الله ولي الصابرين

احترت والله اكتب واللا لأ .. بالرغم من اني نصحت د.الاسنان زميلي اللي بتعالج عنده انه -عشان عصبي اوي النهاردة ساعة الكشف وكان فيه عنف في استعمال الالات معايا- يهدي اعصابه .. لولا انه زميلي كان حيبقي لييا تصرف تاني .. علي الاقل حمشي من عنده ومش حرجع له تاني .. بس ده زميلي وانا عارفاه من فترة ابن ناس ومهذب ومتزن .. عليه ضغوط زي كل الناس .. بس الزمن بقي وحش بجد .. اوحش من فترة فاتت .. لدرجة اني وانا في القصر ..معرفش ايه اللي خلاني ادعي اني مكملش في بقية الزمن ده .. حتي محمد صديقي اللدود قال لي مهما حصل مش عايزك تفقدي ضحكتك .. بجد مش قادرة .. الضغوط كتيرة اوي .. واللي حصل حوالينا ومحدش دريان وبيسقف ويهلل .. مش عايزة اقول ان كل اللي بيسقف ويهلل بكرة يبكي بدل الدموع دم .. بس بقول محدش بيتعلم من ممالك ودول انهارت علي مر التاريخ .. واذا محدش قاري في التاريخ وتتابع الامم .. محدش خد باله من سيناريوهات بتتكرر بحذافيرها كل فترة ؟ ... فكرت عند احمد وانا في عيادة الاسنان وهو بيكتب لي الروشتة وبينقل لي فيلم عن الاورال هايجين علي فلاشةازاي الواحد يقدر يعمل سيطرة علي الضغوط .. نصحته بجد لوجه الله انه يشرب يانسون او نعناع .. بس اليانسون افضل .. افتكر معايا انه بيحب التيليو من زمان وكان بيهديه .. دعي لي بالخير اني فكرته وقال لي انه حيهرب مع مراته علي اي حتة في العيد .. قلت له يا تقفل التليفزيون يا تتفرج فيه علي افلام كارتون .. كلمني عن بلانت ايرث اللي عنده وبيحبها وقعد يفتكر ايامه في استراليا .. ممكن يبقي مكان كويس للهروب بس بعد فترة لما اعصابك تهدي بتزهق وتيجي جري تبوس تراب مصر ..ممارسة الرياضة بتهدي برضة .. انا اكلي محسوب ومعظمه مش بيشد الاعصاب .. قال لي انه ساعات بياكول فاست فوود .. وده مش صح .. انا بطلته من زمان وكانت دي من احسن الخطوات اللي خدتها في حياتي .. فاضل الصلاة وقراية او الاستماع للقران .. والدعاء بجد من القلب .. والصبر .. بجد ساعات لما بفكر في اللي حصل لي وبفكر في الايام اللي احنا عايشينها .. وببص علي الاطفال في الشارع مع اهلهم واقول في سري يا تري يا ولاد ربنا كاتب لكوا ايه ؟ .. طب احنا ربنا كتب علينا الحزن والتحسر - وده مش قليل لان الاغلبية فرحانة وبتهلل . .. "زي ما قال ربنا .. وتري الناس سكاري وما هم بسكاري ولكن بطش ربك شديد .. يا رب تكون الاية صح لاني مش فاكراها كويس .. بس بجد بحس ان اللي بيهلل ويفرح في الظروف دي مغيب او غير واعي او قرر يحط دماغه في التلاجة - وصدق فينا قول سيدنا محمد : ولكنكم كغثاء السيل .. بفتكرك كل يوم يا رسول الله .. كتاب الله وسنتي في زمن الفتنة والاختلاف .. وبفتكر دايما كلمتك .. طوبي للغرباء .. وحاسسة اني ممكن ادخل جنتك يا رب برحمتك وعفوك وبصبري علي الشدائد والبلاء والابتلاء .. وبدعي ليكي يا مصر من كل قلبي .. استودعتك مصر يا اله السموات والارض الذي لا تضيع عنده الودائع ابدا .. بحق اسمك الاعظم تحميها وتحفظها ..حصنتك يا مصر بذي العزة والجبروت ..واعتصمت برب الملكوت ..واتكلت علي الحي الدايم الذي لا يموت .. يحفظك يا رب يا مصر من كل شر .. ويصبرنا ويعيننا علي زمننا هذا .. يا رب بحق بركة يوم الجمعة تزيد خشيتك في قلوبنا وتقوي ايماننا وترزقنا الثبات علي الصراط المستقيم في زمن عجيب اتكتب علينا نعيش فيه ..

أربعون طريقــه لجعل حياتك أفضل

1- خصص من وق...تك 10 الى 30 دقيقه للمشــي . . و أنت مبتسم

2- أجلس صامتاُ لــمدة 10 دقائـــق يـــومياُ

3- خصص لنومك من 6 - 7 ساعات يوميا

4- عش حياتك بــثلاث أشياء : (( الطاقة + الحماس + العاطفه ))

5- خصص وقت للعب مع طفل صغير ألعاب مسلية

6- اقرأ كتب أكثر من التي قرأتها سنة 2010

7- افطر فطور الملوك.. و تغدى غداء الأمراء .. و تعشى عشاء الفقراء .

8- أقض بعض الوقت مع أشخاص أعمارهم تجاوزت الـ 70 سبعين عام ,,
و آخرين أعمارهم أقل من 6 أعوام

9- أحلم أكثر خــلال يقظتك كى تحاول الوصول إلى هدفك

10- أكــــثر من تناول الأغذيه الطبيعيه ,, و أبتعد عن الأغذية المعلبه

11-خصص وقتا للغذاء الروحي : (( الصـــلاااة .. شكر الله سبحـــانه وتعــالى ))

12- حاول أن تجعل 3 أشخاص يبتسمون يوميا

13- لاتضيع وقتك الثمين في الثرثره

14- أنسى المواضيع ,, ولا تذكر شريكة حياتك بأخطاء قد مضت لأنها سوف تسئ للحظات
الحاليه

15- لاتجعل الأفكار السلبيه تسيـــطر عليك .. و وفر طاقتك للأمور الإيجابيه

16- أعلم بإن الحياة مدرســـه .. و أنت طالب فيــها .. والمشاكل عبارة عن مسائل رياضية

يمكن حــلـــها

17- أشرب كميات كبيره من الماء

18- أبتسم .. و أضحك أكــــثــــر

19- الحياة قصيرة جــــدا ... فـــلا تقضــيـها في كـــــره الأخــــريـــن

20- لا تأخذ (( جـمـيـع )) الأمور بجــديــه .. { كــن سـلـسـا و عـقـلانـيـا }

22- أنسى الماضي بسلبياته ,, حتى لا يفسد مـــســـتــقــبــلك

23- لاتقارن حيــاتك بغـــيرك ... ولا شريكة حياتك بالأخريـــــات ..

24- الوحيـــــد المســـؤول عن سعـــادتك (( هو أنــــــت !! ))

25- سامح الجميع بدون استثناء

26- ما يعتقده الأخرين عنـــك .. لا عــــلاقة لك بـــه

27- أحــســن الــظــن بالله .

28- مهما كانت الاحوال .. (( جيــده أو سـيـئـه )) ثق بأنها ستتغـــــير

29- عملك لن يعتني بك في وقت مرضك .. بل أصدقائــك .. لذلك أعتـــنــي بــهــم

30- تخلص من جميع الأشياء التي ليس لها متعة أو منفعة أو جمـــال

31- الحســد هو مضيعة للوقت (( أنت تملك جميــــع احتياجاتك ))

32- الأفـــضــــل قادم لا محالــــه

33- مهما كان شعورك .. فلا تضعف .. بل أستيقظ .. و أنطلق ..

34- أعمل الشي الــصحيح دائماٌ

35- أتصل بوالديك .. وعائلتك دائـــماُ

36- كن متفائــــلاٌ .. وســـعـــيدا ..

37- أعطي كل يوم .. شيئا مميزاٌ وجيـــداٌ للأخريــــن ..

38- أحــــــفـــــظ حــــــدودك ..

39- عندمـــا تستيــــقظ في الصبــــاح .. و أنت على قــيد الحياة ... فأحمد الله على ذلك ..

40- أبعث هذه الرسالة الى كل الذين تحبهم

بمناسبة دخول الشتا - أسوأ عشر عادات تضر بجهاز مناعة الجسم

تخلّص من العادات الضارة التالية لتقي نفسك من نزلات البرد والإنفلونزا وغيرها من الأمراض الأخرى!



تعزيز مقاومة جهاز المناعة

إن الحفاظ على صحة بدنك قد تستدعي إستخدام المعقمات والمطهرات، وتجنّب الإقتراب من المرضى، وهي عادة صحية مفيدة. فيما يلي بعض الأمور الأخرى التي يجب تجنبها، لأنها ستؤثّر سلبياً على صحة جسمك، وبشدة الإصابة بالفيروسات أو الجراثيم الممرضة كالإنفلونزا، لذا إحرص على إتباع النصائح الطبية التالية بشكل يومي:



الصداقة لها أثر كبير بتعزيز صحة جهاز المناعة

لقد أثبتت البحوث أنه كلما قلّ عدد معارف الشخص في مكان العمل أو في المجتمع، تزداد نسبة إصابته بالمرض، إذ إن هرمونات القلق تغزو أدمغتنا مسببة قصر عمر الشخص مقارنةً مع الأشخاص الإجتماعيين، وفي إحدى الدراسات أوجد الباحثون بعد مراقبة 276 شخص تتراوح أعمارهم مابين 18 إلى 55 سنة، أن الأشخاص اللذين لديهم ستة أصدقاء أو أكثر، كانوا أفضل بأربعة أضعاف بمقاومة الفيروسات المسببة لنزلات البرد مقارنة بالأشخاص الذين لديهم عدد أصدقاء أقل.

الحل: لا تدع نهارك المليء بالأعمال أو أشغالك تمنعك من رفقة أصدقائك، بل حاول التحدّث مع أحد زملائك في العمل كمحادثة صباحية سريعة أو راسل أحدهم بالبريد الإلكتروني ليلاً, كي تتواصل مع أصدقائك باستمرار حين تكون مشغولاً عن مكالمتهم هاتفياً.



هل تشعر بالتعب والإرهاق غالباً؟

إن عدم الحصول على النوم الكافي له أثر كبير على جهاز المناعة، ومثال على ذلك، الطلاب اللذين يسهرون طوال الليل خلال فترة الإمتحانات، إذ إن قلة النوم تؤثّر سلبياً على وظيفة الجهاز المناعي وقوة مقاومته لعدد الجراثيم الممرضة، ففي الحقيقة أوجد الباحثون، أن الرجال الذين ينامون لأربعة ساعات في كل ليلة لمدة أسبوع واحد، يؤدي ذلك إلى نقص إنتاج الجسم لمضادات الإنفلونزا في الدم، مقارنة مع الأشخاص الذين ينامون لسبع ساعات ونصف إلى ثماني ساعات ونصف كل ليلة.

الحل: أغلبية البالغين بحاجة إلى 7 -9 ساعات من النوم المتواصل كل ليلة، وستشعر بالإنتعاش والنشاط بالصباح وبقية النهار، أما إن كنت تشعر بالتعب منذ إستيقاظك، فهذا يعني بأنك لم تنم لمدة كافية أو أن نومك لم يكن مريحاً.



