اخر كوبرى قصر النيل

زحمة وحر

كايرو فى الصيف

jamiroquai

back home to a cat

وما الدنيا الا متجر كبير

خفت على نفسى ان الجملة دى تنطبق علييا
اصلى بسمعها كتير قوى الايام دى
بيقولوا ان الدكتور ساعات مش بيبقى عنده ملابس داخلية
سمعتها والله فى التليفزيون
طبعا قمت جرى على دولابى
لقيت بجد الكلام ده حقيقى
قعدت أقول همما جم بصوا فى دولابى واللا ايه ؟
من ساعتها جرى بحث مميت على التليفون مع انتيمتى
يا ترى حنجيب ملابس داخلية من فين ؟
وأهم من كده بكام ؟
طبعا حنبقى هوطل لو فكرنا فى اللانجيرى
فكرنا فى القطن المصرى حبيبى
قعدت هى تغطس وتقب وتطلع محلات عجيبة كده
وأسعارها فى السما
يا بنتى انا لازم ألتزم بالميزانية
اللى كلها تقريبا ضايعة على الكتب والجرايد
بس عاوزة اجيب حاجات قطن رخيصة
طب نسافر المحلة...محلة مين ؟
طب نروح العامرية..أفندم؟
رسى العطا على ملابس داخلية كارينا...ومالوا
طيب انا عاوزة قمصان نوم عشان انا البيجامات مش طايقاها فى الصيف الرهيب ده
ندور هنا وهنا..مفيش اللا حاجات ستات كوبار واحنا عاوزين حاجات عيالى يعنى
المهم تدويرة فى وسط البلد على مصر الجديدة على الهرم على هنا على هنا
خبطت فى محل فيه طلبى
كأن مصمم قمصان النوم شاف مخى مخطط ايه من جوه
وعمله تنفيذى على الواقع
انبسطت قوى
وسعره كان مناسب جدا وكمان قطن مفيهوش بولي ايستر
عيالى بس لذيذ
الست اللى بشترى منها وشى خير عليها
جت فتحت بدرى قمت نطيتلها
وقعدت أنقى براحتى
جم الناس اتلموا والحرارة فى الجو بتزيد
قعدت تقول أووووووف
طلبت شاى ..وانا لسه بنقى
قالتلى انا حقفل بدرى وامشى يمكن دلوقتى
يعنى أشهل يعنى ؟حاضر
الست بصراحة كانت عاوزة تقفل باب رزق عشان اليوم ده بالذات
كان فيه ناس كتير
والستات اللى حوالييا بينقوا وشايفننى باخود حاجات مقفولة بكياسها من غير قياس
ومش بفاصل فى السعر
ابتدى الكلام بيننا
-انا حامل وشكل قميص النوم ده مش حيمط معايا
لا يا ستى خديه على ضمانتى حتخديه وتدعيلى
-انا عندى بنت فى حجمك يا ترى ده مقاسه جميل ؟
والله ده واسع علييا كمان
-ألوانه بتطلع فى الغسيل ؟
لأ واذا خفتى اعملى زييى انقعيه شوية وبعدين اشطفيه
راجل بقى جه وسط الستات...عدو واللا حبيب؟
شكله غلبان ومطحون بس مش صايع
يعنى جاى وسط حاجات ستات بيعوك ايه ده ؟
لقيته تايه وشفت فى ايده دبلة شمال
اه بيدور على حاجة للمودام
-لا مؤاخذة
ايوه..عشان المدام بتاعتك؟
-اه..انا اسف
لا ولا حاجة ..بص ده مش لذيذ طالما هى شبهى ..خود دول على ضمانتى
وخد فعلا كذا واحد
الست صاحبة المحل قاعدة بتعدل دماغها بكوباية شاى
وسايبانى بلعب
ابصلها ألاقيها بتبتسم..ماشى الحال؟
جت جمبى ضحكت وقلتلها ..ها كنتى عاوزة تمشى النهارده؟شوفتى وشى حلو عليكى ازاى ؟
ردت علييا ..ان شا الله دايما وهى مبسوطة وشكل مزاجها اتعدل..ابقى تعالى كل يوم
مش انا اذا كنت بياع أو تاجر مش كنت حنفع برضه؟
وفيها ايه ؟ واللى يتعرف علييا ويفتح بقه ويقول ايه ده ؟ دكتورة ريهام؟
أقول له لأ مش انا ..انا ست أبوها
ولازم ساعتها اتنكر فى لبس بياعة من الصعيد
وأحوط وشم على دقنى..طب والله حنفع
انا كنت حتى فى نبتشياتى بيجيللى عيانين كوتار
لدرجة ان تمريض الطوارئ بيفطس
سبت المستشفى ونقلت شوية على القصر العينى
نبتشيتى بتقلب مستشفى الطوارئ كلها
وبيبقى الاستقبال معجنة...وزميلى لما ييجى يستلم مفيش اللا كام عيان ييجى
اللا زميل تانى شبهى كده ..نظام بيستقبل اتوبيس واقع
لورى خابط فى صف عربيات
طبعا الحمد لله مش بنطلع اندال معاه وبنساعده
لحد منفطس احنا كمان
بس التجارة حلوة جدا
مش عاوزة اللا كام قاعدة تطبقها
-ابتسامة لذيذة فى وش الناس..وانا بيبى فيس ابتسامتى مش وحشة يعنى
-ابص مباشرة فى وش الناس وانا بكلمهم..ولو كلمت واحد بس لازم ابص له فى عينه
-الحماس..أنقل الحماس للى حوالييا ..لو حمست اللى قصادى حيشترى حتى لو ما كانش عاوز
الحماس أصله بيعدى
بس البضاعة بتاعتى كمان لازم تكون ايه وان
بس برضة برجع وأقول سبع صنايع

