برنامجكم : معاك ع الدكة

عبر الأثير يستمع الناس فى الشارع لأغنية أهلا رمضان رمضان جانا..يتخللها نحنحات وكحكحات جعلتهم يرتابوا فى مصدرها..يظهر صوت المذيعة اذ فجأة..عزيزى المستمع ميا مسا..برنامجكم معاك ع الدكة يهنئكم بحلول شهر رمضان اعاده الله علينا بالخير والبركة..ويوعدكم انكم مش حتغيروا المحطة عنه ابدا ..قرر معد البرنامج اننا ننقل نبض الشارع مباشرة ع الهوا..حسبنا الله ونعم الوكيل انه حينزلنا فى عز الولعة..نبض الشارع فى الايام الاخيرة قبل رمضان واثناء رمضان باذن الله..الله يصادفنا الان أول مواطن معاك ع الدكة..نتشرف بحضرتك؟..وحياة ابوكى سيبينى فى حالى..عاشت الاسامى يا استاذ وحيات..يا ترى حضرتك بتستعد ازاى لرمضان؟...رمضان يا ستى فاضل عليه يومين..عارفة بس انت ناوى تعمل ايه؟..انا ناوى ادخل جمعية واقبضها الاول..ويا ترى حتتصرف فيها ازاى ؟..ماهو حضرتك انا قاعد ع الدكة بفكر اصرفها ازاى ....طيب وفكرت ؟..اه يا ستى..كان نفسى اعمل تلات حاجات قبل الصيف ما يروح كان نفسى اروح فيلم كابتن هيما بس اكيد حتطلع قصة واحد بسيط بيحب بنت كلاس وبيتنافس على حبها راجل بسبس مان ايده طايلة..قلت بلاش اروح قصة متعادة..وفكرت انى اروح السيرك المصرى الاوروبى بس قلت طب واروح السيرك لية؟مش كفاية السيرك اللى انا عايش فيه كل يوم..ده انا حتى ماشى على الحبل..وكمان انا شفت استعراض الاسود فى قرية الاسد وانا راجع من اسكندرية من كذا سنة وانبسطت جدا فبلاش القرشين نفرتكهم على حاجة انا شفتها قبل كده..يا سيدى شبرق نفسك واتفسح..يا مودام انا عندى مصاريف متلتلة ورمضان داخل واقل يوم بنزل فيه السوق بصرف ما بين 30 ل50 جنية وساعات سبعين على حاجات ضرورية..طيب حضرتك والتلتة ؟ اكيد تبتة بقى مش كده هى هى هى هى ..اه اكيد تابتة بس انا أجلتها لبعد العيد..كل سنة وحضرتك طيب وبعودة الايام..الله يخليكى يا ستى سيبينى فى حالى بقى..قبل ما نمشى حضرتك ممكن تقولنا حلمك اللى حلمته فى اخر ليلة صيف؟..والله انا ما حلمتش ..انا فكرت فى رغبتى التالتة اللى هى اروح فيها مسرحية كوميدى عشان نفسى اضحك..ربنا يحقق لك الامنية دى ويقدروا ممثلينا انهم يضحكوك شوية..اه والنبى ادعيلى..داعيالك يا ضنايا..وهكذا حضراتكم استمعتم لحلقة من برنامجكم معاك ع الدكة..نرجو ان نكون قد اسعدناكم..المرة اللى جاييا نلتقى فيها باذن الله فى سحور اول يوم رمضان..حتى ذلك الحين لكم مننا اطيب الامنيات والدعوات ..وسلامات

نزلت بالفانوس يا ابنى ؟

يا ترى المسلسلات نظامها ايه السنة دى يا ابنى ؟
..يا ريت اى حد معدى على البلوج يرمى التماسى ويعيد ويا ريت يسيب قرشين على جنب بنية صافية عشان لسه ما صرفولناش الملاليم بتوعنا