التفاؤل

لقد أظهرت الدراسات أن الأشخاص الإيجابيين رغم الصعوبات اليومية في حياتهم، قد يكون التوتر لديهم أقل وصحتهم أفضل، وأوجدت دراسة بأن طلاب الحقوق الذين بدأوا الفصل الأول الدراسي بتفاؤل، تمتعوا بصحة أفضل على مدى الفصل، الأمر الذي يعزى إلى إستجابة جهاز المناعة، وقدرته على المقاومة، مقارنةً مع الطلاب الذين قد كانت لديهم نظرة تشاؤمية، كما أن للأمرعلاقة بقلة التوتر، إذ يؤثر ذلك بجهاز المناعة، فتتحول الخلايا المضادة فجأة إلى خلايا مهاجمة.

الحل: من الصعب تغيير الطبع، ولكن يمكنك إدراك بعض الأمور مهما كانت صغيرة كي تشعر بالتفاؤل والحظ كل يوم، فحاول المشاركة بنقاش حول المائدة مع أفراد عائلتك، حيث تتشاركون جميعاً ببعض الأفكار الجيدة التي قد تحصل يومياً.



المزاجية

إن إجراء محادثة بنّاءة مع الشريك، تزيد بالحقيقة من مناعة الجسم، ، إذ تم سؤال تقريباً41 زوج وزوجة مناقشة مشاكلهم الزوجية لخمسة عشر دقيقة، بعد ذلك اكتشف الباحثون أن ضغط الدم ومعدل ضربات القلب وجهاز المناعة والكريات البيضاءجميعها بحالة جيدة ومماثلة لفوائد القيام بالتمارين الرياضية، ولكن مازال عليك أن تكون لطيفاً، فالأزواج الذين يستخدمون طريقة السخرية والإهانات والإحباط، تنخفض لديهم عدد الكريات البيضاء المقاومة، وترتفع لديهم نسبة الهرمونات المسببة للقلق، ويتطلبون 40% أكثر للتعافي من الإصابات مقارنةً مع الأزواج الإيجابيين خلال نقاشاتهم.

الحل: لاتكبت مكنونات قلبك، فإن الأشخاص الذين لايبدون برأيهم أو يعبّرون عن عواطفهم ومشاعرهم، قد تكون لديهم نسبة الكريات البيضاء المقاومة للأمراض أقل، مقارنةً بالأشخاص الذين يعبّرون أكثر عن رأيهم ومشاعرهم.



القلق المزمن

إن كنت تعاني من مشاكل في العمل أو في علاقة مع أحدهم، فإن ذلك سيؤثّر سلبياً على صحتك ومناعة جسمك، فهنالك دليل قاطع على أن التوتر الذي تسببه مثل هذه المشاكل (بغضّ النظر عن طبيعة المشاكل)، تسبب تدهور ملحوظ في قدرة جهاز المناعة على مقاومة الأمراض، فإن فترات من التوتر الشديد ينتج عنه عدد أقل من الكريات البيضاء المقاومة للإصابات، كما تعدّ الأرامل أكثر عرضة للإصابة بالمرض خلال السنة الأولى من مفارقة الزوج.

الحل: لن نقول لك أن تستمتعي بحمام دافئ أو شمعة معطرة للتهدئة (إلا إن كانت هذه الطرق تجدي نفعاً معك)، ولكن يمكنك القيام بأمور مفيدة للصحة ومهدئة مثل الركض أو ممارسة اليوغا أو إعداد الحلوى للتسلية، والأهم هو أن تخفف عنك التوتر وتتعافى منه لأنه من الصعب تجنّبه حين الشعور به.



لا تحاول أن تحمل معك الكثير من الأقلام في الحقيبة

إن تكديس الأدوات البلاستيكية في الحقيبة قد تعرضك لفيروس مثل الإنفلونزا التي تنتقل عند تبادل إستعمال الأداة من شخص لآخر، مع ذلك تجنّب لمس الأدوات العامة مثل الأقلام المستعملة في البنك لحماية نفسك.

الحل: لا تغادر المنزل دون وضع قلمك الخاص في الحقيبة، واستعمله عند الطبيب أو في المطعم أو أي مكان.



التمرين الرياضي

أوضحت إحصائية أن إمرأة واحدة من أربعة نساء في أمريكا لاتتمرن بتاتاً، وهذه تعد من أسهل الطرق للإصابة بالمرض، أوجد الباحثون عند إجراء مقارنة مابين الأشخاص النشيطين الذي يمارسون المشي السريع يومياً تقريباً، أن الأشخاص الذين لايمارسون رياضة المشي، يأخذون إجازات مرضية ضعفي عدد الإجازات التي يأخذها الأشخاص النشيطين خلال مدة أربعة أشهر.

الحل: يقول الخبراء: إن القيام بتمارين الأيروبيك لمدة ثلاثين دقيقة أو المشي السريع له علاقة بزيادة عدد الكريات البيضاء، مما يعزز مقاومة الجهاز المناعي ليقوم بوظائفه بشكل أفضل.



هل صديقك يدخّن؟

دون الحاجة للتذكير بمضار التدخين، ولكن أيضاً استنشاق دخان السيجارة من شخص مدخن له نفس الأضرار تقريباً، ففي كل سنة يتم تقدير موت 3000 شخص بسرطان الرئة نتيجة لتنشّق دخان السجائر، ويعاني 300000 طفل من إلتهابات المجاري التنفسيّة، فالتدخين الغير مباشر يحفّز الإصابة بهجمة ربو، ويزيد من أعراض الأشخاص المصابين بالحساسية، كما أن دخان السجائر يزيد من خطر إصابة الأطفال بالربو.

الحل: الأمر بغاية الوضوح حاول تجنّب المدخنون قدر الإمكان، وشجّع أي شخص كشريك حياتك أو زميلك في العمل أو جارك على الإقلاع عن التدخين.



هل تتناول دواء مضاد للإلتهاب بشكل دائم؟

إن أخذ دواء مضاد للإلتهاب عند أول عطاس يصيبك، يفقد فاعلية الدواء ومقاومته للفيروسات مع الوقت مسبباً حالة أخطر، فقد أوجد الباحثون أن المرضى الذين يتناولون دواء مضاد للإلتهاب، كانت نسبة هرمون السايتوكينز لديهم أقل، وهو هرمون ناقل للمناعة، وعند قلة مقاومة جهاز المناعة، يصبح الجسم أكثر عرضة لتشكيل بكتيريا مضادة أو للإصابة بالمرض في المستقبل.

الحل: يمكنك تناول دواء مضاد الإلتهاب فقط حين الإصابة بإلتهاب قوي، حينها تناول الدواء حالاً وداوم عليه، ولاتتناول داوء مضاد للإلتهاب بهدف الوقاية إلا بعد إستشارة الطبيب.



حس الفكاهة

أوجد الباحثون أن الأشخاص الذيت يتمتعون بحس الفكاهة، ولديهم عواطف إيجابية، تقلّ لديهم نسبة الهرمونات المسببة للتوتر، وتزيد نسبة الكريات البيضاء، وتتنشط الخلايا المقاومة للأمراض، وفي دراسة أخرى، كان البالغين الأصحاء يشاهدون الفيديوهات الفكاهية المضحكة لمدة ساعة، ممازاد بشكل ملحوظ من نشاط الجهاز المناعي لديهم.

الحل: إضحك أكثر إما بمتابعة برنامج كوميدي مفضّل لديك، أو بتناول الغداء مع صديق يضحكك أو بقراءة النكت والدعابات.

خاريستو ولي

هو باين عليها سنة .. مش حتجيبيها لبر يا ٢٠١١ .. انا عموما قبل ما اقول اي حاجة عن موضوع النهاردة .. احب اقول اني كنت ححط صورة عقد لولي مربوط في بعضه .. عشان لما يفك كل اللولي حيكور ورا بعضه .. حاجة زي الدومينو ايفيكت .. بس بصراحة لسه شايفة تقرير من قناة الفطيرة طبعا جه في وقته .. انا جيت اتغدي قامت بطني قلبت وقعدت ارجع .. ولسه بفتح التليفزيون وبحاول اهدي بطني شوية .. لاقيت ما يثير الغثيان .. دومينو ايفيكت حيبتدي من اليونان - يا قلبي فعلا والله معندهم غير شوية اثار متهدمة وشوية زتون كالاماتا - حتقع وتليها ايطاليا وبعدين فرنسا .. قامت فرنسا من كام يوم قالت انها حتطبق سياسية التقشف .. ايطاليا مش سامعة لها حس .. فيه مظاهرات مناهضة للنظام المالي وبيقولوا انتوا خليتونا مستهلكين بس عشان تزودوا ثراوتكم - وه يعني انتوا معرفتوش اللا النهاردة ؟؟- ما علينا .. اكتر حاجة خليتني ما اقعدش علي بعضي يفط اوكوباي طوكيو .. ومظاهرات في جنوب شرق اسيا عشان جشع الشركات والبنوك .. ده غير تقرير عن اوكوباي شيكاجو في امريكا .. يعني ما شاء الله عندنا الخريف العربي واوروبا وامريكا وجنوب شرق اسيا واستراليا كمان -عشان محدش يوقل لي ده فيه قارة لسه مجالهاش الوبا-عندهم الانهيار الاقتصادي اللي برضة جاي ناحيتنا .. او احنا فيه باين واحنا مش عارفين .. المهم فتحت اليوم الساقع اون لاين لاقيت بيقول ان مصر داخلة علي مجاعة .. قمت قفلت .. كده حلو اوي النهاردة .. مش عايزة اشوف اخبار اكتر من كده .. بس اهم حاجة سمعتها من فترة قليلة ان القذافي بيقول انه له يد في مظاهرات امريكا واوروبا.. فهل يا تري يا هل تري ماذا تخبئ لنا الايام ؟

كلمات ذات مغزي

مش كنت تتكلم شيفنى بسيب ايديك وبضيع نادينى وقولى ليه بتبيع لو غلطه هتعلم(((( ))))

ازاى كده هنرجع هوانا معتش زى زمان وفين يجمعنا تانى مكان الفرقه دى بتوجع(((( ))))



مش كنت تتكلم شيفنى بسيب ايديك وبضيع نادينى وقولى ليه بتبيع لو غلطه هتعلم(((( ))))

ازاى كده هنرجع هوانا معتش زى زمان وفين يجمعنا تانى مكان الفرقه دى بتوجع(((( ))))



لعنيك اسهر ليالي ورا ليالي ولا دنيا حلوة بتحلالي مليت حبيبي انا ليك(((( ))))

يرضيك كده فات كتير وانا مستني مبقتش حاجه تطمنى وهموت علشان الايق(((( ))))



لعنيك اسهر ليالي ورا ليالي ولا دنيا حلوة بتحلالي مليت حبيبي انا ليك(((( ))))

يرضيك كده فات كتير وانا مستني مبقتش حاجه تطمنى وهموت علشان الايق(((( ))))



هو انتا مستكتر اعيش ونا روحي رايحه عليك طب اعمل ايه وقرب ليك ليه بس (((( )))) متأخر

الوقت بيعدى وليل الشوق مطمنيش حبيبي ازاى مترجعليش مرتاح لمين بعدى(((( ))))



لعنيك اسهر ليالي ورا ليالي ولا دنيا حلوة بتحلالي مليت حبيبي انا ليك(((( ))))

يرضيك كده فات كتير وانا مستني مبقتش حاجه تطمنى وهموت علشان الايق(((( ))))

مصر.. الكرنفال - مي عزام - منقول من المصري اليوم

كيف غابت عن مصر روح الثورة بهذه السرعة؟! هل كانت حشود الثورة مجرد انتفاضة ومظاهرة غضب؟ وهل كان التلاحم الشعبى زيفا؟

منذ شهور قليلة كان دم المصرى غالياً، أما الآن فلقد هان، لم يكن أحد يفرق بين دم المسلم والمسيحى، فكلاهما شهيد، ولم نسمع فتوى أو رأياً يشكك فى شهادة المسيحى ولم يسأل أحد: هل سيدخل الجنة أم لا؟

فى الميدان كان الآلاف يهتفون للحرية والتغيير والعدالة الاجتماعية لم تفكر فئة أن ذلك حكر عليها وحق لها، بالأمس القريب حين كنا نتقاسم الخطر كما نتشارك الوطن، كنا مصريين وفقط، أم الآن وبعد أن زالت الغمة ونعمنا بحريتنا نسينا العهود ولم نعد نفكر سوى فى جمع الغنائم؟

لم تعد «مصرالجديدة» هى الهدف، بل نصيب كل جماعة وفئة من المكاسب، وكيفية الحصول على أكبر مساحة من خريطة «مصر الجديدة».