نهاية رواية

اتعزمت من كام اسبوع مش فاكرة فى شهر ابريل واللا مايو
على حضور ندوة للكاتب علاء الاسوانى
فى المركز الفرنسى
جينا بدرى بس كل القاعة مليانة فرنساويين
والمصريين مش كتير
ملقيتش مكان اقعد طبعا
بس لما قالوا حنبتدى الندوة
لقيت مفيش مترجم ولا حاجة
علاء الاسوانى نفسه بيكلمنا بالفرنساوى ...فرنساوى بطلاقة شديدة لدرجة انى فضلت مبتسمة طول الندوة
الصراحة دكتور السنان ده بيبهرنى
اسنان بجد كانت ألطف كلية معانا فى القصر العينى
كتير من صحابى فيها
ولجل البخت بيشتغلوا فى نفس مكان شغلى
اسنان يعنى ناس روشة ..يعنى بيتزا مارجريتا
يعنى شاى ميه ميه ..يعنى كشرى كمان لو عايز
يعنى توصيلة بالمجان
يعنى ساندوتش من كوك دوور
يعنى ضحكة رايقة من القلب
يعنى مستشفى صغيرة تلف فيها و ما تتوهش
يعنى لبس على اخر موضة
والات جراحة تضحك على حجمها الصغير
يعنى حفلات ورحلات روشة
يعنى عيال جدعة يخلعولك الضرس من غير وجع
ويجيبولك الكاربوول ان شا الله على حسابهم كمان
يعنى حتتعزم يعنى حتتعزم على حفلة التخرج بتاعتهم وتفرح معاهم لما يطوحوا البرانيط فى الهوا
يعنى حيسألوك فى الباثولوجى والهيستولوجى والبيو والفسيولوجى وكمان اناتومى هيد اند نك
كلية روشة ومش فى درجة صعوبة الهباب اللى كنا فيه
وأهو فى الاخر طلعت لنا علاء الاسوانى
كان بيدير الحوار بطريقة شيك جدا ودمها خفيف
طبعا كان فيه حفلة توقيع للرواية الجديدة شيكاجو
الصراحة مكانتش الميزانية تسمح بشيراها
بس ربنا سهلها وعرفت اقراها برضه
جت قبل كده فرصة انى اجيبها من معرض الكتاب
بس برضة الميزانية كانت مخرومة
بس برضة الحمد لله
روحت الندوة دى فى المركز الفرنسى وشفت الكاتب نفسه وانبسطت قوى من الندوة
المهم الرواية الجديدة ليها طعم مختلف
وانا بقراها حسيت انها واقعية جدا جدا
زى يعقوبيان بالظبط-جالى فيها نفس الاحساس انها منقولة من الواقع
برغم ان الواقع الصراحة بيخللينى اندهش اكتر من القصص والروايات
بس الدكتور ده عنده موهبة رهيبة..كاتب ممتاز..بحس ان حد بيحكيلى حدوتة بأسلوب لذيذ ومش ممل
اسيب القصة بالاسابيع عشان ظروف الشغل والسفر والقرف
وارجع لها واعرف اتابع الباقى-وده مش سهل انى اتابع كتاب او قصة
المهم بجانب واقعيتها الشديدة
كانت برضة فيها حاجات بتسيب الباب مفتوح لخيالى
بس فيها حاجات اتخضيت فيها
عشان كنت فاكرة ان فيه فرصة تانية للابطال
يعنى كان واضح ان فيه فرصة تانية لسارة
وفرصة تانية لصلاح
بس لما ماتوا..انا حسيت ان حد لزقنى على قفايا
لدرجة انى هزيت راسى وانا بقرا ان سارة ماتت وجثة قودام باباها
وصلاح ضرب نفسه بالرصاص-عجبتنى قوى :ان نظرته نظرة مندهش الى ما لا نهاية
بس والله انبسطت قوى قوى -بجد والله مش هزار يا عيال لما
شيماء لقت طارق جايلها المستشفى..انا قلت دى يمكن فرصة تانية لنهاية سعيدة بينهم
هو دايما فى رواياته يحب ينصف البنت مكسورة الجناح أو البنت اللى المجتمع بيظلمها بس بتحاول تبقى راجل وتتحمل المسئولية زى هند صبرى فى عمارة يعقوبيان لما اتجوزت ابن الباشا وحتسافر معاه فرنسا وتلف العالم
هنا برضة فى شيكاجو كان فتح الباب لفرصة تانية لشيماء مع طارق
القصة ليها ستايل مختلف عشان بتدور فى امريكا
بس ازا مديتش طعم يعقوبيان
فهى مدييا طعم أقوى منها

بنلف فى دواير

يعنى شوية فوق وشوية تحت
حلوة الاغنية دى بتاعت مروان خورى ..بس قبلها كل اغانى قصر الشوق تجنن
الايام دى لما بسمع اغنية فيلم عجميستا ..مع كلام خالد ابو النجا وصاحبه فى الفيلم مع صوت الاغنية
جسمى بيقشعر..خصوصا لما كانوا جايبين سيرة المرتب اللى لازم اعيش منه واربى منه عيالى
عشان اخليهم احسن منى
وافتكرت حديث لسيدنا رسو ل الله عليه الصلاة والسلام
معناه ان الواحد لازم يسيب لعياله ميراث عشان ميشحتوش من الناس
الحديث ده أول مرة اسمعه والله السنة دى
كل كلامه كنز..ولما سمعت الحديث ده مبقتش عارفة اعمل ايه
دكاترة النقابة عملوا مظاهرة سلمية قودام النقابة
رافعين يفط ان اساس مرتبهم 48 جنيه
انا الاساسى بتاعى 40 جنية
وبيوصل بكله..خصوصا بدل عدوى..الذى يضم بدل عدوى ايدز وفايرس سى وبى
اللهم احفظنا
الحمد لله الذى عافانى وفضلنى على كثير من خلقه تفضيلا
بيوصل الى 208 جنية
يعنى أورث لعيالى ايه ؟ عيش حاف مثلا؟
المهم الاغانى دى فيها كلام بيفكرنى بحاجات والله مش عاوزة افتكرها
بس بلاقيها بتطلع
واحدة من اشباح الماضى
عروض الجواز
اول ما خلصت الكلية و خوفى من قاعدة النيابات اللى الديابة بياكلوا فيها بعض
وخوفى على مستقبلى
كنت حاسة -خصوصا بعد الظلم اللى جه علييا فى سنة خامسة
انى نزلت فى اوطى حتة من دايرة الايام
وده اتأكدلى لما طلعت من مولد النيابات بلا حمص
حتى قاعدة النيابات مكملتهاش-ديابة مسعورة
ومحدش بيحترم وعده للتانى قبل القاعدة
لما خرجت من القاعة طلعت على عم مصطفى
هو عارف..بعمله علامة بيعرف انى عاوزة شاى
اهوه يجبلى الشاى ..مرة يقوللى امتحانات برضة؟ وده لما يلاقينى سرحانة
ومرة يقوللى شاطرة..ده لما ياخود من قودامى كوباية اللبن
المهم لما قعدت هناك قولت ديتها ايه ؟ تكليف فى الارياف؟
مش حستلم
قام طبعا ..فى ناس بيحبوا يصطادوا فى الميه العكرة
جالى عرض جواز من زميل لييا
قاللى كده فى وشى مرة واحدة
انا مستعد اكتب كتابى عليكى وتقدمى القسيمة فى الوزارة عشان تيجى القاهرة
الحمد لله انى شفت ناس كتير على حقيقتها
ومختارتش الحل ده
عشان اللى بيتكل على بنى ادم مش بياخود اللا الخرا
بس انا اتكلت على الله
ومشيت فى حال سبيلى
بعد الكلام الواطى ده بشهرين
جالى تكليف بتعيين فى مكان كويس الحمد لله
قمت خرجت من حتة الدايرة الواطية
وطلعت فى العالى
ولما وصلت للقمة -فى نظرى
عرفت انى لازم انزل-كنت حاسسة والله بأن النزول جاى
وأهوه فعلا حصل
بس ربنا فرجه قريب
وانا فى اوطى حتة من دايرة الايام تانى
جالى عرض جواز شبه الاولانى ده
طب انا عاوزة بيت واولاد وحياة كاملة
أقوم ألاقى الدبان بيهف علييا كده ؟
ناس واطية