رمضان كريم وكل سنة وانتوا طيبين

فى البدء

فى البدء لم يوجد اى شئ..ثم خط الله بقلمه ..فرسمك امامى فى اجمل صورة بهرت عينى وحفرت فى الذاكرة طلعتك..رفعت رأسى لأحفر ملامحك فى قلبى..ها هنا كى يستطيع التعرف عليك فى التية الذى سوف نكون فيه بعد اتمام خلقنا..رسم الله عيناك ووجهك من قطعة من نور..ارتسمت ابتسامة رضا على وجهى وسجدت لله شكرا على ابداعه فى خلقك لى..نفخ الله من روحه فيك..فبدأت أوصالك فى التحرك..فتحت عيناك ورأيتنى وابتسمت بدورك..شعرت بالراحة والسكينة..مددت يدى لألمسك..فوجدت نفسى ما زلت جنين ينمو فى احشاء أمه ونظرت حولى باحثة عنك فلم اجد اللا ظلمات من حولى..انصت..فلم اسمع اللا دقات قلب أمى ..ولم أجدك..ظهرت للدنيا وكبرت ..وبحثت عنك ..ولم اجدك..نظرت فى كل الوجوه التى قابلتنى ..لم اجدك..ها انا ألملم ثيابى واشيائى..سابدأ الترحال..بحثا عنك

اية من سورة الانعام

وتمت كلمت ربك صدقا وعدلا لا مبدل لكلماته وهو السميع العليم

اية من سورة البقرة على بالى

الشيطان يعدكم الفقر ويامركم بالفحشاء والله يعدكم مغفرة منه وفضلا والله واسع عليم

Amelie

un film,realise en 2002..Un film tres doux et delicieux

the dark knight

شفته بنص عين ونص ودن ونص بطن..اصل خلاص هيصة بات مان راحت من زمان..بس برضة شفتة عشان قالوا عليه ماستر بيس..الصراحة مكونتش طايقة هث ليدجر فى بروك باك ماونتن..بس لما اتكلموا عليه انه مات بعد ما صور الفيلم..والناس بتتكلم على الفيلم والبطل-ذا كلاون- بطريقة جامدة..قلت اشوفه..شفت ذا مامى الجزء التالت وكنت فاكراه جامد طحن..بس هث ليدجر فى الفارس الاسود كان تحفة..جاك نيكلسون قال ان هث عمل الدور احسن منه..وناس كتير قالت انه يستحق الاوسكار بالرغم من انه مات-مات بجرعة زيادة من الدراجز -مش عارفة لوحة الدراجز منتشرة فى المستشفى ليه بالاضافة لخطة الايفاكويشن اللى برضة من فهماها وقررنا فى الطوارئ لو حصلت حاجة فى المستشفى نضبش فى الزحمة لحد ما نخرج-ما علينا..قريت ان هث كان بيحبس نفسه فى قوضتة فى الفندق اثناء التصوير عشان يدرس الدور وقريت انه حبس نفسه لمدة شهر عشان يدرس كويس لدرجة ان زمايله خافوا منه من درجة تقمصه للدور..بصراحة يستحق يتشاف عشان بس الممثل ده
here are some of his best words that made me laugh out loud:
1- here is my card, handing the guy his card in the form of joker
2- what will not kill you will make you stranger
3-his scene while dressed as a nurse and getting out of the hospital that was timed to be bombed.
بالاضافة للضحك فى الفيلم ده..دبور كمان ضحكنى..كنت محتاجة ادخل سينما وما افكرش..كنت عاوزة اضحك والصراحة دبور ودارك نايت عملوا الواجب..موشاكرين

نص شهر شعبان

اللّهُمَّ اقْسِمْ لَنا مِنْ خَشْيَتِكَ ما يحَوُلُ بَيْنَنا وَبَيْنَ مَعْصِيَتِكَ وَمِنْ طاعَتِكَ ما تُبَلِّغُنا بِهِ رِضْوانَكَ وَمِنَ اليَّقِينِ ما يَهُونُ عَلَيْنا بِهِ مُصِيباتُ الدُّنْيا ، اللّهُمَّ أَمْتِعْنا بِأَسْماعِنا وَأَبْصارِنا وَقُوَّتِنا ما أَحْيَيْتَنا وَاجْعَلْهُ الوارِثَ مِنَّا وَاجْعَلْ ثأْرَنا عَلى مَنْ ظَلَمَنا وَانْصُرْنا عَلى مَنْ عادانا وَلا تَجْعَلْ مُصِيبَتَنا فِي دِينِنا وَلا تَجْعَلْ الدُّنْيا أَكْبَر هَمِّنا وَلا مَبْلَغَ عِلْمِنا ، وَلا تُسَلِّطْ عَلَيْنا مَنْ لا يَرْحَمُنا بِرَحْمَتِكَ يا أَرْحَمَ الرَّاحِمِينَ .
( سَجَدَ لَكَ سَوادِي وَخَيالِي وَآمَنَ بِكَ فُؤادِي هذِهِ يَدايَ وَما جَنَيْتُهُ عَلى نَفْسِي يا عَظِيمُ تُرْجى لُكُلِّ عَظيمٍ اغْفِرْ لِيَ العَظِيمَ فَإنَّهُ لا يَغْفِرُ الذَّنْبَ العَظِيمَ إِلاّ الرَبُّ العَظِيمُ ) .