فى الميدان لم يكن أحد يفكر سوى فى العطاء، كان على استعداد للتضحية بروحه من أجل كرامة الوطن والمواطن، أما الآن فلم نعد نفكر سوى فيما سنحصل عليه طواعية أو قسرا دون أدنى تفكير فى خسائر الوطن والمواطن. الجميع يسعى لامتلاك الشارع والسلطة، من قبل كان هذا التفكير حكرا على الحزب الوطنى وقادته الذين سعوا لإقصاء الجميع لينفردوا بالساحة، الآن أصبح ذلك تفكير كل تيار وحزب وجماعة، كل منهم يتمنى أن ينفرد بالسلطة ويحصل على الأغلبية لتكون له اليد العليا فى قيادة البلاد والعباد.

نستيقظ كل يوم على اعتصامات ومظاهرات واحتجاجات، الكل فى يده ميكروفون ولائحة مطالب.. الجميع يعيش هاجس ضياع الفرصة، والخوف من أن يدخل المرحلة المقبلة بيد فارغة وينسى من جديد، لا يختلف الأمر بين العامة والخاصة من النخبة سواء المهنية أو السياسية، الصراخ والصوت العالى أصبح وسيلة للحصول على النصيب الأوفر من كعكة ما بعد الثورة والبديل عن الحوار الهادف لكيفية الخروج من المأزق الاقتصادى الذى نعيشه.

دقق النظر فيما يحدث حولك ستجد أننا تحولنا لمجتمع كرنفالات، سيرك كبير، كل مجموعة وفئة تؤدى فيه استعراضاً، هذا شجيع السيما وذلك مروض الأسود وذاك الرجل الكاوتشوك، والجميع فى انتظار من سيقود فى النهاية عربة الكرنفال ليسير بين الجموع مزهوا والمقود فى يده.

الإعلام فى هذه الفترة يشجع على ذلك، فلقد تحول لإعلام الموالد، قرب.. قرب واتفرج.. شوف الشجيع وهو بيكسر السلاسل الحديد، وعبدالسميع مروض الوحوش اللى بيحول ملك الغابة لقط وديع، وسنهورس اللى بيقلد النجوم والزعماء.. عندنا كل ما تتمناه.. ومش هتقدر تغمض عينيك.

بالفعل لم نعد نغمض عيوننا، ولكن ليس من متعة المتابعة ولكن من القلق والتوتر والخوف على مستقبل البلد. ما حدث أمام ماسبيرو هو عرض مأساوى من عروض الكرنفال، مثل مهرجان سان فيرمين بإسبانيا حين يطلقون الثيران فى الشوارع.. ولعل المتظاهرين قد تصوروا أن النيران المشتعلة وإطلاق الرصاص يمكن أن يزيد من سخونة العرض ولفت الأنظار.

لا أريد أن أسطح مشكلة الأقباط وحقهم فى أن يكونوا شركاء الوطن وليسوا مواطنين من الدرجة الثانية، يخفون الصليب ويحرمون من بناء الكنائس، ولكنى أحاول أن أفهم ما حدث أمام ماسبيرو فى سياق ما يحدث فى مصر كلها، فحين يتحول البلد لكرنفال دائم ومفتوح، كل شوارعه وميداينه مباحة فى كل وقت وأى وقت، وفى ظل غياب القائد والمنظم يتحول الأمر لفوضى تنم عن خلل فى الرؤية وعدم وجود استراتيجية واضحة للمرحلة، ويتساوى المسلم والمسيحى، فالجميع يصبحون ضحايا لمجتمع الكرنفال، وإن لم ننتبه لذلك فسنتحول لفرجة ومسلسل ممل، لن يجد له مشاهدين بعد فترة وسينصرف عنا الجميع، وفى تلك اللحظة لن ينفع الندم.. يا مصريون لا تبيعوا الوطن مقابل الكرنفال.

اقتصادي يا مه

الواحد لسه راجع من برة وبيفتح التليفزيون بيلاقي بلاوي .. اي والله بلاوي .. ده غير الناس اللي بترجع في وشنا باخبار ونيلة .. المهم بعد ما طفحت الغدا قودام التليفزيون .. فتحت ورقة عرض السوبر ماركت اللي جمبي .. حلو اوي الستايل الجديد ده .. ورقة العرض المرة دي جديدة .. اشتري الكمية الفلانية ب ١٠ او ٢٠ .. شاركنا مهرجان ال ١٠ وال ٢٠ .. فكرة ممتازة لزيادة معدل الشرا .. طريقة بصراحة عملت لي دماغ .. في الفلي ماركت - او ماركت البرغوتة اللي ممكن تبيع فيه اي حاجة بالسعر اللي تحدده وينفع الناس تفاصل معاك - بيعملوا نفس الاسلوب ده تقريبا .. بتلاقي حد فارش واي حاجة بسعر معين .. يعني اي حاجة مثلا ب ١٠ او اي حاجة ب ٢،٥ .. مش عارفة ثقافة الفلي ماركت عندنا واللا لأ ..بس اسلوب ممتاز - اشبه بالمقايضة - للتعامل المادي بين البشر خصوصا لو عايز ترشد النفقات .. يعني ممكن انت تكون بتبع حاجة وجمبك حد بيبيع حاجة تانية وحركة بيع وشرا شغالة .. مرة اشتريت قهوة من عند الفلي ماركت كان نفسي فيها بس كانت غالية جدا .. لاقيتها بسعر مناسب وتاريخ الصلاحية لسه قودامه ٧ شهور واللا حاجة والعبوة مقفولة .. بصراحة فكرة ال flea market فكرة ممتازة ويا ريت تتطبق بجد ... تاني حاجة لفتت نظري عن التوفير في حياة المصريين .. انهم بيقروا عنواين الجرايد عند البياع علي الماشي .. يا بيوفروا او زي حالاتي بيقرا العناوين من مواقع الجرايد علي النت .. يعني انا لو اشتريت ٥ او ٦ جرايد في اليوم حقراهم امتي وحلمهم فين وحجيب لهم ميزانية منين دول كمان ؟ .. ففكرة قراية العناوين عند بياع الجرايد فكرة اقتصادية ميه الميه .. تالت اسلوب توفير شوفته النهاردة وكان مسخرة بس فه نسبة الريسك عالية .. الشعبطة .. لاقيت عيال خارجين من المدرسة واستغلوا البطء في سير العربيات .. قاموا اتشعبطوا علي العربيات النص نقل او اللي بتنقل البضاعة .. بصراحة اسلوب مسخرة في توفير فلوس الركوب .. يتشعبطوا حتة ويمشوا التانية .. برضة المصري لما يحب يوفر بيوفر برضة .. بس ساعات بأسلوب كوميدي .. والنبي بلدنا دي عسل

