سى عبده

حبيبى
فاكر يو م ما شفتك؟
والله كنت بدور عليك بقالى كتير
يوميها مصدقتش عينيا
هى دى الدماغ اللى انا عاوزاها
و هو ده الشاسية اللى دايما بحلم بيه
يوميها حضنتك اوى..مش خلاص لقيتك؟
فاكر الليالى الطويلة اللى قضيناها مع بعض تحت نور الفنيار ؟
وفاكر لما كنت بيغمى عليا من التعب وانام
واصحى على الخضة انك نايم جنبى و اتسرع؟
و فاكر يو م العاصفة ؟
يوميها طرت منى و نزلت على الفيللا اللى جنبى
و كانوا حيودونى القسم فى تهمة قتل ؟
حبيبى ...سامحنى
انا قررت اجمع كل علاقتى بيك
واحطها فى كيس
عبد الباسط...سى عبده
انا قررت ابيعك لقسم الاناتومى
انا قررت ابيع السكيليتون بتاعى