( أَعُوذُ بِنُورِ وَجْهِكَ الَّذِي أَضأَتْ لَهُ السَّماواتُ وَالأَرَضُونَ وانْكَشَفَتْ لَهُ الظُّلُماتُ وَصَلَحَ عَلَيْهِ أَمْرُ الأَوّلِينَ وَالآخِرِينَ مِنْ فُجأَةِ نَقِمَتِكَ وَمِنْ تَحْوِيلِ عافِيَتِكَ وَمِنْ زَوالِ نِعْمَتِكَ ، اللّهُمَّ ارْزُقْنِي قَلْبا تَقِيّا نَقِيّا وَمِنَ الشِّرْكِ بَرِيئا لا كافِرا وَلا شَقِيّا ) .

WHO IS THAT GIRL ?

08/08/08 08:08:08

نجوم أف ام..تسييح مكان الويب سايت

اللينك اهوه
http://arabic-radio-tv.com/station/radio/egypt/nojomFM.htm
yalla ya ged3an , enjoy

مسلسل نور

انا كنت بتابع يا عيال مسلسل اسمه نور الصباح..مش هو؟ ده تركى ؟..طيب..الظاهر كل نصيب المصريين جاى من اسيا..والله اسيا دى موززة كبيرة وادينا حنتبارك بكرة على خيرة الله يوم تمانية فى شهر تمانية الساعة تمانية بالبتاع بتاع بكين..أوعدنا يا رب..المهم مسلسل نور ده فوجئت بهجوم العيال علييا انى مش بشوفه..يا ابنى انا بعد ما شفت الرقة بتاعت مسلسلات كوريا الرومانسية خلاص دماغى ظبطت عليها..المهم كنت سهرانة ولقيت على ام بى سى فور مسلسل نور..الحلقة مية تمانية وعشرين..ده انتوا فاضيين بقى ؟ انا اخرى 30 حلقة ودماغى..لقيتهم فى العربية بينزفوا كاتشب وبيعزموا على بعض انهم ينزلوا قبل ما العربية تفرقع..روحت مقدرتش على الموحن ده وحولت على هانيبال رايزينج..أينعم انا بسمع مقدمة المسلسل الموسيقية دلوقتى وانا بكتب بس ده عشان بحب عزف القانون على الالات الوترية كلها..يعنى اللى فيها اوتار..القانون..العود..الجيتار..البيانو كمان بموت فيه..قمت من على الكنبة ولقيت على الفيس بووك واحدة من صوحابى من ايام الهجرة بس ما رديتش علييا ..احنا بجد مفتقدين الاحساس الحقيقى فى كل حاجة..مش انا بقول دايما اللى على الكورنيش معظمهم ان ما كانش كلهم بيضحكوا على بعض..واهى كام بوسة على تقفيشة والسلام؟..ده غلط ونوع من السرقةوهباب وتفاصيل كتير للموضوع ده..اقل حاجة اقدر اقولها ان الراجل لو بيحب بجد حيحترم الست اللى معاه ومش حيقفش كده عينى عينك فى الولية..ما علينا بلا نيلة..عدم الصدق فى المشاعر يتفاتلها بلاد..ما زال مسلسل هجرة زمايلى مستمر ..كله بينط على اسيا..شوية على امريكا الشمالية..عمل المعادلات فى الطب برضة شوطة وجاية فى العيال..لسه برضة بعانى من عدم التركيز...اشتريت جبنة على اساس انها ملح خفيف..وباكول منها على هذا الاساس..ماما لسه قايلالى امبارح بقى اقولك تجيبى ملح خفيف تجيبى اسطمبولى ؟...طب والله شفتها ملح خفيف..