Know your budget ابوك حيسيب البيت يا سلطان - الحلقة التانية

«في حالة قيادة ولاية بها ألف معجلة، احترم موقعك وكن جديرا بالثقة والاعتماد، ااقتصد في استخدام الموارد، أحب الشعب، واستخدم الناس عندما يحين وقت توظيفهم.
كونفوشيوس
المقولة دي بهرتني ولاقيتها النهاردة اونلاين بالصدفة .. الظاهر حد بيقرا افكاري او بيعاني وحب يطبق كلام الصين .. يعني الواحد لو شاف الصين وازاي قامت علي حيلها .. طب بلاش الصين ، ازاي اليابان بعد زلزال مارس اللي فات قامت تاني علي رجليها ومن اول يوم بصراحة قامت علي رجليها من ساعة ما الشعب مسك ايده في ايدين بعض .. وللعلم فيه ديانات كتير في اليابان يعني كفاية اننا نعرف ان اليابان مش بوذيين بس ، فيهم الديانة الشينتو فيها مسلمين ومسيحيين وديانات اخري .. بس كلهم ساعة الكارثة اتحدوا بصفة واحدة انهم يابانيين وبلدهم في كارثة .. نقف مع بلدنا وده المهم .. مش زي حالاتنا .. ما علينا مش حتكلم عشان دماغي بس .. المهم من القواعد الاساسية في ترشيد الاستهلاك معرفة الميزانية الحالية لسيادتك .. وده المرتب بتاعك لو ثابت او عائد عليك من البيزنس .. سواء العائد ثابت او متغير .. لازم تعرف انت بتملك قد ايه في الشهر .. وده الاساس اصلا في البالانس شيت اللي انا ماشية بيها .. انا معايا كام كل ٣٠ يوم مثلا .. ويبقي المبلغ ده اول فلوس تتحط في البالانس شيت بتاعتك .. اذا كان ربنا فاتح عليك يا ريت تشيل كل شهر نسبة من فلوسك في حساب مفتوح في البنك او دفتر توفير .. عملا بمبدأ القرش الابيض ينفع في اليوم الاسود .. او بلاش المثل المكتئب ده ، نخللي فلوس في البنك للطوارئ مثلا او تحوشهم عشان تشتري حاجة نفسك فيها قودام .. المهم تتحط بعيد عن ايدك في البنك ضروري عشان لو في شنطتك او في جيبك حتتصرف حتتصرف .. وده عن تجربة .. طبعا اي ايداع في البنك ممكن ببساطة تسحبه بالكامل وتنزل تفرتكه .. بس حتفرتكه علي حاجة انت فعلا عاوزها .. الكمبيوتر بتاعك فرقع وعاوزله كمبيوتر جديد .. عاوز تجيب حتة كريستال في البيت .. طقم حلل جديد .. طقم ملايات حلو بدل البلويستر اللي بيعمل كهربا في الشعر .. طبق فضة من الغالي ينفع تقدم فيه شوكولاته .. جزمة غالية تعيش وتعمر معاك من ام ٣٠٠ او ٥٠٠ وانت طالع ..فستان لمناسبة او بدلة .. شنطة كمبيوتر جديدة .. مجموعة كتب تحفة عليها تخفيض وكان نفسك تجيبها من زمان .. اي تجديدات في البيت ..المهم الفلوس بتلاقي سكتها مع الواحد في الصرف .. بس علي الاقل بتبقي مستور مش بتطلب حاجة من حد .. المهم سواء ربنا فاتح علي الواحد او الرزق بسيط .. نحاول نوفر قرشين للبنك ويا ريت يتم الايداع في اقرب وقت عشان الفلوس ما تتصرفش في الهوا .. خلاص كده شيلنا جزء في البنك - كل واحد علي قد امكانياته - نبتدي نشوف المبلغ اللي معانا قد ايه عشان نمشي الشهر .. نحط المبلغ علي السفرة ونطلع منه الاساسيات .. حاجة زي الاصول الثابتة كده .. اللي هي باختصار : الايجار - الميه والنور وفلوس الزبالة - فاتورة الغاز و النت والتليفون الارضي .. دي معظم الاساسيات .. انا بعتبر فلوس البنزين والموبايل من الاصول المتغيرة لاني ممكن اتحكم فيهم .. جاري ساب البيت عندنا مع ان مامته هي اللي صاحبة الشقة اللي متجوز فيها .. لقي شقة تانية بايجار بسيط وحيأجر دي بالشئ الفلاني .. لما حماده اللي قاعد علي الحجر عمل تطبيق للنظرية دي .. اللي هي نظرية اقتصادية ميه الميه .. وهو معروف عنه انه مولود وفي بوقه معلقة دهب .. يبقي فعلا انا متأكدة اننا في اتجاه الانهيار الاقتصادي بجد .. طبعا محدش دريان اوي بالمصيبة دي كالعادة وكله بينوح ويعيط علي السياسة بس .. انا مش بتاعت سياسة .. امها علي ابوها .. بلا وجع دماغ .. انا المهم حمشي حالي ازاي لو حصل كاس كيد الانهيار الاقتصادي اللي مفيش منه مفر للاسف .. الاتحاد الاوروبي واقع في مشكلة كبيرة .. واول دولة حتشهر افلاسها هي اليونان تتبعها ايطاليا ثم فرنسا والخيط كله يكوررر ورا بعضة .. دومينو ايفيكت ببساطة .. طبعا عندنا احنا مربوطين بالاقتصاد الدولي بس الحمد لله فيه شركات بسيطة ومصانع منتجة موجودة ومش مرتبطة اوي بتمويلها بالاقتصاد الدولي ، ممكن تكون مرتبطة بالبورصة او بالرهن للبنك مقابل الاصول الثابتة .. يعني ممكن يكون فيه شوية تعثر بسيط بس ممكن تمشي لو استحملت الهزة اللي جايية .. محدش يتخض كلنا حنهز ونرقص للصبح .. طبعا اقتصاد امريكا القائم علي الدين دي حدوتة تانية .. الحمد لله رب العالمين ان معظم المصريين مش قايمة حياتهم علي الدين ولا قايمة علي كروت الكرديت كاردز .. اغلب المصريين يعني .. طبعا معنديش دراسة تحت ايدي بتقول كده بس معظم القطاعات اللي بقابلها في اي حتة شايله كاش .. حتي في كارفور .. قليل لما تلاقي حد بيدفع بالكريديت .. فالكاش احسن بمراحل من الاستدانة ولو حتي انت طالع عينك في تدبير نفقاتك بالكاش القليل بس احسن من الدين .. ممكن حد يقرا الكلام ده ويضحك علي كلامي ويقول علييا بقول اي عبط .. بس ده رأيي .. انا مش بحب الدين ابدا .. هم بالليل ومذلة بالنهار .. فاللي عليه دين يدفعه دلوقتي اذا قدر .. سواء بقي الدن ده كرديت كارد واللا قرض حسن او بفوايد .. هو اصلا فيه لسه قرض حسن ؟؟ .. ما علينا .. الموبايل بقي .. لاحظت ان فيه شركة عاملة خاصية التحكم في الوقت اثناء الكلام .. شوفت اعلانها من كام يوم بالصدفة في التليفزيون .. بصراحة انبهرت واحساسي بان كل المؤشرات بتقول ترشيد الاستهلاك حواليك رسمي .. بس محدش غالبا واخد باله ..طبعا الموبايل بدل الفاتورة حول لكارت .. حتتحكم اكتر في نفسك .. يعني انا غرضي ان انت اللي صاحب القرار مش الطرف التاني .. انا ياما كلموني حولي لخط حولي لخط .. برفض بذوق طبعا .. احسن اني اشحن كارت ب ١٠ او ٢٠ وابعت رسايل واتكلم دقيقة او اتنين للضرورة يعني .. ممكن اكتر لو الظروف حكمت بس بيبقي ظرف طارق .. مش علي طول يعني .. فالموبايل تقدر تتحكم فيه كذلك البنزين .. يعني طالما انت ممكن تمشي حتة وتركب حتة يبقي ليه العربية ؟ .. المشاوير الطويلة او السفر اوكيه خد العربية .. واذا قدرت تسافر بالباص او عربية اجرة ارخص واحسن .. بتسافر خفيف خفيف .. بس اذا حكمت اوكيه العربية .. واي مشاوير انت خارجها الاحسن طبعا بلاش فوق الارض .. امشي حتة علي رجليك لاقرب محطة مترو وانزل اركب تحت الارض احسن .. فوق الارض بقي زبالة من كترة الوقفة والعطلة .. ما تضمنش بقي .. زفة هنا علي خناقة هناك علي عيال صيع طالعين من حفلة علي مظاهرة علي وقفة ارتجاجية من اياهم علي ناس نايمالك في نص الشارع معلنة اعتراضها وبتعطل مصالح التانيين .. المهم يومك ما يبقاش مؤرف من اولها يعني .. طالما ممكن مترو يبقي اوكيه .. وطالما ممكن اصلا تطنش المشوار طالما مش ضروري يبقي افضل ..

ماذا وراء بوابة الموت - مصطفي محمود

وقد يعتب على اللأصدقاء الخلصاء ويقولون لى كيف تترك نفسك لتغيب فى السكر والوصال الصوفى وقد عهدناك صاحيا لدرجة الصراخ .
وأقول لهم : إنما السكر لأصحو وأفيق وأستجمع نفسى وأحتشد لألتحم من جديد بهذا العالم وأصرخ فالواقع الذى نعيشه أمر من أن نصارعه فرادى .. إنما نصارعه بالله .. وبدون الله لا أمل .
وكان نبينا يقول لربه: بك أحيا وبك أموت وبك أصول وبك أجول ولا فخر لى .
وقد حاول جبابرة روسيا لينين وستالين وغيرهما أن ينهضوا بروسيا بدون الله وبدون دين فسقطوا بها وسقطوا معها إلى الهاوية .
ومثل تجلى الله البديع والجميل فى سماواته والذى ذكرناه فى وقفة البحر .. كان تجلى الرحيم والرحمن والناصر والجبار والمنتقم فى غزوة بدر على قلة من المسلمين بلا عدة وبلا عدد فانتصروا على كثرة مسلحين بالعدة والعتاد .
(ولقد نصركم الله ببدر وأنتم أذلة )
... آل عمران : الآية 123
( أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله إلا إن نصر الله قريب )
......البقرة : الآية 214
فتجلى الله عليهم بنصره .
ويأتى النصر فى الحالين على غير المألوف فتنتصر القلة على الكثرة وتنهزم العدة والعتاد أمام الفقر العسكرى والحربى .. حتى تكون حجة الله ملزمة وحتى لا يخرج من المنتصرين من يقول : إن الخطة والتكتيك والكر والفر هو الذى أتى بالنصر .. والله هو الفاعل دائما فى جميع الحالات ولكنه يتخفى بالأسباب .
وما شقت عصا موسى البحر ولا ابتلعت ما يلقى السحرة من أفاع وثعابين ولا فجرت عيون الماء من الصخر .. ولكن الله هو الفاعل من وراء الأسباب وتلك مشيئة وكلمته وإنما أخفى إرادته فى أسبابه .
وإنما يكون التجلى أحيانا باهرا ساحرا وخالبا للألباب ولينقطع الشك ومالسيول والأعاصير والزلازل والبراكين والصواعق إلا جند من جنود ربك : ( وما يعلم جنود ربك إلا هو ).
ولا يقنط المؤمن ولا ييأس ولا يلقى سلاحه مهما تكاثر عليه الأعداء ومهما حاصرته الهموم .. لأنه يرى قدرة الله فى كل شىء .. ويرى البعوضة حاملة الملاريا مجندة ويرى الفيروس حامل الإيدز مجندا .. ويرى الإعصار مجندا .. والرصاصة مجندة .. ويرى مشيئة الله تفعل ولا سواها .
والصمود أمام المحال من صفات المؤمن لأنه يعلم أنه يصارع بيد الله لا بيده .. وهو لا يعرف الجبن ولا الخوف ولا الفرار .
ولهذا اقتضى الإيمان .. الابتلاء .. لأن الكلام سهل ولأن كل واجد يدعى أنه مؤمن وأنه مستحق للجنة .. وقد زعم الجبابرة أمام شعوبهم حتى لحظة موتهم ، أنهم كانوا يحسنون صنعا واعتقدوا أنهم يستحقون التمجيد والإشادة .. فلزم الأبتلاء حتى يصحو كل واحد على حقيقته وحتى يعلم منزلته .. والله فى غير حاجة إلى الأبتلاء فهو يعلم منازلنا منذ الأزل . ولكنا نحن الذين يلزمنا الابتلاء حتى نعرف أنفسنا واليوم استدار الزمان دورة كاملة ونوشك أن نقبل على معركة بدر أخرى ويتكاثر علينا الأعداء من خارجنا ومن أنفسنا ونتراجع حتى يصبح ظهرنا إلى الحائط .. ويجثم علينا مستقبل مظلم .. ونعود أحوج ما نكون إلى الإيمان والصحيح والمعرفة الصحيحة بالله .. فلا سلاح حقيقى إلا هو ولا حصن إلا حصنه .
وتتجمع النذر والبشارات فى الأفق .
فهل نحن مؤمنون حقا ؟
هذا هو السؤال الذى سوف تجيب عنه السنوات العصيبة القادمة .

بسم الله الرحمن الرحيم

وَمِنَ النَّاسِ مَن يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَى مَا فِي قَلْبِهِ وَهُوَ أَلَدُّ الْخِصَامِ

وَإِذَا تَوَلَّى سَعَى فِي الأَرْضِ لِيُفْسِدَ فِيهَا وَيُهْلِكَ الْحَرْثَ وَالنَّسْلَ وَاللَّهُ لاَ يُحِبُّ الْفَسَادَ

وَإِذَا قِيلَ لَهُ اتَّقِ اللَّهَ أَخَذَتْهُ الْعِزَّةُ بِالإِثْمِ فَحَسْبُهُ جَهَنَّمُ وَلَبِئْسَ الْمِهَادُ

وَمِنَ النَّاسِ مَن يَشْرِي نَفْسَهُ ابْتِغَاء مَرْضَاتِ اللَّهِ وَاللَّهُ رَؤُوفٌ بِالْعِبَادِ

يَا أَيُّهَا الَّذِينَ آمَنُواْ ادْخُلُواْ فِي السِّلْمِ كَافَّةً وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ

فَإِن زَلَلْتُمْ مِّن بَعْدِ مَا جَاءَتْكُمُ الْبَيِّنَاتُ فَاعْلَمُواْ أَنَّ اللَّهَ عَزِيزٌ حَكِيمٌ

هَلْ يَنظُرُونَ إِلاَّ أَن يَأْتِيَهُمُ اللَّهُ فِي ظُلَلٍ مِّنَ الْغَمَامِ وَالْمَلائِكَةُ وَقُضِيَ الأَمْرُ وَإِلَى اللَّهِ تُرْجَعُ الأُمُورُ

