد ..حسبى ده عصب بشويش
فبتبقى ترابيزات الجتت الى حد ما معقولة
بس كل اللى بيخوفنى من المشرحة كلمة واحدة
كلمة
moooooooooooooove
بحس ان حد من تحت الارض بيقولها عشان نتحرك من ترابيزة للتانية
واللى بيقولها دايما ماسك ستوب وواتش
ودايما مبتسم ...عجيبة

from the motion picture ,the insider

some of al pacino's sentences mentioned in the insider
i still remember them
i can watch this movie non stop,here are some of al pacino's words :
-why is everything canadian is so boring ?!
-story or no story , fuck you !
-giving words and backing them with actions
-my father left us when i was 5 and he wasn't the most genius man i have ever known
-am pissed off and curious
-ordinary people under extraordinary pressures..what the hell do you expect? grace and consistency ?
-is this Alice in wonderland(this always makes me burst into laughter)
-tortuous interference looks like a disease caught by radio!
-money? no you work for free and you are a volunteer
-are you a business man or a news man ? give me a fucking break
-am alone in this
-you don't like it ? hey !..tell you what ...fire my ass!
-get on the fucking phone
-we ran out of guys like you !heroes are short supply
-leave of absence..forced vacation
-for my perspective,all what i have been doing is ridiculous...half measures
-i came with my word intact and gonna leave with my word intact..fuck the rules of the game !
-what has been broken here doesn't go back together again
--------------------------------------
excellent movie

فى الخان

مش بحب التحف ولا التماثيل واللوح وكده
بحب شكل المجوهرات الملونة خصوصا التصميمات البسيطة بس مهم تناسق الألوان مع الديزاين
وبحب قوى الصور المتصورة بكاميرا نضيفة خصوصا لو اللقطات دمها خفيف او واقعية جدا
التمشية فى الخان كانت لذيذة بس انا بحب اتمشى وسط الكتب اكتر

بتجيبوا بامبرز لسه ؟

لكل زمايلى اللى فى النبتشية ملناش سيرة اللا البامبرز بقى بكام وازاى نظبت الميزانية
والله افتكرتوكوا لما سمعت الاغنية دى
لذيذة جدا لازم تسمعوها أو تشوفوها ..بتاعة هنيدى فى فيلمه الجديد
انا بصراحة مش عارفة البامبرز سعره كام دلوقتى
ياللا عقبالى انا كمان لما جوزى يجيب للواد بامبرزفى المستقبل يعنى ان شاء الله
الاغنية يا سيادنا بتقول
مين حبيب بابا
مين روح بابا
علشان خاطر مين بابا يخاطر يتعب 100 سنة
مين اللى نازل كع وشال عشانكوا الهم مين
مين اللى داق اليع عشان تدوقوا المم مين
مين اللى بيهريك لعب..بابا
مين لما تكح اترعب..بابا
الاب ليه متاكل حقه وحقه يا ناس مهضوم
مين اللى ماضى شيكات على نفسه وكمبيالات بالكوم
مين اللى متدبس..مين اللى بيلبس
مين اللى جاب بامبرز لحد ما فلس انا
مين اللى بقى صاحبك..مين اللى بيحبك
ولما يوم تغلط مين اللى حيلبك انا
---------------------------
www.6rbtop.com
the site for this song

عند الحسين

النهارده الجمعه قبل الصلاة نزلت رحت الحسين
ودخلت المقام وقريت الفاتحة ملقتش مكان اصلى
طلعت الدور التانى بعد ما لفيت الجامع من ورا من بره
طول السكة البخور شغال على الاخر
وبتاع العرق سوس بينادى وناس عمالة تصلى على النبى
فضلت اطلع سلالم كتير لحد ما وصلت لمكان الصلاة
صلينا الصراحة كلنا فوق بعض
المتعب قوى الزحمة والحر بتاع النهارده كان رهيب
نزلت طبعا بعد الصلاة
واتمشيت فى المنطقة ..روحت الخان-خان الخليلى
مشترتش حاجة بس وصلت لحد الصاغة لقيت هناك تصميمات تجنن للخواتم
وصلت للفيشاوى وشربت شاى على القهوة
شاى بالنعناع طبعا
الراجل شايفنى بصور الشيشة يقوللى حتدفعى تمنها
مش حقدر طبعا على الشيشة فى الجو الزفت ده
اخر مرة شربت نفس معاكوا يا عيال كنتوا بتشيلونى
طب انا كنت لوحدى مين حيشيل؟
خرجت ووصلت فى الولعة دى لحد شارع بورسعيد فى اوله كده
مش معايا عربية ..من الحسين لحد بورسعيد بدور على تاكسى
كله يا اما مش عاوز يروح ناحية المهندسين والدقى..طب حتى المنيل
لأ..مش عاوزين
يا اما يوافق بس عاوز 10 جنيه لمشوار أهطل
شايفنى اجنبية اياك ؟
هما 7 جنية بس..طبعا مفيش حد وافق
رجعت طبعا متشعبطة
بدون اصابات
بس الجونلة اتقطعت
تانى مرة حلبس منطلون

قاعدة على القهوة

فى الكلية كان دايما هناك بتاع البطاطا
ومستشفة الكلية على النيل
وقاعدة الكافيتريا خصوصا فى الامتياز
بعد التخرج وبداية الشغل
برضة عند المستشفى اللى بشتغل فيها
فيه بتاع بطاطا
والمستشفى على النيل
بدل قاعدة الكافيتريا
انا بقيت دكتور متخرج بقى
لازم الحقلى مكان على القهوة
فى الصورة دى عند الفيشاوى بعد صلاة الجمعة عند الحسين

الفيشاوى

بعد الصلاة والتمشية فى الخان
كنت عاوزة استريح شوية واشرب شاى بنعناع
روحت طبعا الفيشاوى وضربت كوبايتين مع اسبرينة
عدلت الطاسة
خرجت وصورت حاجات من القهوة
وبعدين قبل مروح شارع بورسعيد
صورت جامع الازهر