روحت للراجل بتاع التفاح الاخضر ابو تفاحة ب4 جنية..الظاهر اتقفش ..ما لاقيتوش ولاقيت دكانه جاى فوقه تحته..ايه اللى حصل ؟ بصراحة مسألتش بتاع البيض اللى جمبة..بدل ما يقوللى حاجة تطلع بيض..المهم نفسى اعرف عمى مزوغ فين ؟..عمتى عجبتها ألكس ولابده هناك..الاستشارى بتاعى من ساعة ما رجع من المصيف اللى حس فيه انه بنى ادم من حقه يتنفس ويعيش-اخيرا حس بكلامى-وشاف الناس اللى عايشة بجد وفهم اننا كدكاترة مدفونين بالحيا..راجع والله فى اكتئاب..أمى مش هاممها حاجة فى الدنيا والهيصة اللى انا فيها اللا انى لازم اجيبلها كوزبرة..مش مهم حالى المدوحس ولا الورق اللى ملخومة فيه..أهم حاجة يا ريهام جبتى الكوزبرة واللا لأ؟ كل شوية تقوللى وانسى..واخيرا جبتها وجبت نص عين جمل بقشره وشوية لوبيا على فاصوليا..الراجل بيقوللى عاوزة قد ايه يا هانم؟..ايه هانم دى...فاكرنى حشيل بقى..اسأله بكام الكيلو وبعدين اتنحله..واقوله ربع أو تمن كيلو..يقوم يبصلى بقرف..يمكن وانا بحاسب يقوللى هاتى 13 جنية يا ولية..الجزمة والصندل اتقطعوا فى يوم واحد..عاوزة اتطقم بقى..ملقيتش ملابس داخلية كالعادة عدلة فى الدولاب قمت قلت اتشبرق بال50 جنية الزيادة فى المرتب..جبت طقم فوق بس طقم اللى تحت لسه..يمكن على الشهر اللى جاى..مشروع شرا الجزمة مش عارفة مين حينفذه خصوصا وانى اذا غطيت مصاريف مترو الشهر ده يبقى خير وبركة..انتهزت فرصة ان الدكتور المسؤل عن الاطباء غاطس فى المصيف-بصراحة مش عارفة ايه نظام المصيف السنة دى مع الناس؟ ناس تسافر وترجع مكتأبة وناس بنتها ماتت فى حادثة مرسى مطروح وناس راجهة متخانقة وناس راجعة عايزة ترجع تانى وناس راحت وما رجعتش-والمهم روحت مضيت اجازة يومين اعتيادى من القائم بأعماله ..راجل طيب ما عصلجش معايا الحمد لله ولا قاللى حاجة العمل وحاجة البتاع ...المستشفى فيها اجتماعات كتير مش عارفة ليه ونظام دورات تدريبية..طب اسأل على ايه بالظبط..يقولولى صحة المرأة وبتاع ..انا مش ناقصة فقعة ..معنديش فكرة عن مسلسلات رمضان ولا حاجة..الله أعلم حعرف اتابع واللا لأ..ربنا يجيبه بالسلامة ويكون شهر خفيف والصيام فيه يبقى هادى..الايام دى نفسى اعرف الاقى وقت اروح ارفه عن نفسى شوية..اروح اسكندرية يوم وارجع حيبقى مش لطيف عشان الزحمة والجو الولعة والرطوبة الجامدة..بس بسمع اغانى حلوة فى الاف ام..ايوة انت مصطفى قمر..مستنى ايه حمادة هلال وفيه واحد بيقول يا خسارتك فى الليالى حلوة جدا..اسمه عبد الفتاح درينى..بس جامد..يا رب يعدى الصيف ده على خير وياخدوا قرار ..العيال حيدخلوا المدارس امتى ؟