ابوك حيسيب البيت يا سلطان - الحلقة الاولي

قبل ما اتكلم عن عرض الكتاب الاقتصاد اللي معايا اللي اشبه بالاقتصاد المنزلي .. او كيفية ترشيد الاستهلاك وتقليل النفقات لاننا داخلين علي .. مش ريسيشان للاسف ، لأ .. انهيار اقتصادي .. واللي مش شايف كده او حيقول اني متشائمة يبقي ميعطلش نفسه في قراية السبل اللي طرحها الكتاب واللي ححاول اقرا الكتاب معاكو واذا افتكرت طريقة انا طبقتها او عملتها في حياتي سواء هنا او برة ححاول اطرحها برضة .. الكتاب ده مش حل سحري .. مش عصاية حضرب بيها الارض ححل مشكلة الانهيار او زيادة الاسعار .. الكتاب اسلوب حياة لترشيد الاستهلاك .. ببساطة قبل ما اقول اي حاجة عنه انا اخترت اسم الحلقات من مسرحية العيال كبرت .. طبعا كل واحد فينا سلطان في بيت اهله طالما ان فيه ممول موجود - سواء الاب او الام - واللي ينكر ان اهله بيساعدوه الايام دي عشان يكمل مصاريفه او مصاريف بيته يبقي بيضحك علي نفسه .. فطبعا الاب او الام عماد البيت بدون شك .. فاذا الاب او الام قرروا يسيبوا البيت بيبقي فيه انهيار في بناء العيلة .. انا قررت اشبه الجنيه المصري بالاب واللي بوجوده الواحد بيبقي سلطان .. مفيش حد مش بيحب الفلوس ، كلنا بنحبها وبنكره الفقر بدون شك او ضيق ذات اليد .. فلازم - حتي لو الرزق قليل - نعتبر - حتي ولو قيمة الجنيه قليلة - ان الجنيه ده له قيمة .. زي الاب في العيلة .. لازم نديله قيمة ونحفظ هيبته .. معلوماتي في الاقتصاد والادارة مش وحشة .. درست فيهم شوية بس طبعا مش حفتي .. فيه ناس اقوي مني بمراحل اصلا الواحد يخاف يعدي قودام مكاتبهم في كلية الاقتصاد او التجارة .. ناس علي مستوي عالي جدا من العلم والدراية بالشئون الاقتصادية .. انا هنا حتكلم علي قدي .. من واقع الكتاب اللي معايا ومن واقع تجربتي زي ما قلت .. بس قبل اي شئ .. الواحد لازم يتحلي بالايمان القوي لان ربنا قال كلمتين .. ١- الشيطان يعدكم الفقر .. وده شئ اكيد .. ٢- في السماء رزقكم وما توعدون ٣- وما تدري نفس ماذا تكسب غدا ٤- الله هو الرزاق ذو القوة المتين .. وفيه طبعا ايات واحاديث كتير عن الرزق .. يعني كفاية ان فيه حديث عن سيدنا محمد او مقولة لسيدنا علي مش قادرة افتكر .. المهم مضمونه ان الرزق نوعان .. رزق يسعي اليك ورزق تسعي انت اليه .. فكلنا بالبلدي كده بنجري علي رزقنا .. واللي ربنا بيبعته طالما حلال يبقي اكيد حيبارك فيه .. بس اهم حاجة ترشيد الاستهلاك وان انت اللي تتحكم في صرف القرش مش هو اللي يتحكم فيك .. ببساطة ربنا اختصر عدم زيادة الاستهلاك في كلمة .. ان المبذرين كانوا اخوان الشياطين .. دلوقتي مش عارفة ليه افتكرت اني مرة كنت - من سنين - بقلب في التليفزيون ولاقيت برنامج امريكي باين مش فاكرة بتاع اوبرا واللا مين .. جابوا فيه ستات بتعاني من زيادة الاستهلاك .. وقاموا كلهم طلعوا مقصات وقطعوا الكريديت كاردز بتوعهم قودامنا كلنا .. فانا ححاول هنا اني اطلع مقصي واقص النفقات الشديدة اللي كلنا ممكن نكون واقعين فيها للاسف .. بنشتري حاجات كتير بدون داعي وممكن نستعملها مرة واللا ٢ واركن .. وتلاقي تل الكراكيب في بيتك بقي ما شاء الله طوله طول عيل عنده ١٠ سنين .. متربي في البلكونة او المطبخ او في قوضتك .. طبعا انا الايام دي بفتكر سيدنا محمد كتير علي اصعدة كتير مش اقتصاديا بس .. افتكرته لما بيقول اننا من بعده حنلاقي اختلاف كتير ، فعلينا بكتاب الله وسنته .. وانا مؤمنة بالحديث ده جدا .. فطبعا في الاحداِث والظروف دي علينا كلنا اننا نتمسك بالدين بطريقة عملية تفيدنا في حياتنا .. طبعا احنا في زمن الماسك فيه علي دينه زي اللي قابض علي جمرة نار .. بس احنا بنحاول بكل طاقتنا نبقي كويسين .. يمكن ربنا يعتبرنا من الشهداء نظير اننا عشنا الزمن العجيب اللي احنا فيه ده .. زمن سيطرة رأس المال والامبريالية .. واللي يقول غير كده معلش يبقي مش قادر يدي معني للزمن اللي احنا فيه .. احنا مؤمنين بالله ومتوكلين عليه بس لازم نجتهد .. يعني مثلا ، احسن حاجة نبتدي نعملها واحنا داخلين علي الشتا اننا نساهم في التكافل الاجتماعي .. نجرد دولابنا .. ونطلع الشتوي او الصيفي اللي مش بيتلبس ونطلعه لله .. انا مش مكسوفة اني اقول ان عندي لبس ضاق علييا لما تخنت وان عندي بلوزة بقالها اكتر من ١٠ سنين في الدولاب قاعدالي كده كل ما افتحه الاقيها في وشي خلاص حتنطق وتقول لي والنبي سربيني .. اذا انت فكرت ان فيه حد بيأف أف من البرد وانت نايم ومتدفي ومعاك كوباية الشاي السخن او شوية شوربة وعليهم لامونة وبتدلع نفسك ومش لاقي حاجة تستر جسمه حتقوم تفز وتظبط دولابك وتدي اللي انت مش محتاجة للي محتاج .. يعني بالبلدي اللي مليان يكب علي الفاضي .. حتتخلص من دولابك القديم وفي نفس الوقت تكسب ثواب انك سترت واحد .. فانا من مشجعي التكافل الاجتماعي طبعا .. والاقربون اولي بالمعروف يعني الجار او العيلة .. وبعدين الجمعيات .. يعني حتي في التخلص من الهدوم لازم تدي اولويات .. زي في الشرا من السوبر ماركت لازم برضة اولويات واساسيات .. حنحاول نتحكم في استهلاكنا احنا .. نعمل الجزء اللي علينا .. والتحكم في التسعيرة ومطاردة الاحتكار نخليها للي بيعملوا رقابة عليها يقوموا بشغلهم .. لاني مش حقوم الصبح اجري وماما تسألني بتعملي ايه حقول لها بطارد الاحتكار يعني .. اللي اقدر عليه اني اكون انا صاحبة رأس المال وانا اللي اتحكم في استهلاكي .. وهي دي كانت اول فكرة في الكتاب .. انت صاحب قرارك عشان انت صاحب رأس المال .. لازم يكون عندك الولاء انك حتطبق الاليات المطروحة تباعا عشان تتحكم في معدل استهلاكك ..

طريق الجنة

هل ما رأيته هو الجنة ؟ .. وهل هذة مكانتي عند الله ؟ .. استبشرت كثيرا بتلك الرؤية .. ولكنها كانت مترددة في تأويلها .. قامت من مهدها تجري علي غرفة الصالون .. تناولت كتاب تفسير الاحلام من علي الطاولة .. مسحت عنه التراب وفتحته علي جزء يشرح معني رؤيتها .. وجدت ثلاثة تفسيرات للرؤية .. تناولت التليفون سريعا واتصلت بصديقة والدتها ، بعد ان قصت علي والدتها رؤيتها والتي بسببها استبشرت كثيرا .. فلقد قالت لها امها انها سوف تحج .. ولكن في نفسية الابنة كانت تلك الرؤية لها معني آخر في قلبها .. وهي تثق في قلبها .. فلقد ألقي الله في نفسها ان تلك الرؤية هي شهادتها ومكانتها عنده .. صديقة الوالدة اكدت علي معني الرؤية .. فرصة للحج قريبا ان شاء الله .. قلبت في عدة كتب محاولة ان تقرأ معني حلمها.. فلقد رأت نفسها تطير في السما .. لا تدري هل هي تركب علي ظهر حمامة او طائر كبير .. ام انها تطير بالفعل بجناحين انبتهم الله لها .. اخذت في الصعود في السماء .. مستوي فوق مستوي ..ما ان تركت السما ذات الالوان الزرقاء .. شعرت بألم في كتفيها .. انها فعلا التي تطير وليست علي ظهر طائر .. اخذت تصعد في مستويات مختلفة .. تتحول في تلك السموات الالوان من الازرق الي الرمادي الفاتح الي الرمادي الغامق .. ثم الملكوت المفتوح في الفضاء اللا متناهي .. رأت مجموعة من الملائكة تحمل عرش الرحمن .. ذهلت من هول ما رأت .. وضعت الملائكة اصابعهم علي فمهم باشارة ان يجب ان تصمتي في حضرة الرحمن .. لم تستطع ان ترفع عيناها لتري الله من خشيته وهيبته سبحانه وتعالي .. استمرت في الدوران تحت عرش الله .. في اتجاه عكس عقارب الساعة .. عندما استيقظت وجرت لتحضر كتاب التفسير وفي قلبها ان تلك الرؤية هي شهادتها ومكانتها عند الرحمن .. رأت تفسيرين آخرين .. احدهما مكانة عالية تصل لها في الدنيا ويكرمها الله بالحج في دنيتها تلك .. والأخري تقول انها سوف تنجب تؤامين المتمثلين في صورة جناحيها اللذين تصعد بهما الي السماء العليا .. وهذين التؤامين سوف تتعب في تربيتهما وانشآئهما فردين ممتازين في المجتمع .. ما زالت تتذكر تلك الرؤية .. لم يتم التفسير بولادة تؤامين لها .. ولم تتم الرؤية بزيارة بيت الله .. فهل سوف تتم رؤيتها بالشهادة في سبيل الله والوصول الي مراتب الشهداء العلي ..تطوف حول عرش الرحمن مسبحة بحمده وشاكرة ؟

« دُعَاءٌ لِتَفْرِيجِ الْهَمِّ وَالْغَمِّ بِإِذْنِ اللهِ »

قبل ما ابتدي اتكلم تاني عن كيفية ترشيد الاستهلاك وظبط الميزانية ، حبيت احط الدعاء ده ..
رَوَاهُ الأَصْبَهَانِيُّ مِنْ حَدِيِثِ أَنَسٍ رَضِيَ اللهُ عَنْهُ وَلفْظُهُ ، أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ : يَا عَلِيُّ أَلا أُعَلِّمُكَ دُعَاءً إِذَا أَصَابَكَ غَمٌّ أَوْ هَمٌّ تَدْعُو بِهِ رَبَّكَ فَيسْتَجَابُ لَكَ بِإِذْنِ اللهِ وَيُفَرَّجُ عَنْكَ : تَوَضَّأْ وَصَلِّ رَكْعَتَيْنِ ، وَاحْمَدِ اللهَ وَاَثْنِ عَلَيْهِ وَصَلِّ عَلى نَبِيِّكَ وَاسْتَغْفِرْ لِنَفْسِكَ وَلِلْمُؤْمِنِينَ وَالمُؤْمِنَاتِ ، ثُمَّ قُلْ : « اللَّهُمَّ أَنْتَ تَحْكُمُ بَيْنَ عِبَادِكَ فِيمَا كَانُوا فِيهِ يَخْتَلِفُونَ ، لا إِلهَ إِلَّا اللهُ الْعَلِيُّ الْعَظِيمُ ، لا إِلهَ إِلَّا اللهُ الْحَلِيمُ الْكَرِيم سُبْحَانَ اللهِ رَبِّ السَّمَواتِ السَّبْعِ وَرَبِّ الْعَرْشِ الْعَظِيمِ ، الْحَمْدُ للهِ رَبِّ الْعَالَمينَ ، اللَّهُمَّ كَاشِفَ الْغَمِّ مُفَرِّجَ الْهَمِّ ، مُجِيبَ دَعْوَةِ المُضطَرِّينَ إِذَا دَعَوْكَ ، رَحْمنَ الدُّنْيَا وَالآخِرَةِ وَرَحِيمَهُمَا فَارْحَمْني في حَاجَتي هذِهِ بِقَضَائِهَا وَنَجَاحِهَا رَحْمَةً تُغْنِينِي بِهَا عَنْ رَحْمَةِ مَنْ سِوَاكَ » .