خمسة - سياحة

رجعت من مشوارى
قلت انزل اشترى الجرنان اهى حاجة اتلهى فيها
عقبال ما الغسالة توقف
وكمان اجيب ميه معدنية لزوم السفر
انا مش دلوعة انا بشرب عادى من ميه الحنفية
بس لما بشرب من ميه السفر
جمبى بيوجعنى
وممكن يقلب على مغص كلوى والعياذ بالله
انا فى الطوارئ لما كان بيجيلى عيان مغص كلوى
-انا بحترم الألم عموما ومش بخللى العيان بتاعى يتوجع على قد ما بقدر
كنت بديله الكوكتيل بس بفكر هو ليه بيتألم قوى كده ؟
اتارى المغص ده من ابشع ما يكون
والله اخر مرة جالى
قعد معايا من الفجر لحد قرب عشرة الصبح
ولا اى علاج نافع معاه
لدرجة والله كنت بلبس وبحضر نفسى انى اتحجز فى المستشفى
لولا انى مكنتش حتى قادرة انى اقعد
والالم مش ماسك جمبى من ورا لأ كمان قلب على المثانة والمنطقة كلها كانت بتموتنى
وطبعا كان فيه ترجيع
ما بدهاش بقى ...اخدت حقنة كورتيزون وامرى لله عشان على الاقل اعرف اقعد فى التاكسى
او العربية
او اعرف اقعد من اساسه
اخدتها من هنا..اقل من 5 دقايق
كل حاجة راحت لحالها..ودخلت نمت زى البيبى عشان الليوميتاسين نيمنى الصراحة
المهم -لما نزلت الشارع افتكرت البرنامج ده وانا بشترى الجرنان والميه
عشان والله فطست فى الشارع ..نزلت قورب صلاة الضهر
يعنى الشمس عمودية على قفايا عدل
لفيت شوية على الجرنان-الدستور بيخلص بسرعة دلوقتى
وبصيت على كام اعلان
وجبت الميه وشفت عروض الاسعار
دى الخمسة السياحة بتوعى فى المنطقة
رجعت البيت طبعا سايحة فى عرقى
وكنت شفت النجوم فى عز الضهر والله
برغم نضارة الشمس..عينيا بتزغلل وبشوف فلاشات
دى نجوم الضهر اكيد
بجد فعلا دى مش موجة حارة جايالنا من هنا واللا هناك
ده الجلوبال وارمينج كلام بجد مش هزار يعنى
وادينا شايفينه عملى فى الشارع أهوه
المصيبة بقى ان المشاكل كلها حتبقى على الميه
عشان السخونية دى حتبخر الميه
وحتخللى حتة أرض ناشفة طوبة
وحتة تانية فيها سيول وكمان تسونامى
المشكلة بقى انى لسه قارية فى الدستور بتاع النهاردة
ان ممكن دول حوض النيل
بالبلدى الدول اللى بيمر عليها النيل قبل ما يوصلنا
يعنى كمان منابع النيل والبحيرة الكبيرة اللى بتعملها المطرة على الجبل
والله مش فاكرة لا اسم البحيرة ولا الجبل
المشكلة بقى ان الدول دى ممكن تكون عاوزة تاخود كفايتها من الميه-مع نقصانها بسبب الاحتباس الحرارى
وكفايتها دى يعنى نقص الميه ليينا كمان
يعنى كمان مولدات الكهربا
يعنى الزراعة وشرب الميه
يعنى حياتنا فى المدينة
والانتاج والصناعة والسيما
يعنى الكهربا اللى موجودة فى كل حتة
يا خوفى لا الاحتباس الحرارى يأثر بردوه على الموجات الكهرومغناطيسى
أهو بقى ساعتها كل حاجة تقريبا حتقف
وحنقعد تحت التوتة
توتة ايه بقى ؟
حنقعد فى اى حتة زى خيبيتها
ويمكن منلاقيش ضوليلة واحدة توحد ربنا
ابه التشاؤم ده ؟
بس كل كلامهم على 50 سنة قودام
ومرة سمعت 10 سنين قودام
ومرة سمعت ان الاحتباس حيعمل تأثير على سنة 2010
مش عارفة
المهم ساعتها ربنا يستر
يا عينى عليكوا يا ولادى
اللى بفكر اجيبهم يعنى لما أتأهل كده
ان شاء الله

عيال

بالرغم من ان اللى حيتجوزنى فى المستقبل
اذا كان فيه جواز ومستقبل لسه
حيحس طبعاانه متجوز واحد صاحبه فى الشغل -دى مفيهاش نقاش طبعا
بس برضه ممكن فى الجوازة دى
اجيب كتكوت شبه اللى فى الصورة دى
ونفسى والله ألبسه زى البيبى اللى فى الصورة دى
يمكن يا عم البلوج فى يوم من الايام
أحوط فيك صورة ابنى بجد
واكون ملبساه طقم احلى من ده كمان
-أحلام اليقظة
-هلوسة نتيجة ضربة شمس

عاوزة

ارجع عيل من تانى
واضحك
ومشيلش هم ولا احس بالقرف
ولا يكون عندى
dead lines
ولا لازم اشتغل قوى عشان
to make ends meet
عاوزة بجد حد يشيلنى شوية
ويطبطب علييا
ويحسسنى ان ممكن بكرة يبقى احسن من الخرا اللى انا فيه النهارده
ويفضل يطمننى ان الدنيا لسه وردى وفيها حاجات حلوة
لحد مصدقه وأنام زى البيبى

اه يانى

تعبت والله ..تعبت بجد
انا حاسسة انى عاملة زى الحمار اللى مربوط فى ساقية
ومش عارف حيطلع منها امتى
تعبانة بجد مش عارفة
ده ارهاق واللا اجهاد واللا الزفتة قربت تيجى
واللا حالة قرف وزهق
واللا دى توابع 3 سنين من الخرا المتواصل بلا انقطاع
معدش عندى مصدات خلاص
بقيت عاملة زى البحر اللى سايبينوه كده منه للمدينة
يغرقها بقى يردمها
يعمل اللى هو عايزه..بلد ساحلية ملهاش مصدات
أهو انا كده معنديش مصدات وكل حاجة عمالة تلطش فييا
ألصم هنا ..الناحية التانية تبهواء
عاملة زى سمير غانم
جيت أظبت البنطلون الجاكتة ضربت
مش عارفة التعب والدهولة دى من ايه ؟ الجو اللى زى الخرا؟
واللا الزحمة واللا الشغل اللى مش عارفين نجيبه ؟
واللا مكالمات التليفون اللى مش بتجيب اللا مشاكل واخبار موت وعياط ونيلة وخرا وبلا أزرق؟
كله بيشكيلى انا ..احه وانا يعنى حعمل ايه ؟ شايفين حالى عدل قوى ؟
ما انا برضة عندى زفت وقطران فى حياتى
بقالى من رمضان اللى فات وانا فى فشخات مستمرة
لما خلاااااااااااص والله حتى الصبر مش عارفة اجيبه من فين
هو انا مش عارفة أنظم وقتى واللا ده تأثير الصيف ونقص الملح
واللا الشمس اللى ضاربة فى نافوخى ؟
واللا ايه بالظبط؟
انا افتكرت حاجة مهمة ممكن اطبقها
وشفتها فى فيلم
the last king of scotland
قال رئيس البلد الافريقى للدكتور اللى خلاص قرب يطلع من هدومه
dr. all you need is some fun
يتهيألى انى محتاجة ده فى الوقت الزفت اللى بمر فيه
ويا ريت الفترة دى متطولش

through the glass

looking through the glass
watching the river nile
on the other side of the road
the road that has made us stop for a while
not to contemplate the nile
and enjoy the scenary
but to witness
the river nile that has swallowed a
family's car
all people inside were drowned
except a 2 yrs old baby girl
i kept thinking about the accidents and analysis of their causes
i have forgotten to think amidst that
that an innocent baby can be an orphan
in a second
just because u keep saying :
i do not care -famous egyptian: wana mali !
being indifferent and not taking an action to change
what you see wrong infront of ur eyes
can make a disaster
and like the butterfly effect
this closed system we are living in ,i mean the earth
will turn back at you
and will make u see clearly ur indifference
u will get hurt
so start acting now
this is dedicated to the doctors i see out there
who are indifferent -never care
keep saying : wana mali !
i work 3ala 2ad felos-hom !
if you have talked in one of the road traffic accidents (RTA)
conferences u attend
pressing on the importance that the road must be maintained
u could have saved this family
ain't being positive in this life can save us lots of disasters and heartaches?
think about it !