على كل لون

مش عارفة عندى نقص فيتامينات واللا ايه ..الواحد مجهد ودماغى مش مركزة..بس اكيد من الهيصة..دخلة اغسطس علييا كانت جامدة قوى..من اول جدول النبتشيات لحد الاكل اللى بنزل اشتريه..كنت متفائلة ومقبلة على الحياة-خصوصا وان الاستشارى بتاعى كان واخد كام يوم غطس فى المصيف مع العيال-..وحضرت فرح ايهاب واتكلمت مع شاكر على المقابلة اللى عمالها عشان السفر برة للسعودية..قاللى انه كل يوم كان بينام على صوت القران جمبه وعمال يعيط..انا بتخض من كده يا جدعان..المهم سمعت وانا فى العمليات من الناس -وانا باخود اللبن اللى اشتراهولى شاكر عشان لسه برضع-ان فيه زميل لينا اتقفل عليه باب قوضة وفين يوجعك..افتكرت حاجة مماثلة حصلت من كذا سنة برضة..علقة كده ورمت عينيه زى كريم فى حريم كريم-انا عرفت ليه بحب الفيلم ده-..المهم الواحد خرج من العمليات على الطوارئ لقيت زميلى بيتكلم معايا على القصص اللى بقراها وقرر يشترى زيهم ..ماشى يا عم..اسامة قاللى كويس انك ما جيتيش القاعة اللى ايهاب عمل الفرح فيها..معرفتش ايه السبب..زمايلى ما بقتش اشوفهم..بحضر شغلى واروح وعشان كده..النايب السانيور الامور قرر انه يلخبط المجموعة الاولى على التانية على دخول شهر تمانية-ربنا يعمر بيته- وراح فاكك ورايح مارينا-اه والله-..انا قايلاله انى عاوزة اواخر اغسطس اجازة..معملش اللى انا عاوزاه-حسبى الله ونعم الوكيل فيكوا يا عيال-..اتلخمت مع الشغل بين المجموعة دى والمجموعة دى..لما الواحد بقى مخه بالوظة..مش بفوق اللا على شوية ورق لازم اخلصة..مقابلة مع المحامى..عجلة نايمة..ايميلات تترد عليها..نزول السوق اشترى حاجات..الحاجات بقت غالية جدا احه يعنى..اللى كنت بجيبة من شهر ب50 جنية..لقيت الراجل بيقوللى 70 جنية..دفعتله وانا بقول يا لهوى بحس عالى..المرتب زاد 50 جنية واكيد اللى انا فيه ده عين الصراف ..طبعا ال50 جنية فى ايد الدكتور عجبة..من ساعتها وانا مدوحسة..واحد اغسطس..الويندوز وقعت لوحدها ملحقتش اسندها..تانى يوم التليفزيون فرقع وعمل قفلة لوحدة والانترنت فصلت تماما..تالت يوم لقيت سلك الانترنت مقصوص من الشباك..بحسبن على الجيران اللى عملوا كده..مش ده بفلوس يعنى واللا ايه ؟..حطيت جزمة فى بوقى ونزلت السوق فى باب اللوق جبت من عبد المعبود بن وجبت سلك من عند اسكندر عشان ب75 قرش المتر- ربنا يديمها نعمة-..بس نفسى اعرف مين اللى قص سلك النت..صوحابى بيقولولى اكيد ملكيش اعداء واللا ليكى ؟ بقولوهم والله انا كائن أليف..لولو منطهضنى الايام دى بينام مكانى جمب ماما ولما ازوقه عشان انام مكانى بيعض ويرفس وبعدين يتزنق فييا ويزقنى بضهره..خايفة انى اصحى الصبح الاقى نفسى تحت السرير..الحمد لله اوان الورد خلص ولقوا العيل وجه بداله نافذة على العالم...بصبن وبغسل الايام دى ومش مركزة وربنا يستر ان الالوان ما تبهتش على بعض..بيجيبوا على ام بى سى تو افلام حلوة الايام دى بس انا مش فايقة لامها ..فاتنى فيلم حرامية فى تايلاند اللى بحبه..عدم التركيز بيطاردنى ومش بنام كويس يعنى..علييا ضغط جامد..بنت خالتى عملت عملية الديسك اخيرا بعد ما جالها فوت دروب يعنى رجلها جاله فيه شلل بس الحمد لله هى احسن دلوقتى..