وَعَنْ ابنِ عبَّاسٍ رَضِيَ اللهُ عَنْهُ قَالَ : قَالَ رَسُولُ اللهِ صَلَّى اللهُ عَلَيْهِ وَسَلَّمَ : « جَاءَني جِبْرِيلُ عَلَيْهِ السَّلامُ بِدَعْوَاتٍ ، فَقَالَ : إِذَا نَزَلَ بِكَ أَمْرٌ مِنُ أَمْرِ دُنْيَاكَ فَقَدِّمْهُنَّ ، ثُمَّ سَلْ حَاجَتَكَ ، يَا بَدِيعَ السَّموَاتِ وَالأَرْضِ ، يَاذَا الْجَلالِ وَالإِكْرَامِ ، يَا صَرِيخَ المُسْتَصْرِخِينَ (1) ، يَا غِيَاثَ المُسْتَغِيثِينَ ، يَا كَاشِفَ السُّوءِ ، يَا أَرْحَمَ الرَّاحِمِينَ ، يَا مُجِيبَ دَعْوَةِ المُضْطَرِّينَ ، يَا إِلهَ الْعَالَمِينَ ، بِكَ أُنْزِلُ حَاجَتي ، وَأَنْتَ أَعْلَمُ بِهَا فَاقْضِهَا » .

يحكي ان ..

انا الملك .. لدي اتباع كثيرون .. انا الملك .. ويل لكم .. انا الملك .. ترددت اصداء صوت الوحش بهذة الكلمات الرنانة في جنبات الكهف .. انا الملك ، ليس بعدي ملك .. سوف تركعون لي .. كلكم سوف تتبعوني .. لن يفلت من يدي احد .. ها ها ها ها ها ها .. هل هذه السلاسل اقصي قدراتكم ؟ .. ان سحري سوف يعمي ابصاركم .. سوف اظهر عليكم بأدواتي وامكانياتي .. سوف اعمي ابصاركم .. سوف اسيطر علي عقولكم .. سوف اقضي علي مواردكم .. كل من سيتبعني سوف يأكل ويشرب .. كل من سيقف ضدي سوف يري نارا له .. ها ها ها ها ها ها .. هل هذة الاغلال في رقبتي هي اقصي قدراتكم ؟ .. انكم تركتم لي العنان ..اعبث بمقدراتكم .. كلكم اتبعتوني وتركتم ملك السموات نفسه .. سوف اظهر عليكم وكلكم سوف تركعون لي ..جعلتكم تركعون لي قبل ذلك .. ركعتم لأموالي وركعتكم شهواتكم .. نسيتم ان شهوة الفرج والفم من اسوء الشهوات ولكنكم اتبعتوها .. سيطرتي عليكم بالمال والشهوات اغرقتكم في الاستهلاك .. نقلت لكم الهم والامراض .. اتبعتوني قبل ذلك هكذا .. هل سوف تقدرون علي عدم اتباعي عندما اقول لكم انني الملك عندما لاتجدون مالا .. او مواردا .. او ماء تشربونه ؟؟ .. هل سوف تقاومون ظهوري عليكم ودعوتكم لاتباعي عندما اظهر عليكم بصورتي كاملة ؟ .. لن تستطيعوا اللا اتباعي .. ها ها ها ها ها ها .. اني ارسل عليكم موجات في السموات والارض .. تثير العواصف وتنقل الامراض وتيبس الاخضر وتغرق بالفياضانات اراض اخري وتشقق الارض بالزلازل والبراكين .. لتقتل من تقتل وتروع من تروع .. والباقي سوف يتبعني .. كل واحد منكم يبني في مملكتي بطريقته .. ويمولها بشئ .. الاستهلاك .. الاموال بينكم بالباطل .. اطفال الزنا .. شهوة البطن والفرج .. الابتعاد عن ملك السموات نفسه ..
اسكت ، لعنك الله .. اسكت اسكتك الله بعلمه وحكمته .. الا لعنة الله علي الظالمين ولعنة الله علي من يتبعونك ويتبعون شهواتهم .. لن تخرج من هنا اللا ان يشاء الله .. بسم الله علي نفسي ومالي باسم الله علي ولدي وديني باسم الله علي عقلي وعلمي .. اسكتك الله يا ملعون .. لعنك الله ولعن من يتبعك بعلم او بغير علم .. كان هذا رد شخص بسيط يمر من امام الكهف .. مر حاملا عدة الصيد وبعض من الاسماك يقتات ببعضها ويبيع البعض الاخر ليشتري بثمنه احتياجات بيته البسيط .. لعنك الله في السماء والارض .. كانت اخر كلمات الصياد للوحش قبل ان ينصرف وهو يسمع اصداء صوته تتردد تصم اذنيه ... ها ها ها ها ها ها .. لقد اقترب ظهوري .. عند انتشار الفتن وكثرة الهرج واكلكم الحرام وضياع الامانة من بين ايديكم .. سوف اظهر عليكم .. وكلكم سوف تركعون لي .. ها ها ها ها ها ها .. مضي الصياد نحو منزله وفي قلبه ألم ..كان يردد بمرارة وغصة .. ويل للعرب من شر قد اقترب .. ـ يتبع ـ