delta goodrem ,out of the blue

outlandish

eating on the sofa in hot days

too much sugar will kill you
remember that

برنجان

والله من كام يوم كده اتفرجت على العاشرة مساء واول مرة اضحك فيها ..كانت حلقة عن الاكل..بس بجد حلقة جامدة واللى اتقال فيها كان علمى بجد ..اصل انا درست ايام المدرسة تدبير واقتصاد منزلى ..والله الحاجات دى بتنفع..المهم جاوبت الناس على احسن طريقة لعمل المسقعة..قالت الاول ننزل السوق نجيب البرنجانة الطويلة شوية مش مدورة اوى عشان دى نتاية -كلام عجيب-يعنى اقول للراجل عاوزة برنجانة دكر..المهم عملت كده واشتريت برنجانة واحدة بس-اه والله-مطولة شوية وبصيت عليها من تحت لقيتها فيها حتة بيضة زى ما قالوا...قلت دى الدكر اللى مش مليان بزر..غسلتها وقطعتها بالطول مش بالعرض..قدحت الزيت قوى وعليت التليفزيون على اى اغانى وفضلت اقلى البرنجان ..وعملت دخان وبتاع والشفاط شغلته طبعا..افتكرت شيماء لما وصلت امريكا فى شيكاغو-علاء الاسوانى..المهم طبعا صفيت البرنجان المقلى من الزيت فى المصفة..جبت كام فلفلة وقليتهم ..ممكن كنت اقلى برارس الاول قبل البرنجان بس الصراحة ملقيتش فى البيت..المهم بعد كده جبت شوية زيت وتوم وطماطم مقطعة وظبت المسقعة..بصوا بقى هى فعلا مش شاربة زيت..عشان البتنجانة دكر مفيهاش بذر-حد عارف اشترى نوع كابوريا ايه؟اللى فيها لحم يعنى ؟الدكورة واللا الستات ؟--وكمان عشان قطعتها بالطول مش بالعرض-على الواقف يعنى-وكمان عشان غليت الزيت وشيلت البتنجان اول ما احمر على طول وكمان صفيته من الزيت - ..

حلو برضه

بالرغم من ان الاسبوع اللى فات كان رهيب ...أهو برضه عدى بخيره وشره
انك الصبح تصحى على صوت اجمل طائر فى الدنيا ..مش عارفة اسمه ايه
انى اسمع اغنية اشكى لمين لانغام فى شريطها الجديد وارجع بالذاكرة لوارا لايام المدرسة والشقاوة
ان بن عبد المعبود اللى جبته كان لسه مطحون وطازة جدا
انى اخيرا لقيت شريط ميجرانيل
انى عملت مسقعة تجنن مش شاربة زيت
انى جبت قميص نوم عيالى بس صايع
ان صاحبتى بتضحك تانى
والتانية ابتدت تفك بوزها
انى قدرت ابتسم فى وش الامريكى اللى كان عمال يتفرج على كل الكتب اللى انا بنقيها ولازق فى أفايا
فى ديوان ..اخترت انى ابتسم ومخترتش الردح المرة دى ..كان التليفزيون حيصور وكده ..بلاش انشر الغسيل اودام التليفزيون يعنى
انى شفت واحد شبه برادبيت الى حد ما فى ديوان وكان بيسند لوحة ..كنت عايزة اقوله عنك يا بيه
ان معظم التحاليل اللى بشوفها بتطلع نورمال الى حد ما
انى اخيرا حقص شعرى المقصف
انى جبت كتاب كنت عاوزاه بقالى كذا شهر
ان خلاص شهر رجب جاى ولازم ابطل استعباط واعوض اللى فات
ان تحليلى للفيلم الفرنساوى كان صح
ان محمد اللى من الكاميرون كان بيضحك على اللهجة المصرية بتاعتى
انى شفت احلى عيون زورق فى الدنيا الاسبوع ده
انى اكلت جالكسى بالبندق وعجبتنى
انى جبت بارباطوز لحبوكشة
انى اخيرا شفت فيلم
the painted veil -edward norton
انى سمعت فى الفيلم ده اغنية فرنساوى كننا بنغنيها من ايام المدرسة
انى شفت مصطفى بتاع الكافيتريا اللى فى المستشفى بيشتغل فى النادى بعد ما سابنا..كان نفسه اخود منه شوكوك زى ايام المستشفى
انى عديت على البيسين وعجبتهم الجزمة العيالى البمبة
ان يمكن الكورس اللى فى الصيف ميتعملش

some rules from 6th year medschool

1-what is common is common ,unless new variables are out there,we have to read about the exception of the rule
2-always always see the signs and symptoms in a patient moving around a single disease,it is always one disease,unless it is a syndrome
3-always investigate to reach a diagnosis, once you put ur hands on the diagnosis ,your patient is on the right track (last lecture in internal medicine)
4-no place to hate,always work as a team(last lecture in surgery departement)
5-never ever give up ,your patient needs you ,on medical and administrative levels,you have to fight for your patient ,fight fight
6-always work hard and expect the unexpected
7- do not wait for a reward
8-always contain the problem
9-act before it is too late (extremely important)
10-always examine general and local
11-listen carefully to your patient's C/O,he is never gonna lie to you ,even if he is a hypochondriac,also listen :there may be something -the patient history is mandatory
12-ask always the help from god , the most compassionate the most merciful

real girl :song by mutya buena-sugababes

i heard this song yesterday when i was at the doctor's clinic
on my walkman of course
on nile FM
what attracted me to it was first the music tunes
i recall them , i heard them when i was much younger
but actually i can not remember the name of the singer
here are some of its lyrics that made me have a good spirit
before entering for consultation :
but i don't wanna think about
what 's gonna come around for me
i'll just take it day by day
coz it's the only way
to be the best i can be
i never pretend to be something i'm not
you get what you see,when you see what i've got( teganen begad)
we live in the real world,i'm just a real girl(gada3a)
i know exactly where i stand (iwa keda)
all i can do is be true to myself(sa7,who needs double face?)
nothing's ever perfect
there is no guarantee ( 3andek 7a2)
and if i knew the answers
it would put my mind at ease ( ah wallahi that is why we must read a lot)
so i'll just keep on going
the way i've gone so far(that's the spirit)
and may be i'll end up
trying to catch a falling star ( ya reit)