واحد تبع جوزها عمل حادثة ودخل الفرنساوى فى حالة خطيرة ومراته متهمنها فى الموضوع ده مش عارفة ازاى..ومش عارفة ايه اللى خلى الحديث بتاعنا يحود على البانجو عشان نضحك شوية..الشوكولاتات اللى اكلتها الاسبوع ده طعمها مضروب..ومش لاقية فى السوق اندومى بطعم الجمبرى..يا رب ينزل السوق ..الحمد لله عديت فى امتحان الفرنساوى عشان بس ما يحصليش حاجة بس طبعا كل حاجة وليها ديل فلازم ولابد اكمل شوية اوراق لذيذة كده قبل رمضان خاصة وانه معروف بين الناس انه شهر العبادة يبقى نأنتخ فيه..محدش عارف ان العمل عبادة..ما علينا مش حنقلب فى الحلل...مزنوقة فى الشيفت بتاعى يجيلى تليفون ان مرات ابن خالتى جابت على..بعد شوية مروة تكلمنى وصوتها مش عاجبنى..فيه ايه ؟ بابا مات امبارح..يعنى جالى يوم التلات اللى فات ده خبر ولادة وموت فى نفس الوقت..بنت خالتى التانية حامل وبتفكر تنزله..هو حد طايل ريحة عيل ..ايه الناس دى ؟..فى المستشفى هناك رومورز ان النبتشيات حتزيد والله اعلم..اخيرا غطيت اجازاتى وبسحب من رصيدى القديم..فى شئون العاملين قالولى اكتب ورقة اطلب فيها علاوة..مش عارفة ايه طقم الحنية ده؟ مش عوايدهم ..انا قلقان!...عماد اخيرا بقى نايب مدير ألف مبروك بس عاوزين الحلاوة..عاوزنى انا اللى اعزمة بالمناسبة دى..الظاهر ان الطقم اللى جبتة ليوسف ابنه وشة حلو عليه..بس هات الكتاب اللى سلفتهولك يا عماد..بلاش الطقم ده..زمايلى داخلين الزمالة البريطانية..عقبالى انا كمان بس لما عرف اخرتها ايه فى السكة اللى انا ماشية فيها دى..بحاول الايام دى اوفق راسين فى الحلال..على الله الموضوع يمشى...عقبال ما اوفق راسى فى الحلال انا كمان..نشوان خطوبتها الايام اللى جاية..الف مبروك وعقبالنا..عقبالنا ايه ؟ انا معنديش وقت للخطوبة..انا حدخل فى الموضوع على طول...نايب المسالك بيسألنى انا ليه قافشة كده على المستشفى من ساعت ما رجعت..مش عاوزة اتكلم فى الماضى ..ماضى اسود بلا نيلة..المهم كان بيحاول يهدىلى اعصابى خصوصا وان العيان كدب علييا وكان عاوز يلبسنى فى الحيطة عشان ألاقى مصيبة مستنيانى فى النقابة..وحياة ربنا كنت حلاطشله..جه معاد الشيفت سلمت ومشيت وينعل ابو العيان اللى بيكدب..قطيعة ..فيه شيت مكتوب فيه عنوان العيان السودان..حصلت خناقة كبيرة انه ليه عنوانه مش مكتوب بالتفصيل ؟ بسيطة يا حبايبى اكتبه ورايا السودان الخرطوم ورا محطة البنزين..قال يعنى الداتا بيز حتوقف على ده..طوارئ عجيبة..التمريض بعد ما جم يغيظونى بانهم واحدة خست عشرة كيلو والتانية 5 فى شهر..وعرفت انهم ماشيين على نظام كيماوى..اول ما جسمهم استوهلك فى الطريقة دى..وابتدوا يضربوا كشرى-شميت ريحتة فى القوضة يا حلوين-كل واحد ة زادت ما لا يقل على 4 كيلو فى خلال كام يوم ..المهم بحاول افكر ارجع فى ادارة المستشفى تانى..بس لسه مخدتش القرار..اخيرا جيمى حيناقش الرسالة اللى قعدنا نكتب فيها احنا الجوز وانا عملتله تظبيطة للداتا شو..يا رب الموضوع يكمل على خير..المهم الواحد بيتنقل من حال المستشفى الفنى والادارى والشخصى والانسانى..لحال قرايبة ..لحال صوحابه..وأهو كله برتقال