lilac

اول مرة اتعرفت علي الزهرة دي كانت من كام اسبوع فاتوا .. مش عارفة موجودة الليلاك في مصر واللا لأ .. بس هي زهرة جميلة .. بس برضة زهرتي المفضلة هي الجاردينيا .. بحبها من زمان من ساعة ما اتعرفت عليها في معرض زهور الاورمان اللي بيتعمل كل سنة ..وهي اتعرفت علييا اكتر في اليابان كانت اكتر زهرة بتنمو علي النهر اللي جب بيتنا وكان اخويا بيقتفلي منها كتير وانا عيانة .. كانت بتسعدني ولسه بتسعدني بجمالها ولونها وريحتها ..بحب الورد اللي ليه ريحها مش بحب الصناعي او الورد اللي لونه حلو من غير ريحة .. ملهاش روح .. زي البني ادم اللي شكله حلو بس وتيجي تدور علي فكر او روح جواه تلاقيه خاوي وفاضي .. تخبط عليه تسمع صدي صوت الدق عليه .. فارغ وخاوي .. بكره انا النوعية دي .. المهم الليلاك دي اتعرفت عليها جديد .. ورقة عرض اولاد رجب وقعت في ايدي .. ٤ صابونات من تركيا بريحة الفواكة والورد ب ٥ جنية .. ماشي اروح اشوف واشوف بقية احتياجاتي بالمرة .. برضة البالانس شيت مصاحباني في عقلي .. بشوف العروض عشان بيبقي فيها تخفيضات .. بس بشوف حاجات مهمة .. ١- انا محتاجة الحاجة دي بجد حستعملها واللا بجيبها استخسار ؟؟ يعني بنفع المحل كأنه بتاع ابويا واللا حستعملها فعلا ٢- يا تري الكمية اللي حجيبها بتخفيض- وعادة مش تخفيض روعة يعني - متناسبة مع الميزانية ومع معدل استهلاكي ؟؟ ٣- يا تري ايه جودة المنتج ده ؟؟؟ ٤- تاريخ انتهاء الصلاحية وده مهم جدا جدا جدا .. بفضل أقلب في المنتج من فوق وتحت لحد ما ألاقي تاريخ الصلاحية .. زي آخر مرة عرض علبة ماكينتوش ب ٨٠ جنيه من ١٢٠ .. طبعا تخفيض حلو بالنسبة لطعم شوكولاتة من لندن روعة وبحبها من ايام الفراعنة تقريبا .. قلت ممكن اجيبها وتقعد معايا سنة .. يعني واحدة كل يوم في الدايت مش حتبوظ الدنيا .. يعني ممكن اكول النهاردة واحدة بطعم الفراولة وبكرة واحدة بطعم البرتقان واطلع وانزل السلم اكون كده حرقت سعراتها . ميزتها انها سعرات قليلة والطعم رائع .. انا مش بهتم دلوقتي بالكمية اكتر من اهتمامي بالطعم انه لازم يكون بيرضي ذوقي ويسعدني .. زمن الكميات المهولة خلاص توفي ..طلقته طلقة بالتلاتة من فترة مش كبيرة عشان مشروع الدايت اللي انا فيه ده .. المهم احلامي بالماكينتوش انها تقعد معايا سنة راحت علي صخرة تاريخ الصلاحية .. العلبة كيلو وتمنها ٨٠ من ١٢٠ بس حتخلص في اقل من شهرين .. قلت ده انا لو حتي فكرت في الانتحار بالشوكولاته مش حنتحر حتي بعلبة حتخلص في شهرين واكيد ابتدي طعمها يبقي مش طازة .. وكمان انا معنديش اطفال عشان يكلوها معايا .. حتي اطفالي اللي هما القطط اللي تحت البلكونة مشيوا .. مش عارفة راحوا فين مع عدد العمال والصنايعية اللي ابتدوا يشتغلوا في المبني القديم اللي بلكونتي بتطل عليه .. باين طفشوا .. القطط اللي حلتي طفشوا يا حوستي يامه .. بكرة يرجعوا علي الشتا وينونوا تحت البلكونة ويطفحوني النيسكافيه في عز البرد عشان انا بتدفي وهما بيأفأفوا من الجوع وادخل اجيب لهم اي حاجة ان شالله رز وملوخية .. انا بلوم عليهم بس حاجة .. انهم عامليم مسابقة في الخلفة يعني قطة تولد التانية تبقي حامل دي تولد التالتة تبقي حامل تاني .. لخبطوني والله .. وبعد ما يولدوا يجيبوا عيالهم اتفرج عليهم وابتدي اوكلهم مع ابوهم وامهم .. مزرعة تحت البلكونة لدرجة ان جاري اللي تحت لما ضاق بيه - مع انهم في حالهم بس باين عليه شراني - حاول يضرب عليهم مرة نار بخرطوش صيد يمام باين واللا ايه .. اتخضيت لما شفت البندقية طالعة من شباكه .. وكل شوية انا عندي فيلا في مش عارف فين .. طب ما تسيب هنا وتروح هنا يا باشا يعني واللا هو كلام منظرة .. انا عادة بتفاداه عشان عارفة لو قال كلمة لبط حرد عليه وانا حالفة اني أحلق لأ ي حد يقول اي كلام في اي حاجة .. عشان دماغي مش اكتر ..المهم جبت عرض الصابون ٢ بالشاي الاخضر و ٢بالليلاك .. كويسين بس من النوع اللي بيدوب علي حرف الحوض ..عايزة اشتري صبانة بدل اللي اتحرقت .. بنسي اشتريها كل شوية يا ريت افتكر لو نزلت السوق تاني .. نزلت جبت زبادي والجرايد ودورت علي بيبسي دايت لتر مش لاقية وسألت هما وقفوا خط الانتاج واللا ايه ؟ لاقيت دايت حجم صغير جبت اتنين تمنهم اكتر من تمن اللتر .. اه من اللؤم اللي انتوا فيه .. مش جايبين اللتر عشان تبيعوا منتج اصغر بسعر اعلي .. وتقولوا لي محدش بيتحكم في السوق ؟؟؟ ده فيه حيتان يا حبايبي والمستهلك اللي هو انا هو اللي بيشيل الليلة في الاخر .. ما علينا .. قضيت يوم الخميس احلي ٦ اكتوبر في الدنيا .. بنحتفل بيه من ايام الفراعنة تقريبا بس اول سنة السنة دي افرح اوي كده واحس اني بحب مصر بجنون .. حتي لما سيبتها وبعدت هي اللي كانت معايا ويتهيألي العيا اللي جالي جزء منه بعدي عنها .. ربنا يخليهالي ومشوفش فيها حاجة وحشة ابدا .. بحبها بجنون .. وفهمت ليه مدرس الفرنساوي كان بيعيط ايام ثانوي ان عقده خلص وخلاص راجع باريس .. قعدت اقول كتك خيبة بتعيط انك راجع فرنسا ؟ .. دلوقتي فهمت اوي .. بقالي اكتر من ١٠ سنين بفهم .. وايام يناير امي قعدت تقول لي سيبي مصر وسافري .. قلت لها مقدرش امشي دلوقتي .. بحبها وبموت فيها بجنون .. ايه يعني رزق بسيط .. بس هنا الاساس .. قطيعة تقطع قرف برة ونيلته وخراه .. احلي ٦ اكتوبر فعلا .. طيارات الحمد لله المرة دي مكسرتش حاجز الصوت زي في يناير .. ألوان في السما .. امي حلفت علييا اني منزلش التحرير قعدت في البيت واتفرجت علي الاحتفالات .. وبعد الضهر روحت ندوة الاسواني .. اللوا الطيار اللي اتكلم ، اتكلم بمنتهي الصدق .. كلام بسيط بس حلو اوي .. واتكلم عن زميله الطيار اللي عشان يدمر الهدف في الطلعة الجوية .. اضطر عشان يظبط احداثيات الطيران واصابة الهدف انه يفضل متحكم في الطيارة لحد اصابة الهدف بدون انه يطلع من الطيارة .. شاف منظر استشهاد زميله عن اختياره الحر في سبيل بلده .. وبعدين قعد يعيط .. انا كنت حالفة اني معيطش بس لاقيت نفسي متخيلة المشهد وصعوبة القرار اللي اتخذه الطيار لنفسه وان نفسه تهون في سبيل مصر .. مسكت نفسي بالعافية .. فيه شهدا وناس ابطال كتير في البلد دي وجنود مجهولة ياما بس محدش عارفهم .. اكيد معظم اهل الجنة من اهل مصر .. كويس اذا دخلت الجنة حلاقي ناس كتير ارغي معاهم .. ختمت اليوم باني عكيت في الحلويات والجمعة كذلك .. يعني يومين حلويات .. دناوة نفس .. مش عارفة حروح لدكتور الدايت يوم الحد بأنهي وش .. احط برقع بقي علي وشي عشان ما يهزقنيش .. مع انه طيب ومش بيتكلم بس بحس اني حمارة اني عكيت .. بس عكيت وانا مبسوطة ومعنديش احساس الذنب يعني .. بس دلوقتي طبعا جعانة جدا .. الحلويات اصلا بتجوعني اكتر .. فمضطرة اكول تونة بدون زيت ومعاها بيضة مسلوقة .. البروتين بيقفل الشهية وبيضيع الجوع .. بس بيض علي تونة بصراحة يعني مش قادرة اوصف .. يعني اللي بيشوف حد تخين في الشارع ويتريق عليه بصراحة بعتبره حيوان .. مش عارف ان ربنا خلقه بجسم مش بيزيد .. ومش عارف قد ايه التخين بيعاني عشان ينزل وزنه .. ناس بقر باين الواحد عايش في وسطهم .. والعجيب انك لو قلت ماشي علي دايت .. تلاقي كذا واحد بيشدك انك تعك .. مع انك لو سكت محدش حيغريك بجاتوه واللا مصاصة .. اه وبمناسبة المصاصة .. مصاصة تاتوه من احلي انواع المصاصات ف الدنيا ..اجدع من تشوبا تشابس .. وبخمسين قرش .. اخيرا فيه حاجة ب ٥٠ قرش في البلد دي ..وانا راجعة - وبالرغم من اني حالفة اني ما افكرش في المرض اللي فات وافتكر بس التحاليل اللي علييا الايام اللي جايية - لاقيت في وشي الراجل اللي بيسحب العينات من العيانين في البيوت .. افتكرت ايام ما كنت بطلبه ييجي وياخود ١٥ جنيه زيادة علي تكاليف التحليل عشان مكونتش بقدر انزل السلم من تسمم الدم والالتهاب الرئوي .. سبحان من رد علييا روحي مرة تانية ... عاوزة اقعد اكمل قراية كتاب عن تخفيض نفقاتك الشخصية وازاي تتحكم في الميزانية بتاعتك .. عشان الايام اللي جايية ربنا يستر علي الاقتصاد .. غالبا عندي سمعوا ان الاقتصاد مش تعبان عندنا في مصر عشان كده جابوا تورتة وايس كريم يوم ٦ اكتوبر .. طالما برة ميزانيتي يبقي اقتصادي منتعش واكلت طبعا منهم .. فعلا العيشة المشتركة بتقلل النفقات .. ده انا ممكن اتجوز عشان المبدأ ده بس .. جواز من اقل تقليل النفقات ..

يا للذكريات

بحاول اذا خرجت الصبح اني لازم علي قد ما اقدر ارجع قبل الساعة واحدة عشان ألحق برنامج الطبيخ بتاع قناة الحياة .. الشيف يسري بيعمل حاجات انا باخود منها قواعد وافكار .. انا بعايب عليه بس كمية السمنة والزيت اللي بيستعملهم عشان كتيرة اوي .. بس انا جربت مرة الاكل بسمنة او زيت كتير بصراحة يجنن .. ماما لو عملت الرز بسمنة بسيب كل حاجة وممكن الغدا يبقي رز بس .. بس عشان الدايت وعشان اني عملت المرارة انا وهي فعايشين يا مسلوق يا ني في ني يا بمعلقة زيت قليل السعرات ... مرة سمعت ان زيت الرز اللي في اولاد رجب اقل زيت في السعرات بس مش عارفة تمنه كام .. المهم معلقة زيت علي حلة مش مشكلة .. مش زي الشيف يسري .. والله كان نفسي مرة اتصل بيه واقول له طيب ازاي انت مش بتتخن مع الاكل الحلو ده كله ؟ بجد والله ممكن يدينا افكار .. ما علينا كلنا حنخس اجباريا مع الانهيار الاقتصادي بعد الدين ما بقي ١٥٠٠ مليار تقريبا والرقم ده في حد ذاته اكتر من خساير الحرب .. انا مش حفتح بقي والله .. انا اصلا خرجت ومعايا ميزانية رفيعة عشان لبس الشتا .. كنت عايزة شراب تقيل بدل اللي اتحرقوا وبرنس جديد عشان ألبسه علييا واقفله علي صدري خصوصا بعد علقة الالتهاب الرئوي .. وعايزة سويت تشيرت واشوف اذا كان ممكن اجيب بلوزة اقضي بيها الشتا ودمتم .. وقال انا واخدة معايا ٣٠٠ جنيه .. باين علييا هبلة .. المهم حتة من هنا علي حتة من هناك جبت الحاجات وقطعت ٢٦٢ جنيه .. كنت فرجة المحل وانا بقيس البرنس .. طيب ما انتوا مش عاملين ستارة ولا بارافان ولا بتاع .. كله سايب البضاعة وبيتفرج علييا .. والراجل بتاع المحل بيقول اللون البمبي عليكي يجنن .. اتهبل ده كمان .. الناس والله اتهبلت .. زغرتله قام اتلم .. اخدت الفزدقي عشان ارخص .. وانا بدفعله قاللي بس والله البمبي احلي .. قلت له البمبي غالي قام عمللي تخفيض ٢ جنيه عملا بمبدأ " كلنا لازم نشيل بعض يا حورية " .. انبسطت اوي بال٢ جنيه اكتر من انبساطي بالبرنس نفسه .. تلاقيه كسبان اكتر من تمنه بكتير ف ٢ جنيه مش مشكلة .. وأهوه يبقي كسب زبون او اعتذرلي بطريقة غير مباشرة ..ما بقيتش بدق خلاص .. بعد وصلة الردح اللي ردحتها للراجل اللي ضايقني في الصف عند فاتورة النت ورغبتي الشديدة اني اقلع الجزمة واديله بيها عشن زودها اوي وبعد كده نيتي السودة اني اشتري اليكتريك .. قررت اني اشتري دماغي من قلة الادب والانفلات الاخلاقي اللي الناس بقم فيه .. طالما بيتلم البني ادم بزغرة او بوصلة ردح يبقي خلاص .. جمب المحل بياع ورد ، قال دستة البلدي الاحمر ب ٣٠ قال .. ٣٠ اه ممكن يا حبيبي لو حشتريه واكله او اعمله مربي .. ده حيدبل قبل ما اوصل البيت ..ماشية بالبالانس شيت في دماغي برضة .. كملت بقية ازازة اتش تو اوه بطعم اليوسفي اللي بقالها سنين في التلاجة .. اه وفرت تمن ازازة ميه بس يا تري ركنتها في التلاجة فترة طويلة انهت تاريخ الصلاحية واللي فيه كام بكترياية عايشين فيها ؟؟ .. بصراحة بعد ما شربتها قرفت من احتمال التلوث مع اني انا اللي بشرب منها بس ركنتها فترة في التلاجة .. مش حعمل تاني كده .. من ضمن اساسيات الاقتصاد اللي بلتزم بيها رعاية الصحة عشان نوفر العلاج بعد الشر طبعا .. المهم عديت علي بتاع الجرايد نسيت اجيب الجرنان وجبت ميكي جيب وكتاب عن الاقتصاد - دراسة عنه وازاي توفر فلوس وبتاع - مع اني حالفة ما اشتريش كتب بس مقدرتش اقاوم وكتاب اخبار اليوم عن لماذا ثار المصريون - قال يعني انا مش عارفة السبب - برضة الناس ماشية تتكلم عن الفلوس .. اللي في السوبر ماركت بيقرا الجرنان بحس عالي عشان اللي داخل يسمع واللي خارج يسمع .. الولد الصغير خارج من المدرسة مع ابوه بيقول له ، يعني ايه ازمة اقتصادية يا بابا ؟ .. يعني مش انا لوحدي اللي عنده هس هس من الاقتصاد وبيحاول يوفر في النفقات .. بعمل بس تجديد للقديم واحلال للي دايب في اللبس .. وجزمة الصيف هي جزمة الشتا .. وحعمل الصبغة لشعري بنفسي واعمل شعري بنفسي .. واهتم بصحتي اكتر عشان ما اخودش علاج كتير الشتوية دي .. وهما جوز شرابات .. ألبس واحد وأغسل التاني .. رجعت بيتنا ولحقت الحمد لله الشيف يسري .. بيحشي فراخ باللحمة .. فكرني بالارهاب والكباب والله .. تقومي يا اختي جايبة ايه الفراخ .. وتحشي الفراخ باللحمة ..اممم اه اومال ايه ...قمت جوعت الصراحة .. جبت بقيت ربع الفرخة اللي بقالي تلات ايام باكول فيه .. لقمة والتانية مع بيضة مسلوقة .. بطني باظت وقمت رجعت .. بكمل الغدا بيبسي .. انا و٣ قطط يتامي بناكول في الربع ده بقالنا ٣ ايام تقريبا .. بس الاكل مش بايظ انا بطني اللي باين عليها تعبانة شوية .. كنت باكول حتت بتنجان مخلل معاهم يمكن هو اللي قلب بطني ؟؟ بس في الفيلم كان عادل امام بياكول بتنجان وبيتفرج علي حشو الفراخ باللحمة .. ياللذكريات .. الفيلم ده انا شوفته من زمان اوي ومش عارفة ليه مش بيجيبوه كتير مع انه روعة .. القط الابيض في اسود اللي تحت البلكونة هو اللي كان موجود من ال٣ قطط النهاردة الصبح بس .. بفتح البلكونة بجيب حاجة من علي الغسيل قعد يبصلي اذا كان فيه فطار واللا لأ .. مكانش عندي اللا الربع ده .. طنشت القط الصراحة ، قعد ينونو نونوة طويلة اوي واخرها كأنه بيعيط .. والله صعب علييا .. قمت قطعت حتة من الربع وشيلت العضم كله ولفيتهم في كلينكس ورميته ليه .. اهوه يفطر والربع بتاعي يبقي الربع الخالي بقي اجي اكله علي طول .. اديني اكلت منه حتة ورجعت .. القط باين كان حاطط عينه فيه .. بابا بيلوم علييا اني بفطر القطط .. بقول له دول اكيد بيدعوا ربنا .. يمكن يدعولي دعوة حلوة علي الصبح ربنا يفرجها .. يمكن بيدعوا ربنا يطعمك ما يحرمك .. قطط مصرية بقي لازم دعوتهم تبقي كده .. مش زي قطط اليابان المساريع المسلوعين المؤرفين امات دم يلطش .. القطة المصرية تحس انها زينا كده ، متبهدلة وهمها العيال وراجلها هاجرها ومبهدلها .. مصرية مصرية .. مش بستغرب لما ألاقي قطط عند محكمة الاسرة ، جمب الرجالة والستات اللي كتير بلاقيهم بيعيطوا .. ما علينا .. القنوات اللي بتجيب الاكل افتكرت اني انا بس اللي بتابع برامجها زي الحياة كده .. ما بقيتش بقول لحد اني بتابع برنامج المطبخ عشان محدش يضحك علييا .. انا باجي افضح نفسي هنا بس .. اتاريني مش انا لوحدي .. صحاب لييا بيفتحوا قنوات الاكل خصوصا فتافيت بعد ما يرجعوا من الشغل .. والله العظيم اجدع من قنوات وتوك شوز عجب خصوصا قناة الفطيرة .. اعلام مدوحس .. جهاز التليفزيون اوسخ اختراع ف ي العالم لو انت اسأت استعماله .. بيستعبدك فعلا .. فانا كام برنامج واذا كان معاهم مسلسل يسندهم وكفاية .. وساعات بطنش خالص واختصر اليوم علي قراية شريط الاخبار وانا عاملة التليفزيون سايلنت .. الشيف يسري خللص خلاص .. وانا شكلي حقوم اكمل غدايا بالبيبسي الدايت واريح شوية .. عشان اقوم اشوف ايه نظام الميزانية الايام دي معايا .. يا انا يا هي