الابتسامة

عارفين الابتسامة ؟...قصدى فاكرينها ؟...كتير بنزل الشارع بقالى فترة مشفتش حد مبتسم..انا نفسى بقى عندى 111..بس بحاول افوك شوية اهوه مع البلوج اللى مستحملنى..بص يا بلوج انت صاحبى العزيز..مرة ابوسك ومرة اديك بالجزمة..استحمل يا عم
بدور فى الوشوش على ابتسامة اصلا مش بالاقى ..وبحاول اتعامل بلطف-بحاول وحفضل احاول حاضر-مع البياعين فى المحلات والسوبر ماركت..يا اما يعاملنى البياع بهطل او يقرفنى مثلا وانا بكلمه يهرش فى حتة مش ولابد تدل على مدى نتانة اهله...او يكلمنى باسلوب زبالة:عندك فوق..كأنى مرات أبوه كده واللا حاجة..المهم الابتسامة واللطف برميهوم على جنب وبعلى حسى او بكلم المدير النباتشى على طول..يقوموا يتلموا..وساعات بعد مقرفهم برضوا مش بيغيروا اسلوبهم فبسيب البضاعة واشوفلى مكان تانى ...يعنى الابتسامة معملتش مفعول
ابص تانى لوش الناس وانا ماشية-اصل الوش ده اجمل حاجة فى الانسان-ببقى مبسوطة انى بشوف ناس بصحتها عشان لما عينى تتعود انى اشوف ناس راقدة على طول -الصراحة بكتئب-..يعنى على الاقل ابتسموا فى الشارع عشان خاطرى ..كفاية نعمة الصحة تخليكوا سوعاداه
المهم دلوقتى الوحيد بجد المبتسم فى الشارع هو اللى بيكون شكله كده هربان من السرايا..طب والله مش بهزر-بصوا بجد فى الشارع حتلاقوا اللى بيبتسم شكله مش طبيعى وهدومه مبهدلة ووسخة..والله بخاف منهم من ساعة الراجل اللى كان ناحية جيت سنتر اللى عند الكلية ما فجأة قلع ملط ورمى نفسه جوه برميل زفت وطلع منه سلبوته وبينقط زفت وكله اسود..والله شفته وخفت من النوعية دى..عشان كده مش بحب اتخصص سيكايترى
بالنسبة لى ..سر التعامل فى الطوارئ انك تبتسم لأسرة العيان والعيان نفسه بس فى الوقت المناسب...لحسن تلاقى نفسك واخد بوكس فى وشك منهم خصوصا لو العيان بيموت

قمرون يهبلون

i entered only
ocean's 13
عشان اشوفه فى الفيلم
بضحك أوى على طريقة اكله طول الفيلم
the movie was a light one , simple not that much complicated or deep
a couple of laughs here and there
the style used in shooting the movie is the same like for 11 and 12
but bradpitt is the same ,gives me still the same feeling
he is now 44 and wow still sexy and captivating
i laughed at his way in the movie
same laughters u heard guys when we entered the mexican
remember the look upon his face in the very first scene of the mexican ?
remember his fone call with julia roberts ?the one when she was blaming him
coz she was suffering alone , with shortage of tampoons?
this was lots of fun ,am laughing actually now when am posting
i liked this movie
yes i admit that this fone call in the mexican was funny ,unlike the one in babel
but babel is deep , not deeper than crash ,but was deep
i am still thinking ,since we were in 5th year medschool
till now , guys!
what was so captivating and emotional about notting hill?
still i find nothing
i saw latelly the english patient -ALONE- HOME WAS EMPTY
the movie is more than excellent , i saw it uncut
awsome,thank you for the advice to watch it empty headed
i was really filled with emotions
i guess i have to see all movies
with empty head
and without
apprehension

من الاخر كده

a phrase i heard

things that resemble each other
pass unnoticed
only the differences
are noticed
coz the differences
produce to us
the state of shock
so , they get noticed
-a line heard from the french movie :
le 8eme jour-
le centre francais de culture et de cooperation
كتير مكونتش بهتم بأفلام اوروبا
لحد ما اتعزمت السنة اللى فاتت على فيلم ايطالى
رحت المركز وشفت صحابى ومدرسين الايطالى بتوع زمان
انبسطت قوى فى الفيلم
كان اسمه
النمر والتلج -عن حرب العراق
والعلاقات الانسانية اثناء الحرب
اتعرض بعدها بفترة فى ساقية الصاوى بس مروحتوش مرة تانية
الفيلم بشوفه مرة واحدة بس-دى القاعدة-اللا اذا كان هناك شواذ لهذة القاعدة
كان جميل
كنت نسيت فعلا ان اول فيلم شفته وشدنى للسينما الاوروبية
هو الفيلم الايطالى
سينما باراديزو
فاكرينوه ؟

serotonine -for thought

اجدع واحسن اختراع فى الدنيا
هى الشوكولاته
احلى حاجة فى الدنيا
برضه الشوكولاتة
واحلى هدية فى الدنيا
بار شوكولاتة بلاك باللوز
ليك لوحدك

CSI:miami

in medicine:first do no harm
in business:you have to get me a chart..the key tools:
data collection and data analysis
these are what comes to my head when i throw myself over the coach
to start watching a new crime in csi miami
they keep me glued to the coach
till they end their data collection
from the crime scene
then i can go make myself some tea
after making the sound volume higher
this comes when their data analysis comes
they have to find the solution
and they reach it
perfectly
-better than forensics books i have in my library-

تبادل

لم أكد أدخل الى الحجرة
حتى سلط كل نظرته على
استرعى انتباهى ذلك
فابتسمت
ولكنه لم يبادلنى الابتسام
فقط نظرته المسلطة على
ما زالت هنا
رفعت حاجبى مستغربة
واملت براسى ناحية اليمين
ابتسم
ولكن سرعان ما تلاشت تلك الابتسامة
عندما أعاد التركيز على
بادلته النظرة الثابتة بأخرى
وانا أتسائل
ترى ما الذى يجذب انتباهه هكذا؟
هل هو شكلى ؟ هيئتى ؟ ملبسى ؟
ام ماذا؟
ولكنه لا يتفحصنى بنظراته
انه يثبت نظره فقط على
لم تفلح الابتسامة فى أول تبادل للنظرات
فاخترت هذة المرة ان اشيح بوجهى عنه
ولكنه تبع نظراتى الجانبية له
وجهت وجهى ناحيته مرة واحدة
فسمعت أول ضجكة من هذا الكائن
ألا تعلم ان النظرة الثابتة هى ايضا نظرة للتهديد؟ هل تعرفنى ؟
سؤال تبادر الى ذهنى
وانا أراه يستمر فى النظر الى
ولكن هذة المرة دبت الحركة فى اوصاله
وارتاحت ملامح وجهه لى
فأتانى مسرعا
ووضع يده على فخذى
اضحكنى عندما ارتمى فى حضنى مرة واحدة
ونظراته الان اكثر وداعة
بادلته تلك النظرات بأخرى حانيات
نظر الي هذة المرة بعد ان قبلنى
بنظرة يملؤها الرجاء
قبل ان اتكلم
وضع قبلة اخرى على وجنتى
اخذته فى حضنى وانا اضحك
نظر الى ثانية بوجه باسم
مغمض العينين
ظهرت على وجنتيه نغازتين جميلتين
أذابتا قلبى الذى يعلوه الصدأ
بعد ان اطمأن الى نظراتى
اعطيته قبلة اخرى
تمنع عندما طلبت منه قبلة ثانية
بدل رأيه فجأة وقبلنى
يا له من كريم!
بعيون تلمع استدار ناحيتى قائلا
طنط..ممكن الشوكولاته اللى فى ايدك؟
حاضر يا طفس-فى سرى
خطفت بوسة كمان تمن الشوكولاته
game fair enough for me !

it is good

to have an icecream as a breakfast
to listen to nelly furtado-give it to me in the morning
to get a kiss from ur cutie cat
to complete the whole day in bed reading a nice book
to breath again after a long night ,full of load and heartache
to know that a new baby has joined the family,baby abdallah
to know that some one is inviting u to spend the night chatting and laughing
to know that ur dear friend has been 'wrongfully' diagnosed to have a serious
disease cause the labs were inaccurate( sorry , a7a)
to know that life continues no matter what
to know , deeply know, that one day u will leave medicine
وتسرح بعربية بطاطا

smile darling ,it's summer !

امبارح عملت بنصيحة البروفيسور
ريهام الايس كريم بيفيد اوى فى الظروف دى
جبت بتاع اد كده
وقعدت اكول بمعلقة كبيرة
حسيت انى حيجيلى تسمم من كترة السكر
مش حقلب على ملح النهاردة
حنزل ادعبس على صنف ايس كريم كويس
مع اول معلقة احس انى حيغمى علييا كده
يمكن اشوف حاجة زى الفادج واللا بالبندق
هو السكر بينفع اصلا ؟
بيطلع سيروتونين فى المخ ماشى عشان يعدل دماغى
انا حاسة انى لازم اكول ييجى طن شوكولاته عشان
دماغى تتعدل على الصيف ده
اللى شاكله كده
اول طلعه فيه
فوووولللة
يا ما انت شايل يا بلوج وساكت
على الله ما تنفجرش فى وشى انت كمان

Supply & Demand

مش انا بس اللى بكون عاوزة حاجات كتير
كلنا كده
خصوصا ان الحاجات دى مش كمالية
بقت اساسية فى العصر اللى احنا فيه عشان اقدر
to cope with what everything 'demands' from me
الضغط بيزيد
والمنافسة اشد بين الناس والتفاخر بيزيد
فى وسط الهيصة دى
ايه اللى ليه قيمة بجد؟
يا ترى الاحساس انى انسان بجد
واللا الاهم هو: عندى قد ايه وبكام ويا ترى اكتر من جارى واللا لأ؟
اللى بيحط المعيار اللى يقيس عليه مقدار الانجاز
هو الانسان نفسه
وطالما افكارنا واشكالنا مختلفة
يبقى اكيد معاييرنا مختلفة
كل واحد بيحط معياره للانجاز واللى اكيد مرتبط بالسعادة
على حسب القيم اللى فى حياته
بس يا ترى القيم ممكن تتغير؟
كل حاجة بتتغير من حوالينا
عشان كده اللى يثبت
هو اللى دايما بيقول
سبحان الذى يغير ولايتغير
وهو برضه اللى بيقول
يا مقلب القلوب ثبت قلبى على دينك
ادعية قوية بحتجلها فى حياتى ...ليه؟
انا بحتاج حاجات كتير ..عاوزاها -الطلب
بس المتاح قودامى قليل-العرض
طب اعمل ايه؟
باخود اللى متاح قودامى طالما مش ماشى عكس اتجاهى فى الحياة
وبصبر على انه قليل
لحد ما تفرج..و فرج ربنا قريب ان شاء الله
ده مش معناه انى خرعة واللا متواكلة
بالعكس
هنا بطبق القاعدة المفضلة
like what you do until you do what you like
بس برضه ساعات المعروض قصادى
عشان اخده-وده حقى
لازم احارب وادافع عن نفسى وحقى
sometimes you accept -just accept-what life has offered you
other times, you have to fight to get what life has to offer you
ودايما وانا فى الوضع ده بفتكر كلام صحابى
لا تتوقعى كلمة حلوة او وقفة جدعنة من حد وانتى ظروفك مش اوكيه
what does not kill you , makes you stronger
والله يا عيال انا صابرة اهوه
بس بصراحة ساعات بعيط
وساعات بطنى بتقطعنى ...نار قايدة فيها من وجع معدتى
وساعات بصرخ
وساعات بلف تراك لحد مفطس عشان الاندورفين تطلع
وساعات بفضل اصلى لحد مرتاح
او بقرا فى المصحف لحد ما ألاقى ايات ربنا فيها بحس انه بيصبرنى
وانا متأكدة ان اخرة الصبر دى حاجة حلوة
اى حاجة حلوة
انا شاء الله عربية زى اللى فوق دى

a movie

this movie made me holding my hands to my chair till its end...it made me laugh specially when uma thurman asked bryan greenberg how old are you (she is 37)then he answered her back:23, she said :i have t-shirts older than you!
it made my heart melts:how love can reach that deep? ..they never looked at the age differences , they were not having fun for a while , they were deeply in love..this was wonderful
the scene when the concierge was trying to make them get together made me laugh
the last scene when bryan was looking at uma through the glass while it was snowing ...she looked at him tenderly telling him it is ok to let go...this was hurting
their love was true , so true that u could sens it in ur heart.
when she put her palm over his heart in a scene and he put his on her heart in another scene , i kept saying ohhh my god ,this is love!
you have to see it guys , it is out there ,dunno where , but it is out there ..enjoy !

السرير

السرير ...من أقوى الاماكن فى العالم..عمرك ما حتبطل تروح السرير..واللا حتبطل ؟ واللا ممكن تغير سريرك؟
اترددت كتير قبل مفتح فى الموضوع ده..لا يا بو لسان طويل ..مش حتكلم عن علاقة السرير بالسيكوسيكو
اينعم دى علاقة قوية..وخصوصا فى الشتا واللى باين اثرها اهوه فى الشارع اللى تلات ارباعه حوامل واحنا لسه فى اول الصيف
بس برضة ...مش موضوعى..
موضوعى ببساطة وجهة نظرى كدكتور للسرير ...برضة مش حتكلم عن معدل الدوران على السرير..متبقاش احصائى
المرة اللى جاية حقولكوا عن علاقتى بالسرير ..عشان عاوزة أقوم أمدد شوية

been a manager ,for a while...thank GOD!

ايد واحدة
تيم واحد
قلب واحد
بس يا خسارة كان فيه كرسى واحد
ضربهم تحت الحزام لييا مع رد فعلى الغير متوقع فى مواقف كتير
خللى الكرسى الواحد ده يندهنى انا
وبعد ما كننا على قلب واحد
بدأ الحقد والحسد يدخلوا...لمجرد الحقد والحسد
طب ما هو الكرسى بقالوا سنين قدامكم وانا مطلبتوش يعنى
ليه مكانش فيه بينكم منافسة شريفة عليه
واللا انتوا مش بتعرفوا اللا الحسد والحقد؟
بعد ما كننا جسد واحد
وجودى فى الصف الاول هندسيا قسم الجسم الواحد
للراس ...والباقى
انا بقول هندسيا لانى عمرى ما كنت الليدر
كنت حتة من الفريق
ايدى قبل ايدكم
وقرارى نابع من قراركم
مش كده برضة؟
بس برضه الناس مش سايبانى
بيتكلموا
مش بينافسوا بشرف...برضه؟
بيتكلموا ...من أول انى مش كفء
لحد ما قالوا انى وصلت للمكان ده عشان انى "واحدة"..مش دكتورة
بلعت كل الكلام ده
والسكرتيرة خبت علييا كلام اكتر عشان مزعلش
والضرب تحت الحزام برضه مستمر
طب اهوه...انا سيبتلكم الكرسى
العبوا بيه
جيت بعد فترة ابص
لقيت الكرسى مفيش حد قاعد عليه
وكله بيرمى مسئوليته على التانى
يعنى مفيش حد ملى الكرسى من بعدى واللا ايه؟
واللا نفسية الانسان السودا هى اللى عملت كده فيكوا
ولما انا سبت الملعب عشان اهتم بشئونى الخاصة
كلكوا رميتوا الكورة فى نص الملعب
ومحدش بيلعب
ايه؟..كلكوا كشيتوا ودخلتوا جحوركوا واللا ايه؟
بس والله انا متشكرة
انوكوا عرفتونى بحقدكم
ان فى حياتى حاجات اهم بكتير من
الكرسى