Human Gear

انا كنت ترس في النظام .. كلنا تروس في النظام مش انا بس .. الدنيا حطانا في دايرة وكلنا بنجري فيها .. نلهث اوي ونفضل نجري نجري لحد ما نفسنا ينقطع ونقعد ننهج جمب الحيط ونطلع لساننا لبرة زي الكلب العطشان - اعزكم الله - لمجرد اننا نحقق شذ في الدنيا دي .. وفي وقت ما جرينا علي الدنيا ، نسينا ديننا واهلنا واسرتنا وعلاقاتنا والقراية والعلاقات الانسانية وتقدير الاخرين وعدم المساس باحساسهم وكرامتهم ومحاولة مساعدتهم والرفق بالحيوان واماطة الاذي عن الطريق .. باختصار نسينا نبقي بني آدمين .. يعني ليه ربنا قال " ولقد كرمنا بني آدم " .. يعني عشان افضل اجري في ترس عشان احقق حاجات كلها مادية ؟ واللا العالم اللي حوالينا اجبرنا علي اننا نكون ترس في مكنة اذا وقفت وقفت حياتنا ؟ .. هل السيطرة علي العقول وصلت لدرجة اني مجرد ترس في مكنة ولما آجي استريح لازم اكول الشئ الفولاني وألبس الشئ العللاني واسمع الموسيقي دي مش دي واقرا اكتب دي من دول ؟؟ .. حتي الترس بييجي عليه وقت ويتبري .. طيب لما اتبري ويضطروا يبدلوني بترس تاني اكتر كفاءة وشباب وقابل للاستهلاك جوة المكنة .. انا حيبقي مكاني فين ؟ وحيبقي ايه اللي فاضل معايا ؟ .. يا تري الماديات حتكون ساعتها بتحقق لي السعادة ؟ واللا تنميتي لشخصيتي وكياني واخلاقي ومعاملاتي وعلاقاتي وقراياتي وكتاباتي حيكونوا لييا السكن والراحة ؟

يا سيجارتي ليه كنتي انتي الحل ؟

الحمد لله مش بشرب سجاير .. مش حملها خالص .. ايام القنابل كان وشي بيصفر وبيبيض وبيروح ألوان ..ورجعت للكورتيزون لفترة تاني لدرجة ان وشي نفخ بعد ما كان هدي .. عشان كده عذرت سمية الخشاب انها لجأت للكورتيزون .. دوا سحري بس ليه مضاعفات .. شجاعة انها عشان لقمة العيش ما اهتمتش بانها تظهر مليانة في المسلسل وتاخود كمية التريقة دي كلها من خلق الله .. بجد شجاعة ..ما دفنتش راسها في الرمل زي النعامة وهربت من الواقع ، بالعكس واجهته بكل شجاعة وفي الاخر هي اللي كسبت .. بحب انا اسلوب المواجةه للمشاكل الموجودة ..وخللي اللي يقول يقول ..مهي الناس محلتهاش اللا الكلام وبس .. وبمناسبة الكلام .. انا كنت اخدت عهد علي نفسي ما اتكلمش عن رأيي في اي حاجة لان الناس مستعدة للهجوم عليك قبل ما تقول وتوضح رأيك بالكامل .. وده مش اسلوب للحوار الناجح ..ده اسلوب للحمار الجامح .. المهم ، نزلت اشتري مستلزمات للبيت وكتبت كل اللي عايزاه في ورقة قبل ما انزل كأسلوب للحد من النفقات .. يعني عارفة انا عاوزة ايه ، مش اجيب اللي عايزاه وحاجات من ده علي ده مش محتاجة ليها اوي دلوقتي او ممكن اشتريها وقت تاني يعني لما الامور تتعدل ... نزلت جبت حاجتي وعارفة ان الكاشير حيضرب رقم من اياهم - ما بين ٥٠ ل ١٠٠- وده الرينج العادي لاي حاجات عادية للبيت من السوبر ماركت ..طب والنبي انا اتحكم في الاسعار ازاي ؟ يعني وقفت السينما وشرب القهوة برة وشرا جزمة جديدة وعملت جرد للبس الشتا قبل ما احدد عايزة ايه .. وكنت فاكرة ان البورنس اتحرق بس لاقيته مدفوس جوه في الدولاب - فرحت اوي الصراحة - ،لاقيت كمان مدفوس جمبه بيجاما شتوي شكلي ممكن زلبسها لما الجو يبرد بجد واكون حتي خسيت لها شوية .. يعني باقدر اتحكم في اللبس والرفاهية .. حتي عمرو دياب بسمعه دلوقتي من علي النت .. وبحاول امسك نفسي قودام الكتب .. كل شهر كتاب او ٢ جداد وخلاص .. وساعات بشتري بالعبيط لما بلاقي تخفيضات علي الكتب حتي لو ما قريتهاش عملا بمبدأ اذا لاقيت كتاب حلو اشتريه حتي لو مش حتقريه دلوقتي .. لما بفرز مكتبتي بعد كده بلاقي عندي حاجات حلوة والله وبييجي وقت لقرايتها فعلا .. يعني معظم الفلوس دلوقتي علي الاكل .. ومش اكل برة يعني .. لأ بجيب الخضار وحاجة السلطة وبقية المستلزمات للاكل العادي جدا .. الفلوس بتتبخر بجد .. ماشية بنوتة دلوقتي كاتبة فيها رأس المال والمصروف ..بالانس شيت بحاول ألتزم بيها جدا علي قد ما اقدر .. اتاريني مش انا لوحدي .. الست اللي علي الكاشير التاني لاقيتها بتزعق بنرفزة قلقتني عليها - وهي في اوائل الخمسينات - لا يحصل لها حاجة في المحل من النرفزة .. كانوا بيتخانقوا علي سعر ماجي .. قلت لها يا مدام اهدي كل حاجة غليت ومفيش رقابة للاسف ..المحل مش بيسرق يعني صدقيني الاسعار زادت .. لما خرجنا برة وجت معايا للعطار - بتشتري سماق ..اللا ايه ده يا خويا ده ؟؟-لاقيت الست اصلا لسه متنرفزة وقالت لي مش اول مرة يغالطوني .. وابتدت تتكلم علي التضخم وزيادة الاسعار ..رجعت بالذاكرة لندوة علاء الاسواني وجلال امين الاسوبع اللي فات واللي بعدها قررت اني اطنش الكلام عن الاوضاع عموما في البلد عشان دماغي ما تضربش .. سكت ..بس لاقيت اللي ماشي بيتكلم واللي رايح بيتكلم .. حتي بياع العطارة بيتكلم .. كبت دماغي وروحت اشتريت ايس كريم بوبس بتاع نستله .. صغير وكتير ب ٤ جنيه ..فيه ايس كريم صغير كتير ..اهوه كده له فايدتين .. اولا سعرات قليلة عشان باخود في اليوم واحدة ويبقي اسمي اكلت ايس كريم لزوم الدايت ومن ناحية تانية توفير للنفقات ..رجعت تاني اشتري ربع كيلو بسكوت بالقرفة - ارخص واقل سعرات من بيتي فور بالقرفة ومربة التين او الخوخ مع انه احلي- بقالي كذا يوم عاوزة حاجة بالقرفة .. دوقني الراجل واحدة بسكوت وبيحط ربع كيلو وانا بفكر اني اقول له كفاية البسكوتة اللي اديتهالي وبلاش الربع وعاوزة اضحك علي الافكار دي .. لاقيت الست اللي اتخانقت علي الماجي قعدت في عربيتها وبتولع سيجارة وسرحانة .. اه والله انا عارفة السرحان ده وعارفة تعبير الهم اللي علي الوش ده .. بصيت لي وقالت عشان يتبصطوا بتوع كل جمعة وبتوع الاضرابات .. ربنا حيفرجها مش انتي بس اللي تعبانة .. ومشيت بقي بسرعة عشان احرق احساس النرفزة اللي اتكون جوايا..روحت البيت وانا بفكر ان مش الحل في السيجارة بجد .. الحل مش اني احرق نفسي عشان المشاكل اللي حوالييا .. تاني يوم في اتجاه المستشفي لاقيت يافطة كبيرة بخط احمر .. العمل هو الحل !