عاوزنى اروح فيها ؟

خلاص أهو ححكى ححكى خلاص بقى..بلاش كل شوية تلزيق كلام وبتاع ...حولتوا الدفة علييا ؟انا كنت بفلفص منكوا بقالى كتير عشان الحدوتة دى..هى حدوتة جميلة ..مهما كانت الحاجات اللى فيها باينة انها عبيطة أو باينة انها صعبة على الواحد انه ممكن يستحملها ..بس برضة انا بشكر ربنا انه خلانى أمر بالتجربة دى عشان كانت على قد حلاوتها وشقاوتها على قد ما اتعلمت منها ..ماهو الواحد مننا يا عيال مش بيتعلم اللا بالتجربة...قعدتوا تتكوا أوى عشان احكى و فاكرين انى استسلمت ليكوا؟...فشر...فشر وهذولت كمان..بمزاجى يا كتاكيت..طب مش انتوا السبب انى احكى ...طب مين؟..أصل ما هو...حقول اهوه حقول حقول...بقالى كذا يوم بسمع تامر حسنى ارجعلى ..وكمان الله يسامحكوا روحنا النهاردة عمر وسلمى...الهى ربنا ينتقم منكم يا عيال..فيلم رومانسى ؟ يا خراشى هو انا ناقصة ؟..مش خرجنا من السينما وكنت مبتسمة وانتوا كنتوا فاكرين انى كنت ببتسم لفتارين الجزم والشباشب الجديدة الصيفى...لأ مش ببتسم عشان كده..أصل محاولة تامر حسنى انه يكلم سلمى فى المكتبة فكرتنى بالذى مضى والحمد لله كنت بضحك وببتسم..مزعلتش ومش زعلانة..ايوه كان أول الخيط فى المكتبة..مش بتاعت الكلية يا حلوين ..بتاعت المركز البريطانى ...فاكرين سنة خامسة؟ أفكركوا..
كانت أمراض النسا علينا فيها وهى المادة الكبيرة هى والاطفال فى سنة خامسة...مش عارفة ليه تعاملى مع الحياة الجديدة اللى بتتولد كل يوم -مع انى كنت بهتم اوى بالحالات اللى فى الرعاية بتاعة امراض النسا والهلب سيندروم-كان مخليينى فى حالة سلام داخلى عجيب..اكيد اللى كان بينى وبين الاستاذ مكانش حب(الاستاذ = اللى كان حيبقى خطيبى) كان اكتر تيليباثى ..يعنى عقلى وعقله كانوا فى حالة اتصال ..اكتر من قلوبنا..وده وحده مش كفاية لاقامة علاقة قوية طول العمر فالحمد لله ان الحاجات دى وضحتلى وانا مش زعلانة
كانت روحى ساعتها فى حالة صفاء عجيب من جمال الاطفال اللى لسه مولودين..زى الملايكة ..واحساس الامهات اللى شايلة اولادها واحساسهم بحبهم ليهم اللى بيتولد أوى مع أول رضعة-محدش يقوللى اوكسيتوسين بقى والكلام ده خلونى فى الجمال اللى بوصفه ده-ايوه كتير تشوف الام مع اول رضعة من كترة الاحساس الجميل بالحب للبيبى بتاعها تلاقيها تعيط..وساعات اللخبطة فى المشاعر دى اذا متعدلتش..ممكن تعمل بوست بارتم بلوز-اكتئاب ما بعد الولادة -اللى ممكن يخللى الام..أم ايه بقى؟ يخللى الولية اللى لسه والدة ممكن تقوم من سريرها وتطوح الواد من الشباك اللى فى التالت قائلة بعلو حسها : وادى العيل بتاعكوا أهوه..بتتحول الى هولاكو فى لحظة..اللهم احفظنا ..ما علينا عاجبكوا كده لسانى حود على الطب؟..
روحى -يا روحى-كانت مشدودة لحاجة مش عارفة ايه..مش عشان كنت بشوف الدفعة بقت اتنين اتنين والحاجات دى ..لأ ..كان فيه حاجة شدانى قوى للمشرحة..ايوة المشرحة والله هناك
مش كل قصص الحب ابتديت هناك فى المشرحة ؟ ..اه فيه غيرها كتير ابتدى فى الدروس وفى غيرها فى المتحف..وفى فى اللجنة بتاعت الشفوى...حاجات كتير ..معظمها اتفركش ..بلاش نتكلم بقى فى الحتة دى
عارفين الشجرة اللى قودام المشرحة ؟ أهو انا الحدوتة بتاعتى ابتديت هناك
اذا ما كانتش ابتديت الحدوتة جوه المشرحة..يبقى أودامها ...ملحوقة.

prime:meryl streep ,uma thurman

a simple light comedy movie
non stop watching this movie
it is light comedy..you will laugh your ass out
it is romantic..it will melt your heart,mmmm,it is true
it is so captivating , so true ...
a must see!

حب من اول نظرة

بحبه جدا جدا
بموت فيه من اول اغنية سمعتها من سنة واللا اتنين
هو اللى خلانى اضحك بعد ما كنت فى ايام هباب والله
ومن ساعتها وهو صاحبى اوى
كل اول صيف وكل كريسماس
بينزل اغنية جديدة
انا بمووووووت فيك
i love you crazy frog
muah !
isn't he adorable ?

الحمد لله رب العالمين

كل مرة موضوع العمرة بتاعى مش بيمشى
المرة دى شكله حيبقى اوكيه
ادعولى
معلش حبقى بعيدة الفترة دى شوية
انا حسيب الكونيكشان بتاعى مفتوح
but most of the time i will be away from my desk
weither at home or at the office
but i promise i will not neglect
any offline messages
or any e-mails
i will reply to all inshallah
ترتيبات بقى ونبتشيات وحاجات
محسسانى انى حطلع العمرة دى
على جمل
اذا كل حاجة مشيت تمام
حدعيلكوا بجد
ياللا نشوفكوا على خير

عاوز لوجو ؟....التنين طبعا

رحت تحت الشجرة المفضلة على الكراسى المفضلة هنااااك جنب الكافيتريا...الناس كلها اتغيرت اللا وشوشنا
جه الولد يا خد الطلبات كله طلب مهدئات فى صورة اعشاب انا خدت ايس تى باللمون
مع الطلبات جاب استمارات : حضراتكم عاوزين لوجو جديد للمكان ..ممكن تملوا الاقتراحات ؟
حااااااااضر انت تؤمر...انا كتبت التنين ...عاوزين تعرفوا ليه ؟ حقول اهوه
قبل منزل الصراحة جالى تليفون لذيذ اوى من واحدة صاحبتى ..كانت منهارة فى التليفون -ودى شوطة ماشية فيينا الايام دى -ربنا يعدى الفترة دى على خير-كل الهم ده عشان برضه الشغل والرسالة -برضه؟
ملحقتش اتكلم معاها عشان البنت دخلت قوضتها وقفلت على نفسها الباب وسابت التليفون لمامتها
المهم باختصار ...هى دخلت الكهف وحطت التنين على الباب
كانت هناك محا ولة لتخريجها من الحالة المتكررة دى-قام التنين ده طلعلنا الصراحة ...قلنا مبدهاش نمشى من بيتها دلوقتى بدل ميحصل حاجة تانية كفاية التنين اللى بخ فيينا ده
كان التنين اون -و-اوف من فترة كده ..بياخد اجازات يعنى ...بس دلوقتى بقى التنين 24 كل 7 ايام
يا بنتى ادى للتنين اجازة...لأ...طب يروح شوية...توء توء...ماشى انا تحت الشجرة هناك بقى
بعد شوية : طب تعالى ..معنديش مانع تجيبى التنين معاكى...لأ...طب انفخى التنين فى دخان اى سجاير ..لفترة وبعدين بطلى ...توء توء...اوكيه انا هنااااااك تحت الشجرة
حنعدى عليكى تجيبى التنين وتنزلى ...لأ...حنطلعلك ...توء توء...ماشى احنا رايحين عند الشجرة اللى هناااااك منتى عارفاها
حنجيب هدوم جديدة..لأ...طب تعالى نضرب شعرنا احمر ..توء توء...قومى اعملي لنا كاروت كيك -التنين ظهر قمنا جرينا
التنين ده مش كائن خرافى انا لقياه فى الحياة دلوقتى...اللوجو لمكان الشجرة لازم يبقى التنين
المشكلة دلوقتى مش فى التنين ..المشكلة فى الاقامة قى الكهف اللى طولت المرة دى ...عشان كده بجد انا حغيركم واشوف غيركم ..انتوا لو شفتوا التنين بتاعى كل التنانين الصغيرة حتجرى تستخبى..ما علينا...حتيجوا الاسبوع الجاى عند الشجرة؟
ايميلات بقى وموبايلات

على دخول الصيف

ما هذا الاختناق؟ كيف اشعر بالاختناق هكذا ؟ ...سألت نفسها وهى جالسة فى مكتبها تبحث فى الدرج عن ريموت التكييف كى تقلل من حرارة الغرفة...تعرف انها شابة صغيرة وان هذة ليست هبات مرحلة اليأس التى تعانى منها النساء عند انقطاع الطمث..تحركت قليلا فى الحجرة وفتحت أزرة قميصها العلوية: يا الهى اننى اشعر بالاختناق...قفلت القميص مسرعة عند دخول الوفد الاجنبى واستقبلت الفاكسات والايميلات..نفس الشعور بالاختناق مازال هنا بالرغم من هدوء الحجرة الان...ذهبت الى الحمام وخلعت القميص ووضعت وجهها فى الماء المنسدل من الصنبور:يا الهى ماذا يحدث لى ؟ لماذا كل هذا الشعور بالاختناق الذى يجتاح روحى ؟ رفعت رأسها لتنظر الى المراة ومسحت بالماء البارد على رقبتها ...تنفست
خرجت الى المكتب مرة ثانية لتكمل ماراثون الرد على التليفونات وترجمة الفاكسات الى مديرها والاطمئنان على الاقامة الكاملة للمرضى داخل الاجنحة الخاصة
الشعور بالاختناق ما زال هنا وان قل خاصة مع زيادة الاعمال فى المكتب...ان سبب الاختناق اذن ليس عضوى ولكنه من داخلى ها هنا
رفعت سماعة التليفون فجائها صوت زميلها الذى تأنس اليه وتبوح اليه بكل ما فى داخلها :انا مش عارفة مالى ؟ مش قادرة اتنفس
طمئن روعها الذى كان باديا على صوتها فهو يعرفها ...يعرفها من نظراتها من تحت الماسك ويعرف نبرة الصوت فى كل احوالها..نظرة اليها اثناء العمليات من تحت الماسك الطبى وبلاستك النظارة التى يلبسونها فى العمليات الاكثر دموية ويعرف ما يدور فى عقلها ...اتصال عقلى بينهم اكثر من اى شئ اخر
انا نازلك المكتب..كان رده عليها
احضر معه زجاجة من الماء البارد وتأكد انها تناولت بعض من السكريات التى تحبها حتى لا يكون سبب الاختناق هو نقص السكر
اردف قائلا بنظراته الطبية والطيبة معا قائلا : ايه مالك ؟ مش ضامنة انى احضر اللستة بتاعة العمليات بتاعة بكرة كويس؟
ضحكت..هو يعرف انها ستضحك ولهذا قالها ..انت عارف اننا تييم واحد وبنثق فى بعض...بس النهاردة مش عارفة فيه ايه
رد عليها بأنه نقص الماء انه فصل الصيف والوقوف لساعات طويلة فى العمليات بدون شرب الماء وشرب القهوة و الشاى بين كل عملية واخرى دون تعويض الماء هو العامل الأساسى فى حالة الاجهاد البادية على وجهها
خدى اجازة ..ده ارهاق يا بنتى ...خرج بعد ما تأكد من شربها للماء البارد كله واصراره على شرب زجاجة باردة اخرى مع منع الشاى والقهوة لبقية الشيفت
نظرت الى سكرتيرتها المنهمكة فى تناول وجبة الغذاء المكونة من سندوتشات فول وطعمية ..ورفعت رأسها اعلى مكتب السكرتيرة ..انها الرابعة عصرا...باقى ساعتين هنا بين الاوراق ثم يبدأ ماراثون الطوارئ من بعد السادسة مساء
تاكلى يا دكتورة ؟...لأ انا لسه عندى يوم طويل ...فاليوم هو الخميس اى لا تكتفى الحوادث بالهطول عليها طيلة الليل فقط لا ولكن تستمر الى ما بعد صلاة الجمعة
انا حشرب لبن فى الكافيتريا بس...طب متدغدى مع الوفد فى المطعم ؟...مش قادرة لسه حاسسة انى بتخنق ..لبن كفاية النهاردة
جلست شاردة فى الكافيتريا ..تأخذ نفس عميق وتعدل رقبتها وصدرها حتى يدخل هواء النيل بأكبر كمية..هى تحتاج الاكسجين الان بشدة...يا الله اغسل ما بداخللى الان
جاء زميلها ليجلس على نفس المنضدة فى الكافيتريا المتواجدة فى الرووف على النيل ...ها عاملة ايه دلوقتى ؟
بتنفس..قالتها وهى مبتسمة..
مش قلتلك نقص ميه ؟ ...ايوه شكلها كده
ولكنها بداخلها كانت تعلم انه ليس نقص المياه او الاملاح الذى قد يصل بها الى هذة الدرجة من الاختناق..انها ليست المرة الاولى فى شعورها بالاختناق انها تعرف الاختناق جيدا لطالما اختبرته ...ولكن هذة المرة ..الاختناق اشد من اى مرة سبقت
اطمأن عليها واخبرها بترتيبات عمليات الاسبوع القادم وأكد عليها بالاهتمام بشرب الماء لباقى الشيفت
النهاردة الخميس بقى امى عملالى اكل حترحم شوية من اللى هنا ومن اكل السوق
بالهنا والشفاء سلملى على ماما كتير
شد على يدها وتركها تحت الشمسية فى الرووف تتأمل النيل
اخذت نفس عميق ونظرت حولها ..لا يوجد احد اللا فتاة الكافيتريا
مددت قدميها على الكرسى الذى امامها ...رجعت برأسها الى الوراء ...سحبت جسدها الى الاسفل قليلا ..تنفست قليلا
اغمضت عينيها...شعرت بالراحة بدأت تسرى فى عروقها ..الحمد لله
لم تحاول ان تنام ولو حتى للعشر دقائق المعهودة ...والتى تعرفها جيدا فتاة الكافيتريا
هبت نسمة جميلة منعشة ايقظت ذاكرتها...لا تبدأ ارجوك ..تمنت من داخلها اللا يبدأ تفكيرها فى الجرى مرة اخرى
تفكيرها يعيد اليها كل شئ بسرعة شديدة...لا..لا
ها هى نفسها اللوامة تأتى ايضا داخلها
الهى ...هون علي حسابى لنفسى الان

الصيف جه يا ولاد

it is summer time !
kids are throwing away their books out of the balcony
people are getting off their clothes
LET THE PARTY BEGINS!
yupiiiiiiii